Websoft University
April 2024


सुनसरी, ४ वैशाख । महिला, बालबालिका तथा ज्येष्ठ नागरिक मन्त्री भगबती चौधरीले अब प्रत्येक व्यक्तिले आफ्नो कमाइको १० प्रतिशत आफूलाई जन्मदिने बाबा आमाका लागि खर्च गर्नुपर्ने बताउनुभएको छ । 


सुनसरीको गढी गाउँपालिका ६ सत्तरझोडामा आयोजित झुल वितरण कार्यक्रमलाई सम्बोधन गर्दै मन्त्री चौधरीले त्यस्तो बताउनुभएको हो । ुज्येष्ठ नागरिकको सेवा गर्न पाउनु भनेको हामी सबैका लागि गर्वको विषय हो र त्यो हाम्रो जिम्मेवारी पनि हो । अब प्रत्येक व्यक्तिले कमाइको १० प्रतिशत आफ्नो बाबा आमाका लागि खर्च गर्नुपर्छु, उहाँले भन्नुभयो । ज्येष्ठ नागरिकको सुरक्षाका निम्ति यो काम गर्न आवश्यक रहेको मन्त्री चौधरीले बताउनुभयो । सबैभन्दा पहिले जनप्रतिनिधिबाट यो कार्यको सुरुआत गर्नुपर्ने भन्दै उहाँले बिस्तारै सबै क्षेत्रमा सुरु हुने विश्वास व्यक्त गर्नुभयो । 

त्यस्तै अपंगता भएका व्यक्तिहरूको पक्षमा पनि यो काम अनिवार्य हुन जरुरी रहेको बताउनुभयो । त्यस्तै कतिपय अपांगता भएका व्यक्तिहरूको अवस्था एकदमै दयनीय रहेको भन्दै उहाँले पूर्ण अपांगता भएका व्यक्तिहरूको पक्षमा उसको परिवार पनि उत्तिकै जिम्मेवार हुनुपर्ने बताउनुभयो । राज्यले पनि ऐनमार्फत विभिन्न व्यवस्था गरेर अगाडि बढेको मन्त्री चौधरीले बताउनुभयो । मुलुकका हरेक वर्गहरूको पक्षमा सरकारले काम गर्ने बताउँदै उहाँले महिला, ज्येष्ठ नागरिक, बालबालिका, अपांगता भएका व्यक्तिहरूको पक्षमा अत्यन्त मानवीय संवेदना जोडिएको क्षेत्रको जिम्मेवारीमा आफू रहेको भन्दै बताउनुभयो । 

अत्यन्तै मानव संवेदनशील मन्त्रालयको जिम्मेवारीमा सम्हालिरहेको छु । जसले ५१ प्रतिशत महिला, ८।१३ प्रतिशत ज्येष्ठ नागरिक, ११ प्रतिशत रहेको बालबालिका, अपांगता भएका व्यक्तिहरूको जनसंख्या २‍।२ प्रतिशत जनसंख्या रहेको वर्गको पक्षमा काम गर्नुपर्नेछु, मन्त्री चौधरीले भन्नुभयो, ुसमग्रमा महिला मन्त्रालयले गर्नुपर्ने काम धेरै छ । जनसंख्याको हिसाबले पनि ठुलो हिस्सा ओगट्छ । तर यस क्षेत्रमा काम गर्नका लागि पर्याप्त बजेट छैन । तर पनि मैले दिइएको स्रोतसाधनलाई बढीभन्दा बढी सकारात्मक कामका पक्षमा प्रयोग गर्ने योजनामा छु ।ु 

महिला मन्त्रालयअन्तर्गत रहेको समाज कल्याण परिषद् अन्तर्गत धेरै गैर सरकारी संस्थाहरू रहने व्यवस्था रहेको भन्दै उहाँले ती संघ संस्थाहरूले पछाडि परेका, सीमान्तकृत, समाजमा आर्थिक, सामाजिक रूपमा पछाडि परेका वर्गको पक्षमा काम गर्दै आएको समेत उहाँले बताउनुभयो । आगामी दिनका दिनमा अझ प्रभावकारी रूपमा सबै जनप्रतिनिधिले काम गर्नुपर्ने बताउँदै उहाँले भन्नुभयो, ुहामी सबै जनताको मतले जनताको काम गर्नका निम्ति निर्वाचित भएर आएका हौँ । त्यस कारणले हामीले जनताको पक्षमा बढी भन्दा बढी काम गर्नुपर्छ ।ु 

नेकपा एमालेका नेता मनमोहन अधिकारी प्रधानमन्त्री भएको समयमा सुरु गरिएको ज्येष्ठ नागरिक भत्ता अहिले अहिले ज्येष्ठ नागरिकहरूका लागि सामाजिक सुरक्षा भत्ताका रूपमा परिवर्तन भएको बताउनुभयो । संघमा निर्वाचित भएर गएका सांसदहरूको भूमिका केन्द्रमा नीति, निर्माण तहको जिम्मेवारी रहेको भन्दै उहाँले आफ्नो पक्षबाट जनताका निम्ति सक्ने जति बढी भन्दा बढी काम गरेर देखाउने प्रतिबद्धता समेत व्यक्त गर्नुभयो । ुमैले सक्ने जति अधिकार, कानुनमा व्यवस्था गर्नुपर्ने विषयमा पनि काम गर्छु । सेवा दिनका लागि पनि काम गर्छु । खासगरी गाउँ गाउँमा सेवा पुर्‍याउनका लागि पनि म काम गर्नेछु । जनताको पक्षमा बढी भन्दा बढी काम गर्नका लागि पहल गर्नेछु ।ु 

यसैगरी मन्त्री चौधरीले ५१ प्रतिशत जनसंख्या रहेको महिलालाई ३३ प्रतिशत राजनीति सहभागिताको व्यवस्था भएपनि सामाजिक रूपमा अन्य विभिन्न सामाजिक संघसंस्थाहरूमा, सेना, प्रहरीमा अझै पनि ३३ प्रतिशत सहभागिता पुग्न नसकेको बताउनुभयो । स्थानीय तहमा न्यायिक समितिको जिम्मेवारी उपप्रमुखरउपाध्यक्षलाई दिइएको भन्दै उहाँले बजेट निर्माण प्रक्रियामा पनि उत्तिकै भूमिका हुनुपर्ने बताउनुभयो । 

देशैभरका महिला, बालबालिका, ज्येष्ठ नागरिक, अपांगता भएका व्यक्तिहरूका लागि काम गर्न कतिपय कानुनमा परिवर्तन गर्न आवश्यक रहेको भन्दै उहाँले अझै पनि महिला, अपांगता भएका व्यक्तिहरूमाथि गम्भीर प्रकृतिका अपराध हुँने गरेको बताउनुभयो । 

मन्त्री चौधरीद्वारा ज्येष्ठ, अपांगता भएका र विपन्न परिवारलाई १२० झुल वितरण 

यसैबीच त्यस अवसरमा महिला, बालबालिका तथा ज्येष्ठ नागरिक मन्त्री भगबती चौधरीले आफ्नो निर्वाचन क्षेत्रका ज्येष्ठ नागरिक, अपांगता भएका र विपन्न वर्गका परिवारलाई झुल वितरण गर्नुभएको छ ।

मन्त्री चौधरीले सुनसरीको गढी गाउँपालिका ६ सत्तरझोडामा आयोजित एक कार्यक्रमका बीच १२० त्यस्ता परिवारलाई व्यक्तिलाई झुल वितरण गर्नुभएको हो । गर्मी बढेसँगै तराईमा लामखुट्टेको टोकाइबाट बच्नका निम्ति झुल वितरण गरिएको मन्त्री चौधरीको सचिवालयले जानकारी दिएको छ ।

 


श्याम राई, उदयपुर  गाईघाट, | युवकलाई छुरा प्रहारगरि हत्या गरेको अभियोगमा खोटाङंमा ३ जना पक्राऊ परेकाछन् ।

नँया बर्षमा शनीबार दिक्तेल रुपाकोट मझुवागढी–११ खार्मिको निभारेमा धनजित राईको हत्या भएको थियो । उक्त हत्यामा संङलग्न स्थानीय २२ बर्षिय बिकास राई, २० बर्षिय आसन राई र २८ बर्षिय गणेश राईलाई सोमबार प्रहरीले पक्राऊ गरेको हो । 

प्रहरी नायब उपरीक्षक पुरुषोत्तम खड्काको कमान्डमा खटिएको प्रहरी टोलिले रुपाकोट मझुवा–१० पाथेकाको भुसुन्डाका धनपति राईको घरमा लुकेर बसेको उनीहरुलाई बिहान ८ बजे पक्राऊ गरेको प्रहरीले जनाएको छ । पक्रऊ परेका उनीहरुलाई कर्तब्य ज्यान सम्बन्धि मुद्दा दायरगरि अनुसन्धान शुरु गरिएको प्रहरी निरीक्षक बेनु कार्कीले बताए ।

स्थानीय तिलक बहादुर बस्नेतको मकै बारीमा छुरा प्रहारबाट राईको घट्नास्थलमै मृत्यु भएको थियो । मादक पदार्थ सेबनगरि उनीहरुले राईको हत्या गरेको प्रहरी समक्ष स्विकार गरेकाछन् ।

 

 



विराटनगर | विराटनगर महानगरपालिकाले शैक्षिकसत्र २०८१ का लागि संस्थागत विद्यालयहरुले शुल्क बढाउन नपाउने निर्णय गरेको छ ।

नगर शिक्षा समितिको बैठकले अघिल्लै शैक्षिकसत्रको शुल्कलाई निरन्तरता दिने निर्णय गरेको हो । शिक्षा समितिका अध्यक्षसमेत रहनुभएका मेयर नागेश कोइरालाको अध्यक्षतामा बसेको बैठकले शैक्षिकसत्र २०८१ का लागि शुल्क नबढाउने निर्णय गरेको होे । महानगरले विद्यालयको विभिन्न सुविधालाई आधार मानेर क, ख र ग श्रेणी विभाजित गरेको छ । सोहीअनुसार संस्थागत विद्यालयले लिने शुल्क निर्धारण गरेको छ । जसमा ग श्रेणीको आधारभूत तह (५ कक्षासम्म) १ हजार ७ सयदेखि २ हजार २ सय, आधारभूत तह (कक्षा ६–८) २ हजार २ सयदेखि २ हजार ७ सय र माध्यमिक तह (कक्षा ९–१२ सम्म) २ हजार ७ सयदेखि ४ हजारसम्म शुल्क लिन पाउनेछन् ।

त्यस्तै शिक्षा निमावली २०५९ को अनुसूची २२ को खण्ड ख को उपखण्ड ७ बमोजिम प्रक्रिया पूरा गरी विद्यालयले प्रदान गरेको सेवा सुविधाका आधारमा ख वर्गका विद्यालयका लागि अधिकतम थप २५ प्रतिशतसम्म र क वर्गका विद्यालयका लागि थप अधिकतम् ५० प्रतिशतसम्म शुल्क लिन पाउने महानगरको शैक्षिक प्रशासन महाशाखा प्रमुख कृष्ण भट्टराईले जानकारी दिनुभयो । उहाँले आर्थिकमन्दीलगायतका कारणले अभिभावकलाई आर्थिक भार नपरोस् भनेर अघिल्लो शैक्षिकसत्रको शुल्कलाई निरन्तरता दिने निर्णय गरिएको बताउनुभयो । 

त्यस्तै बैठकले ‘सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता’ नाराका साथ व्यापक रुपमा विद्यार्थी भर्ना अभियान सञ्चालन गर्ने निर्णय गरेको छ । वैशाख ७ गतेसम्म सघन भर्ना अभियान सञ्चालन गर्ने साथै छुटपुट विद्यार्थीका लागि वैशाखभर भर्ना अभियान जारी राख्ने, सामुदायिक विद्यालयहरुले भर्ना भएका सबै विद्यार्थीलाई निःशुल्क उपलब्ध गराउने, विद्यार्थी भर्नाका लागि विद्यालयहरुले आफ्नो सेवा क्षेत्रभित्र व्यापक प्रचारप्रसार तथा सूचना प्रवाह गर्नुपर्ने निर्णय पनि शिक्षा समितिको बैठकले गरेको छ ।

अभिभावकविहीन बालबालिकाको अभिभावकत्व ग्रहण गरी भर्ना गर्ने व्यवस्था मिलाउनुपर्ने, त्यस्ता बालबालिकाको पढाइ निरन्तरताका लागि सहयोग गर्नेहरुको अभिलेखीकरण गरी उचित सम्मान प्रकट गर्ने, विद्यालयहरुले पाठ्यक्रम विकास केन्द्रबाट स्वीकृत पाठ्यपुस्तक, सन्दर्भ पुस्तक तथा पाठ्य सामग्री प्रयोग गर्ने, संस्थागत विद्यालयहरुले पाठ्यपुस्तक, विद्यालय पोशाक, शैक्षिक सामग्रीलगायत खरिदका लागि कुनै एउटा पसलमा मात्रै नभई विद्यार्थी र अभिभावकले चाहेको पसलबाट खरिद गर्न सक्ने गरी व्यवस्था मिलाउने निर्णय भएको भट्टराईलेले जानकारी दिनुभयो ।


विराटनगर| विराटनगर महानगरपालिकाले लिएको कक्षा ८ को परीक्षाफल प्रकाशित भएको छ ।

महानगरस्तरीय परीक्षा चैत २ देखि ९ गतेसम्म सञ्चालन भएको थियो । सो परीक्षामा सामेल भएका ४ हजार ८ सय २४ जनामध्ये १ हजार ४ हजार ६ सय ८७ जना उत्तीर्ण भएका छन् । जसमध्ये १ हजार २ सय ६४ जनाले ३ दशमलव ६ देखि ४ जीपीए ल्याएको शैक्षिक प्रशासन महाशाखाका प्रमुखसमेत रहेका परीक्षा संयोजक कृष्ण भट्टराईले जानकारी दिनुभयो । 

परीक्षामा विराटनगरका ३५ सामुदायिक, ७६ संस्थागत र ३ धार्मिकसहित १ सय १४ विद्यालयका ४ हजार ८ सय २४ जना विद्यार्थी सहभागी भएका थिए । १ सय २३ जनाले ग्रेड वृद्धिको परीक्षा दिन पाउने भएका छन् । ग्रेड वृद्धिको परीक्षा वैशाख १० गतेदेखि सञ्चालन हुने महाशाखाकी प्राविधिक सहायक बालिका रिजालले बताउनुभयो ।

 


बिराटनगर २०८० चैत्र २८, गते | देशभरिका जिल्ला÷नगर उद्योग वाणिज्य संघहरु मध्येबाट उद्योग संगठन मोरङ उत्कृष्ट उद्योग वाणिज्य संघको सम्मानबाट पुरष्कृत भएको छ ।

 आज नेपाल उद्योग वाणिज्य महासंघको ५८औं वार्षिक साधारण सभा एवं उद्योग वाणिज्य दिवस २०८० को अवसरमा संगठनले सो सम्मान पाएको हो । प्रधानमन्त्री पुष्प कमल दाहाल “प्रचण्ड” ले प्रदान गर्नु भएको उत्कृष्टताको प्रमाण पत्र तथा अवार्ड संगठनका अध्यक्ष्ँ राकेश सुराना र वरिष्ठ उपाध्यक्ष्ँ नन्दकिशोर राठीले ग्रहण गर्नु भएको थियो ।

 संगठनलाई प्राप्त सम्मान पत्रमा “उद्योग, व्यापार, व्यवसायको विकास तथा प्रवद्र्धनमा निर्वाह गरेको उत्कृष्ट भूमिकाको उच्च मूल्यांकन गर्दै जिल्ला÷नगरबाट उद्योग संगठन मोरङलाई यो सम्मान पत्र प्रदान गरिएको” उल्लेख छ ।

 जिल्ला÷नगर उद्योग वाणिज्य संघले उद्योग व्यवसाय क्ष्ँेत्रको प्रवद्र्धनका लागि खेलेको भूमिका, सघ÷प्रदेश र स्थानीय निकायसंग साझेदारीमा भएका कामहरु, वहस पैरवीबाट प्राप्त उपलब्धी, सामाजिक उत्तरदायित्व अन्तर्गत गरेका कार्यहरुका साथै समग्र आर्थिक एवं औद्योगिक विकासमा पु¥याएको योगदानको आधारमा नेपाल उद्योग वाणिज्य महासंघले संगठनलाई उक्त सम्मानबाट पुरष्कृत गरेको हो ।

 

 

 


श्याम राई, उदयपुर  गाईघाट |  उदयपुरको कटारी नगरपालिका–१० सोरुङछबिसेस्थीत  थुम्किमा सोमबार साँझा भएको आँगलागीबाट ३ घरपरिवारको घर र गोठमा आँगलागी हुदा झण्डै ६० लाख मुल्य बराबरको धनमाल बराबरको क्षेति भएको छ ।

आँगालागीको कारण स्थानीय गुमान सिंह थापामगर, बेचन थापा र नारायण थापा मगरको घर गोठ सहित १८ वटा बाख्रा, लत्ताकपडा, खाद्याण र धनमाल जलेको प्रहरीले जनाएको छ । ईलाका प्रहरी कार्यालय कटारीबाट गएको प्रहरी टोली र स्थानीय गाउँलेहरु मिलेर आँगो निभाएको प्रहरी नायब उपरीक्षक सुभाष राईले बताए ।

आँगलागी कसरी भयो भन्ने बारे केही नखुलेको राईले बताए । पिडित परिवारलाई मंगलबार नगरपालिकाले  राहत बितरण गरेको कटारी नपाका मेयर राजेश चन्द्र श्रेष्ठले बताए ।

 

 



श्याम राई, उदयपुर गाईघाट, २६ चैत्र | उदयपुरको रौतामाई गाउँपालिका–४ मालबासेमा सोमबार आँगलागी हुँदा एक घर र गोठ जलेर धनमाल नष्ट भएको छ ।

गाउँ नजिकैको काउले जंगलमा डढेलोको कारण शनीबारदेखि आँगलागी भैरहेकोमा आँगो  बस्तिमा फैलदा स्थानीय मिन्द्र बहादुर सार्कीको घर जल्दा लत्ताकपडा, नगद, सुन चाँदी र खाद्यणगरि झण्डै एक लाख बराबरको क्षेति भएको गाउँले दुर्गा रोकाले बताए ।

त्येसैगरि सोही ठाउँका गोबिन्द भुजेलको गुहालिमा समेत आँगलागी भएको रोकाले बताए । आँगो स्थानीय जुटेर निभाएका थिए । पशु चौपायाहरुलाई तत्कालगाउँबाट बाहिर निकालेरजोगाईएको उनले    बताए ।

गाउँपालिकाले पिडित परिवारलाई राहत उपलब्ध गराएको लेखा अधिकृत भुपध्वज रायमाझीले बताए ।

 

 



धनकुटा, चैत्र २६ गते । धनकुटाको साँगुरीगढी गाँउपालीका(६ भेडेटार चौकबाट मिनिट्रकमा लोड गरेर राखेको अवस्थामा ठुलो परिमाणको लागुऔषध गाँजा प्रहरीले बरामद गरेको छ । 

सब्जी बोक्ने मिनिट्रकमा लागुऔषध गाँजाको ओसार पसार भईरहेको भन्ने बिशेष सूचनाको आधारमा आईतवार राती पौने ८ बजे इलाका प्रहरी कार्यालय भेडेटार धनकुटाबाट चेकजाँचमा खटिएको प्रहरी टोलीले भेडेटार चोकमा रोकेर राखेको को १ ख ३२९४ नम्बरको  मिनिट्रकलाई चेकजाँच गर्दा गाडीमा लोड भएको सब्जीको बोरा भित्र प्याक गरी लुकाई छिपाई राखेको अवस्थामा ५४४ केजी लागुऔषध गाँजा बरामद गरेको   हो । 

गाँजा र सवारी साधन नियन्त्रणमा लिईएको र ट्रकका चालक तत्काल फरार रहेकोले खोजतलास भईरहेको तथा अन्य थप अनुसन्धान भईरहेको  जिल्ला प्रहरी कार्यालय धनकुटाले जनाएको छ ।



विराटनगर  | विराटनगरस्थित शिक्षादीप कलेजमा साइबर सेक्युरीटि दोस्रो कोड शिविर र एथिकल ह्याकिङ कार्यशाला सुरु भएको छ ।

 कक्षा ११ मा अध्ययनरत विज्ञान र व्यवस्थापन संकायमा अध्ययनरत विद्यार्थीहरुको लागि तीन दिने उक्त कार्यशाल आजदेखि सुरु भएको हो । तालिममा विज्ञान र व्यवस्थापक संकायका ४ सय बढी विद्यार्थीहरु सहभागि रहेको शिक्षादीप कलेजका प्रिन्सिपल ज्ञानबहादुर खड्काले जानकारी दिए । विद्यार्थीहरुलाई समय सुवाउँदो प्रविधिको बारेमा जानकारी गराउने उद्देश्यले दोस्रो पटक विज्ञ टोली ल्याएर कार्यशालामा सहभागि गराएको प्रिन्सिपल खड्काले बताए ।

‘प्राविधिक शिक्षा अहिलेको जीवन उपमुखी शिक्षा हो । यसमा विद्यार्थीहरुलाई जोडेर स्वरोजगार बनाउने हाम्रो उद्देश्य हो । यस्तो खालको कार्यशाला शिक्षादीपले पहिलो पटक काठमाण्डौबाहिर विराटनगरमा गरेको छ,’ प्रिन्सिपल खड्काले भने, ‘जहिले पनि नयाँ कुरा हामी ल्याउँछौं । यसको नेतृत्व गरेर शिक्षादीपक अगाडी बढेको छ ।’ विद्यार्थीहरुलाई समय सुवाउँदो शिक्षाको लागि प्राविधिकमा बढी जोड दिएर अगाडी बढउने उनले बताए ।

 आउँदो नयाँ शैक्षिक सत्रबाट आफ्नो आइटि ल्याब शिक्षादीपले स्थापना गर्ने पनि प्रिन्सिपल खड्काले बताए ।  ‘अहिले कलेजमा रहेको ५४ भन्दा बढी कम्प्युटरमा ल्याबमा विद्यार्थीहरुले एक साथ कम्प्युटर ल्याबमा काम गर्दै आएका छन्,’ उनले भने ।

 तीन दिने कार्यशाला गोष्ठीको सहजिकरण कोड हिमालयका साइबर सेक्युरिटी डिभिजन प्रमुख भरत बस्यालले गरेका छन् । कार्यशालामा साइबर सुरक्षा सम्बन्धी अन्य विभिन्न विषयमा जानकारी विद्यार्थीहरुलाई गराइने उनले बताए ।


विराटनगर  | विराटनगरस्थित आदर्श माध्यमिक विद्यालयमा शैक्षिकसत्र २०८१ का लागि लिइएको प्रवेश परीक्षामा २ हजारभन्दा बढी विद्यार्थी सहभागी भएका छन् ।

बालकक्षादेखि ९ कक्षासम्म छात्रा ८७५ जना र छात्र १२३९ गरी जम्मा २ हजार १ सय १४ जना विद्यार्थी सहभागी भएको विद्यालयका प्रधानाध्यापक सन्तोष पोखरेलले जानकारी दिए । ३७८ जना विद्यार्थीका लागि लिइएको परीक्षामा यति धेरै विद्यार्थी सामेल भएका हुन् । सामुदायिक विद्यालयतर्फ देशकै उत्कृष्ट विद्यालयको पहिचान बनाउन सफल आदर्शमा हाल ३ हजार ४ सय ७६ विद्यार्थी अध्ययनरत रहेका   छन् ।

प्रत्येक वर्ष यस विद्यालयप्रति विद्यार्थीको आकर्षण भए पनि सबै विद्यार्थीको भर्ना लिने चाहना हुँदाहँुदै पनि विद्यालयको भौतिक पूर्वाधारको सीमितताको कारण सबै विद्यार्थी भर्ना गर्न नसकिएको प्रधानाध्यापक पोखरेलले बताए । 

हाल विद्यालयमा छात्र र छात्राको संख्या लगभग बराबरीको अवस्थामा रहेको उनको भनाइ थियो । हाल विद्यालयमा कक्षा १ देखि १२ सम्मका अतिरिक्त प्राविधिक शिक्षा कार्यक्रमअन्तर्गत १८ महिने र २४ महिने कम्प्युटर तालिम ३ वर्षे डिप्लोमा इन कम्प्युटर र डिप्लोमा इन सिभिलका कक्षाहरु सञ्चालन छन् ।

 


विराटनगर | विराटनगर–१२ स्थित लेखनाथ वाचनालयले कविता तथा गजल महफिल सम्पन्न गरेको छ ।

कार्यक्रममा देवान किराँती, सीमा आभास, शिवनारायण ‘सिंगल’, दीपा मंग्राती र केशव रिमालले कविता वाचन गरे । विराटनगरमा आयोजित कार्यक्रममा मधु पोखरेल, विवश बलिभद्र कोइराला, कविता केशरी, रोमु अधिकारी, कविता भुजेलले गजल वाचन गरेका थिए ।


विराटनगर | साहित्यकार अम्विका खरेल उप्रेतीद्वारा लिखित कवितासंग्रहको विमोचन गरिएको छ ।

विराट साहित्य संगम विराटनगरले शनिबार विराटनगरमा आयोजना गरेको कार्यक्रममा उप्रेतीको ‘अन्धकारमा जून’ कवितासंग्रहको विमोचन गरिएको हो । कार्यक्रमकी प्रमुख अतिथि डा. नरेन्द्र चापागाईं स्मृति प्रतिष्ठानकी अध्यक्ष सरला चापागाईं, अग्रज साहित्यकार विवश पोखरेल, बलराम पोखरेल, प्रा.डा. मेदिनीप्रसाद शर्मा, शोभा लामा बल, राममणि पोखरेल, आयोजक संस्थाका अध्यक्ष मधु पोखरेल, रामबाबु दाहाल, कमलमणि उप्रेतीलगायत साहित्यकारहरुले संयुक्त रुपमा कवितासंग्रह विमोचन गरेका थिए ।

विमोचित कृतिमाथि कवि एवं समालोचक हरिप्रसाद बरालले समीक्षा   गरे ।समीक्षक बरालले उप्रेतीले आत्माको मसीले कविता लेखेको बताए । उनले सो कवितासंग्रह अध्ययनपछि अहिलेको युग र वर्तमान परिवेश बुझ्न सहज हुने उल्लेख गरे । सरल भाषाशैलीमा लेखिएको संग्रहभित्रका कविता हरेक व्यक्तिको जीवनसित मेल खाने विषयवस्तु समावेश गरिएको समीक्षक बरालले बताए । 

कार्यक्रममा कवि उप्रेतीले आफ्नै जीवन भोगाइ र समाजका विषयवस्तुलाई कवितामा उल्लेख गरेको बताइन् । सो अवसरमा साहित्यकार भरत गुरागाईं बर्बरिक, विनारायण पण्डित सिंगल, कविता केशरी, प्रिन्स प्रमोद ढकाल, भवानी पोखरेल, उमानाथ घिमिरे, ऋषि तिवारी, भूपाल अधिकारी, रीता पाठक, कुमार श्रेष्ठ, शरद प्रधानांग, नानुमाया दाहाललगायतले कविता वाचन गरेकाा थिए । विराट साहित्य संगमले प्रकाशित गरेको संग्रहभित्र विभिन्न विषयवस्तुलाई आधार मानेर लेखेका ३७ वटा कविता समावेश आयोजक संस्थाका सचिव गोपाल निर्भीकले जानकारी दिए ।

 


विराटनगर,२४ चैत । विराटनगरको चार तारे होटल विगले आफ्नो छैठो वार्षिकोत्सवको उपलक्ष्यमा यही चैत ३० गते  रू ६ लाख खर्च गरेर होटलको प्रगणमा   साङ्गतिक कार्यक्रमको आयोजना गर्ने भएको छ।

होटलद्वारा आज यहाँ आयोजित पत्रकार सम्मेलनमा आफ्नो प्राङ्गणमा आयोजित उक्त निःशुल्क कार्यक्रममा काठमाण्डौको चर्चित यशकुमार र व्याण्ड, विराटनगरको स्मृति व्याण्ड सहितले साँझ ७ः ३० बजेदेखि प्रस्तुत करण गर्ने कार्यक्रम रहेको छ।

होटलले सामाजिक उत्तरदायित्व अन्तर्गत उक्त कार्यक्रममाबाट हुने आम्दानी मानव सेवा आश्रमलाई प्रदान गर्ने व्यवस्थापक नरेश श्रेष्ठले जानकारी दिनु भयो ।

विगतदेखि यस प्रकारको कार्यक्रममा होटलले सञ्चालन गर्दै आइरहेको होटलका संजय साहले बताउनु भयो ।

उत्कृष्ट साउण्ड सिस्टमका एवं भव्यताका साथ प्रस्तुत गरिने उक्त साङ्गतिक कार्यक्रमबाट यस क्षेत्रका युवायुवतीले उत्कृष्ट मनोरन्जन प्राप्त हुने विश्वास होटलले गरेको छ।


लुम्बिनी | लुम्बिनी अन्तर्राष्ट्रिय शान्ति म्याराथन अन्तर्गत पुरुषतर्फको म्याराथनको उपाधी बाग्लुङका तिर्थ पुनले जितेका छन् । पुनले निर्धारित ४२ दशमलब १९५ किलोमिटरको दुरी २ घण्टा २० मिनेट ४९ सेकेण्डमा पुरा गर्दै उपाधि संगै नगद ५ लाख रुपैयां, स्वर्ण पदक, ट्रफी तथा प्रमाणपत्र प्राप्त गरेका छन् ।

सतै, सो दुरीलाई २ घण्टा २१ मिनेट ११ सेकेण्डमा भट्टाउदै नेपाली सेनाका खड्क बहादुर खड्काले द्धितीय स्थानमा आए । उनले नगद ३ लाख सहित रजत पदक र प्रमाणपत्र पाए । त्यस्तै कर्णाली –जुम्ला)का दुर्गाबहादुर बुढाले २ घण्टा २२ मिनेट ४६ सेकेण्डमा सो दुरी पुरा गर्दै तुतीय स्थान प्राप्त गर्दै उनले २ लाख रुपैयां पाए । प्रतियोगितामा अनिस थापा चँैथो स्थानामा रहे । उनले १ लाख रुपैया पुरस्कार पाए । त्यसै गरी किरण बोगटी पांचौं, सुशिल कुमार शाही छैठौं, होमलाल श्रेष्ठ सातौं, जुनेश खड्का आठौं, राजन चौधरी नवौं र प्रकाश गैरे ले दशौं स्थान हांसिलगरे । पाचौ देखि १० औं स्थान सम्म आउनेले क्रमश ८०, ६०, ४०, २०, १० र ५ हजार रुपैयां पुरस्कार प्राप्त गरे ।

महिलातर्फको हाफ म्याराथनको उपाधी सन्तोषी श्रेष्ठले जितेकी छन् । धावीका श्रेष्ठले निर्धारित २१ दशमलब १ किलोमिटरको दुरी १ घण्टा १८ मिनेट ४५ सेकेण्डमा पुरा गर्दै दोस्रो संस्करणको लुम्बिनी म्याराथनको उपाधी जितेकी हुन् । त्यस्तै, नेपाली सेनाको पुर्णराज्यलश्रमी न्यौपानेले १ घण्टा १९ मिनेट २१ सेकेण्डमा दुरी पार गर्दै दोस्रो स्थानमा आउन सफल भईन् ।

हजार तथा भण्डारीले काश्य पदक र १ लाख २० हजार रुपैया नगद पुरस्कार प्राप्त गरेका छन् ।

साथै खुला ५ किलोमिटर पुरुषतर्फ नागेश्वर ऐर प्रथम, अक्कल बहादुर पाल द्धितीय र गणेशसिंह राउत तृतीय भए । ५ किलोमिटर दौडको महिला तर्फ सिर्जना पाण्डे प्रथम, आशा राउत द्धितीय र निर्मला केसी तृतीय भएका थिए । ५ किलोमिटरको सबै विधामा प्रथम, द्धितीय र तृतीय हुनेले क्रमश जनही १५, १० र ५ हजार रुपैयां पुरस्कार प्राप्त गरे ।

विजेतालाई आयोजक नेपाल ओलम्पिक कमिटीका अध्यक्ष जिवनराम श्रेष्ठ, चिनियां राजदुत चेन सोङ, लुम्बिनी विकास कोषका सदस्य सचिव शानुराजा शाक्य, नेपाल पर्यटन बोर्डका सदस्य सचिव मणि लामिछाने र प्रदेशखेलकुद परिषद लुम्बिनीका सदस्य सचिव जयप्रकाश भट्टराई, नेपाल ओलम्पिक कमिटीका महासचिव निलेन्द्र राज श्रेष्ठले पुरस्कार प्रदान गरे

म्याराथन, हाफ म्याराथन तथा पाँच किमि दौडको सुरु तथा अन्त लुम्बिनी स्कवायरमा भएको थियो । विकास र शान्तिकोलागि अन्तर्राष्ट्रियखेलकुद दिवसको दिन अप्रिल ६( चैत्र २४ शनिवार)को अवसरमा नेपाल ओलम्पिक कमिटिको मुल आयोजना तथा नेपाल स्थित चिनियादुताबास, लुम्बिनी बिकास कोष, नेपाल पर्यटन बोर्ड तथा लुम्बिनी प्रदेशखेलकुद परीषदको सहकार्यमा प्रतियोगिता भएको हो ।



 विराटनगर |  विराटनगर – १० मा रहेको अरनिको आवसिय माविले कक्षा १२ का विद्यार्थीलाई बिदाई गरेको छ ।

कलेजमा अध्यनरत २३ औं ब्याचको विद्यार्थीहरुलाई विराटनगरको कञ्चनजङ्गा होटेलमा शनिबार एक कार्यक्रम आयोजना गरी मायाँको चिनो प्रदान गरी ९ सय २५ जना विद्यार्थीलाई बिदाई गरेको हो ।

कार्यक्रममा कलेजको लिएको आन्तरीक परीक्षामा उत्कृट हुने विद्यार्थीहरुलाई नगद सहित पुरस्कृत गरेको छ भने कलेजमा भएको आन्तरिक खेलकुद तथा हिसान खेल महत्सवमा विजेता खेलाडीलाई सम्मान समेत गरेको छ ।   

कार्यक्रममा कलेजका प्राचार्य राजेश कार्की, सस्थापक निर्देशकहरु डा. भविन्द्र निरौला, विकाश खनाल र प्रध्यापकहरु विमल भट्टराई र अरुण कोइरालालगायतले विद्यार्थीलाई शुभकामना दिएर विदाई  गरेको थिए ।

त्यस्तै कलेजका विद्यार्थी विभषना किरण रेग्मी र विवेक रौनियारले कलेजका वितेका दुई वर्षको अनुभव सुनाएका थिए । कार्यक्रममा विद्यार्थीले नृत्य, गायनलगायतका मनोरञ्जनका कार्यक्रम गरेका थिए ।


विराटनगर |  विराटनगर महानगरपालिकाअन्तर्गतको रानी अस्पतालबाट भिडियो एक्स–रे (अल्ट्रासाउण्ड) सेवा सञ्चालनमा ल्याइएको छ ।

भौतिक विकाससँगै शिक्षा र स्वास्थ्यलाई प्राथमिकतामा राखेको महानगरले विराटनगर–१५ स्थित रानी अस्पतालमा एकपछि अर्को सेवा विस्तार गरिरहेको छ । केही महिना अगाडिबाट फिजियोथेरापी सञ्चालनमा ल्याएको महानगरले सोही अस्पतालमा भिडियो एक्स–रे सेवा पनि सुरु गरेको हो । महानगरवासीलाई सहज रुपमा स्वास्थ्य सेवा उपलब्ध गराउने उद्देश्यले भिडियो एक्स–रे सेवा सञ्चालनमा ल्याइएको मेयर नागेश कोइरालाले बताउनुभयो । उहाँले स्वास्थ्य बिमामार्फतबाट पनि भिडियो एक्स–रे गरिने जानकारी दिनुभयो । यसबाट महानगरवासीलाई धेरै राहत महसुस गर्ने मेयर कोइरालाले दाबी गर्नुभयो ।

कोशी अस्पतालमा भन्दा कम शुल्कमा भिडियो एक्स–रे गरिनेछ । स्वास्थ्य बिमा नगरेका सेवाग्राहीका लागि ५ सय रुपैयाँ शुल्क तोकिएको मेयर कोइरालाले जानकारी दिनुभयो । “महानगरवासीलाई थोरै भए पनि राहत होस् भनेर हामीले कोशी अस्पतालको शुल्कभन्दा पनि कम लिने निर्णय गरेका छौं । प्राइभेट अस्पतालको त कुरै छाडौं,” मेयर कोइरालाले भन्नुभयो, “बिमा गरेका महानगरवासीलाई त अझै ठूलो राहत मिल्नेछ ।”

महानगरले रानी हेल्थपोष्टलाई स्तरोन्नती गरी अस्पतालका रुपमा सञ्चालन गरेको थियो । सो अस्पतालबाट दक्ष चिकित्सकसहित १७ जना स्वास्थ्यकर्मीले सेवा दिइरहेका छन् । अस्पतालबाट दैनिक ओपीडीसहित परिवार नियोजन, मातृशिशुलगायतका सेवा दिइरहेको अस्पतालका प्रमुख मानिकचन्द भगतले जानकारी दिनुभयो ।

 यसबाहेक नेपाल सरकारले वितरण गर्ने औषधिसमेत निःशुल्क रुपमा प्रदान गरिने भगतले बताउनुभयो । अब चाँडै नै प्रसूति र डिजिटल एक्स–रे सेवासमेत सञ्चालनमा ल्याउने तयारी भइरहेको उहाँले जानकारी दिनुभयो ।


विराटनगर ।विराटनगर–८ मा अवस्थित ग्रेडेड स्कुलले  कक्षा १०का विद्यार्थीहरुको बिदाई  कार्यक्रम सम्पन्न गरेको छ ।

विद्यालय परिसरमा आयोजित उक्तकार्यक्रम कक्षा ९ का विद्यार्थीले  कक्षा १० का विद्यार्थीहरुलाई मायाको चिनो प्रदान गरेका  थिए । 

कार्यक्रममा विद्यार्थीहरुले नृत्य प्रस्तुत गरेका थिए । उक्त आवसरमा  विद्यालयका प्रधानआध्यापक प्रेमलाल सिंह सुवालले विद्यार्थीहरुको उज्ज्वल भविश्यको कामना ब्यक्त गरे ।


विराटनगर । नेपाल प्रेस युनियन कोशी प्रदेश समितिले सदस्यता शुद्धीकरणको अभियान टुंगामा पु¥याएर मात्रै अधिवेशन गर्न नेपाल पत्रकार महासंघ कोशी प्रदेशको ध्यानाकर्षण गराएको छ ।

सदस्यता शुद्धीकरण टुंगो नलगाई महासंघको अधिवेशन मिति घोषणा गरेकोप्रति युनियनले आपत्तिसमेत जनाएको छ । युनियनका प्रदेश अध्यक्ष मीनकुमार नवोदितको नेतृत्वमा महासंघको प्रदेश कार्यालय पुगेर कार्यबाहक अध्यक्ष लवदेव ढुंगानालाई ध्यानाकर्षणपत्रसमेत बुझाएको   छ । “नेपाल पत्रकार महासंघले सुरु गरेको सदस्यता शुद्धीकरण अभियानमा नेपाल प्रेस युनियनको प्रारम्भदेखि नै पूर्ण साथ र सहयोग रहेको सर्वविदितै छ । 

पत्रकार महासंघलाई विशुद्ध पत्रकारहरुको साझा संस्था बनाउन नेपाल प्रेस युनियनको भूमिकाबारे पत्रकार महासंघ पनि अनभिज्ञ छैन । तर, पछिल्लो विकसित घटनाक्रमअनुसार नेपाल पत्रकार महासंघले शुद्धीकरण अभियानलाई थाँती राखेर जिल्ला, प्रदेश र केन्द्रीय अधिवेशन घोषणा गरेकोप्रति नेपाल प्रेस युनियन कोशी प्रदेश समितिको गम्भीर ध्यानाकर्षण भएको छ,” युनियनले बुझाएको ध्यानाकर्षणपत्रमा उल्लेख छ ।

केन्द्रको घोषणालाई आत्मसाथ गर्दै सदस्यता शुद्धीकरणको विषय नटुंग्याई महासंघको कोशी प्रदेश समितिले आगामी वैशाख १२ गतेका लागि अधिवेशन आह्वान गरेकोमा युनियनले आपत्ति जनाएको छ । महासंघको निर्णयले शुद्धीकरण अभियान नै ओझेलमा पार्ने काम भएको युनियनले ठहर गरेको छ । वैशाख १२ गतेका लागि घोषणा गरिएको प्रदेश अधिवेशन तत्काल स्थगित गरेर शुद्धीकरणको अभियानलाई सहज बनाउन युनियन जोडदारले मागसमेत गरेको छ  | 


। “पत्रकार महासंघको सदस्यता टुंगो नलगाई अधिवेशन र साधारणसभासहितका कुनै पनि प्रक्रिया अगाडि नबढाउन नेपाल प्रेस युनियन कोशी प्रदेश समिति आग्रह गर्दै ध्यानाकर्षण गराउँदछ,” ध्यानाकर्षणपत्रमा भनिएको छ, “प्रेस युनियनले अघि सारेका मागलाई बेवास्ता गर्दै अधिवेशन÷साधारणसभासहित प्रक्रिया अगाडि बढाएमा त्यसबाट उत्पन्न हुने परिस्थितिको जवाफदेही स्वयम् पत्रकार महासंघ प्रदेश समिति हुनेसमेत यसै ध्यानाकर्षणपत्रमार्फत जानकारी गराउँछौं ।” प्रदेशका १४ वटै जिल्ला शाखाले समेत महासंघको सम्बन्धित जिल्ला शाखालाई ध्यानाकर्षण बुझाएको प्रदेश अध्यक्ष नवोदितले जानकारी दिए ।



बिराटनगर | मोरङ जिल्ला विराटनगर महानगरपालिका वडा नं.-१२ स्थितबाट जुवा (तास) खल्ने १० जनालाई पक्राउ गरिएको छ । 

मिति २०८०।१२।२० गते अन्दाजी १७:०० बजे जिल्ला मोरङ बिराटनगर १२ सगरमाथा स्कुल छेउ बस्ने बर्ष ५३ को वेद निधि दाहालको घरमा जुवा (तास)खेलरहेको  भन्ने गोप्य सुचनाको आधारमा वडा प्रहरी कार्यालय विराटनगरबाट खटिएको प्रहरी टोलीले जुवा खालबाट नेपाली नगद रु.८२,४३०।– र १५६ पिस तास सहित निम्न ब्यक्तिहरूलाई पक्राउ गरी तालुक जिल्ला प्रशासन कार्यालय मोरङबाट मुलुकी अपराध संहिता २०७४ बमोजिम जुवा सम्बन्धी कसूरमा दिन ५ (पाँच) म्याद थप गरी विस्तृत अनुसन्धान भई रहेको ।

निम्न :-

१.जिल्ला मोरङ बिराटनगर महानगरपालिका १२ बस्ने बर्ष ४० को किसन श्रेष्ठ,

२.ऐ.ऐ.बस्ने बर्ष ३० को अजय मण्डल

३.ऐ.ऐ.बस्ने बर्ष २९ को आर्यन कामत 

४.ऐ.ऐ.बस्ने अ.बर्ष ३६ को दिपक सहनी 

५.ऐ.ऐ.बस्ने अ.बर्ष ६५ को देवेन्द्र ब.सुब्वा

६. ऐ.ऐ.बस्ने अ.बर्ष ५३ को वेदनिधि दाहाल 

७. ऐ.ऐ.११ बस्ने अ.बर्ष ३५ को दिपक सहनी 

८. ऐ.ऐ.बस्ने अ.बर्ष २७ को अनिश अधिकारी 

९. ऐ.ऐ.बस्ने अ.बर्ष ५० को बाबुराम कटेल 

१०. ऐ.ऐ.१० बस्ने अ.बर्ष ३७ को रामबाबु राय 

 


विराटनगर |  विराटनगर महानगरपालिकाको आयोजनामा सामाजिक सुरक्षा, पञ्जिकरण तथा व्यक्तिगत घटना दर्ता सप्ताह अभियान सम्बन्धी अन्तरक्रियात्मक तालिम सम्पन्न गरेको छ ।

महानगरको सामाजिक सुरक्षा तथा पञ्जिकरण शाखाको आयोजनामा भएको अन्तरक्रियात्मक तालिममा मोरङका सहायक प्रमुख जिल्ला अधिकारी प्रदीपकुमार साहले सहजीकरण गर्नुभएको थियो । व्यक्तिगत घटना दर्तामा आवश्यक सुचक र संलग्न गर्नुपर्र्ने कागजपत्रका बारेमा साहले जानकारी गराउनुभएको थियो । महानगरले पहिलो चरणमा वडाध्यक्षहरुलाई व्यक्तिगत घटना दर्ता गर्दा आइपर्ने समस्या र समाधानका उपायका विषयमा जानकारी गराएको हो । कार्यबाहक मेयर मधुबाबु तिवारीको अध्यक्षतामा भएको तालिममा वडाध्यक्षहरुले नागरिकताको सिफारिस गर्दा आइपर्ने समस्या र चुनौतीका विषयमा भनाइ राख्नुभएको थियो ।

कार्यक्रममा प्रमुख प्रशासकीय अधिकृत राजेन्द्र पराजुली, वडा नम्बर १ का अध्यक्ष काजीबहादुर बस्नेत, २ का अध्यक्ष कुमार पोखरेल, ३ का वासुबहादुर बस्नेत, ४ का जितन थापा, ५ का सन्तोष न्यौपाने, १० का अर्जुन गिरी, ११ तीर्थेन्द्र नेउपाने, १३ का सूर्यनारायण यादव, १५ का प्रकाश साह, १८ का जितेन्द्रकुमार साह र १९ का श्याम घिमिरेले नागरिकताको सिफारिसका क्रममा आइपर्ने समस्या र चुनौतीका बारेमा आ–आफ्नो धारणा राख्नुभएको थियो । 

व्यक्तिगत घटना दर्ता सप्ताह अभियानअन्तर्गत महानगरले भोलि बिहीबार १९ वटै वडाका सचिवहरुलाई पनि अभिमुखीकरण तालिम सञ्चालन गर्ने सामान्य प्रशासन महाशाखा प्रमुख अर्जुन थपलियाले जानकारी दिनुभयो । कार्यक्रममा कार्यबाहक मेयर तिवारीले व्यक्तिगत घटना दर्ता र नागरिकताको सिफारिस गर्दा चनाखो हुनुपर्नेमा जोड दिनुभयो । प्रमुख प्रशासकीय अधिकृत पराजुलीले ऐन कानुनले तोकेको र कागजात पूरा गरेको अवस्थामा व्यक्तिगत घटना दर्ता र नागरिकताको सिफारिसमा डराउनु पर्ने उल्लेख गर्नुभयो ।


विराटनगर । कोशी प्रदेशका मुख्यमन्त्री सोमबार आफ्ना नियमित कार्यक्रम सकाएर लोपोन्मुख जाति ‘गन्धर्व’ बसोबास गर्ने झापाको कचनकवल गाउँपालिका २ तर्फ लागे । समस्या नै समस्याले पिल्सिएका गन्धर्व समुदायले झमक्क साँझ परेको बेला आफ्नो वस्तीमा सुरक्षाकर्मीका साथ मुख्यमन्त्रीलाई देखेर अचम्भित हुँदै हतार हतार स्वागत, सम्मानमा जुटे । तर, मुख्यमन्त्री कार्की स्वागत, सम्मानको वास्ता नगरी गन्धर्व वस्ती घुम्न अघि बढे ।

उनी गन्धर्व वस्तीको आगन आगनमा घुम्दै राती ८ बजे शिव गन्धर्वको आगनमा ओछ्याएको म्याटमा पलेटी बाँधेर बसे । त्यतिकैमा गन्धर्व वस्तीका महिला, पुरुष, वृद्ध, वृद्धालगायत बालबालिकाको भिड लाग्यो र उनीहरु खादा लगाएर मुख्यमन्त्रीलाई सम्मान गर्न थाले । मुख्यमन्त्री कार्कीले धेरै सम्मान गर्नु हुँदैन, आज यही खाना खाएर बस्ने बोल्नु भयो । त्यसपछि शिव गन्धर्व र उनकी पत्नीले आगनको ट्यूवेलमा थाल पखालेर खाना पस्केर खान भान्छाकोठामा जान आग्रह गरेपछि मुख्यमन्त्री कार्कीलगायत उनीसँग रहेका सबै जना गएर खाना खाए ।

खानापछी मुख्यमन्त्री कार्कीले गन्धर्व परिवारका सदस्यहरुसँग कुराकानी गर्न थाले । उनीहरुले आफ्ना कथा र व्यथा सविस्तार सुनाए । ‘मुख्यमन्त्रीज्यूले हाम्रा समस्या हामीसँगै बसेर हामीले पकाएको खाएर सुनेर भलाकुसारी गर्नुभयो,’ स्थानीय नरमाया गन्धर्र्वले भनिन, ‘हामीले यहाँ चुनाव जितेपछि नेता देख्न पाउँदैन थियौँ, अहिले त हामीसँगसँगै खाना खाने मुख्यमन्त्रीलाई घरमै भेट्टाएका छौँ ।’ सरकार घरमै आएर आफूहरूका गुनासो सुनिदिएर सहजै समस्या समाधान गर्ने प्रतिबद्धता व्यक्त गरेको देख्दा पत्याउनै गााह्रो भएको उनले सुनाइन् ।

स्थानीयले आफूहरूलाई समाजमा गाइनेको संज्ञा दिइएर हेपिइने गरेको गुनासो गरे । सो जातीको बस्तीको छेवैमा रहेको आदर्श आधारभूत विद्यालयमा रहेको विद्यालयलाई गन्धर्र्व जातीको पहिचान हुने गरिको शिक्षा लागू गराई गिर्दै गरेको शैक्षिक साखलाई फर्काउन, समुदायमा साक्षरता दर वृद्धि गर्नका लागि आवश्यक पहल गरिदिन मुख्यमन्त्री समक्ष स्थानीयको माग रहेको छ ।

स्थानीय शिव गन्धर्व भन्छन्, लोप हुन लागेको सारङ्गी बाजाको संरक्षण हामीले गर्नुपर्दछ । मुख्यमन्त्रीज्यूले यसलाई चासोका साथ लिएर वस्तुस्थिति बुझ्न समुदायमै आएकाले हामी बढी आसावादी छौँ ।’ उनीहरूले लोपोन्मुख जातीको रूपमा गन्दर्भ जातीलाई सूचिकृत गर्न माग गरे । ‘संविधानअनुसार यो जातीलाई लोपन्मूख जातीको रूपमा सूचिकृत गरिएमा हाम्रा अधिकारहरू प्राप्त हुन सहज हुन्छ । पूर्वाञ्चल गन्दर्भ संस्कृति उत्थान समाजका अध्यक्ष रविन गन्धर्वले भने, मुख्यमन्त्रीज्यूको पहिलो हाम्रो समुदायका लागि मुख्यमन्त्रीज्यूको पहिलो निर्णय यही   हुने छ ।’

मुख्यमन्त्री कार्कीले सरकार खोज्दै जानुपर्ने बाध्यात्मक अवस्थाको अन्त्यका लागि आफू यहाँका स्थानीयससंग समस्याको समाधानका लागि संवाद गर्न आफूहरू यहाँ आएको उल्लेख गरे । सरकार पहुँच नहुनेको समेत घरघरमा गएर समस्याको समाधान गर्ने सरकार भएकाले समाजको वर्गलाई समान हैसियतमा ल्याउन मानवीय विकासमा जोड दिएर काम गरिरहेको उनले बताए ।

‘हामी आफैँले आफूलाई स्वीकार गर्न सक्नुपर्दछ उनले भने, आफूले आफूलाई स्वीकार गर्न सकेनौँ भने हामी तलको तलै हुन्छौँ । सरकारले त मानवीय विकासका योजनामार्फत सुरुवात गरिसकेको छ, तपाईँहरू पनि लाग्नूपर्यो, श्रमको सम्मान गर्नुप¥यो ।’ सो ठाउँमा ४९ घरधुरी रहेको गन्दर्भ समुदायको जनसङ्ख्या दुई सय ११ रहेको छ । मुख्यमन्त्री कार्कीले समुदायको उत्थानका लागि प्रर्वधनकको योजना सरकारले ल्याउने     बताए ।

सोमबार राती समुदायमा पुगेका मुख्यमन्त्री कार्कीले सामाजिक विभेद अन्त्य र सामाजिक अवस्था, आवश्यकता र अपरिहार्यताको अध्ययनका लागि स्थानीय शिव गन्धर्वको घरमा सोमबार रातीको खाना र बास बसेर सन्देश प्रवाह गरेका छन् । ‘उनले भने, अब मलाई अछुत पनि कसैले भन्छ त, म त तपाईँहरूको मा बसेँ खाना खाएँ, यो विभेद अन्त्यका लागि तपाई हामी नै लाग्नूपर्यो ।’

सो क्रममा उनले स्थानीय महिला स्वास्थ्य स्वयंसेविकासँग अन्तरसँवाद गदै हुलाकी सडक अन्तरगत अधुरो अवस्थामा रहेको माई खोलाको पुलको अवलोकन गर्दै मङ्गलवार विराटनगर फर्किएका छन् । पुलको निर्माण कार्यको गति बढाउन सरकारले ताकेता गर्ने उनले बताएका छन् ।


विराटनगर । कोशीका मुख्यमन्त्री केदार कार्कीले सहकारीले महिलालाई आर्थिक रूपमा आत्मनिर्भर बनाएको बताएका छन् । ६७ अ‍ौं राष्ट्रिय सहकारी दिवसको अवसरमा मूल समारोह समितिले मोरङमा मंगलबार आयोजना गरेको कार्यक्रममा मुख्यमन्त्री कार्कीले महिलाहरूलाई आर्थिक रूपमा आत्मनिर्भर रहेको सहकारी क्षेत्रका साथै समग्र मुलुकको नै अर्थतन्त्र धारासायी बनाउने षडयन्त्र भइरहेको बताएका हुन् ।

 झबैंक, लघुवित्त, सहकारी र साहुमहाजनको ऋण तिर्न नसक्नेहरूलाई कस्ले हिँडाउँदै काठमाडौं पुर्याइरहेकाछन् ?,ञ उनले भने, झकाठमाडौं पुग्न बसभन्दा बढी खर्च हिँडेर जान लाग्छ । ऋण तिर्ने पैसा नहुनेलाई त्यो खर्च कसले दिँइरहेको छ । यो मुलुकको अर्थतन्त्र धारासायी बनाउनेहरूले यस्तो गरिरहेको स्पष्ट छ ।ञ त्यसैले यी यस्ता आफ्नै खुट्टामा बञ्चरो हान्ने गलत क्रियाकलापमा नलाग्न मुख्यमन्त्री कार्कीले सबैलाई आग्रह गरेका छन् ।


झसहकारी डुब्न लागेको सुन्ने बित्तिकै सबै बचतकर्ताले बचत माग्न थालेपछि सहकारी डुब्ने गरेको होइन,ञ उनले भने, झसहकारीले विपन्न वर्गका साथै महिलाहरूको जीवनस्तर परिवर्तन भइरहेकोले आफूलाई भनाउँदाहरूको समाजमा मान घटेको छ । 

त्यसैले पनि सहकारीलाई बदनाम गराउने अनेकौं खेल भइरहेको छ, त्यसबाट सचेत हुनु पर्छ ।ञ मधेसमा मिटरब्याजीको हल्लाले बिपन्न परिवारले घरमा कोही बिरामी हुँदा पनि पैसा दिने कोही नभएकाले अकालमा ज्यान गुमाउनु पर्ने अवस्था रहेको मुख्यमन्त्री कार्कीले बताएका हुन् ।

 महिलाहरूको सक्रियताले गाउँका सहकारीहरू फष्टाइरहेको छ । त्यसैले सर्वसाधारणको जीवनस्तर परिवर्तन गर्ने सहकारीलाई प्रदेश सरकारले प्रोत्साहन गर्ने र भठ्ठीमा बेलुका गएर सहकारी डुबाउनेहरूको सूची प्रदेश सरकार तयार गरिसकेकाले अब चाँडै कारबाहीको दायरामा ल्याउने उनले बताएका हुन् ।

 झसहकारीमा आबद्ध भएकोले विपन्न वर्ग साहू महाजनको ऋणबाट मुक्त भएको छ,ञ उनले भने, झकेही सहकारीको मालिक नै चोर भएकाले सहकारी क्षेत्र बद्नाम भइरहेको छ ।ञ

 मोरङमा १ हजार ४० सहकारीमा २७७ प्रदेशमातहत र ७३३ पालिकाले हेर्छ । जसमा ४ लाख ४३ हजार सेयर सदस्य र २९ अर्ब सेयर पूँजी रहेको प्रदेश सहकारी  रजिष्ट्रारको कार्यालयले जनाएको छ ।


श्याम राई, उदयपुर  गाईघाट, १९ चैत्र | कोशी प्रदेशका मुख्यमन्त्री केदार कार्कीले  सरकारले भौतिक पूर्बधारसँगै मानविय विकासमा जोड दिएर विकासको कामलाई तिब्र गतिले अघि बढाई रहेको बताएकाछन् ।

कटारी नगरपालिका ६ र ७ वडा जोड्ने बैधनाथ खोलामा निर्माण भएको पक्कि पुलको सोमबार उद्घाटन गर्दै मुख्यमन्त्री कार्कीले कालोपत्रे सडक निर्माण गरेर मात्र विकासको लक्ष्य पूरा हुन नसक्ने भन्दै मानिसको भबिश्य उज्जवल बनाउने मानविय विकास गर्न सरकार लागि परेको बताए । उनले सरकारले बालबालिकाको शिक्षा र स्वास्थ्यमा केन्द्रित रहेर प्रभाबकारी कार्यक्रम शुरु गरिसकेको बताए । 

पहिलो चरणमा १० बर्ष मुनिका बालबालिकालाई निःशुल्क स्वास्थय उपचार सेवा शुरु गरिसकेको उनले बताए । अहिले हामीले केही निजी अस्पतालसँग सम्झौता गरेर कार्यक्रम सुरु गरेकोमा अब सबै सरकारी अस्पतालबाट यो सेवा शुरु गर्न लागेको उनले बताए । अहिले हामीले केही निजी अस्पतालसँग सम्झौता गरेर कार्यक्रम शुरु गरेकोमा अब सबै सरकारी अस्पतालबाट यो सेवा शुरु गर्न लागेको उनले बताए । अब सबै बालबालिकाको पढाई र स्वास्थ्य उपचार प्रदेश सरकारले जिम्मा लिने मुख्यमन्त्री कार्कीले बताए ।

कृषि तथा सहकारी मन्त्री राम कुमार खत्रीले पुल निर्माणपछि यस भेगका बासिन्दालाई निकै फाईदा पुगेको बताए । उनले कृषि क्षेत्रको बिकास गर्न कृषकहरुलाई बिउ बिजन र मलमा विशेष अनुदान दिनेगरि सरकारले निती बनाएर काम गर्न लागेको बताए ।

प्रदेश सरकार सडक पूर्बधार तथा शहरी बिकास मार्फत १४ करोड ९४ लाख ७३ हजार लागतमा निर्माण भएको पुल निर्धारित समय भन्दा ५ महिना अघि निर्माण सम्पन्न भएको हो ।

२ वर्ष भित्र निर्माणगरि सक्नु पर्ने उक्त पुल  केम ईन्जिनियर्स बिल्डर्स प्रा.लि. काठमाडौंले निर्माण गरेको हो । ८४.२० मिटर लम्बाई र ८.२० मिटर चौडाईको पुल २.४० मिटरको स्पान रहेको पूर्बाधार कार्यालय उदयपुरका प्रमुख डिई रमेश चौधरीले बताए ।

 

 

 



विराटनगर । विराटनगर – ८ मधुमारामा रहेको बालबाटिका बोर्डिङ स्कुल विराटनगर १० मा रहेको नेशनल एकेडमीका संचालकहरुले किनेको छ ।

 नयाँ शैक्षिक सत्रदेखि साविकको बालवाटिका स्कुल नेशनल एकेडमी नामकरण गरी कक्षा नर्सरीदेखि १२ कक्षासम्म संचालन गर्ने भएको हो ।

 नेशनल एकाडेमीले सोमबार पत्रकार सम्मेलन गरी सम्पूर्ण अभिभावकहरुलाई साविकको बालवाकिटका स्कुल नेशनल एकाडेमीबाट संचालन हुने भएकाले भर्ना अभियान सुरु गरेको जानकारी गराएको छ । नेशनल एकाडेमीले बालबाटिका बोर्डिङ स्कुल २७ लाख ५० हजार रुपैयाँमा किनेको संचालक तथा नेशन एकाडेमीका प्रन्सिपल सकलदेव साहले जानकारी दिए । राजन कुमार छाराहाङ्ग र इन्दु थापा छाराहाङ्गले संचालन गरेको स्कुल भदौ ३ गते नेशन एकाडेमीले किनेको उनले बताए ।

 स्कुल खरिद गरेपछि बालवाटिका स्कुलको स्वामितत्व सकलदेव साह र उनका श्रीमति सरिता साहको नाममा आएको छ ।

साहको नाममा स्कुल आएपछि साविकको बालावटिका स्कुलका संचालक राजन छाराहाङ्गले अहिले आएर बेमानी गरेको आरोप लगाएका छन् । ‘अहिले पनि बालवाटिका स्कुलमा भर्ना लिने काम भइरहेको छ । यो गलत तरिका हो । हामीले स्कुल खरिद गरेको सम्पूर्ण कागजपत्र भुक्तानी दिएको प्रमाणहरु सुरक्षित राखेका छौं,’ साहले भने, ‘नयाँ  शैक्षिक सत्र सुरु हुन लागेपछि अहिले न्यू खोज्न थालेका छन् ।’

राजन छराहाङ्गलाई १० लाख, छराहाङ्गले भने अनुसार उनका साथी  पंकज गुप्तालाई १२ लाख गरी २२ लाख रुपैयाँ दिएको कागज  गरेको प्रमाण सुरक्षति गरेको उनले बताए । ‘अब पाँच लाख ५० हजार दिनु पर्दछ । यो पैसाँ दिन आफु तयार रहेको छु,’ साहले भने, ‘तर, छराहाङ्गले १२ लाख दिनुपर्ने सर्त राख्दै बेमानी गर्न सुरु गरेका छन् ।’ उनले छराहाङ्ग विरुद्ध विराटनगर महानगरपालिको न्यायीक समितिमा पनि उजुरी दिएका छन् । २३ चैतमा दुवै पक्षलाइ छलफलमा बोलाएको छ ।

यता छराहाङले भने २८ लाखमा विक्री गरेको भएपनि साहले साढे ६ लाख रुपैयामा मात्र दिएको बताए । ‘पुरा पैसा नदिएको कारणले विद्यालय बन्द नगरिएको हो,’ उनले भने । 

MKRdezign

Contact Form

Name

Email *

Message *

Powered by Blogger.