बाख्रा पालक किसानलाई तालिम

काठमाण्डौ फागुन १६ गते । रातो तारा डट कम,बाराको जीतपुरसीमरा उपमहानगरपालिकाका किसानलाई ६५ दिने निशुल्क बाख्रा पालक तालिम दिन थालिएको छ । नेपाल राष्ट्रिय माध्यमिक विद्यालय एवं प्राविधिक शिक्षालय जीतपुरसिमरा उपमहानगरपालिका १५ डुमरवाना तथा उपमहानगरपालिकाको शिक्षा शाखाको समन्वयमा उपमहानगरपालिकाको १२ नम्बर वडामा पर्ने फतेपुर र १५ नम्बर वडामा पर्ने डुमरवानामा उक्त तालिम सुरु भएको हो । प्राविधिक शिक्षा तथा व्यवसायिक तालिम परिषद (सिटिइभिटी) प्रदेश नम्बर २ को आर्थिक सहयोगमा विद्यालयले तालिमको आयोजना गरेको हो । तालिममा डुमरवाना र फतेपुरका ६० जना महिलाको सहभागिता रहेको छ ।