ब्लुमिगं किण्डरगार्टेन मन्टेश्वरी स्कुलले १३औं वार्षिकउत्सव मनायो

शिव भट्टराई,मोरङ । रातो तारा डट कम,सुनसरीको इटहरीमा स्थापना भएको पहिलो  ब्लुमिगं किण्डरगार्टेन मन्टेश्वरी स्कुलले विभिन्न कार्यक्रम गरी १३औं वार्षिक उत्सव मनाएको छ ।

इटहरी क्षेत्रका पाँच जना जुजारु महिलाहरुले चार जना विद्यार्थीहरुबाट सुरु गरेको मन्टेश्वरी स्कुलले १३ औं वार्षिक उत्सव मनाएको हो ।

विद्यालय सञ्चालक समितिकी अध्यक्ष सृजना नेपालको अध्यक्षता तथा इटहरी उपमहानगरपालिका शिक्षा शाखाकी प्रमुख अम्बीका कुमारी साहको प्रमुख आतिथ्यतामा रहेको वार्षिक उत्सव कार्यक्रममा यस वर्षका लागि मास्टर ब्लुमिगं अमुल्य कोइराला र मिस ब्लुमिगं उपाधि हात पार्न निर्भना मान्धर सफल भए ।

कक्षा प्ले ग्रुप देखि कक्षा ५ सम्मको पठनपाठन हुने ब्लुमिगं किण्डरगार्टेन मन्टेश्वरीले हरेक वर्ष विद्यालयमा अध्ययनरत विद्यार्थीहरुबाट मास्टर र मिस ब्लुमिगं प्रयोगिताबाट चुन्ने गरेको छ । विभिनन चार्डवर्पका समयमा विशेष कार्यक्रम सहित शैक्षिक कार्यक्रमका साथै अतिरिक्त क्रियाकलापहरु समेत गराउदै आएको वताइएको छ ।

वार्षिक उत्सवका अवसरमा विद्यार्थीहरुले नृत्य, गायन , नाटक , हास्यव्यगं, क्याट वाक प्रस्तुत गरेका थिए । २०६४सालमा स्थापनाको समयमा २ कोठा र चार जना विद्यार्थीबाट सुरु भएपनि हाल २सय ५० विद्यार्थी सहित संगित ,नृत्य ,कम्प्युटर कक्षा देखि लिएर विज्ञानको प्रयोगशासा समेत सञ्चालनमा रहेको जनाइएको छ ।