RatoTara.com

विराटनगर साउन १६ गते । रातो तारा डट कम, विराटनगरमा भोलिदेखि बन्दाबन्दी (लकडाउन) गरिने भएको छ। कोरोना भाइरसका संक्रमितको संख्या बढ्दो क्रममा रहेकाले १४ दिनका लागि लकडाउन गर्ने निर्णय भएको हो।

पहिलोपटक यस्तो कार्यक्रममार्फत् प्रश्न गर्ने जिम्मेवारी पाएको भन्दै हमालले आफूलाई जातको आधारमा गरिने भेदभावमा चित्त नबुझ्ने गरेको बताए । 'हाम्रो सँस्कृतिमा, रहनसहन, समाज, परम्परामा विभिन्न किसिमले गासिँदै आएका विभिन्न किसिमका प्रथा, कुप्रथाहरु मध्य सबैभन्दा चित्त नबुझेको चाहिँ जातको आधारमा एउटा मानिसले अर्को मानिसप्रति गर्ने भेदभाव, भेदभावमात्रै नभएर क्रुर अमानवीय व्यवहार हो,' उनले भने, 'यो अमानवीय व्यवहार हामी संसारभर नै देख्छौं । त्यसैले एकदमै जादुको छडी चलाएर छुमन्तर गरेर जरादेखि नै उखेल्न सकिन्छ भन्ने प्रश्नचिन्ह पनि छ, अन्यौलता पनि छ । तर, त्यो हुँदाहुँदा पनि यो मुद्दामा बहस गरिरहने, दर्शकमा भेदभाव, अन्यायका कुरा उजागर गर्ने कार्य हुनैपर्छ । यो कार्यक्रमको मुख्य उद्देश्य हो ।'

'समता फाउण्डेसन'का कार्यकारी अध्यक्ष प्रदीप परियारले जातको आधारमा भर्खरै रुकुममा ६ जना युवाको ज्यान लिनेगरी भएको जातीय विभेदको घटनाले यस विषयमाथि थप बहस आवश्यक लागेपछि आफूहरुले 'जातको प्रश्न'सुरु गरेको बताए । 'नेपालमा जातको आधारमा हुने विभेद छ भनेर हामी सबैलाई थाहा छ । तर, थाहा हुँदाहुँदै पनि यो विषयमा आवाज उठाउनुपर्छ भन्ने कुरा कमै मानिसले सोच्छन् । परिवर्तनका लागि केही गर्नुपर्छ भनेर यो कार्यक्रम सुरु भएको हो,' परियारले पत्रकार सम्मेलनमा भने, 'रुकुमको घटमा जुन बर्बरता भयो, जातको जाँतोले मानिसहरु मरिरहेका छन् भनेर स्पष्ट देखायो । त्यसपछाडि यसमा थप बहस र प्रश्नहरु उठाउनुपर्छ भन्ने हाम्रो टिमलाई लाग्यो ।' त्यसैगरी विभिन्न ठाउमा भएका जातीय हिँसालाइ न्यूनीकरण गर्न पनि यस प्रकारका जनचेतना मुलक कार्यक्रम आबश्यक रहेको उक्त पत्रकार सम्मेलनमा जानकारी गराईयो।  

यो विषयमाथि हरेक परिवारमा बहस अनि छलफल होस् भन्ने उदेश्यले कार्यक्रम सिर्जना गरेको उनी बताउँछन् । 'धेरैलाई के लाग्छ भने यो दलितहरुको समस्या हो । उनीहरुले भोग्दै आएका छन् तर यो हामी सबैको समस्या हो । अझ यो गैरदलितको समस्या हो । किनभने यो उनीहरुले गरिरहेका छन् । त्यसैले यो बहस एक तहमा पुर्याउउनुपर्छ, जातको आधारमा हुने विभेद अन्त्य गर्नका लागि हामीले केही गर्नुपर्छ भनेर कार्यक्रम सुरुवात गर्यौ,' उनले भने । नयाँ र पुराना पुस्तासम्म यो कार्यक्रम पुर्याउने राजेश हमाल उपयुक्त लागेका कारण उनलाई प्रस्तोतामा लिएको उनले बताए ।

कान्तिपुर टेलिभिजनका स्टेसन म्यानेजर दिनेश डिसीले परिवारमा देखेको विभेद अबको पुस्तामा न्युनीकरण होस् भन्न यो पहलमा साथ दिएको बताए । '२०५३ सालम मेरो बुबाले मेरी शेर्पा आमासँग बिहे गर्नु भएको थियो । मेरो आमा शेर्पा भएको कारणले क्षेत्रीको चुलोमा गएर काम गर्न पाउनु भएन । वर्षौं पश्चात जातभात केही हुँदैन रहेछ भनेर हजुरआमाले आमालाई भान्सामा जान दिनु भयो । त्यसैगरी जातीय बिबेदमा अहिले सम्म भएका आन्दोलन कानुनमा मात्र सिमित रहेको हुँदा पनि यस्तो कार्यक्रम आबश्यक रहेको उनले बताए।  समाजमा देखेका र भोगेका कुराहरु अबको पुस्ताले भोग्नु नपरोस्, न्युनीकरण हुँदै जाओस् भन्ने उदेश्यका लागि कान्तिपुर टेलिभिजनले यो पहल गरेको डिसीले बताए।'

शिव भट्टराई,मोरङ । रातो तारा डट कम,वराहक्षेत्र ३ नडाहा स्थित जनताको वडा कार्यालय निर्माणका लागि बिहीबार ३ लाख ६६ हजार १ सय ५५ रुपैयाँ संकलन भएको छ ।

जनस्तरबाट निर्माण भइरहेको वडा कार्यालयका लागि देशविदेशबाट रकम संकलन हुने क्रम जारी रहेको छ । यो अभियानमा नडाहावासीले स्वतःस्फूर्त रुपमा रकम प्रदान गरिरहेको भवन निर्माण समिति अध्यक्ष केशव पुरीले जानकारी दिए ।

स्थानीय निर्वाचनमा नेपाली कांग्रेसका तर्फबाट वडाध्यक्षका उम्मेदवार तिलक कार्कीले बिहीबार नगद १ लाख ११ हजार रुपैयाँ प्रदान गरेका छन् । दिवंगत मातापिता गोविन्द दाहाल र इन्द्रदेवी दाहालको स्मृतिमा छोराहरु दीपक दाहाल, रोशन दाहाल र रुद्रबहादुर दाहालबाट १ लाख ५१ हजार प्राप्त भएको छ ।

अमृतबहादुर खडकाबाट ५१ हजार, निरकुमार कार्कीबाट ११ हजार ५ सय ५५, तुलमति एभेङ लिम्बूबाट १५ हजार १ सय, कमला थापाबाट ११ हजार, अर्जुन कार्कीबाट ५ हजार ५ सय र स्वर्गीय माता मोतीमाया राईको नाममा छोरा उत्तमकुमार राई कान्छाले १० हजार रुपैयाँ प्रदान गरेको निर्माण समिति अध्यक्ष पुरीले जानकारी दिए ।

वराहक्षेत्र ३ नडाहास्थित मुख्य चोकमा ६ कोठे भवन वडा कार्यालय सञ्चालनका लागि निर्माण भइरहेको छ । हालसम्म २१ लाख ५० हजार रुपैयाँ संकलन भएको छ । यसैगरी स्थानीयबाट इटा, ढुंगा, बालुवा, काठलगायत जिन्सी सहयोग समेत भइरहेको छ ।

चारकोशे झाडीको छेऊमा रहेको नडाहा केही दशक अघिसम्म स्याल कुद्ने क्षेत्रका रुपमा बुझिन्थ्यो । ‘नड्या’बाट अपभ्रंश हुँदै नडाहा बनेको यो चोक अहिले वरिपरिको केन्द्र भएको छ । यहाँबाट धरान हुँदै कोशी राजमार्ग, चतरा हुँदै पूर्वपश्चिम लोकमार्ग, चक्रघट्टी हुँदै सुनसरी सदरमुकाम इनरुवा, कालाबन्जार– हुँदै इटहरी र पूर्वपश्चिम राजमार्ग छोएको छ । ६ लेनको सडक, फराकिलो चोक खुला वातावरण र आसपासका मनोरम दृष्यले नडाहा मनोरम बनिरहेको वडाध्यक्ष रुद्र दाहाल बताउँछन् । संयोगको कुरा नडाहा चोक नौ वटा शाखा बाटोले जोडिएको छ ।

वराहक्षेत्र नगरपालिकाले निर्माण गर्ने वडा कार्यालयमा नीतिगत विवाद भएपछि जनस्तरबाट नडाहामा वडा कार्यालय निर्माण भइरहेको छ । ‘आगामी भदौ पहिलो हप्ताभित्र जनताको वडा कार्यालय समुद्घाटन गर्ने योजना छ’ निर्माण समिति अध्यक्ष पुरीले भने ।

विराटनगर, १५ साउन । रातो तारा डट कम, प्रदेश १ मा आज १८ जना कोरोना संक्रमित थपिएका छन् ।
मोरङमा ८, झापामा ४, सुनसरी, उदयपुर र सोलुखुम्वुमा २–२ जनामा संक्रमण देखिएको सामाजिक विकास मन्त्रालयले जनाएको छ ।

मोरंगको विराटनगरमा ५ पुरुष र ३ महिला, झापाको शिवसताक्षीमा ३ पुरुष, दमकमा १ महिला, सुनसरीको धरान र इटहरीमा १–१ पुरुष, उदयपुरको वेलकामा १ महिला, १ पुरुष र सोलुखम्वुको दुधकुण्डमा २ पुरुषको रिपोर्ट पोजेटिभ आएको सामाजिक विकास मन्त्रालयका प्रवक्ता डा.सुरेश महेताले बताउनुभयो ।

प्रदेश १ मा कोरोना संक्रमितको संख्या ९ सय ९३ पुगेको छ ।

प्रदेश १ मा आज ४२ जना डिस्चार्ज भएका छन् । पूर्वाञ्चल विश्वविद्यालय कोभिड १९ आईसोलेसन अस्पताल गोठगाउँबाट ३४ पुरुष, वीपी कोइराला स्वास्थ्य विज्ञान प्रतिष्ठान धरानबाट ६ पुरुष र कोशी अस्पताल कोभिड १९ उपचार केन्द्र विराटनगरबाट २ पुरुष डिस्चार्ज भएको सामाजिक विकास मन्त्रालयले जनाएको छ ।

प्रदेश १ मा आज सम्म ७ सय ८९ जना डिस्चार्ज भएका छन् ।

प्रदेश १ मा आज ६ सय ५२ जनाको पीसीआर परीक्षण गरिएको छ ।

विराटनगर, १४ साउन । प्रदेश १ मा आज ९ जना कोरोना संक्रमित थपिएका छन् । मोरंगमा ८ र सुनसरीमा १ जनामा संक्रमण देखिएको सामाजिक विकास मन्त्रालयले जनाएको छ ।
मोरंगको विराटनगरमा ३ पुरुष, १ महिला, मिक्लाजुङमा २ पुरुष, सुनबर्षीमा १ पुरुष, रंगेलीमा १ महिला र सुनसरीको धरानमा १ पुरुषको कोरोना रिपोर्ट पोजेटिभ आएको सामाजिक विकास मन्त्रालयका प्रवक्ता डा. सुरेश मेहताले बताउनुभयो ।
प्रदेश १ मा कोरोना संक्रमितको संख्या ९ सय ७५ पुगेको छ । प्रदेश १ मा आज ८ सय ६९ जनाको पीसीआर परीक्षण गरिएको छ । पीसीआर परीक्षण गरिएका मध्ये २ महिला र ७ पुरुषको रिपोर्ट पोजेटिभ आएको प्रवक्ता डा.मेहताले बताउनुभयो ।
प्रदेश १ मा आज सम्म ४१ हजार ७ सय १० जनाको पीसीआर परीक्षण गरिएको सामाजिक विकास मन्त्रालयले जनाएको छ ।