Websoft University
July 2026


काठमाडौं साउन १५ गते । युवाको नेतृत्व, प्रेरणा, उद्यमशीलता र नागरिक सहभागितालाई सशक्त बनाउने उद्देश्यसहित काठमाडौं युथ कन्क्लेभ -केवाइसी) २०२६ को छैटौं संस्करण आगामी शनिबार काठमाडौंमा आयोजना हुने भएको छ ।

''जेन–जेड हिरोजलाई सम्मान'' मूल नारासहित आगामी साउन १६ गते शनिबार राजधानीको कमलादीस्थित नेपाल प्रज्ञा–प्रतिष्ठानमा आयोजना आयोजना गर्न लागिएको आयोजक पक्षले जनाएको छ ।
आयोजकका अनुसार गत भदौमा भएको जेन–जेड आन्दोलनका क्रममा ज्यान गुमाएका शहीदहरूप्रति सम्मान अर्पण गर्नुका साथै आन्दोलनमा घाइते भएकाहरूको साहस, योगदान र समर्पणको सम्मान गर्ने उद्देश्यले यस वर्षको कन्क्लेभ आयोजना गर्न लागिएको हो ।

कार्यक्रममा प्रमुख अतिथिका रूपमा शिक्षा तथा खेलकुदमन्त्री सस्मित पोखरेल सहभागी हुनेछन् । साथै, विश्वका १४ वटै आठ हजार मिटरभन्दा अग्ला हिमाल सफलतापूर्वक आरोहण गर्नुका साथै के–टु -केटु) हिमालको ऐतिहासिक शीतकालीन आरोहण गर्ने पर्वतारोही तथा प्रतिनिधिसभा सदस्य मिङ्मा ग्याबु शेर्पालाई केवाइसी युवा प्रेरणा सम्मान प्रदान गरिने आयोजकले जनाएको छ ।

कन्क्लेभमा नेपाली राष्ट्रिय क्रिकेट टोलीका कप्तान रोहितकुमार पौडेल, कथावाचक साइग्रेस पोखरेल, नृत्यांगना तथा मोडल कविता नेपाली, अभिनेता पारस बम, गायक तथा संगीतकार एसटी म्यान, गायक बृजेश श्रेष्ठ, उद्यमी खेम संग्रौला, सामग्री निर्माता कुसुम नेपाल, गायिका अस्मिता अधिकारी, गायक महेश काफ्ले तथा हास्यकलाकार मेक्सम गौडेल लगायतको सहभागिता रहनेछ । कार्यक्रमको सञ्चालन प्रिया सिग्देल र जय प्रधान ले गर्नेछन् ।

फिनिक्स कलेज अफ म्यानेजमेन्ट, युनिभर्सल कलेज र आर्यन स्कुल अफ इन्जिनियरिङ एन्ड म्यानेजमेन्ट को संयुक्त आयोजनामा हुने कन्क्लेभको मुख्य प्रायोजक एक्सपर्ट एजुकेसन एन्ड भिसा सर्भिसेज रहेको छ। एनसेल फाउन्डेसन ले कार्यक्रमलाई सहयोग गरेको छ भने ग्लोबल आइएमई बैंक, रेड बुल नेपाल, खल्ती, नेसनल प्याथल्याब र एसीसीए क्रमशः बैंकिङ, ऊर्जा पेय, डिजिटल भुक्तानी, स्वास्थ्य परीक्षण तथा शैक्षिक साझेदारका रूपमा रहेका छन् ।

कार्यक्रममा करिब पाँच हजारभन्दा बढी युवा तथा विद्यार्थी सहभागी हुने अपेक्षा गरिएको केवाइसीका संयोजक राजु टण्डनले बताउनुभयो ।


नेपालगन्ज साउन १४ गते । मानव बन्यजन्तु द्धन्द्ध न्यूनीकरण बिषयक अन्तरक्रिया बाँकेको राप्ती सोनारी गाउँपालिकामा सम्पन्न भएको छ ।

विश्व बाघ दिवस २०२६ को अवसरमा बुधवार बास नेपालको आयोजना, डिभिजन बन कार्यालय बाँके, राप्ती सोनारी गाउँपालिका वडा नम्बर ६, ताल परियोजना र इन्रुडेक कोहलपुरको सहकार्यमा उक्त अन्तरक्रिया कार्यक्रम सम्पन्न भएको हो । 

अन्तरक्रिया कार्यक्रममा मानब बन्यजन्तु न्यूनीकरणमा बिषयमा स्थानीय र सरोकारवाला बिचमा छलफल भएको थियो । कार्यक्रममा बोल्दै राप्ती सब डिभिजन बन कार्यालयका प्रमुख राम गणेश शाहले मानव बन्यजन्तु द्धन्द्ध न्यूनीकरणका लागि सबैले सकारात्मक भएर काम गर्नुपर्नेमा जोड दिए । यसैगरी कार्यक्रमका अतिथि तथा ताल परियोजना कोहलपुरका भरत प्रसाद भट्टले मानव र बन्यजन्तु द्धन्द्ध न्यूनीकरणका लागि प्राप्त सुझावहरुको आधारमा काम गर्दै जाने बताए । सो क्रममा ताल परियोजनाका प्रतिक शाह, इन्रुडेक कोहलपुरका बिराट लामिछानेले बोलेका थिए । 

अन्तरक्रियाको शुरुवातका बास नेपालका निर्देशक हेमराज भट्टले बिश्व बाघ दिवसको शुरुवात, इतिहास, बाँके राष्टिय निकुन्जको स्थापना र बाघ संरक्षणका लागि भइरहेका प्रयास र अवस्थाका बिषयमा प्रस्तुतीकरण गरेका थिए ।

बास नेपालका केन्द्रीय अध्यक्ष शिव कुमार वर्माको अध्यक्षतामा भएको अन्तरक्रियाको सञ्चालन बास नेपालका जन सम्पर्क अधिकृत माधब कार्कीले गरेका थिए भने कार्यक्रममा धन्यबाद ज्ञापन सहित कार्यक्रमको समापन बास नेपालका केन्दीय अध्यक्ष शिव कुमार बर्माले गरेका थिए । अन्तरक्रिया कार्यक्रममा विभिन्न सामुदाकिय बनका पदाधिकारीहरु तथा स्थानीय गरी ८२ जनाको सहभागिता रहेको थियो । 

यसैगरी आज नै विश्व बाघ दिवसको अवसरमा बर्दियाको ठाकुरद्धारामा अन्त्रक्रिया कार्यक्रम सम्पन्न भएको छ । बर्दिया राष्टिय निकुन्जको कार्यालय ठाकुरद्धारा बर्दियाको आयोजना तथा बास नेपाल लगायत संस्थाहरुको सहकार्यमा उक्त कार्यक्रम सम्पन्न भएको हो ।


विराटनगर, साउन १३ गते। नेपाल मानव धर्म सेवा समिति अन्तर्गत हंस योग आश्रम, विराटनगर–५ को आयोजनामा गुरुपूजा महोत्सव भव्य रूपमा सम्पन्न भएको छ । कार्यक्रममा विभिन्न शाखा तथा उपशाखाबाट आएका भक्तजन, समिति पदाधिकारी, स्थानीय जनप्रतिनिधि तथा धर्मप्रेमीहरूको उल्लेखनीय सहभागिता रहेको थियो ।

महोत्सवका प्रमुख अतिथि नेपाल मानव धर्म सेवा समितिका पूर्वाञ्चल प्रवारी तथा कोशी क्षेत्र, इटहरी–सुनसरी आश्रमका सन्त महात्मा श्री गिरी बाइजी रहेकी थिईन । विशेष अतिथिका रूपमा लेटाङ–७ आश्रमकी इन्चार्ज महात्मा भानुमती बाइजीको उपस्थिति रहेको थियो । कार्यक्रमको सहजीकरण नेपाल मानव धर्म सेवा समिति हंस योग आश्रम विराटनगरका समिति अध्यक्ष विक्रम गड्तौलाले गरेका थिए । 

कार्यक्रममा विराटनगर महानगरपालिका–५ का वडाध्यक्ष सन्तोष न्यौपाने अतिथिका रूपमा सहभागी हुनुभएको थियो । त्यसैगरी विभिन्न शाखा तथा उपशाखाका अध्यक्ष, पदाधिकारी र धर्मप्रेमीहरूको उल्लेखनीय उपस्थिति रहेको थियो ।

महोत्सवका अवसरमा समाजमा दीर्घकालदेखि धार्मिक तथा सामाजिक क्षेत्रमा योगदान पु¥याउँदै आएका ज्येष्ठ व्यक्तित्वहरूलाई सम्मान गरिएको थियो। सम्मानित हुनेहरूमा गोमा खतिवडा (कञ्चनबारी, ७५ वर्ष), कुनता न्यौपाने (विराटनगर–५, ८० वर्ष) तथा जेएन दाहाल (७८ वर्ष) रहनुभएको थियो। उहाँहरूको सामाजिक योगदानको कदर गर्दै सम्मान गरिएको आयोजकले जनाएको छ ।

नेपाल मानव धर्म सेवा समिति हंस योग आश्रम विराटनगरका इन्चार्ज श्री ज्ञान पुष्पानन्द महात्माले गुरुपूजाको महत्वबारे प्रकाश पार्दै धार्मिक कार्यक्रमले समाजमा सकारात्मक सोच, नैतिक आचरण र मानवीय मूल्यको विकासमा महत्वपूर्ण भूमिका खेल्ने बताए । 

पूर्व अध्यक्ष तथा वर्तमान विशिष्ट सल्लाहकार पदमप्रसाद काफ्लेले आध्यात्मिक मार्गले मानिसलाई अनुशासित, संयमी र जिम्मेवार जीवन जिउन प्रेरित गर्ने धारणा व्यक्त गरे । उनले मानव धर्म सेवा समितिले धार्मिक गतिविधिसँगै शैक्षिक सहयोग, सामाजिक सेवा तथा मानवीय सहयोगका विविध कार्यक्रम सञ्चालन गर्दै आएको जानकारी दिए ।


प्रमुख अतिथि श्री गिरी बाइजीले मानव जीवनमा आध्यात्मिक चेतनाको आवश्यकता झन् बढ्दै गएको उल्लेख गर्दै धर्मले मानिसलाई सही जीवनशैली, सदाचार र मानव सेवाको मार्ग सिकाउने बताईन् । उनले मानव धर्मले जीवनका हरेक आयामलाई बुझ्न र आत्मिक उन्नतितर्फ अग्रसर हुन प्रेरणा दिने धारणा राखिन ।

विशेष अतिथि भानुमती बाइजीले आध्यात्मिक शिक्षा केवल पूजा–आराधनामा सीमित नभई व्यवहार, रहनसहन र समाजप्रतिको उत्तरदायित्वसँग जोडिएको बताईन् । 

कार्यक्रममा समिति उपाध्यक्ष जानुका रेग्मीले स्वागत मन्तव्य व्यक्त गर्दै उपस्थित सम्पूर्ण अतिथि, सन्त महात्मा तथा भक्तजनप्रति आभार व्यक्त गरिन् ।

विभिन्न शाखा तथा उपशाखाबाट सहभागी भएका प्रतिनिधिहरूले गुरुपूजा महोत्सवले आध्यात्मिक चेतना अभिवृद्धि गर्नुका साथै सामाजिक सद्भाव र मानव सेवाको भावनालाई थप मजबुत बनाएको प्रतिक्रिया दिएका थिए ।

धार्मिक भजन, प्रवचन, सम्मान कार्यक्रम तथा सामूहिक प्रार्थनासहित सम्पन्न महोत्सवले आध्यात्मिक जीवनशैली, नैतिक आचरण र मानव सेवाको सन्देश समाजमा प्रवाह गरेको आयोजकले जनाएको छ ।

 


सन्जिब दुलाल -भक्तपुर । कानुन व्यवसायी, अदालत र न्याय क्षेत्रबीच आपसी सद्भाव, सहकार्य तथा व्यावसायिक सम्बन्धलाई थप मजबुत बनाउने उद्देश्यले आयोजित ‘लयर्स फुटसल कप–२०८३’ सफलतापूर्वक सम्पन्न भएको छ। भक्तपुर बार एसोसिएसनको आयोजनामा दुई दिनसम्म सञ्चालन भएको प्रतियोगितामा चार जिल्लाका बार एसोसिएसन, जिल्ला अदालतका टोली, कानुनी सेवा तथा कानून फर्मका गरी १४ टोलीको सहभागिता रहेको थियो।

समापन समारोहलाई सम्बोधन गर्दै नेपाल बार एसोसिएसनका केन्द्रीय अध्यक्ष विजयप्रसाद मिश्रले अदालत र बारबीचको सम्बन्धलाई अझ सुदृढ बनाउन खेलकुदजस्ता सिर्जनात्मक कार्यक्रम प्रभावकारी हुने बताउनुभयो। उहाँले जिल्ला बार एसोसिएसनहरूले आगामी दिनमा पनि खेलकुद, व्यावसायिक तथा सामाजिक गतिविधिमार्फत आपसी सहकार्य र सद्भावलाई निरन्तरता दिनुपर्नेमा जोड दिनुभयो।

कार्यक्रममा भक्तपुर जिल्ला अदालतका मुख्य न्यायाधीश नवराज दाहाल, जिल्ला न्यायाधीशहरू तथा विभिन्न जिल्लाका वरिष्ठ कानुन व्यवसायीहरूको उपस्थिति रहेको थियो।

प्रतियोगितामा भक्तपुर, काठमाडौं, ललितपुर र काभ्रेपलाञ्चोक बार एसोसिएसन, जिल्ला अदालतका टोली, कानुनी सेवा तथा कानून फर्म गरी १४ टोली सहभागी भएका थिए। टोलीहरूलाई चार समूहमा विभाजन गरी लिग चरणका खेल दुई हाफमा ७–७ मिनेट तथा नकआउट चरणका खेल दुई हाफमा १०–१० मिनेट खेलाइएको थियो।

प्रतिस्पर्धात्मक फाइनलमा नेपाल न्यायले उपाधि जित्न सफल भयो भने भक्तपुर बार ‘ए’ उपविजेतामा सीमित रह्यो। काठमाडौं बार ‘सी’ तेस्रो तथा भक्तपुर बार ‘बी’ चौथो स्थानमा रह्यो। विजेता टोली तथा उत्कृष्ट खेलाडीहरूलाई नेपाल बार एसोसिएसनका केन्द्रीय अध्यक्ष विजयप्रसाद मिश्रले ट्रफी तथा सम्मानपत्र प्रदान गर्नुभएको भक्तपुर बारका अध्यक्षा रामसुन्दर खाइतुले जानकारी दिनुभयो । उहाँका अनुसार विजयी टिमलाइ नगद पुरस्कारले समेत सम्मानित गरिएको थियो । 

प्रतियोगिता सम्पन्न गर्न नेपाल टेलिकम, नेपाल इको प्यानल, अयुप इन्टरनेशनल, महालक्ष्मी इन्टरप्राइजेज प्रा।लि।, श्रीभक्त कासिछ्वा, नेपाल लक्ष्मी फेसन प्रा।लि। लगायतका संस्था तथा कानुन व्यवसायी फर्महरूले सहयोग गरेका थिए। संवाहक मिडिया हाउस र नागरिक दैनिक मिडिया पार्टनर तथा मध्यपुर अस्पताल प्रा।लि। स्वास्थ्य पार्टनरका रूपमा सहभागी रहेका भक्तपुर बारका सचिव अनिस सुवालले जानकारी दिनुभयो ।

आयोजक भक्तपुर बारका अनुसार प्रतियोगिताले कानुन व्यवसायी, अदालत र न्याय प्रशासनसँग आबद्ध व्यक्तिहरूबीचको सम्बन्धलाई अझ नजिक ल्याउनुका साथै स्वस्थ प्रतिस्पर्धा, पारस्परिक विश्वास र सहकार्यको वातावरण निर्माण गर्न महत्त्वपूर्ण योगदान पुर्‍याएको छ।


काठमाण्डैा साउन १२ गते । 
गैरआवासीय नेपाली संघ (एनआरएनए) को प्रतिनिधिमण्डलले माननीय कृषि, वन तथा पर्यावरण मन्त्री गीता चौधरीसँग भेट गरी कृषि क्षेत्रको आधुनिकीकरण, ज्ञान तथा प्रविधि हस्तान्तरण, विषयगत विज्ञहरूको परिचालन तथा रबरमा आधारित बहुविविध कृषि–वन प्रणाली विकासका विषयमा छलफल गरेको छ।

भेटका क्रममा संघका उपाध्यक्ष तथा ज्ञान, सीप तथा प्रविधि हस्तान्तरण विभाग प्रमुख डा. ज्ञानेन्द्र रेग्मीले आगामी विश्व नेपाली ज्ञान सम्मेलन–२०२७ मा कृषि क्षेत्रका लागि छुट्टै विषयगत सत्र आयोजना गरी विश्वभर रहेका नेपाली कृषि विज्ञ, अनुसन्धानकर्ता तथा सरोकारवालाबीच ज्ञान, प्रविधि र अनुभव आदानप्रदान गर्ने योजना रहेको जानकारी दिनुभयो।

सो अवसरमा डा. रेग्मीले झापा, मोरङ, सुनसरी तथा इलामको दक्षिणी क्षेत्रमा रबरमा आधारित बहुविविध कृषि–वन प्रणाली (Rubber-Based Diverse Agroforestry Systems–ENDRA) अन्तर्गत समुदायमा आधारित रबर नर्सरी तथा प्रदर्शन केन्द्र स्थापना गर्ने परियोजनाको अवधारणापत्र प्रस्तुत गर्नुभयो। परियोजनामार्फत गुणस्तरीय बिरुवा उत्पादन, किसानको क्षमता अभिवृद्धि, रोजगारी सिर्जना, वातावरण संरक्षण तथा आगामी १० वर्षभित्र करिब २० हजार हेक्टर क्षेत्रमा व्यावसायिक रबर खेती विस्तार गर्ने दीर्घकालीन राष्ट्रिय मार्गचित्र कार्यान्वयनमा सहयोग पुग्ने विश्वास व्यक्त गरिएको थियो।

उपाध्यक्ष तथा गैरआवासीय नेपाली कल्याण विभाग प्रमुख एवं नागरिकता निरन्तरता समितिकी संयोजक रोजिना प्रधान राईले कृषि क्षेत्र एनआरएनएको प्राथमिकतामा रहेको उल्लेख गर्दै, विद्यमान नीति तथा कानुनी व्यवस्थाका कारण विदेशमा रहेका नेपाली कृषि विज्ञहरू नेपाल आएर काम गर्न व्यावहारिक कठिनाइ भोग्नुपरेको विषय मन्त्रीसमक्ष राख्नुभयो।

उपमहासचिव कृष्ण पोखरेलले विश्वभर रहेका नेपाली क्षेत्रगत विज्ञहरूको पहिचान गरी उनीहरूको ज्ञान, सीप र अनुभवलाई नेपालको कृषि आधुनिकीकरण, उत्पादन वृद्धि तथा दिगो विकास अभियानसँग जोड्नुपर्ने आवश्यकतामा जोड दिनुभयो।
प्रमुख कार्यकारी अधिकृत राजेन्द्रकुमार राउतले संघले कृषि क्षेत्रलाई प्राथमिकतामा राख्दै कृषि विभाग नै स्थापना गरेको जानकारी दिनुभयो। उहाँले विश्वभर रहेका नेपाली कृषि विज्ञहरूको ज्ञान, सीप र अनुभवलाई नेपालको कृषि क्षेत्रसँग जोड्दै आधुनिक, व्यवसायिक र दिगो कृषि विकासमा योगदान पुर्‍याउने उद्देश्यका साथ विभागले विभिन्न कार्य योजना तयार गरिरहेको बताउनुभयो।

जवाफमा मन्त्री गीता चौधरीले कृषि क्षेत्रको विकासका लागि विषयगत नेपाली विज्ञहरूको पहिचान र परिचालन अत्यन्त आवश्यक रहेको बताउँदै एनआरएनएको विश्वव्यापी सञ्जालमार्फत यस्ता विज्ञहरूको विवरण संकलन गरी सरकारलाई नीतिगत योजना निर्माण तथा कार्यक्रम कार्यान्वयनमा सहयोग गर्न आग्रह गर्नुभयो। उहाँले कृषि क्षेत्रमा प्रविधि हस्तान्तरण, नवप्रवर्तन, अनुसन्धान तथा अन्तर्राष्ट्रिय अनुभवलाई नेपालको आवश्यकता अनुसार उपयोग गर्न सरकार र एनआरएनएबीच थप सहकार्य आवश्यक रहेको उल्लेख गर्नुभयो।
भेटमा कृषि क्षेत्रको दिगो विकास, जलवायु–मैत्री कृषि प्रणाली, लगानी प्रवर्द्धन तथा ज्ञान र प्रविधि हस्तान्तरणमार्फत नेपालको कृषि क्षेत्रलाई थप प्रतिस्पर्धी, आधुनिक र उत्पादनमुखी बनाउने विषयमा समेत विस्तृत छलफल भएको थियो।


झापा बिर्ता साउन ११गते ।  ग्रिन फिल्ड वल्र्ड स्कुलले विद्यालय शिक्षालाई आधुनिक प्रविधिसँग जोड्ने उद्देश्यका साथ एरो बे रोबोटिक्स तथा कृत्रिम बुद्धिमत्ता एआई प्रयोगशाला सञ्चालनमा ल्याएको छ ।


विद्यालय परिसरमा आयोजित विशेष समारोहबीच विद्यालयले स्थापना गरेको ‘एरो बे रोबोटिक्स एन्ड आर्टिफिसियल इन्टेलिजेन्स ९एआई० ल्याब’ को औपचारिक उद्घाटन गरिएको हो ।

विद्यालयका संस्थापक तथा राष्ट्रिय सभा सदस्य गोपालकुमार बस्नेतको अध्यक्षता एवम् पूर्ण टुङ्ग बिर्तासिटी अस्पतालका वरिष्ठ फिजिसियन डा। शरद भट्टराईको प्रमुख आतिथ्यमा आयोजित कार्यक्रमकाबीच ‘एरो बे रोबोटिक्स एन्ड आर्टिफिसियल इन्टेलिजेन्स ९एआई० ल्याब’ को औपचारिक उद्घाटन गरिएको हो ।

  करिव ४० लाख रुपैयाँको लगानीमा स्थापना गरिएको ल्याल मार्फ विद्यार्थीहरूलाई विज्ञान, प्रविधि, इन्जिनियरिङ र गणित शिक्षासँग प्रत्यक्ष जोड्दै उनीहरूमा अनुसन्धान, सिर्जनशीलता र नवप्रवर्तनको क्षमता विकास गर्न सहयोग पुग्ने विश्वास गरिएको विद्यालयका कार्यकारी निर्देशक आनन्द वस्नेतले जानकारी दिए ।

पछिल्लो समय विश्वभर तीव्र रूपमा विकास भइरहेको रोबोटिक्स र कृत्रिम बुद्धिमत्तासम्बन्धी ज्ञान विद्यालय तहदेखि नै विद्यार्थीहरूमा विकास गर्ने उद्देश्यले प्रयोगशाला स्थापना गरिएको कार्यकारी निदृेशक बस्नेतको भनाई छ ।  

विद्यार्थीहरूले रोबोट निर्माण, कोडिङ, कृत्रिम बुद्धिमत्ता, डिजाइन थिंकिङ, स्वचालन प्रविधि तथा समस्या समाधानका व्यावहारिक सीप सहज रुपमा हासिल गर्ने विद्यालयका कोअडिनेटर वर्नाट लामाले जानकारी दिए ।

उद्घाटन समारोहलाई सम्बोधन गर्दै विद्यालयका संस्थापक तथा शिक्षा सेवी वस्नेतले अहिलेको शिक्षा प्रणाली केवल पाठ्यपुस्तकमा सीमित हुन नसक्ने धारणा राखे । उनले  भविष्यका चुनौतीसँग प्रतिस्पर्धा गर्न विद्यार्थीहरूलाई सिर्जनशील, अनुसन्धानमुखी र प्रविधिमैत्री बनाउनु आजको आवश्यकता रहेको बताए ।

प्रयोगशाला विद्यार्थीहरूको कल्पनाशक्ति र नवप्रवर्तनलाई व्यवहारमा उतार्ने थलोका रूपमा विकास हुने संस्थापक अध्यक्ष वस्नेतको भनाई छ ।  “अबका विद्यार्थीले केवल प्रविधि प्रयोग गर्ने मात्र होइन, नयाँ प्रविधिको सिर्जना गर्ने क्षमता पनि विकास गर्नुपर्छ,’ अध्यक्ष वस्नेतले भने ।

कार्यक्रमका प्रमुख अतिथि डा भट्टराईले  आधुनिक शिक्षामा गरिएको यो लगानीले विद्यार्थीहरूको सिकाइ उपलब्धिमा सकारात्मक प्रभाव पार्ने विश्वास व्यक्त गरे । उनीहरूले विद्यालयले आगामी दिनमा पनि प्रविधिमैत्री शिक्षा विस्तार गर्दै अन्तर्राष्ट्रिय स्तरको शिक्षण वातावरण निर्माणमा निरन्तर काम गर्छ भन्नेमा आफू विश्वस्त रहेको जनाए ।

कार्यक्रममा अभिभावक, शिक्षक, विद्यार्थी तथा विभिन्न क्षेत्रका व्यक्तित्वहरूको उल्लेख्य सहभागिता रहेको थियो । सहभागीहरूले विद्यालयले समयको मागअनुसार आधुनिक प्रविधिलाई शिक्षासँग जोडेको भन्दै यसको प्रशंसा गरेका थिए ।

विद्यालयका अनुसार प्रयोगशालामा विद्यार्थीहरूले विभिन्न तहअनुसार रोबोटिक्स, प्रोग्रामिङ, कृत्रिम बुद्धिमत्ता, इलेक्ट्रोनिक्स र स्वचालित प्रणालीसम्बन्धी परियोजनामा सहभागी हुनेछन् । यसले उनीहरूमा आलोचनात्मक सोच, समूहमा काम गर्ने क्षमता, नेतृत्व विकास तथा नवप्रवर्तनमुखी सोचको विकासमा महत्वपूर्ण योगदान पुग्ने अपेक्षा गरिएको छ ।

विद्यालयले आगामी दिनमा प्रविधिमैत्री शिक्षालाई अझ प्रभावकारी बनाउँदै विद्यार्थीहरूलाई विश्वव्यापी प्रतिस्पर्धाका लागि सक्षम जनशक्ति तयार गर्ने लक्ष्यसहित यस्ता कार्यक्रमलाई निरन्तरता दिने जनाएको छ ।

विद्यालयको प्राङ्गणमा गरिएको ‘एरो बे रोबोटिक्स प्रयोगात्मक अभ्यासमा एरोप्लेन्न देखि रकेटसम्मको सफल उडान गर्दै विद्यार्थी तथा अभिभावकहरुलाई जानकारी गराइएको थियो ।

विद्यालय परिसरमा आयोजना गरिएको कार्यक्रमको सञ्चालन विद्यालयकी शिक्षक अश्विनी प्रधानले गरेकी थिइन् । 


बिराटनगर साउन ९ गते । बालबालिका तथा किशोर/किशोरीको मानसिक स्वास्थ्य उनीहरूको विकासको एउटा महत्त्वपूर्ण पाटो हो । यसले उनीहरूको दैनिक जीवन, सिकाइ, र अरूसँगको सम्बन्धलाई प्रभाव पार्छ । बाल्यकाल र किशोरावस्थामा मानसिक स्वास्थ्य राम्रो हुनु भनेको उनीहरूमा भावनात्मक रूपमा बलियो हुनु, समस्याहरूको सामना गर्न सक्ने क्षमताको विकास हुनु, र जीवनको यो महत्त्वपूर्ण चरणको आनन्द लिन सक्नु हो ।

मानसिक स्वास्थ्य समस्याको पहिचान र त्यसको व्यवस्थापनमा परिवार र समाजको भूमिका ठूलो हुन्छ । बालबालिका र किशोर/किशोरीमा देखिने मानसिक स्वास्थ्य समस्याहरूलाई समयमै पहिचान गरी उचित सहयोग र उपचारको व्यवस्था मिलाउनु आवश्यक हुन्छ ।
समयमै यसको पहिचान र आवश्यक सहयोग पुर्‍याउन सकेमा बालबालिका तथा किशोर/किशोरीमा देखिन सक्ने दीर्घकालीन समस्याहरूबाट बचाउन सकिन्छ । यसले उनीहरूको भविष्यलाई उज्ज्वल बनाउन र समाजमा एक जिम्मेवार नागरिकको रूपमा स्थापित हुन मद्दत गर्दछ । 

 


काठमाण्डैा साउन ९ गते । नेपालगन्ज उपमहानगरपालिकाको फोहोर व्यवस्थापनको लागि विभिन्न निकाय, संघ संस्था महासंघ, व्यवसायीक संघसंठनहरु विच वृहत छलफल भएको छ । बास नेपालको आयोजनामा विहीबार नेपालगन्जमा सम्पन्न स्थानीय नेतृत्व र नागरिक संलग्नता विषयक कार्यक्रममा उक्त छलफल गरिएको हो । यातायात व्यवसायी, नेपाल घरेलु तथा साना उद्योग नेपालगन्ज उपमहानगरपालिका समिति, होटेल व्यवसायी संघ, गैरसकारी संस्था महासंघ लगातएका संघसंस्थाहरुसँग नेपालगन्ज उपमहानगरपालिकाको फोहोरलाई कसरी दिगो रुपमा व्यवस्थापन गर्न सकिन्छ भन्ने विषयमा छलफल गरिएको हो । 

कार्यक्रममा बोल्दै कार्यक्रममा प्रमुख अथिती पूर्व प्रतिनिधि सभा सदस्य डा. धवल शम्शेर राणाले आफु नेपालगन्ज उपमहागरपालिकाको मेयरमा रहँदा फोहोर व्यवस्थापनको कार्य अगाडी बढाउँदै प्लाष्टिक मुक्त कार्यलाई योजनाबद्ध रुपमा अगाडी बढाएको दृष्टान्त राख्दै विविध कारणले उक्त कार्य सफल हुन नसकेकोमा चिन्ता व्यक्त गरे । उनले हाल द कोकाकोला फाउण्डेसनको सहयोग मार्फत नेपालगन्जमा दिगो फोहोर व्यवस्थापनको लागि हाल पुन काम सुरु भएकोमा खुसि व्यक्त गर्दै सबैलाई उक्त कार्यमा सहयोग र साथ दिन आग्रह गरे । 

कार्यक्रममा वातावरण क्षेत्रमा लामो समय देखि काम गरिरहेका वातावरण विज्ञ हरीप्रसाद सुवेदीले फोहोर व्यवस्थापनको प्रस्तुतिकरण राखेका थिए । उलने फोहोरलाई व्यक्तिको व्यवहारबाट नै सफा गर्न बानीको विकास नभए सम्म दिगो समाधान हुन नसक्ने बताउँदै फोहोर व्यवस्थापन सम्बन्धि खेल मार्फत व्यवहारिकअभ्यास मार्फत सहभागीहरुलाई कार्यक्रममा संलग्नगराए ।

कार्यक्रममा यातायात व्यावसायी संघ, होटोल व्यावसायी संघ, गैरसरकारी संस्था महासंघ लगाएतले फोहोरको व्यवस्थापनको लागि आआफ्नो तर्फबाट प्रतिबद्धता व्यक्त गरे । 
बासका परियोजना अधिकृत रबिन्द्र बोहराले संचालन गरेको कार्यक्रममा बासका निर्देशक हेमराज भट्टले उद्धेश्यबारे जानकारी गराएका थिए ।
हरित नेपालगन्ज सामुदायिक फोहोर रुपान्तरण परियोजना अन्तर्गत सम्पन्न कार्यक्रमको समापन बासका केन्द्रीय अध्यक्ष शिव कुमार वर्माले गरेका थिए ।


लहान, सिरहा साउन ७ गते ।आन्तरिक राजस्व कार्यालय लहानका कर अधिकृत युवराज पाल ५ लाख रुपैयाँ घुस लिँदै गरेको अवस्थामा अख्तियार दुरुपयोग अनुसन्धान आयोगको टोलीले रंगेहात पक्राउ गरेको छ।

अख्तियारका अनुसार सेवाग्राहीसँग घुस रकम बुझिरहेको अवस्थामा विशेष टोलीले निगरानीका आधारमा उनलाई नियन्त्रणमा लिएको हो। पक्राउपछि घटनाबारे थप अनुसन्धान भइरहेको आयोगले जनाएको छ।

यस घटनाले सरकारी कार्यालयमा हुने भ्रष्टाचार नियन्त्रणमा अख्तियारको सक्रियता पुनः देखिएको छ। अनुसन्धानबाट कसुर पुष्टि भए प्रचलित कानुनअनुसार मुद्दा दायर गरी आवश्यक कानुनी प्रक्रिया अघि बढाइने जनाइएको छ। 


झापा साउन ४ गते ।  शिक्षा तथा खेलकुद मन्त्रालयले हालै जारी गरेको शैक्षिक परामर्श, भाषा शिक्षण तथा तयारी कक्षा ‘सञ्चालन तथा व्यवस्थापन’ नियमावली, २०८३ का केही व्यवस्थाप्रति बिर्तामोड उद्योग वाणिज्य संघले गम्भीर असन्तुष्टि जनाएको छ । संघले नियमावलीका कतिपय प्रावधानले वर्षौंदेखि सञ्चालनमा रहेका शैक्षिक परामर्श व्यवसायलाई प्रत्यक्ष असर पार्ने भन्दै तत्काल पुनरावलोकन गर्न सरकारसँग माग गरेको छ ।

संघले सोमबार जारी गरेको प्रेस विज्ञप्तिमा पर्याप्त अध्ययन, निजी क्षेत्रसँगको परामर्श र सरोकारवालासँग संवादबिनै नियमावली लागू गरिएकाले त्यसका केही व्यवस्था व्यवहारिक नभएको उल्लेख गरेको छ । संघका अनुसार यस्ता प्रावधानले वैधानिक रूपमा सञ्चालन भइरहेका शैक्षिक परामर्श संस्था, भाषा शिक्षण केन्द्र तथा तयारी कक्षालाई थप जटिल, खर्चिलो र निरुत्साहित बनाउने जोखिम बढाएको छ ।
 
संघले नेपालमा सञ्चालित शैक्षिक परामर्श संस्था, भाषा शिक्षण केन्द्र र तयारी कक्षा सञ्चालन गर्ने संस्थाले लामो समयदेखि विद्यार्थीलाई गुणस्तरीय शैक्षिक परामर्श, भाषा सीप विकास तथा उच्च शिक्षाको तयारीमा महत्वपूर्ण योगदान पु¥याउँदै आएको जनाएको छ । यस्ता संस्थाले हजारौं युवालाई प्रत्यक्ष तथा अप्रत्यक्ष रोजगारी उपलब्ध गराउनुका साथै वैदेशिक मुद्रा आर्जन, कर राजस्व वृद्धि र निजी क्षेत्रको लगानी प्रवद्र्धनमा समेत उल्लेखनीय भूमिका निर्वाह गरिरहेको संघको भनाइ छ ।

विज्ञप्तिअनुसार नियमावलीमा समेटिएका धरौटी, पूर्वाधार, संस्थाको वर्गीकरण, अनुमति तथा नवीकरण प्रक्रिया र प्रशासनिक दायित्वसँग सम्बन्धित केही प्रावधान व्यवहारिक नदेखिएको संघको निष्कर्ष छ । यस्ता व्यवस्थाले लगानीको सुरक्षा कमजोर बनाउनुका साथै सेवा प्रवाह र व्यवसाय सञ्चालनमा प्रतिकूल असर पर्ने संघले औंल्याएको छ ।

संघले अहिले मुलुक आर्थिक मन्दी, लगानीमा आएको सुस्तता, रोजगारी अभाव र निजी क्षेत्रको कमजोर मनोबलसँग जुधिरहेका बेला थप नीतिगत जटिलता सिर्जना गर्नु उपयुक्त नहुने जनाएको छ । यस्ता व्यवस्था कायम रहे व्यवसाय विस्तारभन्दा व्यवसाय संकुचन, लगानी पलायन र बेरोजगारी वृद्धि हुने जोखिम बढ्ने संघको ठहर छ ।
संघका अनुसार यसको प्रभाव शैक्षिक परामर्श व्यवसायमा मात्र सीमित रहने छैन। विद्यार्थी, अभिभावक, निजी क्षेत्र र समग्र शिक्षा प्रणालीमा समेत दीर्घकालीन नकारात्मक असर पर्ने सम्भावना रहेको विज्ञप्तिमा उल्लेख छ।

बिर्तामोड उद्योग वाणिज्य संघले सम्बन्धित मन्त्रालय र अन्य सरोकारवाला निकायलाई तत्काल अर्थपूर्ण संवाद अघि बढाउन आग्रह गरेको छ। विवादित तथा अव्यावहारिक प्रावधान पुनरावलोकन गरी आवश्यक संशोधन गर्न, व्यवसायमैत्री, व्यवहारिक र कार्यान्वयनयोग्य नियमावली तयार गर्न संघले जोडदार माग गरेको छ।
संघका अध्यक्ष राजु न्यौपाने र महासचिव कुशल खतिवडाले हस्ताक्षर गरेको विज्ञप्तिमा शिक्षा क्षेत्रको गुणस्तर कायम राख्दै निजी क्षेत्रको लगानी, रोजगारी र सेवा प्रवाहलाई संरक्षण गर्ने गरी नीतिगत सुधार आवश्यक रहेको उल्लेख गरिएको छ ।


विराटनगर  साउन ४ गते । प्रेस चौतारी नेपाल मोरङले हरेक वर्ष प्रदान गर्दै आएको जनार्दन मैनाली स्मृति पत्रकारिता पुरस्कार विराटनगरलाई कर्मथलो बनाएर लामो समयदेखि सक्रिय पत्रकारिता गर्दै आएका विराटनगरका पत्रकार पुष्पराज थपलियालाई प्रदान गरिने भएको छ । 

पत्रकारिता क्षेत्रमा थपलियाले पुर्‍याएको योगदानको कदर गर्दै यस वर्षको जनार्दन मैनाली स्मृति पत्रकारिता पुरस्कार प्रदान गर्ने निर्णय गरिएको प्रेस चौतारी मोरङले जनाएको छ। पुरस्कार आगामी साउन १५ गते आयोजित विशेष कार्यक्रममा प्रदान गरिनेछ।

प्रेस चौतारी मोरङको बैठकले थपलियालाई १५ हजार ५ सय राशीको पत्रकारिता पुरस्कार दिने निर्णय भएको सचिव नवराज भट्टराईले जानकारी दिए ।

प्रेस चौतारी मोरङका संस्थापक सदस्य समेत समेत रहेका थपलिया विराटनगरबाट सञ्चालित खबर पूर्वाञ्चल अनलाइन समाचार पोर्टलका सञ्चालक हुन् । 

जनार्दन मैनाली स्मृति पत्रकारिता पुरस्कारबाट यसअघि दिपेन नेउपाने, महेन्द्र विष्ट, ललिता भट्टराई, नरेन्द्र दाहाल, केदार चौहान, बन्धु पोखरेल, धर्मराज ढकाल, गणेश लम्साल, भूपेन्द्र तिम्सीना, रामचन्द्र अधिकारी, कमल रिमाल, किशोर बुढाथोकी, जगन्नाथ भट्टराई, तेजेन्द्र भण्डारी, सुदीप कोइराला लगायग पुरस्कृत भईसक्नु भएको    छ ।


काठमाण्डैा  साउन ४ गते । लिटिल एन्जल्स स्कुलले रोमाञ्चक फाइनल खेलमा काष्ठमण्डप विद्यालयलाई ३–२ गोल अन्तरले पराजित गर्दै पहिलो संस्करणको
 आईविबी किड्स कप २०२६ को उपाधि जितेको   छ । फाइनल खेल आइतबार, १२ जुलाई २०२६ मा सम्पन्न भएको थियो ।

आईविबी नेपालको आयोजनामा सम्पन्न उक्त प्रतियोगिता १० वर्षमुनिका बाल फुटबल खेलाडीहरूलाई समेटेर आयोजना गरिएको अन्तरविद्यालय फुटबल प्रतियोगिता हो । फिफा विश्वकपको अवधारणाबाट प्रेरित प्रतियोगितामा ज्ञानोदय बालबाटिका स्कुल, डीएभी स्कुल, दरबार हाई स्कुल, प्राइम ग्लोबल स्कुल, काष्ठमण्डप विद्यालय, लिटिल एन्जल्स स्कुल र क्याम्पियन स्कुललगायत आठ विद्यालयले आठ फरक देशको प्रतिनिधित्व गर्दै प्रतिस्पर्धा गरेका थिए । यस अवधारणाले बाल खेलाडीहरूलाई प्रतिस्पर्धा, टिमवर्क, खेल भावना र उत्साहले भरिएको सानो विश्वकपको अनुभव प्रदान गरेको थियो ।

लिटिल एन्जल्स स्कुल र काष्ठमण्डप विद्यालयबीच भएको फाइनल खेल अत्यन्त प्रतिस्पर्धात्मक र रोमाञ्चक बनेको थियो । लिटिल एन्जल्स स्कुलले ३–२ को जित निकाल्दै आईविबी किड्स कप २०२६ को उपाधि उचाल्यो भने काष्ठमण्डप विद्यालय प्रथम उपविजेता बन्यो ।

समापन समारोहमा व्यक्तिगत रूपमा उत्कृष्ट प्रदर्शन गर्ने खेलाडीहरूलाई समेत सम्मान गरिएको थियो । लिटिल एन्जल्स स्कुलका आशुतोष पाण्डेप्रतियोगिताको सर्वोत्कृष्ट खेलाडी (एमभीपी) घोषित भए भने काष्ठमण्डप विद्यालयका सम्राट विक्रम शाहले उत्कृष्ट गोलरक्षकको उपाधि प्राप्त गरे ।

समापन समारोहका सम्माननीय अतिथि नेपाल खेलकुद पत्रकार मञ्चका अध्यक्ष निरञ्जन अधिकारीले विजेता टोलीलाई ट्रफी प्रदान गरेका थिए । त्यसैगरी, नेपाल खेलकुद पत्रकार मञ्चका प्रथम उपाध्यक्ष प्रज्वल ओलीले प्रतियोगिताका उत्कृष्ट खेलाडीहरूलाई व्यक्तिगत पुरस्कार प्रदान गरेका थिए । उनले सर्वोत्कृष्ट खेलाडी (एमभीपी) तथा उत्कृष्ट गोलरक्षकको ट्रफी विजेताहरूलाई हस्तान्तरण गरे ।

समापन समारोहलाई सम्बोधन गर्दै निरञ्जन अधिकारीले यस पहलको प्रशंसा गर्दै बालबालिका तथा ग्रासरुट खेलकुदमा लगानीको महत्त्वमाथि प्रकाश पारे ।

“हाम्रो देशका लागि यस्तो कार्यक्रम आवश्यक थियो । यो हाम्रो भविष्यको तयारी हो । यस्तो उत्कृष्ट कार्यक्रम आयोजना गरेकोमा म आईविबी नेपाललाई धन्यवाद दिन चाहन्छु,” उनले भने ।

उनले प्रतियोगितामा सहभागी सबै आठ टोलीको प्रदर्शनको समेत प्रशंसा गर्दै खेलाडीहरूले प्रतियोगिताभर देखाएको उत्साह, प्रतिभा र प्रतिस्पर्धात्मक भावनाको सराहना गरे ।

आईविबी किड्स कप २०२६ को औपचारिक सुरुवात ९ जुलाई २०२६ मा भएको थियो । उद्घाटन समारोहमा प्रख्यात हवाई उड्डयनकर्मी तथा सेलिब्रिटीक्याप्टेन विजय लामा प्रमुख अतिथिका रूपमा सहभागी भएका थिए ।

उद्घाटन समारोहमा युवा खेलाडीहरूलाई सम्बोधन गर्दै क्याप्टेन विजय लामाले उनीहरूको उत्साह र खेल भावनाको प्रशंसा गरेका थिए ।

“यो एक अद्भुत कार्यक्रम हो । यी प्रतिभाशाली बालबालिकाले देखाएको खेल भावना देखेर म अत्यन्त प्रभावित भएको छु । उनीहरू हाम्रो भविष्य हुन् र एक दिन उनीहरूलाई फिफा विश्वकपमा खेलिरहेको देख्न पाउने आशा गर्दछौं,” उनले भने ।

आईविबी किड्स कप २०२६ को सफल समापनले बालबालिका, विद्यालय, परिवार र समुदायसँग आईविबी नेपालको सहकार्य र संलग्नतामा एउटा महत्त्वपूर्ण उपलब्धि थपेको छ । विजेता निर्धारण गर्नु मात्र प्रतियोगिताको उद्देश्य थिएन; यसले युवा खेलाडीहरूलाई प्रतिस्पर्धा गर्ने, मित्रता निर्माण गर्ने, आत्मविश्वास विकास गर्ने तथा टिमवर्क र निष्पक्ष खेलका मूल्यहरू अनुभव गर्ने महत्त्वपूर्ण मञ्च प्रदान गरेको थियो ।



विराटनगर  साउन  ३ गते । विराटनगर– ५ स्थित एभरेष्ट सेकेन्डरी स्कुलमा कक्षा ११ मा भर्ना भएका विद्यार्थीलाई आज स्वागत गरिएको छ । विराटनगरको गोग्राहा चोक स्थित कन्चनजङ्घा बैंक्वेटमा आयोजित स्वागत समारोहमा कक्षा १२ का विद्यार्थीले विभिन्न कार्यक्रम गर्दै नयाँ विद्यार्थीलाई स्वागत गरेका हुन् ।

कार्यक्रमका प्रमुख अतिथि पूर्वाञ्चल विश्वविद्यालयका निवर्तमान उपकुलपति प्रा. डा. बिजुकुमार थपलीयाले विद्यार्थीहरुको आफ्नै मेहनतले सफलता प्राप्ति हुने बताउनुभयो । विद्यालयले उत्कृष्ट शैक्षिक वातावरण बनाउने सम्म हो भन्दै उहाँले त्यहाँबाट कति ज्ञान लिने भन्ने विद्यार्थीमा भर पर्ने बताउनुभयो । ‘

तिर्खाएको ब्यक्तिलाई कुवा सम्म लगिदिने हो, कति खाने वा नखाने उसैमा निर्भर हुन्छ’, प्रा.डा. थपलीयाले भन्नुभयो,‘ आफूलाई कस्तो बनाउने भन्ने विद्यार्थीमा निर्भर हुने बताउनुभयो ।  एभरेष्टले उत्कृष्ट शैक्षिक वातावरण बनाएको भन्दै उहाँले विद्यार्थीहरुलाई त्यसको अधिकतम सदुपयोग गर्न समेत सुझाव दिनुभयो । उहाँले पछिल्लो समय समाजिक सञ्जाल र अल्गोरिदमले युवापुस्तालाई अल्मलाईरहेको चर्चा गर्दै उहाँले क्षणिक लोकप्रियताको पछि नलागी युगौंयुग लोकप्रिय कसरी बन्न सकिन्छ भन्नेमा ध्यान दिन आग्रह गर्नुभयो । 

कार्यक्रममा विद्यालयका प्रिन्सिपल टिकाराम पुरीले विद्यार्थीको शैक्षिक तथा सर्वाङ्गिण विकासका लागि प्रशासनिक वा व्यवस्थापकीय दृष्टिकोणबाट कुनै कमि हुन नदिने भन्दै हाम्रा विद्यार्थी पनि सोहि अनुसार अब्बल होउन भन्ने आशा रहेको बताउनुभयो । विगतका नतिजाहरुले पनि एभरेष्टका विद्यार्थी अब्बल रहेको पुष्टि गरिसकेको भन्दै उहाँले अहिलेका विद्यार्थीहरुले पनि प्रमाणित गर्ने विश्वास ब्यक्त गर्नुभयो ।

प्रिन्सिपल पुरीले अहिले कुनै एक विद्यालय, एक शहर वा एउटा देशका विद्यार्थीबिचको प्रतिष्पर्धा नभएर विश्वभरकाविद्यार्थीहरुबिचको प्रतिष्पर्धाको युग रहेको चर्चा गर्दै विद्यार्थीले पनि सोहि अनुसार आफूलाई तयार गर्नुपर्ने सुझाव दिनुभयो । ‘हामीले हाम्रा विद्यार्थीले विश्वसँग प्रतिष्पर्धा गर्नुपर्छ भनेर नै सोहि अनुसारको वातावरण बनाएका छौं,‘ उहाँले भन्नुभयो, ‘डिजी स्कुल, एआईको अध्यापन तथा अन्तर्राष्ट्रिय प्ल्याटफर्मको सहभागिताहरु त्यसका उदाहरण हुन् ।’  

प्रिन्सिपल पुरीले अहिलेको जमाना सूचना प्रविधि र ए आईको जमाना रहेको भन्दै एआईको सदुपयोग गर्न सक्नुपर्नेमा जोड दिनुभयो । उहाँले शैक्षिक ज्ञानमात्र पर्याप्त नहुने भन्दै सम्बन्धित विषयका अतिरिक्त कुराहरुपनि सिक्न र सिकेका कुराहरुलाई व्यवहारमा उतार्न आवश्यक रहेको बताउनुभयो । 

कार्यक्रममा विद्यार्थीहरुले विभिन्न गीत गाएर , नृत्य प्रस्तुत गरेर र वाद्यवादन बजाएर मनोरञ्जन समेत गरेका छन् । कार्यक्रममा विद्यालयका भाइस प्रिन्सिपल कुन्दन पुरी, नेपाल पत्रकार महासंघ कोशी प्रदेशका कोषाध्यक्ष सुदीप कोइराला, विद्यालयका विभागीय प्रमुखहरु, शिक्षक कर्मचारीलगायतको उपस्थिती रहेको थियो । 
यसैबिच विद्यालयमा एक दशक भन्दा बढी समय प्रशासनका क्षेत्रमा काम गर्नुभएका कर्मचारी कृष्णकुमार ठाकुरलाई सम्मान समेत गरिएको छ । 


काठमाण्डैा साउन १ गते । खजुरा गाउँपालिकाका बाँकेको आ.व. २०८२/०८३ को तेश्रो चौमासिक सार्वजनिक सुनुवाई कार्यक्रम सम्पन्न भएको छ । खजुरा गाउँपालिकाको आयोजना तथा बास नेपालको सहजिकरणमा असार ३१ गते सम्पन्न सुनुवाईमा ९ बुदें साझा सार्वजनिक प्रतिबद्धताको घोषणा गरिएको छ । जवाफदेहि बक्ता र सहभागिहरु बिचको लामो प्रश्नोत्तर पश्चात उक्त साझा सार्वजनिक प्रतिबद्धता घोषणा गरिएको हो । सार्वजनिक सुनुवाइमा सहभागिहरुले सार्वजनिक सुनुवाइ लगायत पालिकाले सञ्चालन गर्ने सार्वजनिक सरोकारका कार्यक्रममा अधिकांश जनप्रतिनिधिहरू उपस्थित नहुने गरेको। 


खजुरा गाउँपालिकाका विभिन्न विद्यालयमा सुरक्षित खानेपानीको समस्या रहेको, कतिपय विद्यालयमा विद्यार्थीको संख्या अनुसार पर्याप्त फर्निचर नभएकाले पठनपाठन प्रभावित भएको, विद्यालयहरूमा अतिरिक्त क्रियाकलाप सञ्चालनका लागि आवश्यक बजेट तथा सामग्रीको अभाव रहेको, वडा नं. २ स्थित बावाधाममा शौचालयको अभावका कारण स्थानीयलाई समस्या भएको, पालिकाले सञ्चालन गर्ने सीपमूलक तालिमहरू प्रभावकारी हुन नसकेको, तालिमपछि सहभागीहरूलाई रोजगारी वा स्वरोजगारसँग जोड्न नसकिएको, सार्वजनिक सडक अतिक्रमणका कारण आवतजावतमा समस्या भएको, विद्यालयहरूको शैक्षिक गुणस्तर अपेक्षाअनुसार सुधार हुन नसकेको भन्दै शिक्षाको गुणस्तर अभिवृद्धिका लागि ठोस कार्यक्रम सञ्चालन गर्नुपर्ने, जलवायु परिवर्तन, प्लाष्टिकजन्य फोहोर तथा वातावरणीय प्रदूषण बढ्दै गएको, फोहोरमैला व्यवस्थापन प्रभावकारी नभएको, नियमित संकलन तथा व्यवस्थापनमा समस्या रहेको लगायतका प्रश्न तथा गुनासो राखेका थिए ।

त्यसैगरी केही विद्यालयहरूले कानुन विपरीत विभिन्न शीर्षकमा शुल्क लिने गरेको गुनासो गर्दै त्यस्ता विद्यालयमाथि पालिकाले के कारबाही गर्नुपर्ने, जनता माध्यमिक विद्यालय नजिक रहेको अव्यवस्थित विद्युत् पोल र तारका कारण दुर्घटनाको जोखिम रहेको भन्दै शीघ्र व्यवस्थापन गर्नुपर्ने पालिका क्षेत्रमा ट्राफिक व्यवस्थापन कमजोर रहेको, सवारी दुर्घटनाको जोखिम बढेको भन्दै प्रभावकारी ट्राफिक व्यवस्थापन गर्न सहभागिहरुले सुझाव दिएका थिए भने युवाहरूमा लागूऔषध दुव्र्यसन बढ्दै गएको भन्दै यसको नियन्त्रण तथा सचेतनामूलक अभियान सञ्चालन गर्न पालिकाले विशेष पहल गर्नुपर्ने माग गरेका थिए । सहभागिहरुले गरेको प्रश्नको गाउँपालिका अध्यक्ष डम्बर बि.क., उपाध्यक्ष मञ्जु मल्ल, वडा अध्यक्षहरु र शाखा प्रमुखहरुले जवाफ दिएका थिए ।

यसरी घोषणा गरिएका प्रतिबद्धताहरुमा सार्वजनिक सुनुवाइ लगायत सार्वजनिक सरोकारका कार्यक्रम सबै जनप्रतिनिधिहरूको उपस्थिति नभएको विषयमा व्यापक गुनासो आएकाले यस विषयमा कार्यपालिकामा छलफल गरी कार्यक्रममा उपस्थित हुन निर्देशन दिने, खजुरा गाउँपालिकाका विभिन्न विद्यालयमा खानेपानी समस्या रहेकाले समस्या समाधानका लागि, पहल गर्ने, फर्निचरको अभाव भएका बिद्यालयमा फर्निचरको ब्यवस्था गर्ने, बिद्यालयहरुमा अतिरिक्त क्रियाकलाप सञ्चालनका लागि पालिकाबाट सहयोग गर्ने, वडा नं. २ को बावाधाममा शौचालय निर्माणका लागि गाउँपालिकाबाट सहयोग गर्ने र पालिकाले सञ्चालन गर्ने सिपमुलक तालिमहरुको प्रभावकारीता अभिबृद्धी, सिपमुलक तालिमका सहभागिहरुलाइ व्यवसायमा संलग्न गराउने गरी आवश्यक पहल गर्ने रहेका छन् ।

त्यसैगरी पालिका अन्तर्गत सार्वजनिक सडकहरुको अतिक्रमण हटाउन आवश्यक पहल गर्ने र शिक्षाको गुर्णस्तरिता अभिबृद्धी गर्न आ–आफ्नो तर्फबाट पहल गर्ने, जलवायु परिवर्तन न्यूनीकरण, अनुकूलनका साथै प्लाष्टिक को प्रयोगलाइ निरुत्साहित गर्न आवश्यक नीति, नियम तर्जुमा गरी कार्यान्वयन गर्ने, फोहोरमैला व्यवस्थापनका लागि आवश्यक पहल गर्ने, शिक्षा सम्बन्धीत ऐन, कानुन विपरित कुनैपनि बिद्यालयले विद्यार्थिबाट शुल्क लिएको पाईएमा वा गुनासो प्राप्त भएमा आवश्यक कार्वाही गर्ने, जनता मा.वि. नजिकैको सडकमा रहेको विजुलीको पोलका तारहरु साउन ५ भित्र ब्यवस्थित गर्ने, पालिका क्षेत्रको ट्राफिक ब्यवस्थापनका लागि आवश्यक कदम चाल्ने, लागु औषध दूब्र्यसन बिरुद्ध सचेतनामुलक अभियान सञ्चालन गर्ने प्रतिबद्धता ब्यक्त गरिएको छ ।

बास नेपालका कार्यक्रम अधिकृत रबिन्द्र बोहराले सहजिकरण गरेको सुनुवाइमा बास नेपालका केन्द्रीय अध्यक्ष शिव कुमार वर्माले स्वागत तथा कार्यक्रमको उद्धेश्य माथि प्रकाश पारेका थिए भने जनसम्पर्क अधिकृत माधव काकीले नागरिक प्रतिबेदन पत्र र बर्हिगमन अभिमतको नतिजा घोषणा गरेका थिए । पालिकाले वर्षभरी सम्पन्न गरेका योजना क्रियाकलापहरुको प्रगति प्रतिबेदन पालिकाका प्रमुख प्रशासकिय अधिकृत दिल बहादुर पौडेललले प्रस्तुत गरेका थिए ।


विराटनगर असार ३० गते । क्यान्सर रोगको भरपर्दो उपचारका लागि स्थापना भएको विराट मेडिकल कलेज टिचिङ हस्पिटलअन्तर्गत रहेको विराट क्यान्सर इन्स्टिच्युटमा विशेषज्ञ भित्रिएका छन् । नेपालको पहिलो अंको फिजियोथेरापिस्ट अस्मिता श्रेष्ठले अबदेखि हस्पिटलको फिजियोथेरापी विभागबाट सेवा दिने हस्पिटलले जनाएको छ ।

शल्यक्रिया र क्यान्सरको उपचार गराइरहेका तथा उपचार पश्चातको बिरामीहरू सामान्यतयाः शारीरिक दुर्बलता, गतिविधिको सीमा र पुनः आत्मविश्वास खोजेर अलमलिने हुन्छन् । नेपालमा यही समस्याको समाधान गर्ने कुनै विशेषज्ञ सेवा अहिलेसम्म उपलब्ध थिएन । अस्मिता श्रेष्ठको आगमन यो महत्त्वपूर्ण खाडल भरिने विश्वास हस्पिटलले लिएको छ ।

अंकोलोजी फिजियोथेरापीमा अन्तर्राष्ट्रिय स्तरको उच्च शिक्षा हासिल गर्नु भएको अस्मिता श्रेष्ठ बीपीटी र एमपीटी—अंकोलोजी फिजियोथेरापीको विशेषज्ञता नेपालमा अरु कसैले पनि नपाएको हस्पिटलको दाबी छ। श्रेष्ठले काठमाडौं मेडिकल कलेज स्कुल अफ मेडिकल साइन्सेज धुलिखेलबाट माष्टर्स अफ फिजियोथेरापी (एमपीटी—अंकोलोजी थेरापी) गरेकी थिइन् ।

 स्नातक अध्ययनपश्चातको पाँच वर्षमा उनले विभिन्न किसिमका बिरामीहरूलाई फिजियोथेरापी सेवा प्रदान गरेको र तत्पश्चात क्यान्सर बिरामीहरूमा रुची बढेपद्धि भारतको कर्नाटकस्थित केएलई एकेडेमी अफ हायर एजुकेशन एण्ड रिसर्चबाट एमपीटी—अंकोलोजी फिजियोथेरापीको अध्ययन गरेकी हुन् । उनले क्यान्सर बिरामीहरूलाई सर्जरी र किमोथेरापी पश्चातको शारीरिक पुनःनिर्माणमा वैज्ञानिक र प्रभावकारी फिजियोथेरापी सेवा प्रदान गर्ने अस्पतालले जनाएको छ । 

‘कुहिनो, घुँडा, काँख र अन्य अंगको गतिविधि सुधार, शारीरिक शक्ति वृद्धि र दैनिक कामकाज सामान्य गर्न उहाँले व्यक्तिगत र समूह आधारित थेरापी सेवा उपलब्ध गराउनु हुनेछ,’ अस्पतालले भनेको छ, ‘क्यान्सर रोगका बिरामीको उपचार यात्रा पूर्ण भइसकेपछि नयाँ जीवन सुरु हुन्छ । 

शारीरिक पुनःर्स्थापना, कार्यक्षमतामा सुधार र आत्मविश्वास पुनः लाभ— यो सबै क्यान्सर सर्वाइभरका लागि महत्त्वपूर्ण हुन्छ ।’ क्यान्सरका बिरामीहरुले अंकोलोजी फिजियोथेरापी विशेषज्ञ श्रेष्ठले आइतबारदेखि शुक्रबार बिहान ९ देखि साँझ ५ बजेसम्म बिरामीहरूलाई परामर्श तथा उपचार सेवा प्रदान गर्नेछन् ।

 हस्पिटलको फिजियोथेरापी विभागले सन् २०१६ देखि अत्याधुनिक सेवा प्रदान गर्दै आएको छ । हाल विभागले दैनिक १०० भन्दा बढी बिरामीलाई सेवा दिन सक्ने क्षमता विकास गरिएको छ । विभागमा अर्थो, स्पोर्ट्स, न्यूरोलोजी, कार्डियो, बालबालिका तथा स्त्रीरोग सम्बन्धी विशेषज्ञ टोली काम गर्दै आएको छ ।

 हस्पिटलमा टेन्स थेरापी, अल्ट्रासाउन्ड, लेजर थेरापी, गेट ट्रेनर, मिरर थेरापी र मल्टी–स्टेशन जिम लगायत आधुनिक उपकरणहरू उपलब्ध रहेका छन्।


काठमाडौं असार ३० गते ।  नेपालका बालप्रतिभाहरूले अन्तर्राष्ट्रिय मञ्चमा ऐतिहासिक सफलता हासिल गर्दै देशको गौरवलाई विश्वसामु उजागर गरेका छन्। किड्स किगं एण्ड क्विन २०२६ का विजेता शान्भिका बज्राचार्य, नामदेन सुब्बा, प्रान्सी तुलाधर र वेदाश्री एल। राना ले ९ जुलाई २०२६ मा नेपालको प्रतिनिधित्व गर्दै भियतनामको राजधानी हानोईमा आयोजित इन्टरनेशनल फेसन विक २०२६  मा सहभागिता जनाएका थिए। 

१३ राष्ट्रका उत्कृष्ट प्रतिस्पर्धीहरूबीच सम्पन्न यस प्रतिष्ठित अन्तर्राष्ट्रिय कार्यक्रममा नेपाली टोलीले उल्लेखनीय सफलता हासिल गर्दै नेपालको शिर विश्वमञ्चमा उच्च बनाएको छ। उनीहरूले आफ्नो प्रतिभा, आत्मविश्वास, अनुशासन तथा नेपाली कला–संस्कृतिको प्रभावशाली प्रस्तुतिमार्फत अन्तर्राष्ट्रिय दर्शक र निर्णायकहरूको प्रशंसा बटुल्न सफल भएका छन्। 

आज हानोईमा सम्पन्न भएको यस अन्तर्राष्ट्रिय कार्यक्रमले नेपाली बालप्रतिभाको क्षमता र विश्वस्तरीय प्रतिस्पर्धा गर्ने सामर्थ्यलाई पुनः स्थापित गरेको छ। यो उपलब्धि केवल सहभागीहरूको व्यक्तिगत सफलता मात्र नभई सम्पूर्ण नेपालको गौरव, सम्मान र अन्तर्राष्ट्रिय पहिचानसँग जोडिएको उपलब्धि बनेको छ। 

विश्वमञ्चमा नेपालको राष्ट्रिय झण्डा गर्वका साथ फहराउँदै देशको प्रतिष्ठा उँचो बनाउने सम्पूर्ण नेपाली टोलीप्रति हार्दिक बधाई तथा शुभकामना व्यक्त गरिएको छ। यस उपलब्धिबारे किड्स एण्ड क्विन नेपालका  नेशनल डाइरेक्टर मोनु शाहले जानकारी दिँदै नेपाली बालप्रतिभाहरूले अन्तर्राष्ट्रिय मञ्चमा देशको नाम उच्च राखेकोमा गर्व व्यक्त गरेका छन्। 

आगामी दिनमा पनि नेपाली प्रतिभालाई विश्वस्तरीय अवसर उपलब्ध गराउँदै नेपालको पहिचानलाई अझ सशक्त रूपमा विश्वसामु स्थापित गर्ने प्रतिबद्धता समेत उनले व्यक्त गरेका छन्।


विराटनगर  असार २९ गते । विराटनगर– ५ स्थित एभरेष्ट माध्यामिक विद्यालयले आज भानु जयन्तीका अवसरमा कविता वाचन प्रतियोगिता र स्रष्टालाई सम्मान गरेको छ । विद्यालयको सभाहलमा आयोजित कार्यक्रममा कक्षा ११ र १२ का २४ प्रतियोगीले विभिन्न शिर्षकमा कविता वाचन गरेका थिए ।

 ति मध्ये उत्कृष्ट चारलाई नगद सहित ट्रफिले पुरस्कृत गरिएको छ । ‘भानु हेर तिम्रो देश’ शिर्षकमा कविता वाचन गर्नु कक्षा १२ की छात्रा सौमिका ढकाल प्रथम हुँदै नगद १० हजार राशि प्राप्त गर्नुभयो । यस्तै कक्षा १२ का प्रेम खतिवडा ‘फर्कि आउ घर’ शीर्षकको कविता वाचन गर्दै दित्तिय हुनुभयो । 


उहाँले नगद ७ हजार रुपैयाँ प्राप्त गर्नुभयो । ‘प्रकृतिको मौन पुकार’ शिर्षकमा कविता वाचन गर्नुभएका कक्षा ११ का आर्जन बरालले तृतीय हुँदै नगद ५ हजार र कक्षा १२ का रियोज मास्केले ‘मुकुन्डो र मुकुट’ शिर्षकमा कविता वाचन गर्दै सान्त्वना पुरस्कार प्राप्त गर्नुभयो । मास्के नगद ३ हजार सहित पुरस्कृत हुनुभयो । साहित्यकार कवयित्री निर्मला कोइराला र कवि मीनकुमार नवोदित निर्णायक रहनुभएको कार्यक्रममा प्रतियोगिहरुले विभिन्न क्षेत्रका विषयलाई समेटेर कविता वाचन गरेका थिए । 

कार्यक्रमका अवसरमा साहित्यकार तथा कवि रोहिणी रशिकलाई सम्मान गरिएको थियो । उहाँलाई कार्यक्रमका प्रमुख अतिथि साहित्यकार तथा राष्ट्रियसभाका पूर्व सदस्य खेम नेपाली र विद्यालयका प्रिन्सिपल टिकाराम पुरीले दोसल्ला, सम्मानपत्र र नगद १५ हजार ५ रुपैयाँले सम्मान गर्नुभयो । कार्यक्रमलाई सम्बोधन गर्दै प्रमुख अतिथि खेम नेपालीले कविताका माध्यमबाट ठूला–ठूला परिवर्तन सम्भव रहेको भन्दै विद्यार्थीहरुलाई निरन्तरताका लागि हौसला प्रदान गर्नुभयो । 

उहाँले कविताले देशको संस्कृति, सभ्यता र इतिहासलाई जीवन्त राख्ने भन्दै त्यसतर्फ ध्यान दिन आवश्यक रहेको बताउनुभयो । २१३ औं जन्मजयन्ती मनाइरहँदा पनि भानुभक्तका अमर कृतिहरु ताजै रहेको चर्चा गर्दै उहाँले कला साहित्यले मानिसलाई भौतिक शरिर नरहेपनि सदैव अमर राख्ने बताउनुभयो । कार्यक्रमका अध्यक्ष तथा विद्यालयका प्रिन्सिपल टिकाराम पुरीले समयक्रम सँगै पुस्तान्तरण र हस्तान्तरण हुनु प्रकृतिको नियम रहेको बताउनुभयो । 

उहाँले  पुस्तान्तरण र हस्तान्तरणको नाममा इतिहास र अग्रजको अवमूल्यन भने गर्न नहुने बताउनुभयो । नयाँका नाममा विगतका इतिहास मास्न थालियो भने त्यसले अस्तित्व नै धरापमा पर्ने र अग्रजहरूप्रति अपमान हुने उहाँले बताउनुभयो । कविता वाचन प्रतियोगिता र स्रष्टालाई सम्मान गर्नु पनि भानुभक्तले नेपाली साहित्यमा पुर्‍याएको योगदानको स्मरण गर्न– गराउनका लागि रहेको उहाँले बताउनुभयो । 

कार्यक्रममा नेपाल पत्रकार महासंघ कोशी प्रदेशका कोषाध्यक्ष सुदिप कोइराला, विद्यालयका भाइस प्रिन्सिपल कुन्दन पुरी, शिक्षक–शिक्षिकाहरु, तथा कक्षा ११ र १२ का विद्यार्थीहरुको सहभागिता रहेको थियो । 

 


विराटनगर असार २७ गते । विराटनगरस्थित कोसी अस्पतालको स्वामित्वमा रहेको जग्गामा बनेका विभिन्न चार संस्थाका २६ वटा व्यावसायिक सटरहरू सोमबार भत्काइने भएको छ ।

अतिक्रमण हटाउन अस्पतालले दिएको ७ दिने अल्टिमेटम आइतबार सकिएलगत्तै डोजर चलाउने तयारी गरिएको हो ।

समयसीमा सकिनु एक दिनअघि आज पत्रकार सम्मेलन गर्दै अस्पताल प्रशासनले अवैध रूपमा बनेका संरचना भत्काइने जानकारी दिएको हो । अस्पतालका जनसम्पर्क अधिकारी नवराज लुइटेलका अनुसार भत्काउनुपर्ने ती सटरहरूमा अस्पतालले ‘रातो स्टिकर’ समेत टाँस गरिसकेको छ ।

अस्पताल प्रशासनले अहिले नै ती चार संस्थाका मुख्य भवन भने नभत्काइने स्पष्ट पारेको छ । अस्पतालका मेसु डा। चन्द्रभाल झाले जनमानसमा संस्थाका मुख्य भवन नै भत्काउन लागिएको भन्ने भ्रम रहेको भन्दै त्यसको खण्डन गरे । “अहिले गणेश मन्दिर, क्षयरोग निवारण संस्था, नेपाल रेडक्रस सोसाइटी र देवकोटा पुस्तकालयका मुख्य भवन भत्किने छैनन्,” मेसु झाले भने, “तर ती संस्थाले व्यावसायिक प्रयोजनका लागिभाडामा लगाएका २६ वटा सटरहरूमा भने सोमबार डोजर चल्नेछ ।”

अस्पतालका अनुसार गणेश मन्दिर परिसरका ५ वटा सटर भत्काइनेछन् । जसमा उज्ज्वल फर्मा, कलश फर्मा, उत्सव किराना पसल, श्रुति फार्मेसी र बालबालिका क्लिनिक रहेका छन् । यी पसलहरूले मन्दिरलाई मासिक ६० हजार रुपैयाँसम्म भाडा बुझाउँदै आएका थिए ।

त्यस्तै, क्षयरोग निवारण संस्थाका ९ वटा सटर भत्काइनेछ । जसमा श्रेष्ठ खाजाघर, मदिना होटल, पुन्टु कलेक्सन, पूर्वाञ्चल बायोमेडिकल, दीपेश शाकाहारी खाजाघर, रहिम मोटरसाइकल मर्मत पसल, मोनिका फार्मेसी र निरुपमा होटल रहेका छन् । नेपाल रेडक्रस सोसाइटीअन्तर्गत सञ्चालित सुनिल भेराइटीज, सुमना ट्रेडर्स, त्रिवेणी फोटो स्टुडियो, राष्ट्रिय वाणिज्य बैंक, कोसी मार्भलस र मिना मेडिकलका सटरहरू पनि भत्काइने सूचीमा छन् । यस्तै, देवकोटा पुस्तकालयअन्तर्गतका ६ वटा व्यावसायिक सटरहरू भत्काइने अस्पतालले जनाएको छ ।

अस्पतालले सुरुमा १५ दिने सूचना जारी गरे पनि संरचना खाली हुन सकेको थिएन । त्यसपछि गृहमन्त्री सुदन गुरुङ र स्वास्थ्यमन्त्री निशा मेहताले स्थलगत निरीक्षण गरी ७ दिनभित्र अतिक्रमण गरिएका संरचना हटाउन निर्देशन दिएका थिए । मन्त्रीहरूको निर्देशन र स्थानीय प्रशासनको सक्रियतापछि यो प्रक्रियाले गति लिएको हो ।

विराटनगर–७ स्थित कित्ता नम्बर ११, १२, १५, २२, २३ र २६ को बहुमूल्य जग्गामा यी चार संस्थाले लामो समयदेखि सामाजिक सेवाको आवरणमा व्यावसायिक गतिविधि गर्दै आएका छन् । अस्पतालको आन्तरिक अध्ययनअनुसार क्षयरोग निवारण संस्थाले ६ कट्ठा ८ धुर जग्गा ओगटेर मासिक करिब दुई लाख रुपैयाँ भाडा उठाउँदै आएको छ । त्यस्तै, रेडक्रसले २ कट्ठा जग्गामा बनेको भवन बैंकलाई भाडामा दिएर मासिक १ लाख ५० हजार रुपैयाँ आम्दानी गरिरहेको छ । गणेश मन्दिर र देवकोटा पुस्तकालयले पनि सडक मोहडाका सटरहरूबाट मासिक लाखौँ रुपैयाँ असुलिरहेका छन् । अस्पतालले आफ्नो गुरुयोजना कार्यान्वयन र जग्गाको सही सदुपयोगका लागि यो कदम चालिएको जनाएको छ ।


विराटनगर असार २६ गते । नेपाली सैनिक वार कलेज, नगरकोटमा सञ्चालित सि.नं. १४ हायर कमाण्ड एन्ड म्यानेजमेन्ट तालिमका प्रशिक्षक तथा प्रशिक्षार्थीहरूको टोलीले विराटनगर महानगरपालिकाको अध्ययन–अवलोकन भ्रमण गर्दै स्थानीय सरकारको सेवा प्रवाह, सुशासन र विपद् व्यवस्थापनका अभ्यासबारे जानकारी लिएको छ ।

सहायक रथी कमल बानियाँको नेतृत्वमा आएको सेनाको टोलीले महानगरले प्रदान गरिरहेका सार्वजनिक सेवा, सीमा क्षेत्रको सुरक्षा व्यवस्थापन, विपद् जोखिम न्यूनीकरण तथा व्यवस्थापन, नैतिक र ऐतिहासिक शिक्षा, महानगरको भौगोलिक तथा रणनीतिक महत्व, भावी सुरक्षा चुनौती तथा संघ, प्रदेश र स्थानीय सरकारबीचको समन्वयका विषयमा विस्तृत जानकारी लिँदै अन्तरक्रिया गरेको थियो ।

 अन्तरक्रियाका क्रममा सहायक रथी बानियाँले स्थानीय तह नागरिकसँग प्रत्यक्ष जोडिएको सरकार भएकाले जनविश्वास र सेवा पहुँचका दृष्टिले यसको भूमिका महत्वपूर्ण रहेको बताए । स्थानीय सरकारले जनतालाई छिटो, सहज र प्रभावकारी सेवा उपलब्ध गराउने प्रयास प्रशंसनीय रहेको उनको भनाइ थियो ।

 टोलीका अर्का सहायक रथी बालकृष्ण कार्कीले अध्ययन भ्रमणको उद्देश्य स्थानीय सरकारका असल अभ्यास, प्रशासनिक अनुभव र अन्तरसरकारी समन्वयका मोडललाई नजिकबाट बुझ्नु रहेको बताए । यस्ता अध्ययनले सुरक्षा निकाय र नागरिक प्रशासनबीचको सहकार्यलाई अझ प्रभावकारी बनाउन सहयोग पुग्ने उनको धारणा थियो ।

 कार्यक्रममा विराटनगर महानगरपालिकाका प्रमुख प्रशासकीय अधिकृत विजयकुमार शर्माले महानगरले डिजिटल प्रविधिमार्फत सेवा प्रवाह, सुशासन, राजस्व व्यवस्थापन, पूर्वाधार विकास, विपद् तयारी तथा नागरिकमुखी प्रशासनलाई प्राथमिकतामा राख्दै काम गरिरहेको जानकारी दिए । उनले सेनाका अधिकारीहरूले उठाएका जिज्ञासाको समेत जवाफ दिएका थिए ।

महानगर प्रहरी प्रमुख राजन पौडेलले सञ्चालन गरेको कार्यक्रममा शैक्षिक प्रशासन महाशाखा प्रमुख रामप्रसाद ढुङ्गेल, सामान्य प्रशासन महाशाखा प्रमुख अर्जुन थपलिया तथा राजस्व महाशाखा प्रमुख सरोज गौतमले महानगरको प्रशासनिक संरचना, सेवा प्रणाली, राजस्व परिचालन, शिक्षा, स्थानीय शासन तथा विकास व्यवस्थापनका विभिन्न पक्षबारे प्रस्तुति दिएका थिए ।

 महानगरका अधिकृत प्रज्वल पोखरेलले विराटनगरको ऐतिहासिक, आर्थिक, सामाजिक तथा औद्योगिक महत्व समेटिएको परिचयात्मक प्रस्तुति दिएका थिए । पूर्वी नेपालको प्रमुख औद्योगिक तथा व्यापारिक केन्द्रका रूपमा रहेको विराटनगरले स्थानीय आर्थिक गतिविधि, सीमा व्यापार, लगानी प्रवद्र्धन र शहरी व्यवस्थापनमा खेलेको भूमिकाबारे पनि टोलीलाई जानकारी गराइएको महानगरका प्रेस सल्लाहकार मीनकुमार नवोदितले जानकारी दिए ।

अध्ययन भ्रमणले स्थानीय सरकारको संस्थागत क्षमता, नागरिक सेवा प्रणाली, विपद् व्यवस्थापन तथा सुरक्षा निकायसँगको समन्वयका अभ्यासलाई अझ नजिकबाट बुझ्ने अवसर प्रदान गरेको सहभागीहरूले बताएका थिए ।

यसअघि सोही तालिमका प्रशिक्षक तथा प्रशिक्षार्थीहरूको टोलीले कोशी प्रदेश सरकार र प्रदेश प्रहरी कार्यालयको समेत अध्ययन–अवलोकन भ्रमण सम्पन्न गरिसकेको सहायक रथी बालकृष्ण कार्कीले जानकारी दिए । स्थानीय सरकार, प्रदेश सरकार र सुरक्षा निकायबीचको समन्वयात्मक अभ्यास अध्ययन गर्ने उद्देश्यले भ्रमण कार्यक्रम सञ्चालन गरिएको जनाइएको छ । 

MKRdezign

Contact Form

Name

Email *

Message *

Powered by Blogger.