RatoTara.com

बिराटगर | कान्तिपुरमा यस वर्ष विज्ञान संकायमा ३२६ जना, व्यवस्थापनमा ४२४ र होटल म्यानेजमेन्टमा १५९ जना विद्यार्थी भर्ना भएको जनाइएको छ ।

कान्त पर फाउण्डेशनका अध्यक्ष खुसीराज श्रेष्ठको अध्यक्षतामा विराटनगरको सिटी पार्टी प्यालेसमा आयोजित अभिमुखिकरणमा कक्षा ११ को प्रवेश परीक्षामा सर्वोत्कृष्ट अंक ल्याउने तथा जीपीए ४ ल्याएर कान्तिपुर मावि रोज्ने विद्यार्थीहरू सम्मानित भएका छन् ।

सम्मानित हुनेहरूमा विज्ञान संकायतर्फको प्रवेश परीक्षामा उत्कृष्ट अंक ल्याउने ऐश्वर्य

विराटनगर (उस)/विराटनगर- १० स्थित कान्तिपुर मावि (कलेज) ले कक्षा ११ मा यस बर्ष भर्ना भएका ९०९ जना विद्यार्थीहरूलाई अभिमुखिकरण गरेको छ ।

कुशवाह, अजयकुमार यादव, श्रीयम श्रेष्ठ, सूर्यनारायण यादव, सुशान्तकुमार यादव, नितिशकुमार यादव, अमन राय, रोजेश अधिकारी, रूपेश यादव, स्वेन्सा भण्डारी, एन्जिला पोखरेल, श्रीजल साह, रूविना यादव, ज्योतिकुमारी यादव, लीला थापा, यथार्थ पोखरेल, उपमराज निरौला, आदर्श घिमिरे र ओमप्रकाश साह रहेका छन् ।

त्यसैगरी विराटनगरकै बीकेभीएभ स्कुलबाट जीपीए ४ ल्याएर कान्तिपुर मावि रोजेका विद्यार्थी आमोद काफ्‌लेलाई समेत सम्मानित गरिएको छ। व्यवस्थापन संकायतर्फ सुन्दरकुमार मण्डल, निकिताकुमारी साह, अशोक कार्की, जगत दाहाल, गोविन्द कार्की लगायतका विद्यार्थीहरू पनि

सम्मानित भएका छन् । राष्ट्रिय परिक्षा बोर्ड प्रदेश व्यवस्थापन कार्यालय कोशीका

प्रमुख प्रकाश खरेलले कान्तिपुरको गुणस्तरीयतालाई रोजेर आउने विद्यार्थीहरूलाई धन्यवाद ज्ञापन गर्दै समाजका बहुआयमिक शैक्षिकमा सफलता हासिल गर्न शुभकामना दिए ।

उनले राम्रो शैक्षिक संस्थाका रूपमा स्थापित भएको कान्तिपुर माविमा पढ्न आफूलाई तयार गरेका विद्यार्थीहरूले भावी दिनमा नैतिकवान भएर शिक्षा आर्जन गर्न आग्रह गरे । उनले शिक्षा क्षेत्रको गुणस्तरीयता जीपीए ४ ल्याएर मात्रै मापन नहुने भन्दै विद्यार्थीहरू बहुआयामिक क्षेत्रमा सफलता प्राप्त गर्नसक्नु ठूलो उपलब्धि हुने धारणा राखे ।

कान्तिपुर माविका प्रिन्सिपल भुवन नेपालले शैक्षिक नतिजा ल्याउनु मात्रै नभई असल र विश्वबजारमा प्रतिस्पर्धा गर्न सक्ने सक्षम विद्यार्थी निर्माणमा आफू

केन्द्रित भएको बताए । उनले छोटो समयमै कान्तिपुर कलेजले ठूलो उपलब्धी हासिल गरिसकेको जानकारी दिदै अहिलेसम्म २० जना बढी डाक्टरी पास गरिसकेको दाबी गरे ।

त्यस्तै निजामतीमा पनि राम्रो पदमा पुग्ने विद्यार्थीहरू धेरै रहेको बताए ।

जीवनको यो सुनौलो समयलाई उपयोग गर्नुपर्छ' विद्यार्थीहरूलाई प्रिन्सिपल नेपालले भने, 'कान्तिपुर अतिरिक्त क्रियाकलापमा पनि अगाडि छ, सबैको निरन्तरको मेहनतले आज सफलता मिलेको छ ।'

अभिमुखिकरणका अवसरमा कलेजको नीति, नियम र शैक्षिक कार्यक्रमबारे जानकारी गराइनुका साथै, विद्यार्थीहरूले पनि गीत, संगीत र नृत्यमार्फत आफ्‌नो प्रतिभा प्रस्तुत गरेका थिए ।

विराटनगर जेठ २२ गते । विश्व वातावरण दिवसको अवसरमा विराटनगर महानगरपालिकाले वातावरण संरक्षण, हरियाली विस्तार तथा जलवायु परिवर्तन न्यूनीकरणमा उल्लेखनीय योगदान पु¥याउने दुई संस्थालाई सम्मान गर्दै हरित विराटनगर अभियानलाई थप प्रभावकारी बनाउने प्रतिबद्धता व्यक्त गरेको छ ।

शुक्रबार महानगर परिसरमा आयोजित विशेष कार्यक्रममा वातावरणीय सचेतना अभिवृद्धि, वृक्षारोपण प्रवद्र्धन तथा समुदायस्तरमा वातावरण संरक्षणका गतिविधि सञ्चालन गर्दै आएका गो ग्रिन विराटनगर र सुनौलो अवसर युवा क्लबलाई सम्मान गरिएको हो ।

कार्यक्रमका प्रमुख अतिथि तथा विराटनगर महानगरपालिकाका मेयर नागेश कोइरालाले गो ग्रिन विराटनगरका नविनचन्द्र अधिकारी र सुनौलो अवसर युवा क्लबका पुष्पराज गिरीलाई खादा, माला तथा सम्मानपत्र प्रदान गर्दै उनीहरूको योगदानको उच्च प्रशंसा गरे ।

सम्मान कार्यक्रममा बोल्दै मेयर कोइरालाले वातावरणीय संकट विश्वकै साझा चुनौती बनेको उल्लेख गर्दै यसको समाधानका लागि सरकार, निजी क्षेत्र, सामाजिक संस्था र नागरिक सबैको सक्रिय सहभागिता आवश्यक रहेको बताए । पछिल्ला वर्षहरूमा बढ्दो तापक्रम, अनियमित वर्षा र प्रदूषणका कारण वातावरणीय जोखिम तीव्र बन्दै गएको उल्लेख गर्दै उनले प्रत्येक घर, विद्यालय, उद्योग तथा संघसंस्थाले वृक्षारोपणलाई अभियानकै रूपमा अघि बढाउनुपर्नेमा जोड दिए ।

‘हरित वातावरण बिना दिगो विकास सम्भव छैन,’ उनले भने, ‘आज रोपिएको एउटा बिरुवाले भोलिको पुस्तालाई स्वच्छ हावा, शीतल वातावरण र सुरक्षित भविष्य दिन सक्छ ।’

कार्यक्रममा निमित्त प्रमुख प्रशासकीय अधिकृत रामप्रसाद ढुङ्गेलले विराटनगरलाई व्यवस्थित, स्वच्छ र हरित सहरका रूपमा विकास गर्न सबै पक्षको सहकार्य अपरिहार्य रहेको बताए । वातावरणीय सुधारलाई महानगरको दीर्घकालीन विकास रणनीतिसँग जोडेर अघि बढाइने उनको भनाइ थियो ।

वातावरण शाखा प्रमुख इन्जिनियर राकेश ठाकुरले वातावरण संरक्षणका क्षेत्रमा नागरिक सहभागिता बढाउन महानगरले विभिन्न सचेतनामूलक तथा हरियाली प्रवद्र्धन कार्यक्रम सञ्चालन गर्दै आएको जानकारी दिए । उनले जलवायु परिवर्तनका असर न्यूनीकरणका लागि स्थानीय तहको भूमिका अझ महत्वपूर्ण बन्दै गएको उल्लेख गरे ।

यसअघि वातावरण संरक्षणसँग सम्बन्धित विभिन्न संघसंस्था, युवा समूह तथा विद्यालयका विद्यार्थीहरूको सहभागितामा महेन्द्रचोकबाट प्रभातफेरी आयोजना गरिएको थियो । वातावरणमैत्री जीवनशैली, फोहोर व्यवस्थापन, वृक्षारोपण र जलवायु सचेतनासम्बन्धी सन्देशसहित निकालिएको प्रभातफेरीले नगरवासीको ध्यान वातावरणीय मुद्दातर्फ आकर्षित गरेको थियो ।

कार्यक्रममा विराटनगरस्थित सेन्ट मेरिज विद्यालयका विद्यार्थीहरूले वातावरण संरक्षणसम्बन्धी सन्देशमूलक नाटक तथा गीत प्रस्तुत गरेका थिए । वातावरण संरक्षणमा सक्रिय पूजा विश्वासले दुवै कार्यक्रमको सहजीकरण गरेकी थिइन् ।

विराटनगर महानगरपालिकाले वातावरण संरक्षणमा योगदान पु¥याउने व्यक्ति तथा संस्थालाई प्रोत्साहन गर्दै हरित क्षेत्र विस्तार, प्रदूषण नियन्त्रण, जैविक विविधता संरक्षण र दिगो शहरी विकासलाई आगामी दिनमा अझ प्राथमिकताका साथ अघि बढाउने जनाएको छ । महानगरको यो पहलले वातावरणीय उत्तरदायित्वप्रति नागरिक सहभागिता बढाउनुका साथै हरित र स्वच्छ विराटनगर निर्माण अभियानलाई थप ऊर्जा प्रदान गर्ने अपेक्षा गरिएको छ ।

 

विराटनगर जेठ २१ गते । विराटनगर महानगरपालिकाले पूर्ण खोप सुनिश्चितता तथा दिगोपना कार्यक्रमलाई प्रभावकारी रूपमा कार्यान्वयन गर्दै ० देखि ५९ महिनासम्मका ११ हजार ६३० जना बालबालिकालाई पूर्ण खोपको पहुँचमा ल्याएको छ । बाल स्वास्थ्य संरक्षण र रोग नियन्त्रणलाई प्राथमिकतामा राख्दै महानगरले सञ्चालन गरेको अभियानले सबै वडामा खोप सुनिश्चितताको लक्ष्य हासिल गरेको हो ।

महानगरपालिकाका अनुसार पूर्ण खोप प्राप्त गर्ने बालबालिकामध्ये ०–११ महिनाका २ हजार १३९ जना, १२–१५ महिनाका ९७७ जना, १६–२३ महिनाका १ हजार ५४८ जना तथा २४–५९ महिनाका ६ हजार ९६६ जना रहेका छन् । यस उपलब्धिसँगै विराटनगरले बालबालिकालाई खोपबाट रोकथाम गर्न सकिने रोगविरुद्ध सुरक्षित बनाउने अभियानलाई थप संस्थागत र दिगो बनाएको जनाएको छ ।

पूर्ण खोप सुनिश्चितता तथा दिगोपना कार्यक्रमअन्तर्गत आयोजित विशेष कार्यक्रममा विराटनगर महानगरपालिकाका मेयर नागेश कोइरालाको उपस्थितिमा वडा नम्बर १ देखि १९ सम्मका सबै वडालाई पूर्ण खोप सुनिश्चितता तथा दिगोपना सम्बन्धी प्रमाणपत्र प्रदान गरिएको थियो । आवश्यक सबै सूचक पूरा गरी पूर्ण खोप सुनिश्चितता हासिल गरेका वडाहरूलाई सम्मानस्वरूप प्रमाणपत्र वितरण गरिएको महानगरले जनाएको छ ।

कार्यक्रमलाई सम्बोधन गर्दै महानगर मेयर कोइरालाले बालबालिकाको स्वास्थ्य सुरक्षा सुनिश्चित गर्नु स्थानीय सरकारको प्रमुख दायित्व भएको उल्लेख गरे । उनले खोप अभियानले बाल मृत्युदर घटाउन, रोगको जोखिम न्यूनीकरण गर्न तथा स्वस्थ समाज निर्माणमा महत्वपूर्ण योगदान पु¥याएको बताए । उनले पूर्ण खोप सुनिश्चितता हासिल गर्नु मात्रै अन्तिम लक्ष्य नभई यसको दिगोपना कायम राख्नु अझ महत्वपूर्ण चुनौती रहेको भन्दैसबै सरोकारवालाको निरन्तर सहकार्यआवश्यकरहेको धारणा राखे ।

महानगरका वरिष्ठ जनस्वास्थ्य अधिकृत रमेश कार्कीका अनुसार महानगरले नियमित खोप सेवाको पहुँच विस्तार, अभिभावकमा जनचेतना अभिवृद्धि तथा स्वास्थ्यकर्मीहरूको सक्रिय परिचालनमार्फत उल्लेखनीय सफलता हासिल गरेको हो । ‘पूर्ण खोप सुनिश्चितता केवल एक कार्यक्रम होइन, यो बालबालिकाको सुरक्षित भविष्यसँग जोडिएको अभियान हो,’ उनले भने, ‘महानगरले आगामी दिनमा पनि खोप छुटेका बालबालिकाको खोजी, नियमित अनुगमन र अभिलेखीकरणलाई थप प्रभावकारी बनाउनेछ ।’

खोप संयोजक सुशील साहले विराटनगरमा खोप सेवाको गुणस्तर सुधार, तथ्यांक व्यवस्थापन र समुदायस्तरको सहभागिताले अभियान सफल भएको बताए । उनका अनुसार स्वास्थ्य संस्थाहरू, महिला स्वास्थ्य स्वयंसेविका, जनप्रतिनिधि तथा अभिभावकबीचको समन्वयले पूर्ण खोप सुनिश्चितताको लक्ष्य हासिल गर्न महत्वपूर्ण भूमिका खेलेको छ । ‘खोपबाट बच्न सकिने रोगको जोखिम न्यूनीकरण गर्न नियमित खोप सेवामा निरन्तरता दिनु अत्यावश्यक छ,’ उनले भने ।

कार्यक्रममा सहभागी वडा अध्यक्षहरूले पूर्ण खोप सुनिश्चितता कायम राख्न वडा तहबाट नियमित अनुगमन, जनचेतनामूलक कार्यक्रम तथा खोप छुटेका बालबालिकाको पहिचानलाई निरन्तरता दिने प्रतिबद्धता व्यक्त गरेका थिए । उनीहरूले स्वास्थ्य क्षेत्रमा प्राप्त उपलब्धिलाई दिगो बनाउन समुदायको सक्रिय सहभागिता अपरिहार्य रहेको धारणा राखे ।

स्वास्थ्यकर्मीहरूका अनुसार पूर्ण खोप कार्यक्रमले बालबालिकालाई दादुरा, रुबेला, पोलियो, क्षयरोग, डिप्थेरिया, कालीखोकी, टिटानस लगायतका रोगबाट जोगाउन महत्वपूर्ण भूमिका खेल्दै आएको छ । यसले बाल स्वास्थ्य सूचक सुधार्नुका साथै दीर्घकालीन रूपमा स्वास्थ्य क्षेत्रमा पर्ने आर्थिक भारसमेत कम गर्न सहयोग पुग्ने विश्वास गरिएको छ ।

स्वास्थ्य महाशाखा प्रमुख डा. दिलीपकुमार यादवले पूर्ण खोप सुनिश्चितताको उपलब्धिलाई स्वास्थ्य क्षेत्रको महत्वपूर्ण सफलता मान्दै आगामी वर्षहरूमा समेत नियमित खोप सेवाको पहुँच विस्तार, समुदायमा स्वास्थ्य सचेतना अभिवृद्धि र खोप अभियानको दिगोपनामा विशेष जोड दिने बताए ।

विराटनगर २०८३,जेठ २० गते । विराटनगर महानगरपालिकाले प्रमुख प्रशासकीय अधिकृतबाट सरुवा भई भूमि व्यवस्था विभागमा जान लागेका योगेन्द्रप्रसाद दुलाललाई औपचारिक समारोहका बीच बिदाइ गरेको छ । महानगर परिसरमा बुधबार आयोजित कार्यक्रममा जनप्रतिनिधि, कर्मचारी तथा विभिन्न शाखा–महाशाखाका प्रमुखहरूले दुलालको कार्यकालको प्रशंसा गर्दै सम्मानपूर्वक बिदाइ गरेका हुन् ।

बिदाइ समारोहमा महानगरका मेयर नागेश कोइरालाले दुलालले चुनौतीपूर्ण परिस्थितिमा समेत प्रशासनिक नेतृत्व सम्हाल्दै महानगरको सेवा प्रवाहलाई प्रभावकारी बनाउन महत्वपूर्ण योगदान दिएको बताए । उनले दुलालले कार्यभार सम्हालेको समय देशव्यापी आन्दोलन तथा त्यसबाट सिर्जित असहज अवस्थाका कारण स्थानीय तहहरू प्रभावित भएको स्मरण गर्दै विराटनगर महानगर पनि त्यसको असरबाट अछुतो नरहेको उल्लेख गरे ।

‘कठिन परिस्थितिमा पनि प्रशासनिक संयमता, समन्वय क्षमता र निर्णय गर्ने दक्षताका कारण महानगरले चाँडै आफ्नो नियमित कार्यसम्पादनलाई गति दिन सफल भयो,’ मेयर कोइरालाले भने, ‘दुलालको नेतृत्वले कर्मचारी संयन्त्रलाई एकताबद्ध राख्न र सेवा प्रवाहलाई निरन्तरता दिन उल्लेखनीय भूमिका खेलेको छ ।’

उपमेयर शिल्पा निराला कार्कीले पनि दुलालको कार्यशैली, इमान्दारिता र समन्वयकारी भूमिकाको प्रशंसा गर्दै महानगरको संस्थागत सुदृढीकरणमा उनले पु¥याएको योगदान स्मरणीय रहने बताइन् । उनका अनुसार स्थानीय सरकारको प्रभावकारिता जनप्रतिनिधि र प्रशासनबीचको सहकार्यमा निर्भर रहने भएकाले दुलालले त्यस सम्बन्धलाई अझ मजबुत बनाउन योगदान दिएका थिए ।

कार्यक्रममा सबै वडाध्यक्षका तर्फबाट धारणा राख्दै वडा नम्बर १ का अध्यक्ष काजीबहादुर बस्नेतले दुलाललाई कर्मठ, अनुशासित र परिणाममुखी प्रशासकका रूपमा चित्रित गरे । उनले महानगरको प्रशासनिक सुधार, कर्मचारी व्यवस्थापन तथा विकास आयोजनाको कार्यान्वयनमा दुलालको भूमिका उल्लेखनीय रहेको बताए ।

‘जहाँ रहे पनि विराटनगर महानगरले उहाँलाई सम्झिरहनेछ,’ बस्नेतले भने, ‘उहाँले प्रशासनिक नेतृत्वमार्फत संस्थालाई सही दिशामा अघि बढाउन महत्वपूर्ण योगदान गर्नुभएको छ ।’

२०८२ भदौ ४ गते विराटनगर महानगरपालिकाको प्रमुख प्रशासकीय अधिकृतका रूपमा कार्यभार सम्हालेका दुलालले आफ्नो कार्यकाललाई स्मरण गर्दै विराटनगरको अनुभजीवनकै महत्वपूर्णअध्याय बनेको बताए । उनले यहाँ जनप्रतिनिधि र कर्मचारीबीच रहेको सहकार्य, विश्वास र आत्मीय सम्बन्ध अन्यत्र कमै देख्न पाइने दाबी गरे ।

‘स्थानीय सरकार सफल हुन जनप्रतिनिधि र कर्मचारीबीचको सम्बन्ध पारदर्शी, विश्वासपूर्ण र सहकार्यमा आधारित हुनुपर्छ,’ उनले भने, ‘विराटनगरमा मैले त्यही वातावरण पाएँ, जसले काम गर्न थप सहज बनायो ।’

दुलालले महानगरमा रहँदा प्राप्त सहयोग, सद्भाव र सहकार्यका लागि जनप्रतिनिधि तथा कर्मचारीप्रति आभार व्यक्त गर्दै आगामी जिम्मेवारीमा पनि स्थानीय तहसँगको सहकार्यलाई प्राथमिकतामा राख्ने प्रतिबद्धता जनाए ।

सामान्य प्रशासन महाशाखाका प्रमुख अर्जुन थपलियाले सहजीकरण गरेको कार्यक्रममा महाशाखा प्रमुख, शाखा प्रमुख, जनप्रतिनिधि तथा कर्मचारीहरूले खादा, माला र अविर लगाएर दुलाललाई सम्मानपूर्वक बिदाइ गरेका थिए । कार्यक्रममा सहभागीहरूले उनको आगामी कार्यकाल सफल रहोस् भन्ने शुभकामना व्यक्त गरेका थिए ।

यसैबीच, दुलालको सरुवापछि विराटनगर महानगरपालिकाको प्रमुख प्रशासकीय अधिकृतको जिम्मेवारी झापा निवासी विजयकुमार शर्माले सम्हाल्ने भएका छन् ।

सिराहा  जेठ  १८ गते । एसियन स्मार्ट एग्रो कम्पनी लिमिटेडको विशेष अन्तरक्रिया कार्यक्रम सिराहाको गोलबजारस्थित होटेल पावन मिथिलामा भव्यताका साथ सम्पन्न भएको छ । कम्पनीका अध्यक्ष प्रवीण कुमार लामाको अध्यक्षतामा यहि जेष्ठ १५ गते शुक्रबार आयोजित उक्त कार्यक्रममा सञ्चालक चन्द्रमोहन श्याङ्वाले उपस्थित स्थानीय किसान, कृषि व्यवसायी तथा सम्पूर्ण सरोकारवालाहरूलाई स्वागत गरेका थिए । 

कार्यक्रममा प्रमुख अतिथि जिल्ला उपसभापति दिलिपकुमार लामाले कृषि क्षेत्रको रूपान्तरणमा यस्ता अन्तरक्रियाको ठूलो रहने बताए ।कार्यक्रममा प्राविधिक तथा व्यावसायिक पक्षमाथि गहन छलफल भएको थियो । 

पशु विज्ञ जगत यादवले किसानहरूलाई परम्परागत खेती प्रणालीबाट माथि उठेर व्यावसायिक बन्न र आगामी दिनमा आफ्नो व्यवसायलाई आधुनिक एवं नाफामूलक कसरी बनाउने भन्नेबारे विस्तृत जानकारी गराए भने कम्पनीका अर्का सञ्चालक प्रदिप यादवले एसियन स्मार्ट एग्रोका आगामी योजना र किसान लक्षित विभिन्न कार्यक्रमहरूमाथि प्रकाश पार्दै कम्पनीले किसान हितका लागि काम गर्ने प्रतिबद्धता ब्यक्त गरे ।

अन्तरक्रियाका क्रममा उपस्थित किसानहरूले आफ्ना व्यावहारिक समस्याहरू राख्दै महत्वपूर्ण सुझावहरू दिएका थिए । किसानहरूले उत्पादित कृषि सामग्री बिक्रीका लागि व्यवस्थित बजार प्रणालीको विकास गर्न, प्राकृतिक प्रकोपबाट बच्न बाली बीमाको व्यवस्था मिलाउन, उत्पादन सुरक्षित राख्न कोल्ड स्टोर (शीत भण्डार) स्थापना गर्न तथा सरकार र बैंकहरूबाट उपलब्ध हुने अनुदानमा आधारित कृषि कर्जाका लागि कम्पनीले समन्वयकारी भूमिका खेलिदिन आग्रह गरेका थिए ।