Websoft University
October 2026


बिराटनगर २०८३, काति १२ गते ।सञ्चारकर्मी सञ्चार सहकारी संस्था लि.,विराटनगर–९ को २०८३ कात्तिक १२ गते बसेको बैठकले गरेका निर्णयहरू यस प्रकार छन ।

साधारणसभा र अधिवेशन  सञ्चारकर्मी सञ्चार सहकारी संस्था लिमिटेडको १५औं साधारणसभा र ५औं अधिवेशन २०८३ कात्तिक १३ गते शुक्रवारका दिन ठीक १०ः३० बजे सुरु हुनेछ । जसमा १०ः३० बजेदेखि साधारणसभा र साधारणसभा पछि अधिवेशन गरिने  भएकेा छ । 

शिक्षा पुरस्कार वितरण २०८२ सालदेखि प्रदान गर्न सुरु गरिएकोले शेयर सदस्यहरूका सन्तानहरूमा कक्षा १० (एसईई) २०८२ मा उत्तीर्ण भई आएका लब्धाङक पत्रहरूमा सवैभन्दा भन्दा बढी जीपीए ल्याउने शेयर सदस्य टेकप्रसाद अधिकारीका पुत्र मुलुक शर्मा (३.८४ जीपीए) र कक्षा १२ तर्फ आएका लबिङ क पत्रहरूमा शेयर सदस्य विक्रम लुइँटेलकी पुत्री सुबिसा लुइँटेल (३.२८ जीपीए) लाई पुरस्कृत गरिने निर्णय गरियो । जसमा एसईई उत्तीर्णलाई रु. २,५००।– र कक्षा १२ उत्तीर्णलाई रु. ३,०००।– रकमका साथ पुरस्कृत गरिने भएकेा छ ।    यसैगरी विद्यावारिधि गर्ने शेयर सदस्य डा. रामचन्द्र अधिकारीलाई भेालिनै सम्मानित गरिने छ । 

प्रमुख अतिथि  संस्थाका ज्येष्ठ शेयर सदस्य श्री शिवबहादुर कार्कीलाई प्रमुख अतिथिको रूपमा आमन्त्रण गरिएको पनि सचिव  विजयहरी खतिवडाले जानकारी गराउनु भएकेा छ । 

त्यसैगरी उत्कृष्ट बचतकर्ता, असल ऋणी र अग्रज शेयर सदस्य सम्मान  कार्यक्रम बाट  उत्कृष्ट बचतकर्तामा रोशन पोखरेल, असल ऋणीमा प्रदीप भुजेललाई समान गरिने भएकेा छ । त्यसै गरी अग्रज शेयर सदस्यमा तेजेन्द्रबहादुर भण्डारीलाई सम्मान गरिने ।

कार्यलयमा लाभांश वितरण  आ.व. २०८२–८३ को लेखा परीक्षण प्रतिवेदन अनुसार शेयर सदस्यहरूलाई ६ प्रतिशत शेयर लाभांश वितरणका लागि साधारणसभामा प्रस्ताव लाने भएकेा जनाएको छ।   

अन्त्यमा भोजन खर्च यही कात्तिक १३  गते हुन गइरहेको यस सहकारी संस्थाको १५औं साधारणसभामा उपस्थित हुन आउने शेयर सदस्य महानुभावहरूलाई प्रतिव्यक्ति रु. ६००।– (छ सय) भोजन खर्च दिइने  जनाइएको छ ।    

ऋण अनुमोदन - लीलावल्लभ घिमिरे, भोजराज घिमिरे, प्रदीप भुजेल र दीपक फूयाललाई दिइएको ऋणको अनुमोदन सभाबाटै हुनेछ ।

अध्यक्षको प्रतिवेदन भेालिनै सञ्चारकर्मी सञ्चार सहकारी संस्थाका अध्यक्ष  दीपक दाहालबाट १५औं साधारणसभामा संस्थाको प्रतिवेदन  प्रस्तुत गर्ने कार्यक्रम रहेको सचिव - विजहरी खतिवडाले जानकारी गराउनु भएकेा छ।    

                                                                                                

              

                           


 विराटनगर, असोज २८ गते  “७१ औँ प्रहरी दिवस २०८३” को अवसरमा कोशी प्रदेश प्रहरी कार्यालय विराटनगरको आयोजनामा मोरङको विराटनगर महानगरपालिका९९ पञ्चमुखी हनुमान मन्दिर स्थितमा रक्तदान कार्यक्रम हिजो सम्पन्न भएको छ । 

नेपाल प्रहरी अस्पताल इनरुवा सुनसरी र विराट मेडिकल कलेज टिचिङ हस्पिटल विराटनगरको प्राविधिक सहयोगमा असोज २७ गते संचालन भएको रक्तदान कार्यक्रममा कोशी प्रदेश प्रहरी प्रमुख प्रहरी नायव महानिरीक्षक शेखर खनाल, जिल्ला प्रहरी कार्यालय मोरङका प्रमुख प्रहरी उपरीक्षक कवित कटवाल, सशस्त्र प्रहरी बल कंकालिनी गण मोरङका सशस्त्र प्रहरी उपरीक्षक गहेन्द्र भण्डारी लगायत नेपाल प्रहरी, सशस्त्र प्रहरी, नगर प्रहरी, स्थानियवासी, संचारकर्मी तथा बिभिन्न कलेजका शिक्षक तथा बिद्यार्थीहरु समेत गरी १३६ जनाले रक्तदान गरेका थिए ।

७१ औं प्रहरी दिवसको अवसरमा जिल्ला प्रहरी कार्यालय झापा, इलाम, धनकुटामा आयोजित रक्तदान कार्यक्रममा नेपाल प्रहरी, सशस्त्र प्रहरी तथा स्थानियबासी समेत गरी ७० जनाले रक्तदान गरेका थिए ।


बिराटनगर असोज २८ गते । विराटनगर देखी प्राचीन काली मन्दिर रंगेलीसम्म हुने निशान,ध्वजा, सहितको पैदल यात्राको दशौ संस्करण यो वर्ष पनि हुने भएको छ । यो वर्ष २०८३ साल कात्तिक ३ गते मंगलबार महानवमीका दिन आयोजना हुने । 

विराटनगरबाट हातमा निशान र झण्डा लिएर सुरु हुने यो यात्रा करिब २३ किलोमिटर लामो रहनेछ र रंगेलीस्थित प्रसिद्ध काली मन्दिरमा पुगेर निशान ध्वजा अर्पण गरिनेछ । सहभागिता र व्यवस्थापन, अनुमानित संख्या करिब ८ हजार निशान ध्वजा यात्री र अन्य १० हजार गरी कुल १८ हजार जनाको सहभागिता रहने अनुमान गरिएको छ । 

यात्रामा सहभागी हुने प्रत्येक व्यक्तिबाट ३००रुपैे याँ मात्र सहभागिता शुल्क लिइने गरिएको छ । अन्य खर्च दाताहरूबाट संकलन गरिनेछ । सो को अनुमानित बजेट यात्रा व्यवस्थापनका लागि करिब ३० लाख रुपैयाँ खर्च हुने अनुमान गरिएको आमा पत्रकार सम्मेलन गरेर जानकारी गराएका थिए । यात्रा सम्पन्न भएपछि सहभागी सबैका लागि रंगेलीस्थित काली मन्दिर परिसरमा रहेको धर्मशालामा नि,शुल्क प्रसाद भोजनको व्यवस्था समेत गरिने आयोजकहरुले जानकारी गराएका छन । 

विश्रामस्थलहरू  

यात्राका क्रममा विराटनगरबाट सुरु भई देहायका स्थानहरूलाई विश्रामस्थलका रूपमा निर्धारण गरिएको छ ।जीवन विकासको कार्यालय अगाडि चिया–पानी कार्यक्रम,सेलो मिल,जुडी पुलछेउ, रामचोक पूर्व, दादरबैरियास्थित वसन्त राजवंशीको काँटा,आनन्द इँटाभट्टा दादरबैरिया,किसान अग्रवालको मिल कर्सिया नहर,बेतौना चोकस्थित सन्तोष रौनियारको गोला,रहने भएको बताएका छन । संसारीमाई लगायतका बिभिन्न सघ स्थानहरू सहभागि रहने बताइएको छ । यसको मुल उदश्य भनेको बिराटनगर र पुरानो राजधानी भनेर चिनिने रगेलीलाई धार्मिक सांस्कृतिक पर्यटकिया हिसावले जोड्न खोजिएको हो ।



उदयपुर, असोज २७ गते । उदयपुरको छुट्टा छुट्टै दुई स्थानबाट १ हजार ९९ किलो ८४० ग्राम गाँजा बोकेको २ वटा पिकअप गाडी सहित ओसार पसारमा संलग्न १ जनालाई पक्राउ  गरिएको छ । 

असोज २६ गते विशेष सुचनाको आधारमा इलाका प्रहरी कार्यालय बेलटारबाट खटिएको प्रहरी टोलीले चौदण्डीगढी नगरपालिका १ चारघरे स्थितमा संकित अवस्थामा सडक छेउमा रोकी राखेको बा। १४ च २२५५ नम्बरको बोलेरो पिकअप गाडीको डालामा २९ वटा बोरामा प्याकगरी राखेको अवस्थामा ९४० किलो ४४० ग्राम गाँजा बरामद गरेको थियो ।

 त्यसैगरी बेलका नगरपालिका(५ देउराली स्थितमा प्रहरी चौकी लालबजारबाट खटिएको प्रहरी टोलीले चेकजाँचको क्रममा प्र। १(०२(००२ च ५२९० नम्बरको पिकअप गाडीमा धानको भुसको बोरामा लुकाई छिपाई राखेको १ सय ५९ किलो ४०० ग्राम गाँजा सहित चालक सप्तरी सप्तकोशी नगरपालिका(८ का २८ वर्षिय पशुपति साफीलाई पक्राउ गरेको छ । ओसार पसारमा संलग्न अन्य व्यक्तिहरुको खोजतलास भईरहेको छ ।


बिराटनगर असेाज २१ गते । मोरङ जिल्ला (ITF) तेक्वान्दो संघको आयोजना र प्रदेश खेलकुद विकास वोर्ड कोशी प्रदेशको संयोजनमा २६ औं राष्ट्रिय (ITF) तेक्वान्दो प्रतियोगिता विराटनगरको कन्चनजंघा ब्याङ्क्वेट्समा मिति २०८३ साल असोज २५ र २६ गते २ दिनसम्म सञ्चालन हुने भएकेा छ ।

 उक्त प्रतियोगितामा ७ वटै प्रदेश र ३ विभागीय टिमकोसहभागिताहुनेछ । यस प्रतियोगितामा कुल जम्मा खेलाडी १७० जनाले प्रतिस्पर्धा गर्नेछन् । जसमा पुरुष तर्फ ९० र महिला तर्फ ८० जना खेलाडीले सहभागिता जनाउनेछन् ।

 यस प्रतियोगितामा ५ विद्या रहनेछन् । जसमा (१) एक्कल स्पाइरिङ्ग तर्फ पुरुष, महिला (२) ग्रुप स्पाइरिङ्ग तर्फ पुरुष, महिला (३) एक्कल प्यार्टन तर्फ पुरुष, महिला (४) ग्रुप प्यार्टन तर्फ पुरुष, महिला (५) सेल्फडिफेन्स तर्फ पुरुष, महिला रहनेछन् । यस प्रतियोगिताबाट छनौट भएका खेलाडीहरु नेपालको राष्ट्रिय टोलीमा पर्नेछन् र बन्द प्रशिक्षणमा राखिने छ । 

यही मंसिर ४, ५ र ६ तीन दिनसम्म काठमाण्डौमा सञ्चालन हुने ८ औं दक्षिण एशियाली आई टि एफ तेक्वान्दो प्रतियोगितामा प्रतिस्पर्धा गर्न पाउनेछन् । २६ औं राष्ट्रिय आईटीएफ तेक्वान्दो प्रतियोगितामा महासंघ प्रतिनिधि ३ जना, अम्पायर ३५ जना, कोच र व्यवस्थापक गरी ३० जना र स्थानीय अम्पायर ५ जना गरी जम्मा २४३ जनाको उपस्थिति रहनेछ ।

 उद्घाटन सत्र २०८३ असोज २५ गते कोशी प्रदेशका माननीय मुख्य मन्त्री हिकमत कुमार कार्कीले गर्नुहुनेछ भने समापन सत्र असोज २६ गते कोशी प्रदेशका माननीय सामाजिक विकास मन्त्री गीता तिम्सिनाज्यूले गर्नुहुनेछ भन्ने जानकारी नेपाल अन्तराष्ट्रिय तेक्वान्दो महासंघका अध्यक्ष प्रविण कुमार कार्कीले आज बिराटनगरमा जानकारी गराउनु भएकेा छ ।


विराटनगर असेाज २० गते । विराटनगर महानगरपालिकाका मेयर नागेश कोइरालाको पहलमा अघि बढाइएको बृहत्तर खानेपानी परियोजना सञ्चालनको अन्तिम चरणमा पुगेको छ । परियोजना सम्पन्न भएपछि विराटनगरवासीले दशैंअघि नै नयाँ प्रणालीमार्फत दैनिकएक करोड लिटरभन्दा बढी खानेपानी पाउने भएका छन् ।

जापान अन्तर्राष्ट्रिय सहयोग नियोग (जाइका)को करिब २ अर्ब ५४ करोड रुपैयाँ अनुदानमा सञ्चालित परियोजनाको मुख्य निर्माण कार्य सम्पन्न भइसकेको नेपाल खानेपानी संस्थान विराटनगरले जनाएको छ । परियोजना हस्तान्तरणका लागि अब करिब २५ दिन मात्र बाँकी रहेको संस्थानले जनाएको छ ।

परियोजनाको निर्माण अवधि सन् २०२६ अक्टोबरसम्म तोकिएको थियो । तर, अधिकांश निर्माण कार्य निर्धारित समयभन्दा अगावै सम्पन्न भएको हो । अहिले विद्युत् जडानलगायत केही प्राविधिक काम मात्र बाँकी छन् । ती काम पनि तत्काल सम्पन्न गरी दशैंअघि नै नयाँ प्रणाली सञ्चालनमा ल्याउने तयारी गरिएको छ ।

नेपाल खानेपानी संस्थान विराटनगरका प्रमुख सन्तोष रौनियारका अनुसार परियोजनाको मुख्य निर्माण कार्य पूरा भइसकेको छ ।

‘तोकिएको समयभन्दा अगावै अधिकांश काम सम्पन्न भएको छ । अहिले विद्युत् जडानलगायत केही प्राविधिक काम मात्र बाँकी छन् । ती काम पनि छिट्टै सक्ने गरी काम भइरहेको छ,’ रौनियारले भने, ‘दशैंअघि नै नयाँ प्रणालीबाट उपभोक्ताको घरघरमा पानी पुर्‍याउने तयारी छ ।’

९० लाखबाट एक करोड लिटरभन्दा बढी

परियोजना सञ्चालनमा आएपछि विराटनगरको खानेपानी उत्पादन तथा वितरण क्षमता उल्लेख्य रूपमा बढ्नेछ । अहिले दैनिक करिब ९० लाख लिटर पानी वितरण हुँदै आएकोमा नयाँ प्रणाली सञ्चालनमा आएपछि दैनिक एक करोड लिटरभन्दा बढी पानी वितरण गर्न सकिने संस्थानले जनाएको छ ।

परियोजनाअन्तर्गत खानेपानी उत्पादन, प्रशोधन र वितरण प्रणालीको क्षमता विस्तार गरिएको छ । पुराना संरचनाको सुधारसँगै नयाँ ओभरहेड ट्यांकी निर्माण, पाइपलाइन विस्तार तथा विद्युत् आपूर्ति क्षमता वृद्धि गरिएको छ ।

विराटनगरका देवकोटा चोक, तीनपैनी, मुनालपथ तथा विराटनगर–५ को कोचाखाल पश्चिममा रहेका संरचनाबाट खानेपानी वितरण गर्ने व्यवस्था मिलाइएको छ । कोचाखाल पश्चिममा परियोजनाअन्तर्गत नयाँ ओभरहेड ट्यांकी निर्माण गरिएको छ ।

पाइपलाइन र फिल्टर प्रणालीको क्षमता विस्तारसँगै खानेपानी वितरणमा देखिँदै आएको समस्या कम हुने र उपभोक्ताले नियमित तथा गुणस्तरीय पानी पाउने संस्थानको अपेक्षा छ ।

हाल विराटनगरमा नेपाल खानेपानी संस्थानका करिब १३ हजार २ सय ग्राहक छन् । परियोजना सञ्चालनमा आएपछि थप उपभोक्तालाई खानेपानीको पहुँचमा ल्याउन तथा तीव्र रूपमा बढिरहेको जनसंख्याको माग धान्न सहज हुने संस्थानले जनाएको छ ।

मेयर कोइरालाको पहलमा पूर्वाधार व्यवस्थापन

विराटनगरवासीलाई शुद्ध खानेपानी उपलब्ध गराउने मेयर नागेश कोइरालाको प्रतिबद्धताअनुसार परियोजना अघि बढाइएको हो । कोइरालाले सन् २०२६ सम्म विराटनगरवासीलाई शुद्ध खानेपानी उपलब्ध गराउने प्रतिबद्धता जनाएका थिए । परियोजना सञ्चालनको अन्तिमचरणमा पुगेसँगै उनकोउक्त प्रतिबद्धतापूरा हुने क्रममा रहेको छ ।

परियोजना निर्माणका क्रममा आवश्यक जग्गा उपलब्ध गराउन सहजीकरणदेखि सडक र विद्युत् पूर्वाधार व्यवस्थापनसम्मका काममा महानगरपालिकाले सहजीकरण गरेको थियो । परियोजना कार्यान्वयनमा देखिएका स्थानीय तहसँग सम्बन्धित समस्या समाधान तथा आवश्यक पूर्वाधार जुटाउन मेयर कोइरालाले सक्रिय पहल गरेका थिए ।

मेयर कोइरालाकै पहलका कारण विराटनगरमा परियोजना सञ्चालनमा आएका नेपाल खानेपानी संस्थान विराटनगरका प्रमुख रौनियार बताउँछन् । ‘यदि मेयर साबले प्रभावकारी रुपमा पहल नगरेको भए जग्गा, विद्युत, सिक्सलेन सडक, समाजका विभिन्न क्षेत्रका व्यक्तिलगायतका समस्याले परियोजना फिर्ता पनि जान सक्थ्यो,’ प्रमुख रौनियारले भने, ‘यो परियोजना विराटनगरमा आउनुमा उहाँको ठूलो योगदान छ ।’

मेयर कोइरालाकै पहल र सहजीकरणका कारण परियोजनाका लागि आवश्यक संरचना निर्माण तथा पूर्वाधार व्यवस्थापनमा सहजता भएको उनको भनाइ छ ।

मेयर कोइरालाले पनि परियोजना सफल बनाउन निकै मेहनत गरेको बताए । ‘वडा–वडामा समस्या थियो । आफ्नो घर अगाडिको सडक भत्काउन नदिने अडान स्थानीयवासीसँगै सामाजिकअभियन्ताहरु थियो । तर उहाँहरुलाई कन्मिन्स गराएर सडक खन्ने वातावरण मिलायौं,’ उनले थपे, ‘सडक मात्रै होइन विद्युतको पनि समस्या थियो । सबै क्षेत्रसँग सहजीकरण गरेर परियोजना अगाडि बढाउने वातावरण निर्माण गरिएको थियो । आज परियोजनाको काम सकिँदा धेरै नै खुसी लागेको छ ।’

लामो समयदेखि खानेपानीको पर्याप्तता, नियमितता र गुणस्तरको समस्या झेल्दै आएका विराटनगरवासीका लागि परियोजना सञ्चालनसँगै ठूलो राहत पुग्ने अपेक्षा गरिएको छ । दशैंअघि परियोजना सञ्चालनमा आएमा विराटनगरवासीले नयाँ प्रणालीबाट थप क्षमताको खानेपानी पाउनेछन् ।

यससँगै ‘शुद्ध खानेपानीसहितको व्यवस्थित विराटनगर’ बनाउने महानगरको योजनाले पनि मूर्त रूप लिने अपेक्षा गरिएको छ । अशुद्ध खानेपानीकैकारण विगतमा विराटनगरमाजन्डिससमेतफैलिएको थियो । जन्डिसका कारण १४ जनाको मृत्यसमेत भएको थियो । 



बिराटनगर असेाज १८ गते । कोशी र मधेश प्रदेश बीचको आर्थिक, औद्योगिक, पूर्वाधार तथा पर्यटकीय सहकार्यलाई सुदृढ बनाउने उद्देश्यका साथ मोरङ उद्योग व्यापार संघद्वारा मधेश प्रदेशका माननीय प्रदेश प्रमुख, राष्ट्रिय योजना आयोगका पूर्व सदस्य तथा प्रतिष्ठित अर्थशास्त्री प्राध्यापक डाक्टर सुरेन्द्र लाभज्यूसँग एक विशेष अन्तर प्रदेश छलफल तथा भेटघाट कार्यक्रम आयोजना गरिएको छ ।

संघका अध्यक्ष अनिल कुमार साहको सभापतित्वमा आयोजित सो कार्यक्रममा उहाँले स्वागत मन्तव्य दिँदै संघले स्थापनाकालदेखि आर्थिक, औद्योगिक, सामाजिक एवं स्थानीय पूर्वाधार निर्माणमा पु¥याएको योगदानबारे माननीय प्रदेश प्रमुखज्यूलाईजानकारी गराउनु भएको थियो । अध्यक्ष साहले विराटनगर–घिनाघाट सडक, कोशी अस्पतालको प्रसूति गृह, क्याम्पस तथा विमानस्थल प्रवेशद्वार निर्माण लगायत मधेश प्रदेशको महोत्तरी बाढी तथा वीरगञ्जको विपद्मा संघले पु¥याएको राहतको स्मरण गर्नु भएको थियो । साथै, हाल बैंकहरुका न्यून ब्याजदरका बावजूद लगानीमैत्री वातावरणको अभावमा निजी क्षेत्र संकुचित रहेको उल्लेख गर्दै दुई प्रदेशबीच स्रोतसाधनको अधिकतम उपयोग, लगानी आकर्षण र व्यापार विस्तारका लागि संस्थागत सहकार्य हुनु पर्नेमा अध्यक्ष साहले जोड दिनु भएको थियो ।

सोही क्रममा संघका निवर्तमान अध्यक्ष अनुपम राठीले दुवै प्रदेश कृषि, उद्योग र पर्यटनका दृष्टिले प्रचुर सम्भावनायुक्त रहेकाले सरकारले उत्पादनमुखी व्यवहार्य नीति ल्याए मुलुककै कायापलट हुन सक्ने बताउनु भएको थियो । उहाँले बैंकहरुमा पर्याप्त पुँजी र उद्योगहरुसँग गुणस्तरीय उत्पादन क्षमता रहेकाले उत्पादन वृद्धिलाई आकर्षित गर्ने नीति ल्याउन, सीमावर्ती क्षेत्रमा हुने अवैध चोरी पैठारी कडाइका साथ नियन्त्रण गर्न र भन्सार दर समायोजनमार्फत स्वदेशी उद्योगको संरक्षण गर्न अनुरोध गर्नु भएको थियो ।

त्यसैगरी, संघका वरिष्ठ उपाध्यक्ष अनिल सारडाले कोशी र मधेश जोड्ने सडक पूर्वाधार कमजोर हुँदा ढुवानी खर्च र समय बढेको बताउँदै १०० किमी प्रतिघण्टाको गतिमा गुड्न सक्ने द्रुतमार्ग निर्माण गरिनु पर्ने माग राख्नु भएको थियो । विराटनगरबाट जनकपुर २ घण्टा र वीरगञ्ज ३ घण्टामा पुग्न सकिने सडक स्तरोन्नति गर्न, विराटनगर रेलवेलाई जनकपुरसम्म जोड्न, अव्यावहारिक मूल्य अभिवृद्धि कर पुनरावलोकन गर्न तथा दुवै प्रदेशका करका दरहरुमा एकरुपता कायम गर्न उहाँले सुझाव दिनु भएको थियो ।

त्यस्तै, कार्यक्रमलाई सञ्चालन गर्नु भएका संघका महासचिव अमित कुमार सारडाले उद्योगी व्यवसायीहरुको उधारो नउठ्ने विकराल समस्या समाधानका लागि ध्यानाकर्षण गराउनु भएको थियो । साथै, कार्यकारिणी सदस्य बन्दना जैनले महिला हितका कानुन सुदृढ गर्नुपर्ने, उद्योगी प्रवीन नारायण चौधरीले नेपाली उत्पादनले भारतका नजिकका बजारमा पहुँच पाउनुपर्ने, सञ्चारकर्मी अनुज सापकोटाले तत्काल राहतजन्य नीति आवश्यक रहेको तथा सञ्चारकर्मी सोनु कुमार दासले विराट राजाको दरबार र जानकी मन्दिर जोडेर विराटनगर–जनकपुर रिलिजियस एण्ड हेरिटेज सर्किट सञ्चालन गर्नुपर्ने धारणा राख्नु भएको थियो ।

कार्यक्रमलाई सम्बोधन गर्दै प्रमुख अतिथि मधेश प्रदेशका माननीय प्रदेश प्रमुख प्रा. डा. सुरेन्द्र लाभले विराटनगर आफ्नो दोस्रो घर रहेको स्मरण गर्दै नेपालमा रेमिट्यान्समा आधारित अर्थतन्त्र रहेकाले उत्पादनशील तथा रोजगारमूलक क्षेत्रमा युवा सहभागिता बढाउनु पर्ने आवश्यकता औंल्याउनु भएको थियो । 

उहाँले दुवै प्रदेशमा विगतमा चलेका तर हाल जीर्ण वा बन्द अवस्थामा रहेका उद्योगहरुको पुनः सञ्चालन, औद्योगिक पुनरुत्थान तथा शिक्षा र स्वास्थ्य सेवा विस्तारमा अन्तरप्रदेशीय सहकार्य अपरिहार्य रहेको बताउनु भएको थियो । भूगोल र जनसांख्यिक अवस्था अनुसार फरक–फरक नीति तर्जुमा हुनुपर्ने, उद्योगको न्यूनतम लागत उठ्ने व्यवस्था हुनुपर्ने तथा कृषिमा प्रशोधन, प्याकेजिङ र ब्रान्डिङमा ध्यान दिई निजी लगानी आकर्षित गर्नुपर्ने उहाँको धारणा रहेको थियो ।

 साथै, दुवै प्रदेशको पर्यटकीय सौन्दर्यको प्रचारप्रसार र विराट राजा दरबारको थप उत्खनन गरिनुपर्ने बताउँदै उहाँले वर्तमान अर्थमन्त्री र गभर्नर निजी क्षेत्रमैत्री रहेकाले सरकार र निजी क्षेत्रको सहकार्यबाट सकारात्मक नतिजा आउने विश्वास व्यक्त गर्नु भई कार्यक्रमबाट प्राप्त सुझावहरु सम्बोधन गराउन आफ्नो प्रतिवद्धता व्यक्त गर्दै संघको ७५ वर्ष पुगेको सुखद अवसरमा हार्दिक बधाई समेत ज्ञापन गर्नु भएको थियो ।

कार्यक्रममा संघका पदाधिकारीहरु, कार्यसमिति सदस्यहरु, महिला उद्यमीहरु, युवा उद्यमीहरु, सञ्चारकर्मीहरुको उल्लेखनीय उपस्थिति रहेको थियो ।

MKRdezign

Contact Form

Name

Email *

Message *

Powered by Blogger.