.gif)
सुनसरी इटहरी । रातो तारा डट कम, यूटर्न इन्टरनेशनले हिजो शनिबार इटहरीमा ‘स्वास्थ्य र समृद्धि जागरण अभियान’ कार्यक्रम गरेको छ ।
कार्यक्रममा संघीय सांसद तथा पूर्व वाणिज्य मन्त्रि मीन विश्वकर्माले देशलाई आत्मनिर्भर बनाउन कृषि उत्पादनमा जोड दिनुपर्ने बताउनुभयो । उहाँले यूटर्नले मौरीजन्य सामग्री र नेपाली जडिबुटीको प्रयोग गरेर देशमा उत्पादन गरी रोजगारी सिर्जना गरेको भन्दै प्रसंसा गर्नुभयो ।
पूर्व मन्त्रि विश्वकर्माले प्रत्यक्ष विक्रि प्रणालीबाट उपभोक्ताले सबैभन्दा फाइदा लिने बताउनुभयो । उहाँले प्रत्यक्ष विक्रि प्रणालीबाट नेपाली उत्पादनलाई प्रर्वधन गर्न र विदेश निर्यातसम्म गर्न सकिने भएकाले आफु मन्त्रि हुदाँ सो प्रत्यक्ष विक्रि सम्बन्धि ऐन ल्याएको स्मरण गर्नुभयो ।
कार्यक्रममा यूटर्न इन्टरनेशनलका प्रबन्ध निर्देशक तथा अध्यक्ष बलराम सुवेदीले नेपाललाई आत्मनिर्भरताको बाटोमा अगाडी बढाउन यूटर्नले जीवन शैली परिवर्तनको नारा सहित प्रत्यक्ष विक्रि प्रणालीबाट व्यवसाय गर्दै आएको बताउनुभयो । यसबाट लाखौ युवालाई रोजगार सिर्जना गर्ने र स्वदेशी कच्चा पदार्थबाट सामग्री उत्पादन गरी विदेश निर्यात गर्ने लक्ष्य लिएको उहाँले बताउनु भयो ।
कार्यक्रममा उद्योग बाणिज्य संघ इटहरीका अध्यक्ष भीम बहादुर पौडेल, जीवन विज्ञान सुनसरीका संयोजक केदारमान कार्की लगायतले यूर्टनका उत्पादनले मानवीय स्वस्थ्यमा सकारात्मक प्रभाव पार्ने बताउनुभयो ।
कार्यक्रममा यूटर्नका मार्केटिङ डाइरेक्टर अर्जुन गरीले कम्पनिको विभिन्न स्कीम विजेताहरुलाई पुरस्कार वितरण तथा सम्मान गर्नुभयो ।
मौरीजन्य पौष्टिक आहार, हिमाली जडिबुटीको जुस तथा सुपर कस्मेटिक पदार्थ उत्पादन गर्दै आएको यूटर्नले स्वास्थ्य र समृद्धिका लागि कार्यक्रम आयोजना गरेको हो । प्रत्यक्ष विक्रि प्रणाली मार्फत आफ्ना उत्पादन कार्यक्रममा झापा मोरङ र सुनसरीका करिब चारसय जनाको उपस्थिति थियो ।
Post a Comment