आज एन्फाको साधारण सभा हुने–निर्वाचन आगामी जेठ १५ गते हुने मिति तय

काठमाण्डौ चैत १५ गते । रातो तारा डट कम, अखिल नेपाल फुटबल सङ्घ (एन्फा) को विशेष साधारण सभा आज हुँदैछ । साधारण सभा अघि एन्फाले यसअघि स्थगित भएको विशेष साधारण सभा सानेपास्थित एक होटलमा बोलाएको छ । फागुन ८ गतेको लागि डाकिएको एन्फाको विशेष साधारण सभा प्राविधिक कारण देखाएर स्थगित गरिएको थियो । तर, एन्फाको १८ औं कार्यसमिति बैठकले साधारण सभा चैत १५ गते आज गर्ने निर्णय गरेको थियो । साधारण सभामा निर्वाचनमा केन्द्रीत एजेण्डाहरूमा छलफल हुने बताईएको छ । निर्वाचन समिति गठन, निर्वाचन पुनरावेदन समिति गठन, उम्मेदवारको मनोनयन शुल्क निर्धारण र वार्षिक कार्यक्रम तथा बजेटको लेखा परीक्षण प्रतिवेदन लगायतको विषयमा साधारण सभा छलफल हुनेछ । एन्फाको निर्वाचन आगामी वर्षको जेठ १५ गतेका लागि तय गरिएको छ ।