Websoft University
February 2020


काठमाण्डौ फागुन ६ गते । रातो तारा डट कम,अन्तराष्ट्रिय क्रिकेट परिषद (आईसीसी) को टी–ट्वान्टी विश्व वरियतामा नेपाल यथावत रहन सफल भएको छ । आईसीसीले सार्वजनिक गरेको नयाँ वरियतामा अनुसार नेपाल यथावत रहदै १२ औं स्थानमा रहेको हो । नयाँ वरियतामा नेपालले २४ खेलमा एक सय ९२ रेटिङ पाएको छ । यसअघि पनि नेपाल टी–ट्वान्टीतर्फ १२ औं स्थानमै रहेको थियो ।

टी–ट्वान्टीतर्फ नेपालको सर्वाधिक उच्च वरियता ११ औं स्थान हो । टी–ट्वान्टीको विश्व वरियतामा पाकिस्तान शीर्ष स्थानमा रहेको छ । अष्ट्रेलिया दोस्रो, इंग्ल्यान्ड तेस्रो, भारत चौंथो र दक्षिण अफ्रिका पाँचौं स्थानमा रहेका छन् । टी–ट्वान्टीको खेलाडी वरियताको ब्याटिङतर्फ नेपालका पारस खड्काको वरियता घटेको छ । नयाँ वरियतामा पारस ६२ औं स्थानमा रहनुभएको छ । 

बलिङतर्फ सन्दीप लामिछानेको वरियता सुधार भएको छ । अघिल्लो पटक ८५ औं स्थानमा रहनुभएका सन्दीप ८४ औं स्थानमा रहनुभएको छ । अलराउण्डतर्फ पारस यथावत २७ औं स्थानमा रहनुभएको छ भने सोमपाल कामी ६६ औं स्थानमा रहनुभएको छ । अलराउण्डरतर्फ करण केसी एक स्थान सुधार गर्दै ७४ औं स्थानमा उक्लिनुभएको छ ।



शिव भट्टराई, मोरङ।रातो तारा डट कम,मोरङको सुन्दरहरैचा नगरपालिका स्थित गोठगाउँमा रहेको पुर्वान्चल विश्वविद्यालय स्कूल अफ हेल्थ साइन्स भवनको सभाहलमा भएको कार्यक्रममा प्रमुख अतिथि स्वास्थ्य तथा जनसंख्या मन्त्री भानुभक्त ढकालले एमविविएस शैक्षिक भवनको शिलान्यास साथै ओपिडी/एमर्जेन्सी भवनको सोमबार समुद्घाटन गरेका छन्।

वेबसाइट अन गर्दै कार्यक्रमको उद्घाटनका क्रममा बोल्दै प्रमुख अतिथि ढकालले पुर्वान्चल विश्वविद्यालयकाे केन्द्रीय कार्यलय अब चाँडै गोठगाउँमा राख्ने जोड दिएका छन्।उनले यस विषयलाई ऐनमा लगेर राष्ट्रिय सभाबाट पास गरिसकेको र प्रतिनिधि सभाको समितिले सर्वसम्मत सुईकार गरेकाले आज हुने संसद्को बैठकबाट प्रतिनिधि सभाले पनि पास गर्ने बताएका छन् भने पूर्वाञ्चल ले पूर्ण भिसी पाएपछि अरूको कार्यलयमा टाउको लुकाएर हेर्नु नपर्ने र अब आफ्नै कार्यालयमा बसेर ढुक्कले काम गर्ने वातावण बनाउने गरी सरकारले ऐनमा व्यवस्था गरेको उनले बताएका थिए।

उपकुलपति प्रा.डा विजुकुमार थपलियाको अध्यक्ष्यतामा भएको कार्यक्रममा रजिस्ट्रार प्रमिला थापाले स्वागत मन्तव्य राखेकी थिइन् भने एमविविएस शैक्षिक कार्यक्रम तथा चिकित्साशास्त्र संकाय अन्तर्गत अवस्था बारे डिन शैलेशमनि पोख्रेलले जानकारी गराएका थिए।उक्त कार्यक्रममा प्राध्यापक साथै कर्मचारी संघका सभापति, अस्पताल निर्देशक, विश्वविद्यालयका सभासद् , सुन्दर हरैचा नगरपालिका का नगरप्रमुख शिव ढकाल , उपप्रमुख धनमाया तामाङ लगायत अन्य विशिष्ठ व्यक्तिहरूको उपस्थिति रहेको थियो।

बिराटनगर । रातो तारा डट कम,बिराटनगर महानगरपालिका -६ शनिमन्दिर नजिक दिनेश राठीको ३ तले पक्की घरको पहिलो तलाको १ वटा सटर कोठामा  बिकाश अग्रवालको ओम अटो पार्टस (मोसाको पार्टसहरू) को  पसल रहेकोमा उक्त पसलको सटर बन्द रहेको अवस्थामा बिधुत सर्ट भई आगोलागी भएको भन्ने खबर प्राप्त हुनासाथ वप्रका (क) बिराटनगरबाट प्रनिको टोली खटी गई प्रहरी स्थानियबासी र दमकलको सहयोगमा उक्त आगो ऐ २३:०० बजे पुर्ण रुपमा नियन्त्रण भएको ।


मोहन कुमार राई - चैनपुर  । रातो तारा डट कम, संखुवासभा, चैनपुर सेकेण्डरी अंग्रेजी बोर्डिङ्ग स्कुल चैनपुरले आफ्नो २८ र्औ वार्षिकोत्सव विविध कार्यक्रमका साथ सम्पन्न गरेको छ  ।

कार्यक्रमका प्रमुख अतिथि जिल्ला अदालत संखुवासभाका प्रमुख– जिल्ला न्यायधिस शान्ती प्रसाद आचार्यले वार्षिकोत्सवको अवसरमा शुभकामना दिनुहुँदै विद्यालय स्तरमा कानुनी शिक्षा आवश्यक रहेकोले कानुनी विषयको समेत ज्ञान दिनुपर्ने वताउनुभयो । समाजमा घटेको घटनाहरुलाई हेर्दा १५– १६ वर्षका किशोर किशोरीहरु घटनामा संलग्न रहेको देखिन्छ त्यसैले माध्यमिक तहबाट नै कानुनी शिक्षा अवश्यक छ ,  समाजमा राम्रो वातावरण सृजनागर्न पनि कानुनी ज्ञानको आवश्यक रहेको प्रमुख आचार्यले वताउनुभयो ।  

कार्यक्रममा प्रिन्सिपल प्रमोद शाक्यले विद्यालयको वार्षिक गतिविधि एवं प्रतिवेदन पेश गर्नुभएको थियो । २०४९ सालमा स्थापित विद्यालयले विभिन्न अरोह अवरोह पार गर्दै संस्थागत विकासमा अघि बढ्दै  यस अवस्था सम्म आइपुग्न सफल रहेको प्रिन्सीपल शाक्यले वताउनुभयो । अव चाडै मल्टीमिडियाको माध्यमबाट पठनपाठन शुरु गर्न लागिएको समेत प्रिन्सिपल शाक्यले वताउनुभयो । विद्यालयको प्रगति, विकासमा सहयोग पु¥यानुहुने महानुभावहरुलाई धन्यवाद दिनुहुँदै विद्यार्थी प्रतिभा प्रफुटन गराउन सहयोग पु¥यानुहुने साजन राईलाई विशेष धन्यवाद समेत प्रिन्सिपल शाक्यले दिनुभयो । 

कार्यक्रममा गत वर्षको एसईई परीक्षामा जिल्लामै उत्कृष्ट जिपिए ल्याउन सफल विद्यार्थी द्वय लक्की लिम्बू र पला श्रेष्ठका अभिभावकहरुलाई विद्यालयले सम्मान गरेको कार्यक्रम सञ्चालक कुमारजंङ्ग तामाङले वताउनुभयो । परिक्षामा लिम्बूले ३.६५ र श्रेष्ठले ३.५५ जिपिए ल्याउन सफल भएका थिए । 

विद्यालय व्यवस्थापन समितका अध्यक्ष दीर्घ कुमार शाक्यको सभापतित्वमा भएको उत्सवमा विद्यालयलाई समेटेर गित  उत्पादन गर्ने राष्टिय कलाकारहरु सम्मानित भएका थिए । रचनाकार मिन कुमार आलेमगर, संङ्गीतकार सुरेन्द्र पुलामी मगर, गायीका कृष्टिना श्रेष्ठलाई सम्मान गरिएको थियो । यसै गरी विद्यालयले आयोजना गरेको सुपर सेप सुट ट्यालेण्ट हण्ट नृत्य प्रतियोगितामा जुनियर र सिनियर तहगत सफल प्रतियोगिहरुलाई समेत पुरस्कार तथा प्रमाणपत्र प्रदान गरिएको थियो । 

यसैगरी कार्यक्रममा सामुहिक नृत्य, नाटक, ड्रिल प्रदर्शन गरी उपस्थित महानुभावहरुलाई भरपुर मनोरञ्जन प्रदान गरिएको थियो  ।


धुलिखेल नगरपालिकाको ५ वटा वडा बालमैत्री घोषणा भएका छन् । आज ३४ औँ स्थापना दिवसका अवसरमा आयोजित कार्यक्रममा प्रधानमन्त्री केपी शर्मा ओलीले नगरपालिकाका ३, ४, ५, ६ र ७ नम्बर वडालाई बालमैत्री घोषणा गर्नुभएको हो । धुलिखेल नगरपालिकाको वडा नम्बर १० यसअघि नै बालमैत्री वडा घोषणा भइसकेको थियो । 



sf7df08f} kmfu'g ^ ut] . /ftf] tf/f 86 sd,kj{tdf :jf:Yo aLdf sfo{qmd ;'? ePsf] 5 . lhNnfsf & j6f kflnsfsf ^! j6} j8f ;d]6\g] u/L cfhaf6 :jf:Yo aLdf sfo{qmd nfu' ePsf] xf] . :jf:Yo aLdf af]8{n] Ps sfo{qmdsf] cfof]hgf u/L aLdf sfo{qmd ;'? ePsf] 3f]if0ff u/]sf] xf] . :jf:Yo aLdf ug]{df g]kfne/df kj{t lhNnf %@ cf}F / u08sL k|b]zdf ;ftf}F lhNnf ePsf] 5 .

lhNnfdf :jf:Yo aLdf sfo{qmd sfof{Gjogsf nflu k|To]s j8fdf Pshgf btf{ ;xof]uL kl/rfng ul/Psf] 5 . btf{ ;xof]uLn] 3/3/} k'u]/ dflg;x?nfO{ aLdfdf cfa4 u/fpg] hgfO{Psf] 5 . :jf:Yo aLdf af]8{sf sfo{sf/L lgb]{zs /d]zs'df/ kf]v/]nn] lhNnf ;dGjo ;ldltsf k|d'v dgf]x/ lj= kf}8]n, pkk|d'v ofds'df/L /fgf, df]bL ufpFkflnsfsf cWoIf k|]d kf}8]nnfO{ aLdf ;b:otf x:tfGt0f u/L kj{tdf :jf:Yo aLdf sfo{qmd z'ef/De ePsf] 3f]if0ff ug'{eof] .

kj{tsf] s'n hg;+Vof Ps nfv $^ xhf/ % ;o () dWo] rfn' jif{ b'O{ ltxfO{ hg;+VofnfO{ ;d]6\g] nIo /fv]sf] :jf:Yo aLdf af]8{ u08sL k|b]zsf k|d'v hLjgfy v/]nn] hfgsf/L lbg'eof] . v/]nsf cg';f/ kl/jf/ ;b:o % hgf x'g] kl/jf/n] jflif{s ?kdf k|lt kl/jf/ tLg xhf/ % ;o ?k}ofF aLdf z'Ns ltg'{kg]{ / % hgf eGbf a9L ;b:o ePdf k|lt yk ;b:osf] & ;o sf b/n] yk /sd ltg'kg]{5 .

aLdfdf cfj4 x'g] nfeu|fxLnfO{ Ps nfv ?k}ofF ;Ddsf] pkrf/ ;]jf pknAw x'g] v/]nn] hfgsf/L lbg'eof] . s}nfnL, afun'ª / O{nfd lhNnfaf6 aLdf sfo{qmdsf] z'ef/De ul/Psf] lyof] . clxn] ;Dd aLdf sfo{qmd %@ lhNnfdf nfu' e};s]sf] 5 . rfn' jif{ && j6} lhNnfdf sfo{qmd la:tf/ ug]{ of]hgf /x]sf] :jf:Yo aLdf af]8{sf sfo{sf/L lgb]{zs /d]zs'df/ kf]v/]nn] hfgsf/L lbg'eof] . 



काठमाण्डौ फागुन ६ गते । रातो तारा डट कम,प्रधानमन्त्री केपी शर्मा ओलीले भूमिगत विद्युत् वितरण प्रणालीलाई तीव्रता दिइने बताउनुभएको छ । नेपाल विद्युत् प्राधिकरणले आयोजना गरेको विद्युृत केवल भूमिगत गर्ने कार्यको काठमाडौँको महाराजगञ्जबाट शुभारम्भ गर्दै प्रधानमन्त्री ओलीले सडकबाट तार हटाउने नयाँ कामको थालनी सरकारले गरेको बताउनुभयो । उहाँले नयाँ प्रविधिको प्रयोगबाट मुलुकलाई अगाडि बढाउन सरकार क्रियाशील रहेको धारणा राख्नुभयो । भूमिगत तार बिस्तारबाट विद्युत् सेवा प्रभावकारी र सुरक्षित हुने विश्वास प्रधानमनत्रीको छ । तार भूमिगत प्रणालीलाई छिटोछरीतो र समयमै सम्पन्न गर्नको लागि पनि प्रधानमन्त्रीले निर्देशन दिनुभयो । कार्यक्रममा उर्जामन्त्री वर्षमान पुनले सरकारले विद्युत् उत्पादन, प्रसारणको कामलाई तीव्रता दिएको धारणा राख्नुभयो । 


विराटनगर, फागुन ५  गते । रातो तारा डट कम,विराटनगर–२ स्थित शंकरपुरमा जारी  विराट एक्स्पोमा कृषिका स्टलहरूमा राखिएका नौला उत्पादनहरूमा उपभोक्ताले रुची देखाएका छन् । 

उद्योठ संगठनले आयोजना गरेको एक्स्पोमा राखिएका एबोकाडो, खरायो, अर्गानिक तरकारी, चियालगायतका कृषि  उपजमा उपभोक्ताको आकर्षण देखिएको छ । खरायो हेर्न र पालन गर्न आउनेहरू धेरै रहेको उदयपुरबाट खरायोको स्टल लिएर आएका हेमन्त भण्डारीले बताउनुभयो । 

विशेषगरी खरायो मासुका लागि पालन गरिने भए पनि नेपालमा खरायोको मासुका फाइदाका विषयमा उपभोक्तालाई ज्ञान नहुँदा खरायोलाई सौन्दर्यका लागि मात्रै पाल्ने चलन रहेको उनले बताए । विगत एक वर्षदेखि व्यवसायिक रुपमा खरायो पालन गर्दै आउनजुभएका भण्डारीले खरायो पालनबाट राम्रो आमदानी गर्न सकिने संभावना रहेको बताए । 
खरायोमा मात्रै हैन चियाका स्टलमा पनि उपभोक्ताको रुचि उत्तिकै छ । विशेषगरी ग्रीन टीका विषयमा उपभोक्ताको धेरै चासो देखिएको विराटनगरका व्यवसायी समिर आचार्यले बताए । आचार्यका अनुसार ग्रीन टीका थुप्रै फाइदा रहेकाले पनि उपभोक्तालाई ग्रीन टीका विषयमा जानकारी दिनु आवश्यक रहेको बताउनु भयो । 

धनकुटाबाट ल्याइएको एबोकाडो किन्न उपभोक्ताले हानाथाप नै गरेको व्यवसायी हर्क राईले बताए । उनले प्रदर्शनीका लागि ल्याएको एबोकाडो बिक्रि भइसकेको छ । एबोकाडोको  माग धेरै भए पनि आफूसँग बिक्रिका लागि थप एवोकाडो नभएको उनले बताए । मोरङको सिंहदेवीका चिया उद्योगी नारायण राईका अनुसार अर्गानिक, चिया र तरकारीको बारे जान्न र बुझ्न आउनेको धेरै भीड रहेको छ । 

एक्स्पोमा कृषिका नयाँ उत्पादन हेर्न मात्रै नभई स्वस्थ्यका लागि उपयोगी ज्ञानसमेत पाइएको उपभोक्ता शम्भु राजवंशीले बताए । यता एक्स्पोमा राखिएका कृषिजन्य उपजका स्टलहरूमा उपभोक्ताको  रुचि देखिएको प्रचार समिति संयोजक नन्दकिशोर राठीले बताए । 

विशेषगरी नयाँ खालका एबोकाडो, किवीलगायतका  कृषि उपजमा उपभोक्ताको रुची देखिएको छ । राठीले हालसम्म ५ करोड बढीको कारोबार भइसकको र दैनिक २० हजार बढीले एक्स्पोको अबलोकन गर्दै आएको बताउनु भयो । 
बालबालिकाका लागि राखिएको मनोरञ्जनका खेलबाट बालबालिकाले मज्जा लिएका छन् । 

जुत्ता र कपडामा बजार भाउभन्दा छुट पाएकाले उभोक्ताको आकर्षण भएको हो । दैनिक कलाकारले साँगीतिक कार्यक्रम गर्दै आएका छन् । मेलाको अर्को आकर्षण हेलिकोप्टरबाट विराटनगर बजारको दृश्यावलोकन गर्ने धेरै रहेका थिए । होराइजन होलिडेले हेलिकोप्टरको व्यवस्थापन गरेको छ।

 उसले मेलाबाट पाथीभरा दर्शनको ५० हजार, हलेसी दर्शनको ४५ हजार र विराटनगर बजार दृश्यावलोनको ७ हजार ५ सय रुपैयाँमा सेवा प्रदान गर्दै आएको बताइएको छ । हेलिकोप्टरबाट सेवा लिनेको भीड रहेको बताइएको छ । 
नोबेल मेडिकल कलेज मुख्य प्रायोजक रहेको मेला फागुन १० गतेसम्म सञ्चालन हुनेछ । 

एक्स्पोमा ज्येष्ठ नागरिकलाई निःशुल्क प्रवेशका साथै सर्वसाधारणलाई ५० रुपैयाँ र विद्यार्थीलाई २५ रुपैया“ प्रवेश शुल्कको व्यवस्था गरिएको छ । ३ सय ४० वटा स्टल एक्स्पोमा रहेको छ । 



 
 
ईटहरी। रातो तारा डट कम, एल एन्ड सि मोडल एजेन्सीको आयोजनामा भएको "सुनसरी लिटिल प्रीन्स एन्ड एन्जल-२०७६" को ग्राण्ड फिनाले भब्य रुपमा सम्पन्न भएको छ । फाईनल कार्यक्रमबाट प्रीन्स तर्फ ईटहरीका स्वर्णिम कार्की बिजेता भए भने एन्जल तर्फ धरानकी निनिमा खवाङ लिम्बुले बिजेताको ताज पहिरिन सफल भईन । यस्तै प्रीन्स तर्फ फर्स्ट रनरअप अतुल गौतम र सेकेन्ड रनरअप प्रनबमान स्थापितभए  
ईटहरी स्थित उधोग बाणिज्य संघको सभाहलमा सम्पन्न भएको कार्यक्रमको एन्जल तर्फ भने फर्स्ट रनरअप सिजासु भन्डारी र सेकेन्ड रनरअप समता विश्वकर्मा भईन । ईटहरी र धरानको अडिसनबाट फाईनलका लागि २६ प्रतिष्पर्धी छानिएका थिए ।

बिजेता प्रीन्स एन्ड एन्जललाई २५ / २५ हजार नगद, ट्रफी, सर्टिफिकेट र अन्य उपहार, फर्स्ट रनरअप प्रीन्स एन्ड एन्जललाई १५ / १५ हजार नगद र अन्य उपहार संगै सेकेण्ड रनरअप प्रीन्स एन्ड एन्जललाई १० / १० हजार नगद र अन्य उपहार प्राप्त गरेका छन् । कार्यक्रममा सव-टाईटल पनि प्रदान गरिएको थियो । एन्जल तर्फ सव-टाईटल मध्ये महत्त्वपूर्ण टाईटल मल्टिमिडिया अवार्ड समता विश्वकर्माले हात पारिन् भने बेस्ट स्माईल मुस्कान तामाङ, बेस्ट फोटोजेनिक प्रसंशा श्रेष्ठ, बेस्ट क्याटवाल्क अन्लिशा संकर, बेस्ट डिसिप्लेनको अवार्ड हिमानी चौधरीले हात पारिन् । यस्तै एन्जल तर्फ नै बेस्ट ट्यालेन्टको अवार्ड मुस्कान तामाङले हात पारिन भने बेस्ट ब्युटिफुल समता विश्वकर्मा, पब्लिक च्वाईस सुभानी चौधरी, मिस हस्पिटालिटी निनिमा खवाङ लिम्बू र बेस्ट फिगरको अवार्ड मुस्कान तामाङले हात पार्न सफल भईन ।

यता प्रीन्स तर्फबाट पब्लिक च्वाईसको अवार्ड अतुल गौतमले हात पारे भने मल्टिमिडिया अवार्ड स्वर्णिम कार्की, बेस्ट स्माईल अनिकेत सिकर्मी, बेस्ट फोटोजेनिक अतुल गौतम, बेस्ट र्याम्प वाल्क प्रनबमान स्थापित, बेस्ट डिसिप्लेन जेनिश कठेत, बेस्ट ट्यालेण्ट प्रनबमान स्थापित, बेस्ट ह्यान्डसम अनिकेत सिकर्मी, बेस्ट हस्पिटालिटी अतुल गौतम र बेस्ट फिजिक्सको अवार्ड स्वर्णिम कार्कीले हात पारे । कार्यक्रममा झनै रौनकता थप्नको लागि सहभागीहरुको आमाबुवाले पनि स्टेजमा र्याम्प गरेका थिए भने प्रतिष्पर्धीहरुको तालिम अबधिमा आमाबुवाले छोराछोरीको हेरचारको आधारमा २ जनालाई 'सुपर मम-ड्याड' को उपाधिले पनि सम्मान गरिएको थियो । जसमा सुपर मम सरस्वति श्रेष्ठ लिम्बु र सुपर ड्याड देबी प्रसाद रिजाल भएका थिए । सहभागीहरुलाई २२ दिन विभिन्न तालिमहरु प्रदान संगै र्याम्प वल्कको बिशेष तालिम दिइएको थियो ।

कार्यक्रमलाई ब्यबस्थापन दिपक गिरीले गरेका थिए भने फेशनको दुनियामा दशक लामो यात्रा पार गरिसकेका अनुभवी व्यक्तित्व निश्चल पालिखे कार्यक्रम संयोजकको रुपमा रहेका थिए । फाईनल कार्यक्रममा ईटहरी, धरान, झुम्का लगायतका झन्डै ५०० उपस्थित रहेका थिए । आयोजक कम्पनीका सिईओ दिपक गिरीको सभापतित्वमा सम्पन्न कार्यक्रममा प्रदेश १ कि उप-सभामुख सरस्वति पोख्रेल प्रमुख अतिथीको रुपमा रहेकी थिइन् । निर्णायकको रुपमा भने बराह ज्वलरीका सिएओ गङा कालिकोटे, मोडल तथा निर्देशक दिनेश कोइराला, प्राज्ञ राम धामी, होटल गजुर प्यालेस धरानकी सिओओ रन्जना झा र प्रमुख निर्णायकको रुपमा मिस लुमिनियर ईन्टरनेसनल वर्ल्ड २०१९ मा मिस ग्ल्यामरको उपाधी हात पारेकी सिम्रन श्रेष्ठ रहेका थिए ।

साझ करिब ६ बजेदेखि सुरु भएको कार्यक्रम १२ बजे समापन भएको थियो । कार्यक्रमको प्रमुख आकर्षणको रुपमा चर्चित बेली डान्सर बिनु साक्य, जादुगर महादेव त्रिपाठी र संसारकै होचो व्यक्तिको रुपमा वर्ल्ड रेकर्डको लागि अन्तिम तयारिमा रहेका मनोज बिक रहेका थिए । त्यसैगरी अफिसियल मेकअप आर्टिस्ट रुबिना श्रेष्ठ, इभेन्ट होस्टकारुपमा सरुपा थापा मगर, अफिसियल कोरियोग्राफर संगीता चौधरी, डिथ्री फोटोग्राफी र डिथ्री अनलाईन अफिसियल मिडिया तथा फोटोग्राफी पार्टनर हो भने ईभेण्टको मिडिया संयोजक सुवास संकल्प रहेका थिए । पब्लिक रिलेशन अफिसरको रुपमा जेरी शर्मा र ईभेण्ट सपोर्टरको रुपमा सुस्मिता श्रेष्ठ, प्रभा अधिकारि, कला, जुनु श्रेष्ठ, सर्मिला दाहाल र निष्मा क्षेत्री रहेका थिए । कार्यक्रममा साईनिङ्ग स्टार डान्स एकेडेमीको बिसेष डान्स र बिबेक नेपालिले गीत ताएर मनोरंजन प्रदान गरेका थिए ।




सिताराम कट्टेल "धुर्मुस" सोमबार पोखरा आएका छन् । उनी चलचित्र "सेन्टी भाइरस"को प्रचारप्रसारको लागि पोखरा आएका हुन् ।

फागुन ९ गतेबाट प्रर्दशनमा आउन लागेको चलचित्र "सेन्टी भाइरस"को मुनाफाबाट ५० प्रतिशत रकम चितवनमा निर्माणाधीन गौतमबुद्ध क्रिकेट रंगशालाको लागि प्राप्त हुने पत्रकार भेटघाट कार्यक्रममा बताएका हुन् । चलचित्र हेरेर रंगशाला निर्माणमा सहयोग गर्न दर्शकसँग उनको आग्रह छ ।



जनस्तरबाट निर्माण भइरहेको नेपालको पहिलो क्रिकेट रंगशाला समेत भएको कारण उनी उत्साहित र गर्व गर्छन् । धुमुसले यो कार्यमा लाग्न कलाकारितामा दर्शकले माया गरेकै कारण सहजता भएको भन्ने भने भुलेका छैनन् । त्यसैले त कलाकारिताबाट पनि योगदान होस् भनेर "सेन्टी भाइरस" चलचित्रलाई रगंशाला निर्माणसँग जोड्दैछन् ।


काठमाण्डौ फागुन ५ गते । रातो तारा डट कम,पूर्वसभामुख कृष्णबहादुर महराले आफूलाई न्याय दिलाउने अदालतलाई धन्यवाद दिनुभएको छ । आज  डिल्ली बजार कारागारबाट रिहाइ हुनेक्रममा महराले अदालतलाई धन्यवाद दिनुभएको हो । कारागारमा रहँदा सहयोग र सद्भाव व्यक्त गर्ने प्रशासन, प्रहरी, कैदी बन्दी र आफूलाई शुभेच्छा प्रकट गर्ने सबैमा महराले धन्यवाद दिनुभएको हो । 

काठमाडौँ जिल्ला अदालतका न्यायाधीश अमरराज पौडेलको इजलाशले महरालाई आजै सफाइ दिएको थियो । महरालाई रिहाइपछि स्वागतका लागि नेकपाका कार्यकर्ताहरू डिल्लीबजार कारागार पुगेका भए पनि उहाँ रातो रङ्गको कारमा चढेर बाहिरिनुभएको थियो । संसदकी एक महिला कर्मचारीमाथि बलात्कार प्रयास गरेको आरोपमा महरा गत असोज १९ गते पक्राउ पर्नुभएको थियो । 

पुस ३ गते महरालाई थुनामा राख्ने जिल्ला अदालतको आदेश उच्च अदालतले सदर गरेको   थियो । पुर्पक्षका लागि थुनामा राख्ने काठमाडौँ जिल्ला अदालतको आदेशविरुद्ध महराले ५ मंसिरमा उच्च अदालत पाटनमा निवेदन दिनुभएको थियो । 


काठमाण्डौ फागुन ५ गते । रातो तारा डट कम,पूर्वसभामुख कृष्णबहादुर महराविरुद्धको मुद्दाको अन्तिम सुनुवाइ सकिएको छ । काठमाडौं जिल्ला अदालतमा हिजो अन्तिम बहस सकिएको छ । अदालतले आज फैसला सुनाउने हिजो जनाएको हो । जिल्ला न्यायाधीश अम्बरराज पौडेलको इजलासमा अन्तिम सुनुवाइ चलेको थियो । महराको पक्षबाट रमण श्रेष्ठ, शेरबहादुर केसी, लभ मैनाली, दिनमणी पोखरेल, भीमार्जुन आचार्यलगायतले बहस गर्नुभएको थियो । सरकारी पक्षबाट उमाकान्त खनाल लगायतका वकिलले बहस गर्नुभएको थियो । संघीय संसद्को सचिवालयमा कार्यरत एकजना महिला कर्मचारीमाथि बलात्कारको प्रयास गरेको आरोपमा महराविरुद्ध जिल्ला अदालत काठमाडौंमा मुद्दा दर्ता भएको थियो ।





काठमाण्डौ फागुन ५ गते । रातो तारा डट कम,भूतपूर्व ब्रिटिस गोर्खा सैनिकले एक महिनाभित्र आफ्ना माग पूरा नभए आमरण अनशन सुरु गर्ने चेतावनी दिएका छन् । बेलायत सरकारले समान व्यवहार नगरेको, सेवाको स्वच्छ मूल्याङ्कन नभएको र मानवीय व्यवहार समेत नगरेको भन्दै लामो समयदेखि संघर्षरत गोर्खा सैनिकले एक महिनाभित्र आफ्ना माग पूरा गर्न चेतावनी दिएका हुन् । 

काठमाण्डौ हिजो पत्रकार सम्मेलन गर्दै भूपू गोर्खा सैनिकले समान पेन्सन सेवा, नेपालमा बेलायत सरहकै निःशुल्क स्वास्थ्य सुविधा, कटौती तथा मारमा परेका सबैलाई चित्तबुझ्दो क्षतिपूर्ती, बयस्क छोरा—छोरीलाई बेलायतमा निसर्त आवासीय भिसा दिनुपर्ने माग गर्दै भूपू गोर्खा सैनिकले आमरण अनसनको चेतावनी दिएका हुन् । 

उनीहरुले एकल महिलाको समान निवृतिभरणको व्यवस्था हुनुपर्ने, भूपू गोर्खा सैनिकको स्वाभिमान, राष्ट्रियता, मानव अधिकार र सम्मानको अनुभूत गर्नेगरी माग पूरा गर्न नेपाल सरकार र बेलायत सरकारलाई माग गरिएको भूतपूर्व ब्रिटिस गोर्खा सत्याग्रह संयुक्त संघर्ष समितिका प्रमुख संयोजक कृष्ण बहादुर राईले जानकारी दिनुभयो । 

भूपू गार्खाले २०२० मार्च १५ सम्मको समयसीमा भित्र दुबै देशले वार्ता समिति गठन गरी वार्ताको सुरुवात गर्ने विश्वास लिएका छन् । उक्त समयसम्म आफ्ना मागका विषयमा गम्भिर नभए आमरण अनसनका साथै मुद्धा लिएर राष्ट्रिय तथा अन्तर्राष्ट्रिय निकालयमा जाने चेतावनी समेत दिएका छन् । 



काठमाण्डौ फागुन ५ गते । रातो तारा डट कम,रौतहटको राष्ट्रिय वनक्षेत्रमा तस्करले मोटरसाईकलबाट सालका गोलिया काठको तस्करी सुरु गरेको पाईएको छ । जिल्लाको चोँचा सब डिभिजन वनक्षेत्र, जंगलसैया वनक्षेत्र,जंगलसैया साझेदारी वन तथा रंगपुर साझेदारी वनक्षेत्रका नजिक गाँउका तस्करहरुले पछिलो समय मोटरसाईकलमा राति सालका गोलिया काठको तस्करी गरिरहेको पाइएको हो । 

चोँचा सब डिविजन वन कार्यालयका अधिकृत साजेश साहको नेतृत्वमा गएको वन सुरक्षाटोलीले सिमरी हुँदै बाराको निजगढ जाने बाटोमा ना ६२ प ३७७३ नम्बरको २२० सिसिको पल्सर मोटरसाईकलमा करीव १० क्युबिफिट दुईवटा सालको गोलिया काठ बरामद गरेको छ । 

गस्तीटोलीलाई देखेर गुडीरहेकै मोटरसाईकल छोडेर तस्कर वन भित्रै भागेको र बरामद काठसहीतको मोटरसाईकल आवशयक कारबाहीका लागि चोँचा सब डिभिजन वन कार्यालयमा लगिएको जिल्ला वन अधिकृत बिनोद कुमार सिंहले जानकारी दिनुभयो ।





विराटनगर, फागनु ४ गते । रातो तारा डट कम,उद्योग संगठन मोरङले ‘आर्थिक विकासको मूल आधार, कृषि, पर्यटन, उद्योग र व्यापार’ भन्ने नाराका साथ विराटनगरमा ‘विराट एक्स्पो’ आयोजना भइरहेको छ ।

विराटनगर–२ स्थित शंकरपुरमा ‘विराट एक्स्पो कृषि तथा औद्योगिक अन्तर्राष्ट्रिय प्रदर्शनीमा आज अवलोकन गर्नेको घुइँचो रहेकोले उधोग सगठन मोरङका अध्यक्ष तथा मेला आयोजक समिति अध्यक्ष भीम घिमिरेले आफै अबलोकन गर्दै गरेको पनि पाइयो । एक्स्पो (मेला) अवलोकन गर्नुका साथै त्यहाँ प्रदर्शनीमा राखिएका सामान बजारभन्दा सस्तो भएपछि किन्नेको अत्यधिक भीड रहेको छ भने फोटो खिच्ने भिड रहेको पाइन्छ । 

मेला अवलोकन गर्न आन्तरिकका साथै भारतको विहारबाट समेत आएका छन् । हजारौंको संख्यामा मेला अवलोकन गरेको प्रचारप्रसार संयोजक नन्दु राठीले बताएका छन । 

मेलामा हात्तीको विशेष आकर्षण रहेको देखियो । हात्तीमा चढेर रमाइलो गर्ने र छेउमा सेल्फी फोटो खिच्नेको घुइँचो रहेको थियो । मेलामा आएका व्यक्तिले विगतकोभन्दा धेरै व्यवस्थित रहेको बताएका थिए । मेलामा कपडाका साथै भान्सामा प्रयोग हुने समान किन्नेको धेरै भीड रहेको थियो । सवारी साधन किन्ने र बुक गर्ने गरेका छन् । 

मेलाको अर्को आकर्षण हेलिकोप्टरबाट विराटनगर बजारको दृश्यावलोकन गर्ने धेरै रहेका थिए । होराइजन होलिडेले हेलिकोप्टरको व्यवस्थापन गरेको छ । उसले मेलाबाट पाथीभरा दर्शनको ५० हजार, हलेसी दर्शनको ४५ हजार र विराटनगर बजार दृश्यावलोनको ७ हजार ५ सय रुपैयाँमा सेवा प्रदान गर्दै आएको बताइएको छ । हेलिकोप्टरबाट सेवा लिनेको भीड रहेको बताइएको छ । 

बालबालिकाका लागि विभिन्न खेल्ने सामग्री तथा फोटो खिच्नका लागि मोटु पात्लु, सेल्फी जोनलगायतको रहेको छ । यस्तै राष्ट्रिय र स्थानीयस्तरका कलाकारको साँगीतिक प्रस्तुति, फेसन शो गर्दै आएका छन् । नोबेल मेडिकल कलेज मुख्य प्रायोजक रहेको मेला फागुन १० गतेसम्म सञ्चालन हुनेछ।

मेलामा दैनिक उपभोग्य वस्तु, कृषिजन्य उत्पादन, लत्ताकपडा तथा मनोरञ्जनका सामग्री, खानाका स्टल प्रदर्शनीका लागि राखिएको छ । एक्स्पोमा ज्येष्ठ नागरिकलाई निःशुल्क प्रवेशका साथै सर्वसाधारणलाई ५० रुपैयाँ र विद्यार्थीलाई २५ रुपैया“ प्रवेश शुल्कको व्यवस्था गरिएको छ । ३ सय ४० वटा स्टल एक्स्पोमा रहेको छ । 


शिव भट्टराई,फागुन ४ गते । रातो तारा डट कम,वैदेशिक रोजगारीमा गएर आउने महिलाको क्षेत्रमा काम गर्ने संस्था ओरेक नेपालले गठन गरेको वैदेशिक रोजगारबाट फर्केका दिदी बहिनीहरुको सञ्जाल आर एम डब्लु की सदस्य अम्बिका कार्की र त्यही सञ्जालको तर्फबाट ३ हजार र नगरपालिकाबाट १० हजार बराबरका तरकारी पसलको लागि आवश्यक सामाग्री हस्तान्तरण गरेको छ।  

आईतबार भएको कार्यक्रममा बोल्दै उपप्रमुख धनमाया तामाङले वैदेशिक रोजगारीमा गएर फर्किएका तर आर्थिक अवस्था कमजोर भएको व्यक्तिको खोजी गरी व्यवसायमा लाग्न सहयोग गर्न र निशुल्क पाएको भनेर पाइएको सामानको बेवास्ता नगरी सदुपयोग गर्नु पर्ने बताइन्।  

त्यसैगरी ओरेक नेपालकी सुशीला सुवेदीले व्यवसाय गर्न सहज होस् भनेर संस्थाले ३ हजार रुपैयाँकाे तरकारी किनेर व्यवसायको लागि दिईएको र नगरपालिकाले १० हजार रुपैयाँ बराबरको डिजिटल तराजु, क्रेट लगायतका अन्य सामाग्री सहयोग गरेको बताएकी थिइन्।

सहयोग पाएकी अम्बिका कार्कीले आफू कुबेतमा २ वर्ष बसेर आए पनि कमाएको सबै सम्पत्ति सकिए पछि दुःख पाएको बेला पाएको सहयोगको पूर्ण सदुपयोग गर्ने र वैदेशिक रोजगारीमा पाएको दुःख लाई व्यवसायी बनेर बिर्सिने प्रयास गरेको बताएकी थिइन्।  सो कार्यक्रममा आरेक नेपालकी सुशीला सुवेदी, सुन्दर हरैचा नगरपालिकाकी उपप्रमुख धनमाया तामाङ, प्रमुख प्रशासकीय अधिकृत गणेश प्रसाद दाहाल, वडा नम्बर १० को अध्यक्ष्य राजेन्द्र वहादुर थापा,
कृषि शाखाका कर्मचारी  समेतको उपस्थिति रहेको थियोे ।


काठमाण्डौ फागुन ४ गते । रातो तारा डट कम,नेपाल प्रहरीको केन्द्रीय अनुसन्धान ब्यूरो (सीआईबी) मा ललिता निवासको जग्गा प्रकरणका एक सय ७२ विरुद्ध ठगी मुद्दा दर्ता भएको छ । आज सीआईबीले गृहमन्त्रालयको जाहेरी अनुसार औपचारिक रुपमा मुद्दा दर्ता गरेकोहो । यससँगै सीआईबीलाई आरोपित बनाइएलाई पक्राउ गरेर थप अनुसन्धान अगाडि बढाउने बाटो खुलेको छ । 

केहीदिन अघि उक्त प्रकरणका आरोपित विरुद्ध गृह मन्त्रालय अन्तरगतको समरजंग कम्पनीले जग्गा हडप्ने र व्यक्तिका नाममा लालपूर्जा बनाउन भूमिका खेल्ने पूर्व उपप्रधामन्त्री विजयकुमार गच्छदारसहित चार पूर्वमन्त्री, तीन पूर्वसचिवसहित एक सय ७२ जनामाथि मुलुकी ऐन, २०२० र मुलुकी अपराध (संहिता) ऐन, २०७४ अनुसार ठगी र किर्तेको अभियोगमा किटानी जाहेरी दिएको थियो । 

ललिता निवासको जग्गा सूवर्णशम्सेर तथा उहाँका आफन्ताबाट २०२१ सालमा सरकारले मुआब्जा दिएर गृह मन्त्रालयको सरकारी कार्यालय समरजंग कम्पनीको रेखदेख र स्वामित्वमा रहने गरी कायम गरेको थियो । जग्गा हत्याउन २०४९ सालमा ४८ जना, २०६१ मा २१ जना, २०६६ मा ६६ जना र २०६९ मा ३७ गरी एक सय ७२ जनाले किर्ते र ठगी गरेको भन्दै सीआईबीले आरोपितमाथि मुद्दा चलाउनुपर्ने राय गृहलाई दिएको थियो ।

जाहेरीअनुसार आरोपित अदालतबाट दोषी ठहरिए १० वर्षसम्म कैद, हिनामिना भएको सम्पत्ति जफत, त्यहीबमोजिम बिगो खुले बिगो बराबर जरिवाना हुन सक्छ । 


काठमाण्डौ । रातो तारा डट कम,फिफा विश्वकप छनोट तथा एसियन कप छनोट अन्तर्गत अष्ट्रेलियासँगको खेलका लागि नेपालले प्रारम्भिक फुटबल टोलीको घोषणा गरेको छ । अखिल नेपाल फुटबल संघ (एन्फा) ले ३१ सदस्यीय प्रारम्भिक टोलीको घोषणा गरेको हो । नेपालले मार्च ३१ मा अष्ट्रेलियासँग घरेलु खेल खेल्नेछ । खेल दशरथ रंगशालामा हुनेछ । नियमित कप्तान तथा गोलकिपर किरण चेम्जोङ, फरवार्ड विमल घर्ति मगर र रोहित चन्द प्रारम्भिक टोलीमा परेका छैनन् । यस्तै नियमित रहदै आएका दिनेश राजवंशी, अभिषेक रिजाल र सन्तोष तामाङ पनि प्रारम्भिक टोलीमा परेका छैनन् । प्रतिबन्धपछि अन्जन बिष्टले पुनरागमन गर्नुभएको छ भने दर्शन गुरुङ पहिलो पटक टिमको प्रारम्भिक टोलीमा पर्नुभएको छ ।


काठमाण्डौ फागुन ४ गते । रातो तारा डट कम,चीनमा रहेका नेपाली ल्याउन नेपाल वायुसेवा निगमको वाइडबडी जहाज त्रिभुवन अन्तराष्ट्रिय विमानस्थलबाट चीनतर्फ उडेको छ । हिजो उडेको विमान आज बिआन त्रिभुवन विमानस्थलमा अवतरण गर्ने जनाइको छ । हिजो क्वारेन्टाइनमा कसरी राख्ने भन्ने बारेमा व्यावहारिक अभ्यास गरिएको थियो । भक्तपुर खरीपाटीस्थित तालिम केन्द्रमा तयार पारिएका चार वटा ब्लकमा पुरुष र महिलालाई छुट्टाछुट्टै राखिनेछ । वुहानबाट आउन तयार रहेका १८५ नेपालीमध्ये ४४ महिला छन् । त्यहाँ खटिने स्वास्थ्यकर्मीको टोलीलाई एउटा ब्लक छुट्याइएको छ भने नेपालीलाई लिन जाने विमानका चालक दलका सदस्यलाई नगरकोटको खानेपानी कार्यालयमा राखिने तयारी छ । 


काठमाण्डौ फागुन ४ गते । रातो तारा डट कम,गृहमन्त्री रामबहादुर थापाले काम नगर्ने र विकास निर्माणको कामलाई अलपत्र अवस्थामा छाड्ने ठेकेदारलाई सरकारले अन्तिम मौका दिन लागेको बताउनुभएको छ । मकवानपुरको फापरबारीमा आजदेखि सुरु भएको वागमती गोल्डकप फुटबल प्रतियोगिताको उद्घाटन गर्दै गृहमन्त्री थापाले काम नगर्ने ठेकेदारका कारण धेरै विकास निर्माण काम अवरुद्ध भएको बताउनुभयो । उहाँले अन्तिम मौका दिँदा समेत काम नगर्ने ठेकेदारलाई सरकारले कारबाही गर्ने चेतावनी दिनुभयो । ‘काम नगर्ने र र विकास निर्माणको कामलाई अलपत्र अवस्थामा छाड्ने ठेकेदारलाई अन्तिम मौका दिने विषयमा प्रधानमन्त्रीसँग छलफल भइसकेको छ । अब अन्तिम मौका दिइनेछ । सो अवधिमा पनि काम नभए सरकारले कारबाही गर्नेछ, गृहमन्त्री थापाले भन्नुभयो । 


शिव भट्टराई,मोरङ । रातो तारा डट कम,सुन्दरहरैचा नगरपालिकाको वार्ड नं ७ गोठगाउँमा रहेको श्री शिव पाञ्चायन मन्दिरमा फागुन ५ गते देखि श्रीमद्भागवत सप्ताह महापुराणको आयोजना हुने भएको छ। पुराण आयोजक मुल समारोह समितिका अध्यक्ष भक्तिप्रसाद सिटौला का अनुसार मन्दिरका लागि थप जग्गा खरिद,जेष्ठ नागरिक चौतारी निर्माण, विवाह मण्डप निर्माण तथा मन्दिरको भौतिक संरचना निर्माण र मर्मत सम्भारका लागि पुराण आयोजना गरिएको हो।

पुराण आयोजना स्थलमा आयोजकले शनिबार पत्रकार सम्मेलन गरी आयोजक समितिका महासचिव नागेश पोख्रेलले पुराणमा १ करोड ५० लाख संकलन हुने अनुमान गरिएको र ५ गते कलश यात्रा गरी शुरू हुने महापुराण फाल्गुन १२ गते समापन हुने बताएका छन्।

आयोजक समितिका सदस्य चिरञ्जीवी शिवाकोटीका अनुसार प्रवीण दीनबन्धु पोखरेलको प्रमुख वाचनमा सम्पन्न हुने महापुराणको प्रदेशका आन्तरिक मामिला तथा कानुन मन्त्री हिक्मत कुमार कार्कीले उद्घाटन गर्ने भएका छन्। हरेक दिन बिहान ९ बजे र साझँ ५ बजे आरती , प्रत्यक दिन बिहान ८ बजे देखि ९ बजे सम्म मण्डप पुजा र बिहान १० बजे देखि साँझ ५ बजे सम्म कथा वाचन हुने मन्दिर व्यवस्थापन समितीका अध्यक्ष पोष्ट कुमार श्रेष्ठले जानकारी दिए।

त्यस्तै देश विदेशमा रहेका धर्म प्रेमी भक्तजनले महापुराण आयोजक समितिका संयोजक भक्ति प्रसाद सिटौला, महासचिव नगेश पोख्रेल र कोषाध्यक्ष दुर्गादेवी निरौलाको नाममा मितेरी बैंकमा रहेको खाता नम्बर ०१६११६००९४९३१३०००००१ मा रकम जम्मा गर्न सकिने आर्थिक संयोजक खड्ग श्रेष्ठले जानकारी दिए।


विराटनगर, फागनु ३ गते । रातो तारा डट कम,उद्योग संगठन मोरङले ‘आर्थिक विकासको मूल आधार, कृषि, पर्यटन, उद्योग र व्यापार’ भन्ने नाराका साथ विराटनगरमा ‘विराट एक्स्पो’ आयोजना भइरहेको छ ।

विराटनगर–२ स्थित शंकरपुरमा ‘विराट एक्स्पो कृषि तथा औद्योगिक अन्तर्राष्ट्रिय प्रदर्शनी’ को दोस्रो दिन शनिबार अवलोकन गर्नेको घुइँचो रहेको थियो । एक्स्पो (मेला) अवलोकन गर्नुका साथै त्यहाँ प्रदर्शनीमा राखिएका सामान बजारभन्दा सस्तो भएपछि किन्नेको अत्यधिक भीड रहेको थियो । 

मेला अवलोकन गर्न आन्तरिकका साथै भारतको विहारबाट समेत आएका छन् । दुई दिनमा करिब ४० हजारभन्दा बढीले मेला अवलोकन गरेको प्रचारप्रसार संयोजक नन्दु राठीले बताए । उनले भने, ‘दुई दिनमा हामीले अपेक्षा गरेको भन्दा बढीले मेला अवलोकन गर्न आए ।’ यही गतिले मेला अघि जाने हो भने हामीले सोचेको र भनेको अवलोकनकर्ता संख्या धेरै हुने देखिन्छ, राठीले थपे । दुई दिनमा ४० हजार बढीले अवलोकन गर्नुका साथै ४ करोड बढीको कारोबार भएको छ । 
शनिबार मेलामा हात्तीको विशेष आकर्षण रहेको थियो । हात्तीमा चढेर रमाइलो गर्ने र छेउमा सेल्फी फोटो खिच्नेको घुइँचो रहेको थियो । मेलामा आएका व्यक्तिले विगतकोभन्दा धेरै व्यवस्थित रहेको बताएका थिए । मेलामा कपडाका साथै भान्सामा प्रयोग हुने समान किन्नेको धेरै भीड रहेको थियो । सवारी साधन किन्ने र बुक गर्ने गरेका छन् । 

मेलाको अर्को आकर्षण हेलिकोप्टरबाट विराटनगर बजारको दृश्यावलोकन गर्ने धेरै रहेका थिए । होराइजन होलिडेले हेलिकोप्टरको व्यवस्थापन गरेको छ । उसले मेलाबाट पाथीभरा दर्शनको ५० हजार, हलेसी दर्शनको ४५ हजार र विराटनगर बजार दृश्यावलोनको ७ हजार ५ सय रुपैयाँमा सेवा प्रदान गर्दै आएको बताइएको छ । हेलिकोप्टरबाट सेवा लिनेको भीड रहेको बताइएको छ । 

बालबालिकाका लागि विभिन्न खेल्ने सामग्री तथा फोटो खिच्नका लागि मोटु पात्लु, सेल्फी जोनलगायतको रहेको छ । यस्तै राष्ट्रिय र स्थानीयस्तरका कलाकारको साँगीतिक प्रस्तुति, फेसन शो गर्दै आएका छन् । नोबेल मेडिकल कलेज मुख्य प्रायोजक रहेको मेला फागुन १० गतेसम्म सञ्चालन हुनेछ।

मेलामा दैनिक उपभोग्य वस्तु, कृषिजन्य उत्पादन, लत्ताकपडा तथा मनोरञ्जनका सामग्री, खानाका स्टल प्रदर्शनीका लागि राखिएको छ । एक्स्पोमा ज्येष्ठ नागरिकलाई निःशुल्क प्रवेशका साथै सर्वसाधारणलाई ५० रुपैयाँ र विद्यार्थीलाई २५ रुपैया“ प्रवेश शुल्कको व्यवस्था गरिएको छ । ३ सय ४० वटा स्टल एक्स्पोमा रहेको छ । 



विराटनगर । रातो तारा डट कम, गुटको राजनीति छाडेर संगठन सुदृढीकरणमा लाग्न नेपाली कांग्रेसका नेताहरुलाई विभिन्न क्षेत्रका विज्ञहरूले सुझाव दिएका छन् । नेपाली कांग्रेस मोरङले आज विराटनगरमा आयोजना गरेको दीर्घकालिन रणनीति निर्माण सम्बन्धी अन्तक्र्रियात्मक कार्यशाला गोष्ठीमा सहभागिहरूले गुटको राजनीति त्याग्न नेताहरूलाई सुझाव दिएका हुन् ।

कार्यक्रममा प्राध्यापक बलराम पौडेलले कांग्रेसमा नेतैपिच्छे गुट खडा गरेर कार्यकर्ता भागवण्डा गर्ने प्रबृत्तीले पार्टी कमजोर हुँदै गएको बताए । परम्परागत र कर्मकाण्डी प्रबृत्तीले पार्टी चलाएर नहुने भन्दै दीर्घकालिन योजनाकासाथ अघिबढ्न उनको सुझाव छ ।

कार्यक्रममा साहित्यकार दधिराज सुवेदी, प्राध्यापक शैलेन्द्र शिवाकोटीलगायतले पार्टीभित्रै पनि एउटा नेतालाई अर्को नेताले चुनाव जित्ला भन्ने डर हुनु दुखद भएको बताए । कांग्रेसमा पद लिन लुछाचुडी गर्ने तर, पद पाएपछि जिम्मेवारी बहन नगर्ने प्रबृत्तीको अन्त्य गर्न पनि सहभागिहरूले सुझाव दिएका छन् । विभिन्न क्षेत्रका सुभेच्छुकहरूले दिएको सुझावका आधारमा भावि नीति तय गरेर अघि बढ्न कार्यक्रम आयोजना गरिएको नेपाली कांग्र्रेस मोरङका सचिव नागेश कोइरालाले बताए ।

कार्यक्रममा नेपाली कांग्रेसका केन्द्रीय सदस्य अमृत अर्याल, नेपाली कांग्रेस मोरङका सभापति डिकबहादुर लिम्बुलगायत प्राध्यापक, कर्मचारी तथा विभिन्न क्षेत्रका विज्ञसहित ३० जना सहभागी थिए । केन्द्रीय सदस्य अर्यालले कांग्रेसका नेताहरुलाई फसाउन सरकार योजनागत रुपमा लागेको र यसको साथ अख्तियारले दिएको बताए । अर्यालले भने‘‘कांग्रेसले स्थापित गराएका लोकतान्त्रिक मान्यतालाई नेकपाले ध्वस्त बनाउदै लगेको छ ।’’


विराटनगर, फागुन ३ गते । रातो तारा डट कम, २५ औं वर्षमा पुगेको अवसरपारेर विराटनगरस्थित ग्रेडेड बोर्डिङ्ग स्कूले विविद्य कार्यक्रम गरि रजत महोत्सव विविद्य कार्यक्रम गरि मनाएको छ । विराटनगरस्थित वीरेन्द्र सभा गृहमा भव्य कार्यक्रम गरि स्कूलले शनिबार रजत महोत्सव मनाएको हो ।

कार्यक्रम प्रमुख अतिथि तथा बिराटनगर महानगरपालिकाका मेयर भीम पराजुलीले आफू बिराटनगरको मेयर को पद समाले देखि नै महानगर भित्रको शिक्षा सुधारमा आफू लागि परेको भनु हुुुुदै,आशा गरेको जति एकैपटक  नभए पनि क्रमिक आफुले सुधार गर्ने बताउनु भयो।

अब निजी क्षेत्रले परम्परागत शिक्षा भन्दा व्यवसायिक शिक्षा मा जोडन अनुरोध गर्नु भयो । ग्रेडेड बोर्डिङ्ग स्कुल परिवारलाई धन्यवाद दिनु भयो।

कार्यक्रममा बोल्दै शिक्षा इकाइ मोरङका प्रमुख दिर्घधोज चपगाईले गुणस्तरीय शिक्षा प्रदान गरि अभिभावकको मन जित्नुपर्ने बताए । निजी विद्यालयहरूले अहिले अनिवार्य १० प्रतिशत छात्रवृतिमा विद्यार्थीहरू अध्यापन गराउनुपर्ने नियामवली बनेकोले जानकारी दिदै उनले यसको पूर्ण रूपमा पालना गरि अगाडी बढनुपर्ने उनले बताए । 

कार्यक्रममा बोल्दै प्याब्सनका केन्द्रीय सचिब राजेशकुमार दास, वरिष्ठ अध्यक्ष टिकाराम ढकाल, प्याब्सन मोरङका अध्यक्ष अर्जुन बस्नेत, उपाध्यक्ष सीतला सुब्बालगायतले प्रविधिको प्रयोग गरि विद्यार्थीहरूलाई गुणस्तरीय शिक्षा प्रदान गरिनुपर्नेमा जोड दिए । उनीहरूले शिपसहितको जीवन उपमुखी शिक्षा प्रदान गरिनुपर्ने बताए ।

कार्यक्रममा कक्षा ६ देखि १० सम्म अध्ययरत विद्यार्थीहरूले विज्ञान प्रर्दशनीमा विभिन्न सामाग्रीहरू पनि राखेका थिए । उनीहरूले एक दर्जन स्टल प्रर्दशनीमा राखेको स्कूलका प्रिन्सिपल प्रेमलालसिंह सुवालले जानकारी दिए । यस्तै र्नसरीदेखि दश कक्षासम्म अध्ययरत विद्यार्थीहरूले नृत्य, गायन, साँस्कृतिक झल्किने फेशन शो देखाएर सहभागिहरूलाई भरपुर मनोरञ्जन प्रदान गरेका थिए ।


मोरङ । रातो तारा डट कम,मोरङको सुन्दर हरैचा नगरपालिका ८ स्थित पूर्व पश्चिम राजमार्ग अन्तर्गत पश्चिमबाट पूर्वतर्फ आउँदै गरेको को २७ प १७ नं को र को ३४ प ६६०२ नं को मटर साइकल ओभरटेक गर्ने क्रममा एक आपसमा ठक्कर खाँदा दुवै मोटर साइकलमा सवार ४ जना मध्य २ जनाको घटनस्थलमै मृत्यु भएको छ भने २ जना गम्भीर घाइते भई घाईतेलाई सलकपुर बाट खटिएका विदुर भट्टराईको ७ जनाको टोलीले उपचारको लागि गोल्डेन अस्पताल बिरटनगर पठाइएको छ।


दुर्घटनामा परी मोटरसाइकल मा सवार संख्वासभा चैनपुर न पा २ बस्ने २१ वर्षीय लक्ष्मण खत्री र सुन्दर हरैचा ८ बस्ने २० वर्षीय प्रवीण थापा गम्भीर घाइते भएका छन् भने सुन्दर हरैचा ८ बस्ने २७ वर्षका विशाल खत्री साथै सुन्दर हरैचा १२ बस्ने २५ वर्षीय अर्पण गुरागाईँको  घटनास्थलमा नै मृत्यु भएको छ भने सो मोटरसाइकल प्रहरी चौकी विराटचोकको नियन्त्रणमा रहेको जानकारी भएको छ।


मोरङ फागुन ३ गते । रातो तारा डट कम,दु:खद खवर- राति करिब १२ बजे मोरङको सुन्दर हरैचा न पा ८ मा पर्ने महेन्द्र राजमार्गमा पुर्वबा पश्चिम आउने मोटरसाइकल ओभरटेक गर्न खोक्दा एक आपसमा ठोकिन गई दुर्घटना हुदा दुइ जनाको घटना स्थलमै मृत्युु भएको छ, भनेदुई घाइते भएका छन। 

घाइतेको बिराटनगर गोल्डेन अस्पतालमा उपचार हुदैछ । घटनाको बिवरण आउन बाकी छ।


काठमाण्डौ फागुन ३ गते । रातो तारा डट कम,विशेष अदालतले बालुवाटारको ललिता निवास जग्गा हिनामिना प्रकरणमा थप ७ जनाविरुद्ध अदालतमा उपस्थित हुन म्याद जारी गरेको छ । अदालतका प्रवक्ता पुष्पा पाण्डेले १५ दिनभित्र उपस्थित हुन भनी जानकारी गराइएको बताउनुभयो । 

विशेष अदालतले भूमिसुधार तथा व्यवस्था विभागका निर्देशक पुष्पराज उपाध्याय, शाखा अधिकृत इन्द्रप्रसाद ढुङ्गाना, मालपोत कार्यालय डिल्लीबजारका प्रमुख टीकाराम घिमिरे, मालपोत कार्यालयका सुब्बा टीकाबहादुर बिसी, मालपोत कार्यालय काठमाडौंका खरिदार जीवनाथ पोखरेल, समरजङ्ग कम्पनीका तत्कालीन प्रमुख अर्जुनप्रसाद भण्डारी र मालपोत कार्यालय डिल्लीबजारका नासु श्रीहरि पुडासैनीलाई हदम्याद जारी गरेको हो । 

काठमाडौं नापी कार्यालयका तत्कालीन नापी अधिकृत मोहम्मद साविर हुसेनको हकमा भने स्थायी ठेगाना खुल्न नसकेको र अख्तियारले पेश गरेको नम्बरमा सम्पर्क हुन नसकेपछि म्याद पठाउन नसकिएको प्रवक्ता पाण्डेले जानकारी दिनुभयो ।

यसैबीच विशेषले यसअघि भ्रष्टाचार मुद्दा खेपेका भूमिसुधार विभागका तत्कालीन महानिर्देशकसहित ७ जनालाई १५ दिने म्याद जारी गरेको थियो । ललिता निवासको जग्गा प्रकरणमा आरोपपत्र दायर भएका पूर्वमन्त्रीहरुको म्याद पठाउनका लागि रुजु गर्ने काम विशेषले सुरु गरेको जनाएको छ । 

पूर्व भौतिक तथा पूर्वाधारमन्त्री तथा नेपाली काँग्रेसका उपसभापति विजयकुमार गच्छादारलगायतलाई म्याद पठाउन नाम, वतन रुजु गर्ने काम भइरहेको अदालतले जनाएको छ । एकदुई दिनमा उनीहरूको नाममा म्याद जारी हुने विशेष अदालतले जनाएको छ । 


काठमाण्डौ फागुन ३ गते । रातो तारा डट कम,सूचना तथा सञ्चार मन्त्री गोकुल बास्कोटाले सूचना प्रविधि विधेयक धेरै लचक भए पनि गलत व्याख्या भइरहेको टिप्पणी गर्नुभयो । काठमाडौँमा भएको एउटा कार्यक्रममा मन्त्री बास्कोटाले डिजिटल क्षेत्रको पारदर्शीता, सुशासन र यसको बैधताका लागि विधेयक ल्याइएको बताउनुभयो । विधेयक पारित नभए डिजिटल कारोबारले वैधता नपाउनेसमेत उहाँको भनाइ थियो । विधेयकमा दण्ड जरिवाना बढी भए पनि त्यसलाई अझै मिलाउन सकिने अवस्था भएको उल्लेख गर्दै सामाजिक सञ्जालमा कसैलाई निरन्तर गलत नियत राखेर जिस्क्याउनेलाई कारबाही मन्त्री बास्कोटाको भनाइ छ । बास्कोटाले हल्ला गर्नेहरूले निजी क्षेत्रको अराजकतावादलाई प्रोत्साहन गर्न खोजेको भन्दै जिस्काए वापत सजाय हुने भन्ने कुरामा यत्रो हैरानी भइरहेको उहाँको तर्क थियो ।


काठमाण्डौ फागुन ३ गते । रातो तारा डट कम, काभ्रे जिल्लामा सञ्चालन भइरहेका नदीजन्य र खानीजन्य पदार्थ सङ्कलन तथा उत्पादन गर्दै आएका क्रसर उद्योगहरू नियम विपरित चलेको पाइएको छ । जिल्ला अनुगमन समितिले सार्वजनिक गरेको प्रतिवेदन अनुसार जिल्लाका कुनै पनि क्रसर उद्योगहरू मापदण्डभित्र सञ्चालन नभएको पाइएको हो । समितिले गएको पुस ८, ९, १७ र २१ गते गरेको स्थलगत अनुगमनको प्रतिवेदन सार्वजनिक गरिएको हो । समितिले संघीय सरकार र प्रदेश सरकारले तोकेका विभिन्न १२ वटा सूचकसहित अनुगमन गरेको थियो । अनुगमन समितिको बैठकले विभिन्न ६ वटा निर्णय गर्दै तोकिएको मापदण्ड विपरित सञ्चालनमा रहेका क्रसर उद्योगले प्राकृतिक स्रोतको दोहन गरिरहेको भन्दै मापदण्डमा हेरेफेर गर्न प्रदेश र संघीय सरकारलाई आग्रह गरेको छ । समितिले प्रत्येक स्थानीय तहमा कम्तीमा १ वटा खानी क्षेत्र तोक्नसमेत आग्रह गरेको छ । समितिले रोशी र सुनकोशी नदीमा सञ्चालनमा रहेका २२ वटा क्रसर उद्योगको स्थलगत अनुगमन गरेको थियो ।  


विराटनगर फागुन २ गते । रातो तारा डट कम, विराटनगर–२ स्थित शंकरपुरमा आजदेखि ‘विराट एक्स्पो कृषि तथा औद्योगिक अन्तर्राष्ट्रिय प्रदर्शनी’ सुरु भएको छ । उद्योग संगठन मोरङले ‘आर्थिक विकासको मूल आधार, कृषि, पर्यटन, उद्योग र व्यापार’ भन्ने नाराका साथ आयोजना गरेको प्रदर्शनी मेलाको उद्घाटन अर्थमन्त्री युवराज खतिवडाले गरे ।

कार्यक्रममा बोल्दै अर्थमन्त्री खतिवडाले मुलुकमा लगानीको वातावरण बन्दै गएको बताए । यस क्षेत्रलाई औद्योगिक क्षेत्रको रुपमा विकास गर्न विराटनगर जुट मिलको सन्दर्भले मात्र नपुग्ने बताएका अर्थमन्त्री खतिवडाले उद्योग व्यवसायको प्राकृतिक चक्रलाई सबैले बुझ्नु आवश्यक रहेका प्रस्टाए ।

जुट उत्पादन बढाउने उद्योगलाई सरकारले संरक्षण गर्ने बताए। अर्थमन्त्री खतिवडाले भने, ‘यससँगै अब हामी नयाँ व्यवसायमा केन्द्रित हुन आवश्यकछ । जसले औद्योगीकरण को नयाँ स्वरुप कोर्ने छ ।’

क्रस बोर्डर आर्थिक क्षेत्र बनाउँदै गरेको बताउँदै अर्थमन्त्री खतिवडाले त्यसलाई आधार बनाएर यहाँको औद्योगीकरणको बाँकी प्रक्रिया बढाउनेमा जोड दिए । सोही क्रममा विराटनगरको विमानस्थललाई अन्तर्राष्ट्रिय विमानस्थलको हब बनाउन सकिने सन्दर्भमा सरकारले आर्थिक पक्षमा समस्या आउन नदिने अर्थमन्त्री खतिवडाले बताए ।

उद्योग राज्यमन्त्री मोतीलाल दुगडले सरकारले उद्योगीलाई ज्वाइँ समान व्यवहार गर्ने गरेको बताए । कार्यक्रममा उद्योगीलाई उत्साहित बनाउँदै गर्दा राज्यमन्त्री दुगडले विगतभन्दा हाल सरकारले उद्योगी व्यवसायीलाई ज्वाइँ समान सम्मान र व्यवहार गर्दै आएको बताए ।

प्रदेश १ का आन्तरिक मामिला तथा कानुन मन्त्री हिक्मतकुमार कार्कीले महानगरले जग्गा उपलब्ध गराएको खण्डमा प्रदेश सरकार बजेट लगानीमा प्रदर्शनीस्थल निर्माण गर्ने बताए ।

कार्यक्रममा प्रदर्शनीका संयोजक भोलेश्वर दुलालले प्रदेश राजधानीमा समेत औद्योगिक केन्द्रको अभावमा रहेको गुनासो गरे । प्रदर्शनीमा नेपालको स्वदेशी उत्पादनसँगै भारत, पाकिस्तान, भुटान, बंगलादेशलगायतका सरसमान प्रदर्शनीमा राखिएको उनले जानकारी दिए ।

प्रदर्शनीको उद्घाटनका क्रममा प्रदर्शनीका संयोजक भोलेश्वर दुलाल र स्टल व्यवस्थापनका विपिन कारबलाई अर्थमन्त्री युवराज खतिवडाले सम्मानपत्रका साथ सम्मान गरेका थिए ।

हेलिकोप्टरबाट विराटनगर अवलोकन, पाथीभरा दर्शन, हात्तीको सवारीलगायत विभिन्न मनोरञ्जनको व्यवस्था गरिएको छ । यस्तै राष्ट्रिय र स्थानीयस्तरका कलाकारको साँगीतिक प्रस्तुति, फेसन शो, सेल्फी जोनलगायतका विभिन्न आकर्षण पनि एक्स्पोमा समावेश गरिएको छ ।

एक्स्पो फागुन १० गतेसम्म सञ्चालन हुनेछ । मेलामा दैनिक उपभोग्य वस्तु, कृषिजन्य उत्पादन, लत्ताकपडा तथा मनोरञ्जनका सामग्री, खानाका स्टल प्रदर्शनीका लागि राखिएको छ । 

एक्स्पोमा ज्येष्ठ नागरिकलाई निःशुल्क प्रवेशका साथै सर्वसाधारणलाई ५० रुपैयाँ र विद्यार्थीलाई २५ रुपैया“ प्रवेश शुल्कको व्यवस्था गरिएको छ । ३ सय ४० वटा स्टल एक्स्पोमा रहेको छ ।


पोखरा । रातो तारा डट कम, लेखनाथ विभूति सेकेण्डरी बोर्डिङ स्कुलमा अतिरिक्त क्रियाकलाप अन्र्तगत शुक्रबार अंग्रेजी भाषामा समाचार वाचन सम्पन्न भएको छ । बालबालिकाको पढाइ सीप बिकास समाचार वाचन निकै उपयोगी हुनेसंस्थापक प्रिन्सीपल रेखा थापाको भनाई थियो ।

विद्यालयका एकदेखी कक्षा ८ सम्मका ६० जना विद्यार्थीहरुले दुई चरणमा समाचार पढे । कक्षा ६ , ७ र ८ का तीस जना विद्यार्थीले समाचार पढ्दा कक्षा ७ की ड्यासल गुरुङ पहिलो भइन् । संगम ढकाल (७), कृपा परियार(६) र स्नेहा गुरुङ (६) क्रमशः दोस्रो,तेस्रो र सान्त्वना भएको विद्यालयका शैक्षिक संयोजक कविर खड्कीले जानकारी दिए।


यता १ देखी ५ कक्षा सम्मका ३० जनाबिच भएको प्रतिस्पर्दामा कक्षा ३ की श्रृया केसी पहिलो भइन् । कक्षा ५ का अप्सन भट्राई दोस्रो र द्धय निखिल खड्का र रक्षा पुरी तेस्रो भएको शिक्षक रामकुमारी दुराले जानकारी दिइन् ।


कक्षा १० लाई विदाइ


यसैबिच लेखनाथ विभूति सेकेण्डरी बोर्डिङ स्कुलबाट पाँचौ व्याचको रुपमा माध्यामिक शिक्षा परिक्षा (एसईई) २०७६ मा सामेल हुने कक्षा १० लाई कक्षा नौ का विद्यार्थीहरुले विदाइ गरेका छन् ।

विदाइ कार्यक्रममा विद्यालयका संस्थापक प्रिन्सिपल रेखा थापा कार्कीले उज्जवल भविष्यको कामना गदै टिका र खादा लगाएर शुभकामना व्यक्त गरिन् । कार्यक्रममा विद्यालयका संस्थापक शुशिला कार्की अधिकारीले भावुक हुँदै साना बचेराहरु उड्न सफल भएको खुसी लागेको बताइन् । जँहा गए पनि गुरुहरुले देखाएको बाटो कहिल्यै नभूल्नु अधिकारीले भनिन्  तिमीहरुको भविष्य अझै उज्जवल बनोस् ।


त्यसतै गरि कार्यक्रममा विद्यालयका प्रशाशक गोपाल अर्याल र शैक्षिक संयोजक कविर खड्कीले शुभकामना मन्त्वय व्यक्त गरेका थिए ।कक्षा नौ का विद्यार्थीहरुले आयोजना गरेको कार्यक्रमको संचालन अतिरिक्त क्रियाकलाप संयाजक शिक्षक नविन पौडेलले गरेका थिए ।


श्याम राई उदयपुर गाईघाट  फागुन २ गते । रातो तारा डट कम,शिक्षकद्धरा छात्रामाथि गरिएको यौन दुर्वव्यहार को घट्नाको आपसी सहमतिमा मिलापत्र गरिएको छ ।

उदयपुरको कटारी नगरपालिका वडा नं ८ स्थित पटना भन्ज्याङ्ग माध्यामिक विद्यालयका शिक्षक आनन्द कुमार यादवले वुधबार एक छात्रालाई यौन दुर्वव्यवहार गरेका थिए ।
विद्यालयको प्रार्थना समयमा उपस्थित नभएको भन्दै शिक्षक यादवले छात्राको संवेदनशिल अङ्गमा हात लगाएका थिए । उक्त घट्नापछि छात्राले अभिभावकलाई आफुमाथि शिक्षक यादवले हातपात गरेको भन्दै जानकारी गराएपछि घट्ना सार्वजनिक भएको थियो ।

पिडित छात्राको अभिभावकले यादव माथि काकुनी कार्वाहीको लागी प्रहरीमा उजुरी गर्ने तयारी गरिरहेको वेला विद्यालयका प्रधानाध्यापक प्रेम खत्रीले दुवै पक्षलाई आपसी सहमति गराई मिलापत्र गराएका छन् ।

“मैले मिलापत्र नगर्न छात्राका अभिभावकलाई भनेको
थिएँ, तर प्रधानाध्यापकले जवरजस्ती घट्ना मिलापत्र गराएका छन् ।” वडा नं ८ का वडा अध्यक्ष कमल श्रेष्ठले भने । “शुरुमा घट्ना बाट उनले नै मलाई टेलिफोन गरी जानकारी दिएका थिए । मैले तुरुन्त प्रहरीमा जाहेरी दिन भनेको थिएँ ।” उनले भने । तर प्रधानाध्यापक खत्रीले ढाकछोप गर्दै मिलाएकाछन् ।

“उनले पिडित पक्षले छोरीको इज्जतमा दाग लाग्ने भन्दै मिलापत्र गरेको बताए । दुवै पक्ष विच लिखित कागज नै गरिएको छ भन्ने सुनेको छु । तर मिलापत्रको कागजमा के लेखिएको छ भन्ने बारे जानकारी छैन ।” उनले भने ।
प्रधानाध्यापक खत्रीसँग पटक पटक सम्पर्क गर्न खोज्दा उनको टेलिफोन उठेन ।  

आरोपित शिक्षक यादवले यस अघिपनि विद्यालयमा छात्राहरुमाथि दुर्वव्यवहार गर्ने गरेको तर लाज र डरले गर्दा कसैलाई पनि नभनेको एक छात्रालेबताईन ।
                                                             

MKRdezign

Contact Form

Name

Email *

Message *

Powered by Blogger.