विद्यार्थी खुल्ला आकासमुनि बसेर पढ्न बाध्य

काठमाण्डौ फागुन १६ गते । रातो तारा डट कम,डोटीको पर्वी चौकी गाँउपालिका वडा नम्बर २ मा कालिका आधारभुत विद्यालय स्थापना भई सञ्चालनमा आएको ३० वर्षभन्दा बढी भईसक्यो । कक्षा ३ सम्मको अध्ययन हुने विद्यालयले उत्पादन गरेका कतिपय विद्यार्थी राज्यका उपल्लो तहमा पुगे पनि विद्यालयका विद्यार्थी खुल्ला आकासमुनि बसेर पढ्न बाध्य भएका छन् । 

खुल्ला आकासमुनि शिक्षा दिनुको समस्या वर्णन गरीनसक्नुको रहेको विद्यालयका प्रधानाध्यापक हनुमान साफीले बताउनुभयो । गत वर्ष जेठ महिनाभन्दा पहिले विद्यालय राम्रैसँग सञ्चालनमा रहेको भए पनि गत जेठमा आएको हावाहुरीले विद्यालयको छाना उडाएपछि विद्यालय खुल्ला आकासमुनि चलाउनुपर्ने बाध्यता रहेको उहाँको भनाइ छ । 

छाना हाल्नका लागि विद्यालयसँग रकम छैन भने सहयोग गर्ने निकायहरूमा धाउँदा पनि केही नभएको गुनासो गर्नुहुन्छ विद्यालय व्यवस्थापन समितिका अध्यक्ष नन्द साउँद । आफूहरु घरबाट अध्ययन गर्नका लागी विद्यालयमा आउने भए पनि सामान्य हावाहुरी र पानी पर्दासमेत विद्यालय बन्द हुने गरेका कारण समस्या हुने गरेको विद्यार्थीहरुको भनाइछ ।