यस बेला खाद्यान्नको सहज आपूर्ती गर्न समिति गठन

काठमाण्डौ चैत १४ गते । रातो तारा डट कम,कोरोना भाइरस सङ्क्रमणबाट बच्न सरकारले लागु गरेको लकडाउनको समयमा नागरिकलाई सहज रुपमा खाद्य पदार्थ परिपूर्ति गराउन बाराको निजगढ नगरपालिकाले नगर भित्रका खाद्यान्न तथा दैनिक उपभोग्य सामग्रीका व्यवसायीहरुलाई निर्देशन दिएको छ । मेयर सुरेशकुमार खनालको आह्वानमा सुरक्षाकर्मी र खाद्यान्न व्यवसायीहरुबीच आज सम्पन्न बैठकले दैनिक उपभोग्य वस्तुहरुको सहज आपूर्ति तथा बिक्रीको व्यवस्था मिलाउन आपूर्ति तथा बिक्रि व्यवस्थापन समिति गठन गरेको छ । वडा नम्बर ८ का वडा अध्यक्ष तथा बारा उध्योग वाणिज्य संघ निजगढ शाखाका पूर्व अध्यक्ष टेकबहादुर लामाको संयोजकत्वमा आपूर्ति तथा बिक्री व्यवस्थापन समिति गठन गरिएको मेयर खनालले जानकारी दिनुभयो