दिपेश लाई फुटबल खेल्न दुई वर्षको लागि लाग्यो प्रतिबन्ध

काठमाण्डौ फागनु १५ गते । रातो तारा डट कम,अखिल नेपाल फुटबल संघ एन्फाले सरस्वती युथ क्लबका कप्तान दिपेश श्रेष्ठलाई फुटबल खेल्न दुई वर्षको प्रतिबन्ध लगाएको छ । सहिद स्मारक ए डिभिजन लिग फुटबलमा प्रतियोगिताको नियमावली विपरित कार्य गरेको भन्दै एन्फाको अनुशासन समितिले दिपेशलाई २ वर्षको प्रतिबन्ध गरेको हो । 

दिपेशले लिगको ५९ औं खेल अन्तर्गत हिमालयन शेर्पा क्लबविरुद्धको खेलमा प्रतियोगिताको नियमावली २१९७० विपरित कार्य गरेको एन्फाले जनाएको छ ।  यस्तै एन्फाले श्रेष्ठलाइ ५० हजार जरिवाना समेत गरेको छ । 

एन्फाले दिपेशको नाममा पत्र लेख्दै प्रतिबन्ध र जरिवानाबारे जानकारी समेत गराएको छ ।  एन्फाले आजकै मितिबाट लागु हुनेगरि दिपेशलाई प्रतिबन्ध गरिएको जनाएको छ ।