Websoft University
May 2024


मोहन कुमार राई - जेष्ठ १३ गते | संखुवासभाको पर्यटकीय स्थल सभापोखरी स्थित धार्मिक तथा पर्यटकीय स्थल घुम्न आएको बृद्ध बुद्धिबहादुर गुरुङ उद्दारको क्रममा मृत अवस्थामा फेला परेको जिल्ला प्रहरी कार्यालय संखुवासभाले जनाएकोछ ।

जिल्ला कास्की पोखरा महानगरपालिका–२९ घर बताउने बर्ष २७ को सागर गुरुङ र निजको बुबा बर्ष ७० को बुद्धि बहादुर गुरुङ जिल्ला संखुवासभा सभापोखरी गाउँपालिका–५ स्थित रहेको धार्मिक तथा पर्यटकीय स्थल सभापोखरी घुम्न भनी चैनपुर नगरपालिका–१ गुफापोखरीबाट जेष्ठ ५ गते सभापोखरीतर्फ गएकोमा तर जेष्ठ ८ गते सम्म हिड्दा पनि गन्तव्यमा पुग्न नसके पछी निजको बुबालाई सोही स्थानमा एक्लै छाडी जेष्ठ ९ गते बिहान सो स्थानबाट छोरा सागर गुरुङ नजिकको गाँउबस्ती खोज्दै जाने क्रममा जेष्ठ १० गते सभापोखरी गाउँपालिका–५ फाकुवास्थित स्थानीय मानिसहरूको घर गोठमा पुगी सहयोग मागेको प्रहरी स्रोतले जनाएको छ ।

स्थानीय मानिसहरूले घटनाबारे जिल्ला प्रहरी कार्यालयमा जानकारी गराए पश्चात हेली एभ्रेष्ट प्रालि संगको समन्वयमा तत्काल हेलिकप्टर समेत प्रयोग गरी प्रहरी तथा स्थानीय मानिसहरु समेत भई खोजतलास गरिएको थियो ।

जेष्ठ ११ गते शुक्रवार बिहान पुनः खोज तथा उद्दार गर्ने क्रममा उक्त हेलिकप्टरको प्रयोग गरी स्थानीय मानिसहरू समेतको परिचालनमा ताप्लेजुङ र संखुवासभाको सीमाना सभापोखरी गाँउपालिका–५ लोरुम्बास्थित निज बुद्धि बहादुर गुरुङ मृत अवस्थामा फेला परेपछि उक्त शव सोही हेलीकप्टरद्वारा जिल्ला अस्पताल खाँदबारी, संखुवासभामा ल्याई कानूनी प्रकृया पुरा गरीएको तथा घटना सम्वन्धमा थप अनुसन्धान भईरहेको जिल्ला प्रहरी कार्यालय संखुवासभाको मिडिया समन्वय अधिकृत प्र.नि रामकुमार लामिछानेले जानकारी दिनुभयो ।

 


विराटनगर | नेपाल युवा परिषद् कोशी प्रदेशले पत्रकार एवं कवि मीनकुमार नवोदितसहित ९ जनालाई सम्मान गरेको छ । कोशी प्रदेश सम्मेलनका अवसरमा परिषद्ले नवोदितसहित विभिन्न क्षेत्रमा योगदान पु¥याउने ९ जनालाई सम्मान गरेको हो ।

कोशी प्रदेशमा रहेर पत्रकारिता र साहित्यमा सक्रिय योगदान पु¥याएबापत नवोदितलाई सम्मान गरिएको आयोजकले जनाएको छ । पत्रकार नवोदितलाई कोशी प्रदेशका सभामुख अमरबहादुर विष्टले दोसल्ला ओढाएर सम्मानपत्र प्रदान गरे । सो अवसरमा पत्रकारिता र साहित्यसँगै शिक्षा, स्वास्थ्य, समाजसेवी, युवा, सूचना प्रविधि, उद्यमीलगायतका क्षेत्रमा योगदान पु¥याउने व्यक्तिहरुलाई पनि सम्मान गरिएको थियो । 

स्वास्थ्य क्षेत्रबाट विराट मेडिकल कलेजका अध्यक्ष डा. ज्ञानेन्द्रमानसिंह कार्की, शिक्षा क्षेत्रबाट योगेन्द्रकुमार मण्डल, खेलकुदबाट नेपाली क्रिकेट टिमकी पूर्वकप्तान रुविना क्षेत्री, युवा उद्यमी मोहन गजुरेल, महिला तथा बालबालिका र समाजसेवाका क्षेत्रमा सीता शर्मालाई सम्मान गरिएको थियो । त्यस्तै सूचना प्रविधितर्फ सविन फुयल (सुनसरी), सामाजिक सेवातर्फ रञ्जु शर्मा (झापा), युवातर्फ अरुण खड्का (सुनसरी)लाई सम्मान गरिएको थियो । उनीहरु सबैलाई सभामुख विष्टसहित नेपाल युवा परिषद्का केन्द्रीय अध्यक्ष सरोज बानिया, कोशी प्रदेश संयोजक अभय मगरलगायतले सम्मान गरे । कोशी प्रदेशमा रहेर आ–आफ्नो क्षेत्रमा योगदान दिएबापत उनीहरुलाई सम्मान गरिएको परिषद्का केन्द्रीय अध्यक्ष बानियाले जानकारी दिए ।

कार्यक्रमलाई सम्बोधन गर्दै सभामुख विष्टले विकास र समृद्धिका लागि कोशी प्रदेशमा प्रचुर सम्भावना रहेको बताए । उनले युवाहरुको बढ्दो विदेश पलायनप्रति भने चिन्ता व्यक्त गरे । परिषद्का केन्द्रीय अध्यक्ष बानियाले अहिेल नेपालमा ४२.५६ प्रतिशत जनसंख्या युवाको रहेको उल्लेख गर्दै यो समयमा देशको विकासले गति लिनुपर्नेमा जोड दिए । 

युवाको यस्तो संख्या विश्वका अन्य कमै मुलुकमा भएको उनको भनाइ थियो । युवा जनशक्तिलाई परिचालन गरेर देश निर्माणमा जुट्नु जरुरी रहेको उनले औंल्याए । बानियाले ७ वटै प्रदेशमा प्रदेश सम्मेलन गरेर युवा लक्षित नीति निर्माण गर्न र बजेट निर्माण गर्न तीनै तहको सरकारलाई दबाब दिने बताए । तीन दिनसम्म सञ्चालन हुने सम्मेलनमा कोशी प्रदेशका सबै जिल्लाका युवाहरुको सहभागिता रहेको कोशी प्रदेश संयोजक अभय मगरले जानकारी दिए ।


सुनसरी, जेष्ठ १३ गते । ट्राफिक ब्यबस्थापनको सहजताका लागि ईटहरीमा रहेको अटो सिटि बजाज सोरुमका संचालक प्रदिप कुमार सन्थालियाले ट्राफिक प्रहरीलाई ४ थान बिद्युतिय टेम्पो प्रदान गर्नु भएको छ । नेपाल प्रहरी राजमार्ग सुरक्षा तथा ट्राफिक ब्यबस्थापन कार्यालय ईटहरी परिसरमा कोशी प्रदेश प्रहरी प्रमुख प्रहरी नायव महानिरीक्षक चन्द्र कुबेर खापुङको प्रमुख आतिथ्यतामा आयोजित एक कार्यक्रममा ब्यबसायी एवं समाजसेवी सन्थालियाले ४ थान बिद्युतिय टेम्पो प्रमुख अतिथि खापुङलाई प्रदान गर्नु भएको हो । सोही कार्यक्रममा प्रदेश प्रहरी प्रमुख खापुङले उक्त बिद्युतिय टेम्पो  ट्राफिक प्रहरी प्रमुख प्रहरी उपरीक्षक सरोज पौडेललाई हस्तान्तरण गर्नु भयो । 

कार्यक्रममा प्रमुख अतिथि खापुङले सन्थालियालाई हार्दिक धन्यवाद दिनु हुँदै उक्त बिद्युतिय सवारी साधनले ट्राफिक प्रहरीलाई  ट्राफिक व्यवस्थापन कार्यमा सहजता पुग्नुका साथै उक्त सवारी साधनको प्रयोग गरी सवारी दुर्घटना न्युनिकरण तथा ट्राफिक सचेतनामुलक कार्यक्रमहरु संचालन गरीने बताउनु भयो ।

 कार्यक्रममा समाजसेवी सन्थालियाले सवारी दुर्घटना न्युनिकरणको लागि ट्राफिक प्रहरीको काम कारवाहीमा सहजता तथा सवारी दुर्घटनामा कसैले पनि ज्यान गुमाउनु नपरोस भनि प्रभावकारी ट्राफिक व्यवस्थापनको लागि बिद्युतिय टेम्पो आफुले प्रदान गरेको बताउनु भयो । उक्त कार्यक्रममा कोशी प्रदेशका प्रहरी बरिष्ठ उपरीक्षक जयराज सापकोटा, सुनसरी जिल्लाका प्रहरी प्रमुख बिपिन रेग्मी लगायत ट्राफिक प्रहरी कर्मचारीहरुको उपस्थिति रहेको थियो ।


श्याम राई, उदयपुर गाईघाट, १३ जेष्ठ |  २२ औं कृष्ण सेन ईच्छुक स्मृति दिबसको अबसरमा आईतबार प्रेस सेन्टर नेपाल उदयपुर शाखाले जिल्ला अस्पताल उदयपुरमा ४० जना बिरामीहरुलाई फलफूल बितरण गरेको    छ ।

पे्रस सेन्टरमा आबद्ध पत्रकारहरुले बिहान अस्पतालमा पुगेर बिरामीहरुलाई फलफूल वितरण गरेको सेन्टरले जनाएको छ । फलफूल वितरण कार्यक्रममा सेन्टरका केन्द्रिय सदस्यहरु महेश्वर चाम्लिङ, भोटराज राई  र हरी कुमार राईको समेत उपस्थिति रहेको थियो । जिल्ला अस्पतालका प्रमुख मेसु डा. ज्ञानेन्द्र झाले समेत फलफूल वितरण गरेका थिए ।

पे्रस सेन्टरले हरेक वर्ष जेष्ठ १३ मा कृष्ण सेनको स्मृतिमा विभिन्न कार्यक्रमको आयोजनागरि दिबस मनाउने गरेको छ । पक्रकार एवम कबि समेत रहेका ईच्छुकलाई माओवादी द्धन्दका बेला नेपाली सेनाले पक्राऊ गरेर हत्या गरेका थिए । उनै सेनको सम्झनामा हरेक वर्ष पे्रस सेन्टर नेपालले दिबस मनाउदै आएको छ ।


श्याम राई, उदयपुर  गाईघाट, १३ जेष्ठ | बर्षेनी सप्तकोशीले कटान गर्दै आएको बेलका  नगरपालिका–८ स्थित डुमीबोट शिसौली पश्चिम कोशी धारमा बिगबोल्ड ड्यामको निर्माण कार्य शुरु भएको छ ।

शनीबार मेयर अशोक कार्कीले भूमि पुजनगरि निर्माण कार्यको थालनी गरिएको हो । कोशी तथा बक्राह नदी ब्यवस्था आयोजना मार्फत संघिय सरकारले उपलब्ध गराएको ४९ लाख रुपैयाको  लागतमा उपभोक्ता मार्फत कोशी कटान नियन्त्रणको काम शुरु गरिएको मेयर कार्कीले बताए । उनले अब बर्षा शुरु हुन लागेकोले यो महिना भित्र मै ड्याम निर्माणको काम सक्नेगरि काम शुरु गरिएको बताए ।

कोशी कटान नियन्त्रणको काम भारत सरकारको भए पनि उस्ले बजेटको ब्यवस्था नगरी दिदा कोशी कटान नियन्त्रणको काम हुन सकेको थिएन । कोशीले बिगत ३ वर्षदेखि निरन्तर पश्चिमतर्फ कटान गर्दा कोशी गाउँ बस्तिमा पसेर क्षेति पु¥याएको थियो ।

गत बर्ष पनि कांग्रेस नेता डा.नारायण खड्काको पहलमा सरकारले उपलब्ध गराएको रकमले कोशी कटान रोकथामको काम भएको थियो । यो बर्ष पनि डा.खड्काको पहलमा झण्डै ५० लाख सरकारले कोशी नियन्त्रणको लागि उपलब्ध गराएको मेयर कार्कीले बताए ।

उनले सरकारले कोशी कटान नियन्त्रणमा उदासिन देखाएकोले बजेट पर्याप्त पर्न नसकेको बताए । कोशी कटान नियन्त्रणको लागि १ अर्ब जति पर्न सके पश्चिम तर्फमा बर्षेनी भैरहेको कोशी कटान पूर्ण रुपमा नियन्त्रणमा आउने उनले बताए ।

 


बिराटनगर २०८१ जेष्ठ ११ गते | उद्योग संगठन मोरङले औद्योगिक क्ष्ँेत्रममा कार्यरत प्राविधिकहरुको सीप स्तरोन्नती तालिम सम्पन्न गरेको छ । उद्योगमा कार्यरत प्रँविधिकहरुलाई किफायती उर्जा खपतमा सीप तथा दक्ष्ँता अभिवृद्धि गर्ने उद्देश्यले संचालित ईनर्जी ईफिसियन्सी तालिममा २२ जना प्रशिक्ष्ाँर्थीको सहभागिता थियो । ईन्स्योर परियोजनासंगको सहकार्यमा संचलित संगठनको सीप विकास कार्यक्रम अन्तर्गत संचालित तालिम एम एम प्लाष्टिक उद्योगमा कार्यरत प्राविधिकहरु सहभागिता रहेको थियो ।

 २० दिने तालिमको समापन तथा पुरस्कार वितरण कार्यक्रम आज मिति २०८१ जेष्ठ ११ गते सम्पन्न भएको छ । उक्त कार्यक्रममा संगठनका अध्यक्ष्ँ राकेश सुरानाले प्रशिक्ष्ाँर्थीहरुलाई प्रमाण पत्र वितरण गर्दै उद्योग प्रतिष्ठानमा कार्यरत जनशक्तिको ज्ञान र सीप अभिवृद्धि भए उद्योगको उत्पादकत्व वृद्धिमा सहयोग पुग्ने वताए ।  उनले उद्योग प्रतिष्ठानले भोग्दै आएको दक्ष प्राविधिकको अभावलाई मध्यनजर गरी उद्योगहरुको आवश्यकताका आधारमा संगठनले पाठयक्रम तयार गरी तालिम संचालन गर्दै आएको वताए । उनले पछिल्लो दिनमा यस प्रकारको तालिम संचालनका लागि उद्योगहरुको वढदो अभिरुची प्रति खुशी व्यक्त गर्दै प्रत्येक तालिमलाई कर्मचारीहरुले जिवनपर्यत्न्त सिकाईको प्रकृयाका रुपमा लिई आफनो कार्यसम्पादन क्षमतामा सुधार गर्न अनुरोध गरे ।

 तालिमका प्रशिक्ष्ँक संजय कुमार साहले तालिम अवधिमा प्राविधिकहरुलाई उर्जा खपत न्यूनिकरणका उपायहरु, खेर गईरहेको उर्जा नियन्त्रण तथा मेशिनको प्रयोग र संचालन विधि, प्राप्त उर्जाको समूचित उपयोग एवं व्यवस्थापन, उर्जा दक्ष्ँता पद्धती र महत्वका विषयहरु तालिममा समेटिएको वताए ।

 साथै संगठनको सीप विकास कार्यक्रम अन्तर्गत अरिहन्त मल्टिफाईवर्स लिमिटेडमा जुट व्याचिङ सम्वन्धी तालिम तथा परिवर्तित सन्दर्भमा प्राविधिकहरुलाई ईष्डष्ट्रि अटोमेशन भेरिएवल फ्रिक्वेन्सी ड्राईभ (भि.एफ.डी) सम्वन्धी तालिम संगठन हाताभित्र एकै साथ संचालन रहको संगठनले जनाएको छ ।

 संगठनले यसअघि विभिन्न उद्योग प्रतिष्ठानका प्रँविधिकहरुलाई एकै थलोमा जम्मा गरी तालिम दिदै आएकोमा सिकाईलाई थप प्रभावकारी वनाउनका लागि पछिल्लो समय सम्वन्धीत उद्योगको कार्यस्थल मै राखेर तालिम संचालन गर्ने नया अभ्यास अन्तर्गत यो तालिम संचालन गरिएको हो । संगठनले सम्वन्धीत उद्योगको मागको आधारमा सम्वन्धीत उद्योगका कार्यरत प्राविधिकहरुको दक्ष्ँताको मागका आधारमा पाठयक्रम समेत तयार गरी यस प्रकारको तालिम संचालन गर्ने रणनीति अख्तियार गरेको छ । यस आर्थिक वर्षमा ३ सय मध्ये १ सय जनाको तालिम सम्पन्न भईसकेको संगठनले जनाएको छ ।

तालिमको समापन कार्यक्रममा संगठनका निवर्तमान अध्यक्ष्ँ सुयष प्याकुरेल, वरिष्ठ उपाध्यक्ष्ँ नन्दकिशोर राठी र सीप विकास कार्यक्रमका संयोजक दिपक कुमार अग्रवाल तथा ईन्स्योर परियोजनाकी रेखा उप्रेतीको सहभागिता रहेको थियो ।

 

 


विराटनगर  | विराटनगर वडा नम्बर ५ स्थित सिद्धकाली आधारभूत विद्यालयले विभिन्न क्षेत्रका व्यक्तिहरुलाई सम्मान गरेको छ ।

विद्यालयको ३५ औं वार्षिकोत्सवका अवसरमा आयोजित कार्यक्रममा विराटनगर महानगरपालिकाका मेयर नागेश कोइरालाले उहाँहरुलाई सम्मान गर्नुभयो । विद्यालयको सल्लाहकारमा रहेर सहयोग गरेको भन्दै समाजसेवी केदार कार्की, शिक्षासेवी तथा युवानेता रुपेश खतिवडा, समाजसेवी मनमोहन श्रेष्ठ, वडा सदस्य अन्जु दाहाल, युवा नेता उद्धव कोइराला,पुष्प कटवाल, राजेश गिरी,अमित अग्रवाल, विद्यालयका पूर्वप्रधानाध्यापक देवनारायण मण्डललगायतलाई सम्मान गरिएको   थियो ।

मेयर कोइरालासहित विद्यालय व्यवस्थापन समितिका अध्यक्ष रामचन्द्र यादव र प्रधानाध्यापक राजेन्द्रकुमार थापाले सम्मानपत्र प्रदान गर्नुभएको थियो । कार्यक्रमलाई सम्बोधन गर्दै मेयर कोइरालाले सामुदायिक विद्यालयहरुकोगुणस्तर वृद्धिमा महानगरपालिकालागिपरेकोबताउनुभयो । उहाँले विद्यालयको भौतिक संरचनामा समेत कुनै कमी हुन नदिने गरी महानगरपालिकाले काम गरिरहेको जानकारी दिनुभयो । मेयर कोइरालाले सामुदायिक विद्यालयका सबै कक्षाकोठामा पंखा जडान गरिने बताउनुभयो । गरिब तथा सीमान्तकृत वर्गका बालबालिका पढ्ने सो विद्यालयमा हाल १५० जना विद्यार्थी अध्ययनरत रहेको प्रअ थापाले जानकारी दिनुभयो ।

 


मोहन कुमार राई - संखुवासभा, देशभर नै आज विविध कार्यक्रमका साथ बुद्धजयन्ती एवं उभौली पर्व मनाइरहको छ । यसै क्रममा जिल्लाको खाँदवारी, चैनपुर र पोखरी बजामार विशेष कार्यक्रमका साथ पर्व मनाएका छन् ।

“सास्कृतिक सम्वद्र्धन, पर्यटीय प्रर्वद्धन र खेलकुद विकास” भन्ने मूल नारका साथ जिल्लाको चैनपुर नगरपालिका स्थित पोखरी बजारमा नवयुग युथ क्लवले चण्डीपूर्णिमा मेलाको नै आयोजना गरेर संस्कार संस्कृतिको विकास एवं पर्यटनको विकास गर्ने प्रयत्न गरिरहेको छ । बौद्धधर्म अनुसार पाठापारयण, रथ यात्रा, किरातजातीहरुको मुधुमी पूजा एवं केलाङ नृत्य सहित विभिन्न जातजाती धर्मवलम्वीहरुको सास्कृतिक झाकी प्रदर्शनी गरेको युथ क्लवकाअध्यक्ष मनोज तामाङले वताउनुभयो ।

विहिबार चैनपुर बाजर स्थित बौद्ध विहार, पोखरी स्थित साङ्गाछ्योलिङ्ग गुम्मा लगायतको स्थानमा छुट्टा छुट्टै भगवान गौतम बुद्धको विधिपूर्वक पूजापाठ एवं रथ याता समेत गरिएको थियो । बौद्ध, किरात, एवं हिन्दु धर्मवलम्बीहरु एउटै आगनमा आ–आफ्नो संस्कृतिको प्रदर्शनी गरेर धार्मिक सहिष्णुता पर्यटकीय आकर्षता थपेको स्थानीयको भनाइ रहेको छ । यसले नेपालीपनको आभाष गराएको छ । लोप हुन लागेको पञ्चेवाजा, बौद्धमार्गी तामाङ, गुरुङ, शेर्पा जातीहरुद्धारा शिरमा त्रिपिटक बोकेर बुद्धभगवानको रथ यात्रा, राई, लिम्बू, याख्खा लगायतको चण्डी एवं साकेला नृत्य सहित व्यानर, ध्वजापतकाले बजार निकै चहलपहल रहेको थियो ।

चैनपुर नगरपालिकाको वडा नं ३,४ र ५ को संगम स्थल ऐतिहासिक सुन्दर नगरी पोरखी बजारमा नवयुग युथ क्लवले चण्डीपूर्णिमा मेलाको आयोजना गरेर अन्तर पालिका स्तरीय भलिवल प्रतियोगित, डबल व्याडमिण्टन प्रतियोगिता, बेलुकी साँस्कृतिक कार्यक्रमको समेत आयोजना गरेको क्लवका सचिव मोहन कुमार खत्रीले जानकारी दिनु  भयो ।

खेलमा भलिबल अन्तरगत प्रथम पुरस्कार १ लाख ११ हजार १ सय ११ रुपैया नगदका साथ चाँदीको ट्रफी, मेडल तथा प्रमाण पत्र प्रदान गरिने, दोस्रो पुरस्कार ६६ हजार ६ सय ६६, तृतीय २२ हजार २ सय २२ नगद  साथै उत्कृष्ठ खलाडीलाई नगद रु ५ हजार प्रदान गरिने खेल संयोजक आकाश बुढाथोकीले जानकारी दिनुभयो ।

यसैगरी व्याडमिन्टन तर्फ प्रथम पुरस्कार नगद रु १५ हजार, द्धितीय पुरस्कार ८ हजार , सेमी फाइनलिस्ट लाई रु ४ हजार सहित विजयी खेलाडीलाई मेडल र प्रमाणपत्र प्रदान गरिने खेल संयोजक बुढाथोकीले वताउनुभयो ।

झाकी प्रदर्शनी सहितको बजार परिक्रमा गर्दै पूर्व कोशी प्रदेश आर्थिक मामिला मन्त्री तुलसी प्रसाद न्यौपानेले उद्घाटन व्यानर पढेर मेलाको उद्घाटन गर्नुभएको थियो । उक्त उद्घाटन कार्यक्रममा जनप्रतिनिधहरु, सामाजिक संघ संस्थाका प्रमुख एवं प्रतिनिधि, सरकारी कार्यालयका प्रमुख एवं प्रतिनिधरुको उपस्थिति रहेको थियो ।

 


विराटनगर |  नेपाल प्रेस युनियनको ३३ औं स्थापना दिवसका अवसरमा प्रेस युनियन कोशी प्रदेशले सञ्चारकर्मीहरुबीच दौड प्रतियोगितासहितका विभिन्न कार्यक्रम सम्पन्न गरेको छ ।

महिला र पुरुष दुई समूहमा आयोजित प्रतियोगितामा पुरुष सञ्चारकर्मीतर्फ विराटनगरका लाइभ न्यूजका कपलेश्वर यादव प्रथम भएका छन् । त्यस्तै विएफएमका अनन्तराम चौधरी द्वितीय र इलाम सुरेश भट्टराई तृतीय भए । त्यस्तै महिला सञ्चारकर्मीतर्फ मोरङकी इन्दु साह प्रथम, ताप्लेजुङकी माला पालुङ्गा द्वितीय, तेह्रथुमकी जानुका नेपाल तृतीय भए । विजेता महिला पुरुष दुवैलाई बराबरी क्रमशः १० हजार, ५ हजार र ३ हजार पुरस्कार र प्रमाणपत्र प्रदान गरिएको थियो ।


दौड प्रतियोगिताको विराटनगर महानगरपालिकाका मेयर नागेश कोइराला र प्रेस युनियनका केन्द्रीय अध्यक्ष शिव लम्सालले उद्घाटन गर्नुभएको थियो । विराट अस्पताल र रेडक्रसले स्वास्थ्यकर्मीसहित एम्बुलेन्स सेवा उपलब्ध गराएका थिए भने मोरङ जिल्ला एथलेटिक्स संघले प्राविधिक सहयोग उपलब्ध गराएको थियो । महेन्द्र चोकबाट सुरु भएको दौड बरगाछी उत्तरमा अवस्थित होटल मनास्लु ईनमा पुगेर समापन भएको थियो ।

कोशी प्रदेश सरकार आन्तरिक मामिला तथा कानुन मन्त्रालयसँगको सहकार्यमा युनियनले ६ जना अग्रज पत्रकारलाई समेत सम्मान गरेको छ । सो अवसरमा युनियनको प्रदेश समितिले कोशी प्रदेशका ६ जना अग्रज पत्रकारहरुलाई सम्मान गरेको छ ।

नेपाली कांग्रेसका वरिष्ठ नेता एवम् संघीय सांसद डा. शेखर कोइराला, महानगरका मेयर नागेश कोइराला, युनियनका केन्द्रीय अध्यक्ष शिव लम्साल र युनियनका कोशी प्रदेश अध्यक्ष मीनकुमार नवोदितले अग्रज पत्रकार खोटाङका कृष्ण आचार्य, झापाका गोविन्दचन्द्र क्षेत्री, सुनसरीका गिरिराज आचार्य र हर्ष सुब्बा, मोरङका भारती उपाध्याय र दुर्गाप्रसाद खतिवडालाई सम्मान गरेका थिए ।

मोरङका दुर्गाप्रसाद खतिवडा सम्मान समारोहमा स्वास्थ्यका कारण उपस्थिति हुन नसकेकाले उनको सम्मान घरमै पु¥याइदिने प्रदेशका अध्यक्ष नवोदितले बताए ।

कार्यक्रमलाई सम्बोधन गर्दै नेता कोइरालाले गृहमन्त्री रवि लामिछानेका दुईवटा राहदानी र नागरिकताका विषयमा समेत छानबिन हुनुपर्ने माग गरेका छन् । उनले सहकारी ठगी प्रकरणमात्रै नभएर पासपोर्ट र नागरिकताका विषयमा पनि गृहमन्त्री लामिछानेमाथि छानबिनको माग गरेका हुन् । सो अवसरमा नेता कोइरालाले गृहमन्त्री भएको आधारमा लामिछानेलाई कानुनी छुट नहुने बताए । ‘देशको कानुन गृहमन्त्रीलाई लाग्दैन ? गृहमन्त्री भएको नाताले उन्मुक्ति दिन ? यो हुन सक्दैन । त्यसबाट उन्मुक्ति पाउन उहाँले सक्नुहुन्न्,’ कोइरालाले भने ।

गृहमन्त्री लामिछानका दुईटा पासपोर्ट र दुईटा नागरिकता भएको दाबी गर्दै उनले संसदका महासचिव पद्मप्रसाद पाण्डेको पनि दुईटा नागरिकता र दुईटा पासपोर्ट रहेको दाबी गरे । उनले कान्तिपुर मिडिया ग्रुपका अध्यक्ष कैलाश सिरोहियाको पक्राउ प्रतिशोध तरिकाले भएको भन्दै उनले सिरोहिया पक्राउ परेको अघिल्लो दिन आफूलाई थाहा नभएको बताउने प्रधानमन्त्री पुष्पकमल दाहाल ‘प्रचण्ड’ले पछिल्लो दिन आफैंले अर्डर दिएको स्वीकारेर दोहोरो कुरा गरेको बताए ।

 ‘यसरी नै देश चल्ने हो भने हामी कहाँ पुग्छौं । पहिलो दिन कैलाशजीलाई समातेको मलाई थाहा छैन भन्नुभयो । हिजो मैले नै अर्डर गरेको भन्नुभयो,’ कोइरालाले भने, ‘सरकार छ कि छैन ? यो देशमा भइरहेको छ चाहिं के ? बूढी म¥यो भन्दा काल पल्कियो । ’ कोइरालाले सहकारी ठगी काण्ड लुकाउने र संरक्षण गर्ने कार्यप्रति कांग्रेसले सदन र सडक दुवैतर्फ दबाब बढाउने उद्घोष गरे ।

कार्यक्रमका पूर्वमन्त्री तथा कांग्रेस नेता डा. मीनेन्द्र रिजालले सरकार तानाशाही तरिकाबाट अगाडि बढिरहेको बताए । उनले सरकारले सञ्चार क्षेत्रमाथिसमेत अंकुश लगाउन प्रयास गरिरहेको दाबी गरे । कार्यक्रममा विराटनगरका नागेश मेयर कोइराला, प्रेस युनियनका वरिष्ठ उपाध्यक्ष प्रेम केसी, उपाध्यक्ष दीपेन्द्र वान्तवा, पत्रकार महासंघ कोशीका कार्यबाहक अध्यक्ष लवदेव ढुंगाना, प्रेस चौतारीका केन्द्रीय सचिव विक्रम लुइँटेल, प्रेस सेन्टरका केन्द्रीय उपाध्यक्ष विवेक गौतमलगायतले शुभकामना मन्तव्य व्यक्त गरेका थिए ।

 त्यस्तै युनियनले नेपाल पत्रकार महासंघको निर्वाचनलाई लक्षित गरी प्रदेश भेलासमेत सम्पन्न गरेको छ । भेलामा १४ वटै जिल्ला शाखाका अध्यक्षहरुले महासंघ निर्वाचनको तयारी, युनियनको अवस्थालगायतका विषयमा जानकारी गराएका थिए । भेलामा युनियनका १४ वटै जिल्लाका अध्यक्ष, युनियनबाट निर्वाचित नेपाल पत्रकार महासंघका जिल्ला अध्यक्ष, युनियन र महासंघबाट केन्द्र, प्रदेशमा प्रतिनिधित्व गर्ने पदाधिकारी, सदस्य, सल्लाहकार समिति, परामर्श समितिलगायतको उपस्थिति रहेको महासचिव संजीव वाग्लेले जानकारी दिए । कार्यक्रममा प्रेस युनियन कोशी प्रदेशले स्थापना गरेको पत्रकार सामाजिक सुरक्षा र उपचार कोषको समेत औपचारिक घोषणा गरिएको थियो । सोही अवसरमा ‘प्रदेशको स्थायित्व र विकासमा सञ्चार क्षेत्रको भूमिका’ विषय विचार गोष्ठी पनि आयोजना गरिएको थियो ।


विराटनगर । विराटनगर ९ स्थित ईडेनवर्ग कलेजले विद्यार्थीहरुको स्वागत तथा विदाई कार्यक्रम एकै पटक गरेको छ ।

कलेजले बिबिएस र बिबिएमा अध्ययन पुरा गरेका विद्यार्थीहरुको विदाई तथा सोहि संकायमा भर्ना हुन आएका नयाँ विद्यार्थीहरुलाई स्वागत कार्यक्रम गरेको हो । विराटनगरमा आज एक कार्यक्रम आयोजना गर्दै विद्यार्थीहरुको स्वागत तथा विदाई गरिएको हो ।

कार्यक्रमकाबीच यसबर्ष बिबिए र बिबिएसमा भर्ना हुन आएका ४ सय २१ जना विद्यार्थीलाई स्वागत तथा नयाँ व्यवस्थापनबाट सञ्चालन भएको पाँचौ ब्याचका २ सय ५० जना विद्यार्थीलाई विदाई गरिएको ईडेनबर्ग कलेजका प्रिन्सिपल दिपनारायण साहले जानकारी दिए । सो अवसरमा बिबिएस तेश्रो बर्षमा अध्ययरत सृजना कुमारी मेहतालाई स्वर्गिय कृष्ण देवान स्मृति पुरस्कार २०८१ बाट पुरस्कृत गरिएको छ ।

 पुरस्कार अन्र्तगत मेहतालाई एकबर्षमा लाग्ने सम्पुर्ण शुल्क उपलब्ध गराईएको छ । उक्त पुरस्कार कलेजका पुर्व कर्मचारी स्वर्गिय कृष्ण देवानको स्मृतिमा उहाँका छोरा पत्रकार प्रेम देवानले स्थापना गरेका छन् । यसैगरि बिबिएस दोश्रो बर्षमा अध्ययनरत आरिफ अंसारीलाई कलेजको तर्फबाट छात्रबृति प्रदान गरिएको छ । हाल ईडेनबर्ग कलेजमा १ हजार ३ सय ५० जना विद्यार्थी अध्ययनरत रहेको कलेजका सञ्चालक भुवन नेपालले जानकारी दिए । सो अवसरमा विद्यार्थीले सांस्कृतिक कार्यक्रम समेत प्रर्दशन गरेका थिए ।

कार्यक्रममा त्रिभुवन विश्वविद्यालयका सह–परीक्षा नियन्त्रक डा.डिल्ली प्रसाई र कोबास कलेजका प्रिन्सिपल सुनिलकुमार श्रेष्ठ लगायतले बोलेका थिए । कलेज ब्यवस्थापन समितिका अध्यक्ष विष्णु दाहालको सभापतित्वमा कार्यक्रम सम्पन्न भएको थियो ।  


विराटनगर । विराटनगरस्थित मदरल्याण्ड एकाडेमीमा नृत्य प्रतियोगिता आयोजना गरेको छ । स्कुल परिसरमा बिहीबार बुद्ध जयन्तीको अवसर पारेर नृत्य प्रतियोगिता आयोजना गरेको हो ।

नृत्य प्रतियोगिताको प्रथम उर्वी काफ्ले, अलिशा श्रेष्ठ, अनुस्का मण्डल, श्रेया कोइराला, युनिका घिमिरे  र सुभेक्षा घिमिरेको समूह भयो । उनीहरुले नेवारी पहिरन लगाएर सांस्कृतिक नृत्य प्रस्तुत गरेका थिए । प्रथम हुने टिमले नगद पाँच हजार रुपैयाँ पाएको छ । अन्य १० टिमले जनही २ हजार पाएका छन् ।

नृत्य प्रतियोगिताको निर्णायकमा नृत्य निर्देशक प्रेम सोनाम रहेका थिए । विद्यार्थीहरुमा भएको प्रतिभा उजागर गर्ने उद्देश्यले नृत्य प्रतियोगिता आयोजना गरिएको स्कुलका प्रिन्सिपल मोहन बुढाथोकीले जानकारी    दिए ।

कार्यक्रमको प्रमुख अतिथि हिसानका केन्द्रीय उपाध्यक्ष भेषराज पोखरेल रहेका थिए । कार्यक्रममा प्याब्सन मोरङकी सल्लाहकार सावित्री पराजुली, प्याब्सन विराटनगरका सल्लाहकार इन्द्र राई, नन्दलाल मण्डल, युवराज अधिकारी , चुडामणि नेपाल, दीपक प्रसाद घिमिरे गायक सुमित खड्कालगायतको पुरस्कार तथा प्रमाणपत्र वितरण गरे ।

 


बिराटनगर |  नेपालमा जतिखेर इडियान र इडियान लगानिमा कान्तिपुर दर्तागरिदै थियो त्यो बेला नेपालका देशभरिका छापा पत्रकारले व्यापक बिरोध गरेर, भनेका थिए | बिदेसिलाइ नेपालको सन्चार क्षेत्रमा लगानी गर्न दिनु हुदैन भनेर एक वर्ष सम्म बिरोध गरेको कुरा सबै पुराना पत्रकार लाइ थाहाछ तर बोल्दैनन किन ?? त्यास पछि राजधानी दैनिक हुदै नेपालमा इडियान लगानिमा ठुला मिडिया खोले ?? बिरोध भइरहे पनि सरकार निरिए हुदै गयो एउटैलाइ पत्रिका रेडियो टेलिभिजन जस्ता सन्चार माध्यम चलाउन अनुति दिए पछि स्थानिय स्रोत साधान ठुला मिडियामा केन्द्रि भए पछि ०४६ साल देखि चलेका पत्र पत्रिका र स्थानिय पत्रकार पेसा छाडेर पलाएन हुन थाले बिदेसी-इडियान पत्रकार र मिडियाले नेपालमा दवदबा सुरू गरे साना पत्रिका र पत्रकारका सबै स्रोत खोसे .........हुदा हुदा अदालते त कान्तिपुर राजधानीको समचार भन्दै फैसला गर्न थाले पछि जनताको न्यायिक अधिकार खोसियो ?, सरकारले गलत निणय गर्न थाल्यो सरकार बिदेसी लगानीका मिडिया सग डराउन थाल्यो | केन्द्र  बाट मन्त्री स्तरिय निर्णय भन्दै प्रधान कार्यालय,राष्ट बैक बिभागिय सबै तलका कान्तिपुर राजधानी दैनिक किन्नु भनेर सरकारले पत्रचारै गर्यो | ( त्यस पछि स्थानिय पत्रिका किन्न र बिज्ञाप दिन उधोगि व्यापारीले छाडे)  यिनले बेला बेलामा सरकार ब्यापारी उधोपति लगाएतलाइ लाइ धम्कयाउने बागेर्निङ गर्ने सिलसिला जारी राखे | यो कुरा नया पत्रकारलाइ थहा छैन | तर पुराना पत्रकार लाइ सबै थाहाछ तर किन बोल्दैनन ?  कुनै बेला बोल्लान होला ?  समचार बनाउनेको पनि एउटा पत्रिका २०४६ दर्ता गरेर रूगन अबस्था चले पनि ख बर्गमा परेको थियो सुबिदा सुचानाबाट सरकारी हण्डी मात्र आउने अरू  बिज्ञापनआउने नबिक्ने भए पछि हण्डी खान मन परेन र  २०६८ सालमा उधोग प्रेस काउन्सिल सुचना बिभाग        कर,सुचना केन्द्रमा गएर निबेदन दिएर बन्दै गर्न लागे पछि   बन्द नगर्न प्रेसकाउन्सिल धेरै  पट पत्र पठयो तर मगइन यसो गर्ने पनि म पहिलो ब्याक्ती हुला | अहिले नया युटुवर अनलाइ आए पछि समचार मा टुइट आएको हो र युवा पत्रकार अगि बडेर देसका धमिराहरू खोतल्ने काम गरिराका छन | बिदेसी र बिदेसी नागरिक ले लगानी गरेको सन्चार मिडिया हाउस बारे छान बिन हुनु  पर्छ । कैलास सिरोहिया पत्रकार  होइनन, लगानीकर्ता मात्र हुन | |यसलाइ पत्रकार माथिको हमला भनिदैन, भन्न मिल्दैन | नागरिकता काण्डका जो कोही हुन  सबैलाइ कारवाही हुनुपर्छ । सबैको जय होस् ।


विराटनगर | विराटनगर महानगरपालिकाकी उपमेयर शिल्पा निराला कार्कीको व्यक्तिगत पहलमा ज्येष्ठ नागरिक आमाहरुलाई निःशुल्क चलचित्र हेर्ने व्यवस्था मिलाएकी   छन् ।

 जेष्ठ नागरिक आमाहरूलाई वहाँहरूको मानसिक स्फूर्ति र मनोरञ्जनका लागि साथै नेपाली चलचित्रको वर्तमान अवस्था र चलचित्रको माध्यमबाट कलासँग जोड्ने एवम् नेपाली चलचित्रको प्रवर्द्धन समेत हुने उद्देश्यले विराटनगर महानगरपालिका वडा नं. ११ का जेष्ठ नागरिक आमाहरूलाई महानगरपालिकाका उप–प्रमुखज्यु ले आफ्नो व्यक्तिगत पहलमा नेपाली चलचित्र “मनसरा“ देखाउनुभएको छ ।


बिराटनगर  २०८१ जेठ ८ गते । रातो तारा डट कम,मोरङ जिल्ला विराटनगर महानगरपालिका वडा नं।(७ स्थितबाट प्रदेश १(०२(०४४ प ७०२९ नम्बरको अपाची मोटरसाईकल र को १८ प ८८६८ नम्बरको सुपर स्प्लेण्डर मोटरसाईकल चोरीमा संलग्न भारत विहार राज्य निरगन्ज वडा नं। ६ बस्ने बर्ष २० को साजिद रजा र ऐऐ बस्ने बर्ष २८ को एहसान सेखलाई जिल्ला प्रहरी कार्यालय मोरङबाट खटिएको प्रहरी टोलीले नियन्त्रणमा लिई थप अनुसन्धान कार्य भई रहेको छ |


विराटनगर | तेस्रो संस्करणको मिल्स कप टि – २० क्रिकेट प्रतियोगिताको उपाधि विराटनगरको वाइआरसिसी क्रिकेट क्लबले जितेको छ ।

विराटनगर जुटमिलको खेलमैदानमा मंगलबार सम्पन्न भएको फाइनल खेलमा विराटनगरको होराइजन क्रिकेट क्बललाई २०० रनको फराकिलो अन्तरले हराउँदै वाइआरसिसीले उपाधि जितेको हो ।

जितसँगै वाइआरसीसीले १ लाख ५१ हजार र ट्रफि हात पारेको छ । उपबिजेता बनेको होराइजनले ७५ हजार रुपैयाँमा चिक्त बुझायो ।

वाइआरसीसीले निर्धारित २० ओभरमा ९ विकेट गुमाइ २४६ रन बनाएको हो । जितको लागि वाइआरसीसीका देव खनालले आक्रमक ब्याटिङ गर्दै सतक कटाए । उनले ३४ बलमा ११२ रन बनाए । खनालले १२ छक्का र ८ चौका हिर्काए । उनले यसअघि पनि २९ बलमा सतक कटाएका थिए ।

नारायण जोशीले १६ बलमा ४९ रन बनाए । उनले ५ छक्का र ४ चौका हिर्काए । अभिषेक पाठकले १८ बलमा ३३ रन पारी खेल्दा विपिन खत्रीले १४ रन बनाए । वाइआरसीसीका अन्य ब्याटरले दोहोरो अंक ल्याउन सकेनन् ।

होराइजनका बलर इमरान शेखले ३ विकेट लिए । दिपेश कन्डेल, श्रवर्ण किस्कुले समान २–२ विकेट लिए ।

वाइआरसीसीले दिएको २४७ रनको विशाल लक्ष्य पछ्याएको होराइजनले ७.१ ओभरमा सबै विकेट गुमाइ ४६ रन मात्रै बनाए । सुजन थपलियाले १२ रन, दिपेश कन्डेलले १० रन बनाए । होराइजनका अन्य ब्याटरले दोहोरो अंक ल्याउन सकेनन् ।

उपाधि हात पार्न वाइआरसीसीका हेमन्त धामीले आक्रमक बलिङ गरे । उनले एक्लै ३.१ ओभरमा १६ रन खर्चेर ७ विकेट लिए । उनी खेलको प्लेर अफ द म्याच घोषित भए । त्यसैगरी बिपिन खत्रीले ४ ओभरमा २९ रन खर्चेर ३ विकेट लिए ।

प्रतियोगिताको बेस्ट बलर होराइजन क्रिकेटका श्रवर्ण किस्कु घोषित भए । उनले खेलभरीमा ११ विकेट लिए । बेस्ट ब्याटर वाइआरसिसिका देव खनाल र म्यान अफ द श्रीरिज वाइआरसिसिको अभिषेक पाठक घोषित भए । अभिषेकले खेलभरीमा २१६ रन बनाएका थिए । प्लेर अफ द म्याच वाइआरसिसिका हेमन्त धामी भए ।

बिजेता हुने टिमलाई कोशी प्रदेशको सामाजिक विकास मन्त्री पाँचकर्ण राई, राज्यमन्त्री सृजना राई, खेलकुद विकास बोर्डका सदस्य सचिब पर्शुराम बस्नेत, मिल्स क्रिकेट क्लब एण्ड एकेडेमीका अध्यक्ष मुररी चौधरीले बितरण गरेका थिए ।

मिल्स क्रिकेट क्लब एण्ड एकेडेमी र नेपाल खेलकुल महासंघको आयोजनामा वैशाख २८ गतेबाट सुरु भएको प्रतियोगितामा नेपालको १० र भारतको ६ टिम गरी १६ टिमको सहभागि रहेको अध्यक्ष चौधरीले जानकारी दिए ।


विराटनगर | विराटनगर महानगरपालिकाले सञ्चालन गरेको एकीकृत विशेषज्ञ स्वास्थ्य जाँच शिविरबाट ५ हजारभन्दा बढीले सेवा लिएका   छन् ।

महानगरले १९ वटै वडामा सञ्चालन गरेको शिविरमा ५ हजार २२ जनाले स्वास्थ्य जाँच गराएको महानगरको स्वास्थ्य महाशाखाका संयोजक डा. दिलीप यादवले जानकारी दिनुभयो । शिविरको औपचारिक रुपमा समापनसमेत गरिएको छ । महानगरको सामाजिक विकास समितिका संयोजक काजीबहादुर बस्नेत र निमित्त प्रमुख प्रशासकीय अधिकृत दीपक पौडेललगायतको उपस्थितिमा शिविरको औपचारिक समापन गरिएको थियो । 

स्वास्थ्य जाँचअन्तर्गत फिजिसियनतर्फ २ हजार ३ सय २१ जनाले सेवा लिँदा हाडजोर्नीतर्फको सेवा ८ सय ६१ जाले लिएका छन् । त्यस्तै स्त्री तथा प्रसूतितर्फ ६ सय ७३ जना, बालरोगतर्फ ६ सय ४६ जना, मुख तथा दाँतको जाँच २ सय ५१ जना र छाला तथा यौनरोगतर्फ ४ सय ३६ जनाले जाँच गरेको संयोजक यादवले बताउनुभयो ।

त्यसैगरी भिडियो एक्स–रे १ हजार ३ सय ७२ जनाले गराउँदा इसीजी ६ सय ५६ जनाले गराएका छन् । पाठेघरको जाँच ५ सय ७० जना, ल्याब सेवा लिनेको संख्या १ हजार २ सय ५२ जना रहेको छ । शिविरमा आएका मध्ये १ सय ९६ जना शंकास्पद क्षयरोगीहरुको खकार संकलन गरी परीक्षण गरिएको छ । जसमध्ये एकजनामा बहुऔषधि प्रतिरोधी क्षयरोगी पहिचान भएको छ ।

स्वास्थ्य शिविरमा सबैभन्दा बढी वडा नम्बर १९ मा ४ सय २२ जनाले सेवा लिएका छन् भने सबैभन्दा कम वडा नम्बर १० मा १ सय १८ जनाले सेवा लिएको स्वास्थ्य शिविरका सम्पर्क व्यक्ति भोलानाथ तिम्सिनाले जानकारी दिनुभयो ।

महानगरपालिकाले स्वास्थ्य र शिक्षालाई उच्च प्राथमिकतामा राखेर कार्य गरिरहेको मेयर नागेश कोइरालाले बताउँदै आउनुभएको छ । विराटनगरलाई मोतियाबिन्दुमुक्त महानगर बनाउने अभियानअन्तर्गत आँखा जाँचका लागि विभिन्न ६ वटा वडाको स्वास्थ्य केन्द्रलाई साप्ताहिक आँखा जाँच क्लिनिक तोकिएको समेत कोइरालाले बताउनुभयो । यसबाहेक १९ वटै वडामा विराटनगर आँखा अस्पतालसँगको सहकार्यमा निःशुल्क आँखा जाँच शिविर पनि सञ्चालन भइरहेको छ ।

 


सुनसरी
७ जेठ । सुनसरीको दुहवी नगरपालिका वडा नम्बर ९ छाताबेलीका ११ घरपरिवारआगलागीपीडितलाई राहत वितरण गरिएको छ । 

महिलाबालबालिका तथा ज्येष्ठ नागरिक मन्त्री भगबती चौधरीले मन्त्रालयका सचिव दिनेश भट्टराई समेतको उपस्थितीमा एक कार्यक्रमकाबिच आगलागी पीडित परिवारको घरमै पुगेर उक्त राहत रकम हस्तान्तरण गर्नुभएको हो ।

त्यसैगरी इटहरी नगरपालिका वडा नं ७ रामजानकी टोल सिसौना निवासी आगलागि पिडित इन्द्रकुमार खड्काको घरमै गएर राहत सामग्री वितरण गरिएको छ ।

महिलाबालबालिका तथा ज्येष्ठ नागरिक मन्त्रालयसमाज कल्याण परिषद्ले स्वास्थ्य पोषण शिक्षा तथा कृषि अनुसन्धान विकास केन्द्रदिनेश चौधरी स्मृति प्रतिष्ठान र लेटर डे सेन्ट च्यारिटिजसँगको समन्वयमा उक्त राहत हस्तान्तरण गरिएको हो 

प्रति परिवारका दरले २५ किलो चामल५ किलो दाल३ किलो नुन२ सेट ब्ल्याङ्केट१ सेट स्ट्याण्ड फ्यानस्टेशनरी र पेश १ सेट१ बण्डल जस्ता पाता१ सेट डिग्निटी किट१ सेट झुलकिचनका सामग्री र सडना सेट वितरण गरिएको हो ।

यसैगरी इटहरी नगरपालिका वडा नं ७ रामजानकी टोल सिसौना निवासी आगलागि पिडित इन्द्रकुमार खड्काको घरमै पुगेर मन्त्री चौधरीले राहत सामग्री हस्तान्तरण गर्नुभएको    छ । खड्काको परिवारलाई सहयोग स्वरूप १२ वटा सिमेन्टको पिलर१० बोरा सिमेन्ट३ ट्याक्टर बालुवा/गिट्टी लगायतका सामग्री सहयोग गरिएको हो । इटहरी ७ का वडा सदस्य दिपक घिमिरेले सहयोगब्यावस्थापन गर्नुभएको थियो । 


गत वैशाख २१ गते घरमा कोही नभएको दिउँसोको समयमा विद्युत सर्ट भएर खड्काको घरमा आगलागी हुँदा करिब ११ लाख रुपैयाँ बराबरको क्षती भएको थियो ।

 


विराटनगर | तेस्रो संस्करणको मिल्स कप टि – २० क्रिकेट प्रतियोगितामा विराटनगरको होराइजन र वाइआरसिसी क्रिकेट क्लब फाइनलमा पुगेको छ ।

विराटनगर जुटमिलको खेलमैदानमा आइतबार भएको अन्तिम सेमिफाइनल खेलमा भारत विहारको कटिहार क्रिकेट क्लबलाई ४ विकेटले हराउँदै होराइजन उपाधि नजिक पुगेको हो । उपाधिको लागि उनीहरू मंगलबार दिउँसो १ बजे भिड्नेछन् ।

यसअघि विराटनगरकै एनविएससी क्रिकेट क्लबलाई ११६ रनले हराउँदै वाइआरसिसि फाइनलमा पुगिसेको छ ।

 आइतबारको खेलमा कटिहारले दिएको १७४ रनको लक्ष्य होराइजनले निर्धारित २० ओभरमा ६ विकेट गुमाइ पूरा गर्यो । फाइनमा पुर्याउन होराइजनका ओपनर सन्तोष कार्कीले आक्रमक ब्याटिङ गरे । उनले अविजित ५३ बलमा ७५ रन बनाए । उनले ७ छक्का र ४ चौका हिर्काए । सर्वोधिक रन बनाउने सन्तोष प्लेर अफ द म्याच घोषित भए । दिपेश कन्डेलले १५ बलमा ३० रनको योगदान दिए । उनले २ छक्का र ३ चौका हिर्काए । सोनु अन्सारी र धिरेन शाक्यले समान १८–१८ रन बनाए ।

कटिहारका भानु आनन्द र अशोक कुमारले समान २–२ विकेट लिए । अजित राजले १ विकेट लिए ।

यसअघि टस जितेर पहिलो ब्याटिङ रोजेको कटिहारले १९ ओभरमा सबै विकेट गुमाइ १७३ रन बनाएको थियो । कटिहारका करण कुमारले ३८ बलमा ७४ रन बनाए । उनले ८ छक्का र ४ चौका प्रहार गरे । सरोजले २४ बलमा ३३ रन, अन्सुनी कुमारले २२ रनको योगदान दिए ।

होराइजनका फिरोसजन अन्सारी  र श्रवर्ण किस्कुले समान ३–३ विकेट लिए । अभिषेक तिम्सिनाले २ विकेट र सन्तोष कार्कीले १ विकेट लिए ।


सुनसरी
६ जेठ । महिलाबालबालिका तथा ज्येष्ठ नागरिक मन्त्री भगबती चौधरीले अपाङ्गता भएका सम्पूर्ण व्यक्तिको स्वास्थ्य बिमा गराउने गरी तयारी गरेको बताउनुभएको छ । महिलाबालबालिका तथा ज्येष्ठ नागरिक मन्त्रालयले सुनसरीमा आयोजना गरेको अपाङ्गता भएका व्यक्तिका लागि राष्ट्रिय कार्यक्रम तर्जुमा गर्न विभिन्न निकायबाट सङ्कलित कार्यक्रमको अवस्था अध्ययन विश्लेषण तथा अन्तरक्रिया कार्यक्रमलाईसम्बोधन गर्दै मन्त्री चौधरीले त्यस्तो बताउनुभएको हो ।

अपाङ्गता भएका व्यक्तिहरूका पक्षमा बढी भन्दा बढी काम गर्ने उद्देश्यले मन्त्रालय अगाडि बढिरहेको भन्दै उहाँले राज्यले अन्तर्राष्ट्रिय स्तरमा गरेको विभिन्न सन्धिसम्झौताहरूको कार्यान्वयनका निम्ति पनि हामी लागिरहेको बताउनुभयो ।

'हामी आफैले पनि अपाङ्गता भएका व्यक्तिहरूका निम्ति विशेष निगरानीका साथ काम अगाडि बढाइरहेका छौँ । देशभर भएका सबै अपाङ्गता भएका व्यक्तिहरूका लागि निःशुल्क स्वास्थ्य बिमा गराउने लक्ष्य लिएका छौँ । त्यसो गर्न सकेमा धेरै राम्रो हुन्छ भन्ने उद्देश्यले हामीले पहल गर्दै आएका छौँ', मन्त्री चौधरीले भन्नुभयो, 'यी कुराहरूयसैपालि पनि सहयोग गर्न सकिन्छयदि स्थानीय निकायले सहयोग गर्‍यो भने । स्थानीय निकायको निजी आयस्रोत पनि रहेको छ । '

मन्त्रालयले नयाँ योजना,  नयाँ कार्यक्रमहरू अगाडि बढाउँदै आएको भन्दै उहाँले अन्तर्राष्ट्रिय स्तरमा गरेका सन्धि सम्झौताहरूमा समेटिएका अपाङ्गता भएका व्यक्तिहरूको अधिकारको पक्षमा काम गर्ने सन्दर्भमा पनि सरकार जिम्मेवार रहेको विश्वास दिलाउनुभयो ।

मन्त्रालयले नयाँ कार्यक्रमका रूपमा 'प्रधानमन्त्री छोरी आत्मनिर्भर कार्यक्रमल्याएको भन्दै मन्त्री चौधरीले विपन्न परिवारका छोरीहरूलाई आत्मनिर्भर बनाउने उद्देश्यले कार्यक्रम ल्याइएको बताउनुभयो । यस वर्ष पाइलटप्रोजेक्टका रूपमा केही ठाउँबाट सुरु गरिने मन्त्री चौधरीले बताउनुभयो ।

यसैगरी मन्त्री चौधरीले पूर्ण रूपमा अपाङ्गता भएका व्यक्तिहरूको संरक्षण गर्ने विषय अहिले जोडतोडले उठेको भन्दै त्यसलाई समाधान गर्न अहिले केही व्यक्तिलाई सहयोगी उपलब्ध गराउने तयारी गरिएको बताउनुभयो । 'अहिले ११ जनाका निम्ति साङ्केतिक रूपमा सहयोग गर्ने कार्य अगाडि बढाएका छौँ । 

बाँकी व्यक्तिहरूका निम्ति कार्यविधि बनाएर अगाडि बढ्छौँ', उहाँले भन्नुभयो', 'अर्थ मन्त्रालयमा फाइल पठाएका छौँ । त्यो सुविधा दिनुपर्ने सम्पूर्णलाई सुविधा दिँदा प्रत्येक वर्ष करिब ६८ अर्ब पैसा चाहिने रहेछ । वार्षिक त्यति पैसा दिनु भनेको राज्यका निम्ति गाह्रो विषय पनि हो । तर त्यसलाई कसरी गर्न खोजिन्छ भनेर विकल्पहरूको खोजी हामीले गरिरहेका छौँ ।'

बढी भन्दा बढी सेवा अपाङ्गता भएका व्यक्तिहरूले पाउन सकुन् भनेर हामीले काम गर्दै आएको मन्त्री चौधरीले बताउनुभयो ।


विराटनगर |  २५ सय ६८ औं बुद्ध जयन्तीका अवसरमा विराट बौद्ध संघ विराटनगरले निःशुल्क आँखा शिविर आयोजना गरेको छ ।

विराटनगर–११ स्थित बुद्धबिहारमा आज आयोजित शिविरमा ८५ जनाले आँखाको चेकजाँच गरेका छन् । शिविरमा चेकजाँच गरेका मध्ये ९ जजनामा मोतियाबिन्दुको समस्या देखिएको संघका अध्यक्ष पुष्पधन शाक्यले जानकारी दिए । रामलाल गोल्छा आँखा अस्पतालको प्राविधिक सहयोगमा आयोजित शिविरमा २० वर्षदेखि ८६ वर्ष उमेर समूहका व्यक्तिहरुले आँखा जाँच गराएका थिए । रामलाल गोल्छा आँखा अस्पतालका दृष्टि विशेषज्ञ डा. राजेशकुमार यादव र नेत्र सहायक उमेश्वर साह नेतृत्वको टोलीले आँखाको चेकजाँच गरेको थियो । मोतियाबिन्दुको समस्या देखिएकाहरुको रामलाल गोल्छा आँखा अस्पतालमा निःशुल्क शल्यक्रियाको व्यवस्था मिलाइएको अध्यक्ष शाक्यले बताए ।

काठमाडौंस्थित तिलगंगा आँखा अस्पतालअन्तर्गतको हिमालयन क्याट्रक प्रोजेक्टसँगको सहकार्यमा मोतियाबिन्दुको निःशुल्क शल्यक्रिया गर्नुका साथै औषधिसमेत वितरण गरिनेछ । बुद्धजयन्तीका अवसरमा संघले सप्ताहव्यापी कार्यक्रम आयोजना गरेको । यसअघि संघले शुक्रबार रक्तदान कार्यक्रम आयोजना गरेको थियो ।

 


विराटनगर ÷ विराटनगर महानगरपालिकाका मेयर नागेश कोइरालाले नियमविपरीत सञ्चालित सहकारीलाई कडा कारबाही गर्ने चेतावनी दिनुभएको छ । उहाँले जनताले गाँस काटेर जम्मा गरेको पैसा हिनामिना गर्ने सहकारीलाई पानीमुनि गए पनि नछाड्ने चेतावनी दिनुभयो ।

महानगरले आयोजना गरेको पाँचदिने सहकारी लेखा तथा पल्र्स तालिमको समापन समारोहलाई सम्बोधन गर्दै मेयर कोइरालाले जनताको खुनपसिनाले आर्जन गरेको कमाई हिनामिना गर्ने सहकारीलाई कुनै पनि हालतमा नछाड्ने चेतावनी दिनुभयो । उहाँले हरेक सहकारीको गतिविधि र क्रियाकलापलाई महानगरले सूक्ष्म रुपमा अध्ययन गरिरहेको प्रस्ट पार्नुभयो । ‘महानगरको नियमन क्षेत्राधिकारभित्रका सहकारी संस्थाकाले बद्मासी गरे निर्ममतापूर्वक कारबाही गर्छौं,’ मेयर कोइरालाले भने, ‘जनताले आफ्नो गाँस काटेर जम्मा गरेको पैसामा मोजमस्ती गर्न कसैलाई छुट छैन ।’ मेयर कोइरालाले केही सहकारीका कारण राम्रा सहकारीको पनि बद्नाम भइरहेको उल्लेख गर्नुभयो । उहाँले तालिममा सिकेको सीपलाई व्यवहारमा उतार्न आग्रहसमेत गर्नुभयो । कोइरालाले लेखा तालिमले सहकारीको हिसाबकिताब चुस्तदुरुस्त राख्न सहयोग पुग्ने विचरा व्यक्त गर्नुभयो । रोजगारी सिर्जनासँगै ग्रामीण क्षेत्रसम्म वित्तीय वित्तीय पहुँच पु¥याउन सहकारीको अहम् भूमिका रहेको मेयर कोइरालाले बताउनुभयो ।

जेठ १ गतेबाट सञ्चालित पाँचदिने तालिममा ह्रास कट्टी, जोखिम ऋण व्यवस्थापन, तिर्नुपर्ने रकम, ब्याज मुल्तवी, अन्तिम मालशेष, पाउनुपर्ने रकम, कारोबारको सम्पुष्टि र तयारी विधि, मुख्य खाता, सहायक खाता र प्रयोजनगत लगतहरू, अन्तिम खाता, पल्र्सको उपयोग, पल्र्सको परिचय, पल्र्सको महत्व, वित्तीय सहकारीमा यसको उपयोगितालगायतका विषयमा प्रशिक्षण दिइएको सहकारी शाखाकी प्रमुख सुशीला अधिकारीले जानकारी दिनुभयो । महानगरको नियमन क्षेत्राधिकारभित्रका सहकारी संस्थाका व्यवस्थापक तथा कर्मचारीहरूको क्षमता विकासमा सहकारी लेखा तथा पल्र्स तालिमले महत्वपूर्ण भूमिका खेल्ने उहाँको भनाइ थियो ।

तालिममा सहकारी विज्ञ रामचन्द्र गौतम र लक्ष्मी सापकोटाले सहजीकरण गर्नुभएको थियो । कार्यक्रममा मेयर कोइरालाले तालिममा सहभागी प्रशिक्षार्थी र प्रशिक्षकलाई प्रमाणपत्र प्रदान गर्नुभएको थियो । कार्यक्रममा प्रशिक्षक रामचन्द्र गौतमले कतिपय सहकारीहरू महानगरले बनाएको नियमभन्दा बाहिर गएर सञ्चालन भइरहेको बताउनुभयो । उहाँले त्यस्ता सहकारीलाई महानगरले ५ लाख रुपैयाँसम्म जरिवाना गर्न सक्ने उल्लेख गर्नुभयो । यसरी जरिवाना गर्दा सहकारी खातामा खर्च नलेखी अध्यक्ष र सचिवले तिर्नुपर्ने व्यवस्था रहेको गौतमले सुनाउनुभयो । सो अवसरमा प्रशिक्षार्थीहरूका तर्फबाट पेशलकुमार ढुंगेल र रीता गर्तौलाले तालिम निकै नै उपलब्धिमूलक भएको बताउनुभयो ।

तालिममा ३५ जना लेखा कर्मचारीको सहभागिता रहेको थियो । विराटनगर महानगरको क्षेत्राधिकारभित्र १ सय ७३ वटा सहकारी सञ्चालनमा रहेको सहकारी शाखाकी रोजी कार्कीले बताउनुभयो । महानगरले गत वर्ष पनि ३५ वटा सहकारीका लेखा कर्मचारीलाई तालिम दिएको थियो ।


विराटनगर । नवीकरणीय ऊर्जा भविष्यको लागि विराटनगरमा साइकल यात्राको आयोजना गरिएको छ ।

 विगत २०७९ देखि सुरु भएको “ मानिस र ग्रहका लागि पेडल“ नामक अभियान श्रृंखलारूपमा, जेठ ५ र ६ को सप्ताहन्तमा विभिन्न एसियाली देशहरूमा नवीकरणीय ऊर्जाको न्यायपूर्ण रुपान्तरणको समर्थनमा पारिवारिक साइकल ¥यालीका आयोजना गरिएको हो ।

 नवीकरणीय ऊर्जा भविष्यको लागि” साइकल ¥याली विराटनगरमा आज पारिवारिक संलगनता विषयमा आयोजनामा विराटनगर महानगरपालिका, एशियन पिपल्स मुभमेन्ट अन डेब्ट एण्ड डेभलपमेन्ट, दिगो विकास इन्स्टिच्युट, नगर बाल क्लब सञ्जाल विराटनगर र सुनौलो अवसर युवा क्लबले न्यून कार्बन विकास, वातावरण चेतना, तीव्र, न्यायपूर्ण र समतामुलक रुपान्तरण, १००% नवीकरणीय ऊर्जा र जलवायु संकटको लागि विभिन्न कार्य र वकालतलाई निरन्तरता दिँदै यसलाई सह–आयोजना गरेका थिए।

 यात्रा हिमालय रोडबाट सुरु भएर रोडसेश चौक हुँदै भेटेरिनरी रोड, रानी पथ, रानी स्वास्थ्य चौकी हुँदै अन्त्यमा रानी स्वास्थ्य चौकीसँग जोडिएको नयाँ छठ पोखरी वडा नं. १५ सम्म पुगे समापन गरिएको दिगो विकास इन्स्टिच्युटका प्रदेश संयोजक मन्दीप साहले जानकारी दिए ।

 

करिब ८० जना सहभागीहरूमा विद्यार्थी, अभिभावक, बालबालिका, युवा, नागरिक समाज संगठन, स्थानीय सरकार र साइकल तथा ई–रिक्शा सहितका परिवारहरू समावेश थिए । जसले खनिज इन्धनलाई प्रतिस्थापन गर्न नवीकरणीय ऊर्जा प्रणाली निर्माणको समर्थनको संकेत गर्दै परिवार, समुदाय र ग्रहको स्वास्थ्य र कल्याणलाई प्रवर्द्धन र संरक्षण गर्न नवीकरणीय ऊर्जाप्रति रुपान्तरण हुनु पर्नेमा समर्थन जनाए ।

 इन्स्टिच्युटका प्रदेश संयोजक साहले भनेः “हामीले यो कार्यक्रमलाई परिवारहरूका लागि सय प्रतिसत नवीकरणीय ऊर्जा प्रवर्द्धन गर्न रमाइलो र अर्थपूर्ण तरिकाको रूपमा आयोजना गरेका हौं, यो जलवायु संकट र खनिज इन्धनबाट हुने हानिकारक प्रदूषणको समाधानको एक महत्वपूर्ण भाग हो । खनिज इन्धन – कोइला, ग्यास,पेट्रोल तथा डिजल तेल – उत्पादन र उपभोग जलवायु परिवर्तनको प्रमुख कारणहरू उन उनले बताए । विश्व उस्निकरण रोक्न र विनाशकारी जलवायु परिवर्तनलाई रोक्नको लागि संसारलाई सय प्रतिसत नवीकरणीय ऊर्जामा तीव्र, न्यायपूर्ण र समानुपातिक रुपान्तरण आवश्यक रहेको साहले बताए । जलवायु परिवर्तनका प्रभावहरू पहिले नै विनाशकारी छन् र छिटो तीव्र हुँदैछन्। हाम्रा बालबालिकाहरू अति नै अन्धकार भविष्यको सामना गरिरहेका छन् र हामीले राम्रो संसार निर्माण गर्न सँगै काम गर्न आवश्यक समेत उनले बताए ।

 “सौर्य र वायु उर्जाका स्रोतहरू प्रचुर मात्रामार सुलभ रहेको विज्ञान र प्रविधिले पहिले नै यो सुनिश्चित गरिसकेका छ कि नवीकरणीय ऊर्जा स्थिर, भरपर्दो र सबै मानिसतथा समुदायहरूको आधारभूत आवश्यकताहरू र आर्थिक विकास र समृद्धिको आवश्यकताहरू पूरा गर्न पर्याप्त हुन सक्ने साहले बताए । सरकारहरूले राजनीतिक इच्छाशक्ति जुटाउन र नवीकरणीय ऊर्जामा रुपान्तरणको आवश्यक परिमाण र गति सुनिश्चित गर्न साहसी कदमहरू चाल्नुपर्दछ,” ग्रीन सिटी स्वयंसेवक विराटनगरकी सदस्य देलिशा गुरुङले थपीन् ।

 ¥यालीको उद्घाटन विराटनगर महानगरपलिकाका, फोहोर मैला तथा सरसफाई शाखा प्रमुख पुनम दाहालले गरे । उनले नवीकरणीय ऊर्जाको महत्त्व र जलवायु संकटबाट ग्रहलाई बचाउन खनिज इन्धनको उपभोग अन्त्यको आवश्यकता बारेमा जोड दिए । जलवायु संकटका कारण नेपाल एकजोखिममा रहेकोदेश र यहाँ नवीकरणीय ऊर्जा उत्पादनको ठूलो सम्भावना रहेको हुँदा जलवायु न्यायको सिद्धान्तलाई अनुसरण गर्दै समुदाय ऊर्जामा केन्द्रित सय प्रतिसत रुपान्तरणको लागि विश्वलाई वकालत गर्नुपर्ने दाहालले बताए ।

 विराटनगर महानगरपालिकामा आफ्नो कार्यक्रम र नीतिहरू मार्फत राष्ट्रिय रूपमा निर्धारण गरिएका योगदान र अन्तर्राष्ट्रिय प्रतिबद्धताहरू सम्बोधन गर्दै उनले ऊर्जा प्रयोगलाई नवीकरणीय ऊर्जामा रुपान्तरण गर्ने ठूलो सम्भावना र क्षमता छ, जसले तीव्र, न्यायपूर्ण र समानुपातिक रुपान्तरणतर्फ विश्वको एक अग्रणी नगरपालिका बन्ने दिशा प्रदान गर्ने बताए ।

नवीकरणीय ऊर्जा भविष्यको लागि” साइकल ¥यालीजलवायु परिवर्तनको कारण र प्रभावहरू र आवश्यक कार्यहरू बारेमा जनचेतना र समझदारी बढाउन र विभिन्न कोसिसहरु जारी राख्नको लागि लक्षित छ, यसले ग्रहको औसत तापमान वृद्धि १.५ डिग्री सेल्सियसभन्दा तल राख्ने सम्भावनालाई कायम राख्नको लागि आवश्यक सय प्रतिसत नवीकरणीय ऊर्जा मागलाई प्रकास गर्दछ् । यो कार्य एशियन पिपल मुभमेन्ट अन डेब्ट एण्ड डेभलपमेन्टसँगको सहकार्यमा फिलिपिन्स, बंगलादेश, इन्डोनेसिया, नेपाल र पाकिस्तानका विभिन्न शहरहरूमा एकजुटताको साथ आयोजना गरिएको हो भनी स्वेता मण्डलले भनिन् ।

 ¥यालीमा सहभागीहरूले तीव्र, न्यायपूर्ण र समानुपातिक रुपान्तरण सय प्रतिसत नवीकरणीय ऊर्जा प्रणालीहरू, नवीकरणीय भविष्यका लागि साइकल यात्रा!, सफा हावाका लागि, सौर्य र वायू उर्जा!, प्रत्येक घण्टा नवीकरणीय शक्ति, मानिसहरू र समुदायहरूको लागि खनिज मुक्त भविष्य, वास्तविक शून्य, नेट शून्य होइन! जस्ता नाराहरू बोकेका थिए भनीवातावरण अभियान्ता सोनु शर्माले भने ।

 ”विश्वको दक्षिणी मुलूकहरुमा महसुस गरिरहेका जलवायु परिवर्तनका कठोर प्रभावहरू जस्तैअनियन्त्रित बाढी, लामो खडेरी, घातक मनसुनप्रत्येक वर्ष झनै खराब हुँदैछन् र घरपरिवारहरूले पनि उच्च विद्युत् लागतको सामना गर्नुपरीरहेको छ। केवल नवीकरणीय ऊर्जाको अपनाउनेले मात्र हामीलाई खनिज इन्धनद्वारा सिर्जित यो जीवित नरकबाट बचाउन सक्छ,” सुनौलो अवसर युवा क्लबका इमरान अन्सारीले भने ।

 


सुनसरी
, ५ जेठ । सुनसरीको गढी गाउँपालिका वडा नम्बर २ झोराटोल औराबनीस्थित विपन्न परिवारका २० घरपरिवारलाई नयाँ घर निर्माण गरी हस्तान्तरण गरिएको छ । महिलाबालबालिका तथा ज्येष्ठ नागरिक मन्त्री भगबती चौधरीले आज एक कार्यक्रमकाबिच उक्त बस्तीमा निर्माण भएको भवन परिवारलाई हस्तान्तरण गर्नुभएको हो ।


त्यहाँस्थित भूमिहीन दलित/आदिवासी जनजाति तथा अति विपन्नपरिवारहरूका लागि सुरक्षित भूमि (भूमिहीन परिवारलाई भूमिको स्वामित्व हस्तान्तरण गर्ने गरी) र सुरक्षित आवास निर्माण गर्नेउद्देश्यले सुरक्षित आवास परियोजना अन्तर्गत गढी गाउँपालिका औराबनीह्याविट्याट फर ह्युम्यानिटी इन्टरनेशनल नेपाल र सङ्कल्प नेपालले संयुक्त रूपमा उक्त भवन निर्माण सम्पन्न गरेको हो ।



गढी गाउँपालिकाले उपलब्ध गराएको जग्गामा भवन निर्माण गरी विपन्न परिवारलाई हस्तान्तरणगरिएकोहो । २०७९ पुस २० गते सम्झौता भएको उक्त परियोजना २०८० फागुन २५ गते सम्पन्न भएको हो । विपन्न परिवारलाई सुरक्षित आवास उपलब्ध गराउने उद्देश्य अन्तर्गत निर्माण गरिएका भवनमा २ वटा कोठाबरन्डाभान्सा घरशौचालय रहेका छन् ।


गढी गाउँपालिकाको ४९ लाख ५० हजार रुपैयाँ,ह्याविट्याट फरह्युम्यानिटी नेपालको ४० लाख दुई रुपैयाँसङ्कल्प नेपालको १८ लाख रुपैयाँ लागत तथा घरधनीको श्रमदान ६ लाख रुपैयाँ बराबर सहित १ करोड ७ लाख ५० हजार २ रुपैयाँ कुल लागतमा उक्त भवन निर्माण परियोजना सम्पन्न भएको हो ।


नवनिर्मित भवन विपन्न परिवारलाई हस्तान्तरण गर्दै महिलाबालबालिका तथा ज्येष्ठ नागरिक मन्त्री भगबती चौधरीले स्वयं समुदाय सक्रिय नहुँदासम्म परियोजना सफल हुन नसक्ने बताउनुभयो ।


कुनैपनि योजना सफल हुन स्थानीय तहका नेतृत्वको भूमिका अझ बढी हुने भन्दै मन्त्री चौधरीले सबैको समन्वयमा भवन निर्माणपरियोजना सम्पन्न गरी २० परिवारलाई भवन हस्तान्तरण गर्न सफल भएको बताउनुभयो । ‘यो परियोजना सम्पन्न गर्न सबैकोभूमिका उत्तिकै महत्त्वपूर्ण रहेको छ । यहाँका स्वयं समुदाय पनि सक्रिय हुँदा यो परियोजना सम्पन्न हुन सफल भयो’मन्त्री चौधरीले भन्नुभयो, ‘गढी गाउँपालिकाले जग्गा खोजेर सहयोग गर्नुभयो । 


नेतृत्वमा बसेको स्थानीय सरकारका अगुवा अगाडि नबढेमा समस्या उत्पन्न हुन्छ । त्यसकारण नेतृत्वमाबसेको स्थानीय नेतृत्व सक्रिय नहुँदासम्म योजना सम्पन्न गर्न अप्ठ्यारो हुन्छ ।’आगामी दिनमा यस्ता योजनाहरू सफल पार्न स्थानीय नेतृत्व नै सक्रिय हुनुपर्ने मन्त्री चौधरीको भनाइ थियो । 


अझै पनि थुप्रै भूमिहीन,सुकुम्बासी समुदायहरू हुनुहुन्छ । उहाँहरूको व्यवस्थापनका निम्ति पनि हामी सबै एकजुट भएर काम गर्नआवश्यक छ’उहाँले भन्नुभयो, ‘जोसुकैले गरेपनि सर्वोपरि फाइदा हुने कुरा छ भने । हाम्रो गाउँ ठाउँलाई राम्रो हुने विषय छ भने त्यो कुरामा हामी एकजुट हुन आवश्यक छ ।’


अझै पनि हजारौँ घर बनाएर विपन्न परिवारलाई व्यवस्थापन गर्ने लक्ष्य रहेको भन्दै मन्त्री चौधरीले संघीय सरकारले लामो समयदेखि यो कार्यक्रम सञ्चालन गर्दै आएको बताउनुभयो ।


त्यस क्षेत्रमा विद्यालयस्वास्थ्य चौकी लगायतका आधारभूत सुविधाहरू उपलब्ध गराउनका निम्ति पनि आफूले पहल गर्ने उहाँको भनाई थियो । ‘सामुदायिक स्कुलहरू मर्मत सम्भार गर्नेबनाउने कार्यक्रम कोशी प्रदेशमा छन् । तथापि यस क्षेत्रमा कम्तीमा पनि १० वटा स्कुल बनाउनुपर्छ भनेर मैले अवधारणा लिएको छु ।


यसमा दातृ निकायले सहमति पनि जनाएको छ’मन्त्री चौधरीले भन्नुभयो, ‘कसरी हुन्छ यस क्षेत्रमा विद्यालय बनाउन म पहल गर्नेछु । मन्त्रालयको तर्फबाट विद्यालय बनाउनअग्रसरता लिनेछु । विद्यालयका निम्ति केही रकम तत्काल उपलब्ध गराउन सकिन्छ ।’ 

MKRdezign

Contact Form

Name

Email *

Message *

Powered by Blogger.