५ लाख घुससहित पक्राउ परे कर अधिकृत ।

लहान, सिरहा साउन ७ गते ।आन्तरिक राजस्व कार्यालय लहानका कर अधिकृत युवराज पाल ५ लाख रुपैयाँ घुस लिँदै गरेको अवस्थामा अख्तियार दुरुपयोग अनुसन्धान आयोगको टोलीले रंगेहात पक्राउ गरेको छ।

अख्तियारका अनुसार सेवाग्राहीसँग घुस रकम बुझिरहेको अवस्थामा विशेष टोलीले निगरानीका आधारमा उनलाई नियन्त्रणमा लिएको हो। पक्राउपछि घटनाबारे थप अनुसन्धान भइरहेको आयोगले जनाएको छ।

यस घटनाले सरकारी कार्यालयमा हुने भ्रष्टाचार नियन्त्रणमा अख्तियारको सक्रियता पुनः देखिएको छ। अनुसन्धानबाट कसुर पुष्टि भए प्रचलित कानुनअनुसार मुद्दा दायर गरी आवश्यक कानुनी प्रक्रिया अघि बढाइने जनाइएको छ।