RatoTara.com

काठमाडौं । रातो तारा डट कम,शेर्पा आउटडोरको केटीएम सिटीले दक्षिण एसियाली फुटबल प्रतियोगिता साफ च्याम्पियनसिप खेल्ने राष्ट्रिय फुटबल टिमलाई प्रायोजन गरेको छ । बुधबार भारतको बैंगलोरमा सुरु हुने साफ च्याम्पियनसिप फुटबल प्रतियोगिता खेल्ने नेपालको राष्ट्रिय फुटबल टिमलाई केटीएम सिटीले प्रायोजन गरेको हो । पछिल्लो दुई वर्ष केटीएम सिटीले राष्ट्रिय फुटबल टिमको मुख्य किट पार्टनरको रुपमा अखिल नेपाल फुटबल संघ एन्फालाई सहयोग गरेको थियो ।

एन्फाबाट सहयोगको माग भएअनुसार केटीएम सिटीले म्यानमारमा सम्पन्न एएफसी यू–२० वुमेन्स एसियन कप छनोट प्रतियोगिता खेलेको महिला टिम र भारतमा बुधबार सुरु हुने साफ खेल्ने राष्ट्रिय फुटबल टिमलाई प्रायोजन गरेको हो । 

एन्फाले जर्सी, ट्रयाकसुट, ट्रेनिङ्ग जर्सी, किट ब्याग लगायतका खेल सामाग्री प्रायोजनका लागि अनुरोध गरेअनुसार शेर्पा आउटडोर स्पोर्ट्स गुड्स इन्डष्ट्रिज प्रालीको केटीएम सिटीले १५ लाख २७ हजार ९ सय १८ रुपैयाँको खेल सामाग्री निशुल्क रुपमा प्रायोजन गरेको छ।

नेपाली खेलकुदको विकास र प्रबद्र्धनमा केटीएम सिटीले सधै सहयोग र सहकार्य गर्दै आएको छ । खेलकुदसँगको सहयोगलाई हामीले बिशुद्ध राष्ट्रप्रतिको जिम्मेवारी र सेवाको दृष्टिकोणले लिएका छौं । फुटबल सहित नेपाली खेलकुदका अन्य स्पर्धासँग जोडिएर हामीले निरन्तर सहयोग गर्दै आएका छौं । 

केटीएम सिटीले फुटबल सहित क्रिकेट, एथलेटिक्स, ब्याडमिन्टन, टेनिस, बक्सिब, मार्सल आर्ट लगायतका खेलमा सहयोग गर्दै आएको छ । आम सर्वसाधारणले केटीएम सिटीप्रति देखाउनु भएको माया र सद्भावका कारण यो सहयोग सम्भव भएको हो । नेपाली खेलकुदको विकास र प्रबद्र्धनमा सेवा गर्न हामी सधै तयार रहेको जानकारी गराउन चाहन्छौं |

 

विराटनगर | कोशी प्रदेशमा बाढी पहिरोबाट ज्यान गुमाएका परिवारलाई प्रदेश सरकारले एक लाख रुपैयाँ राहत उपलब्ध गराउने भएको छ ।

सोमबार बसेको कोशी प्रदेश मन्त्रिपरिषद् बैठकले बाढी तथा पहिरोमा परी मृत्यु भएका मृतकका परिवारलाई एक लाख रुपैयाँ राहत उपलब्ध गराउने निर्णय गरेको कोशी प्रदेश मुख्यमन्त्रीका प्रेस सल्लाहकार महेन्द्र बिष्टले जानकारी दिए ।

यस्तै बाढीपहिरोमा परी घाइते भएकारुको उपचार गर्न प्रति व्यक्ति ५० हजार रुपैयाँ उपलब्ध गराउने निर्णय भएको बिष्टले बताए ।

त्यसैगरी वार्ता समितिको प्रशासनिक तथा व्यवस्थापकीय खर्च उपलब्ध गराउने निर्णयसमेत भएको छ ।

विराटनगर | गरिबी निवारणका लागि लघु उद्यम विकास कार्यक्रम (मेडपा) अन्तर्गत विराटनगर महानगरपालिकाले बाख्रा पालन समूहलाई बिऊ बोका वितरण गरेको छ ।

महानगरले प्रविधि हस्तान्तरण कार्यक्रमअन्तर्गत विराटनगर–४ स्थित समावेशी बाख्रा पालन समूहलाई बोयर जातको बिऊ बोका हस्तान्तरण गरेको हो । आज महानगरपालिकामा आयोजित कार्यक्रममा समूहकी सचिव पुष्पा श्रेष्ठलगायत समूहका अन्य सदस्यहरुलाई मेयर नागेश कोइराला र उपमेयर शिल्पा निराला कार्कीले बिऊ बोका हस्तान्तरण गर्नुभयो । समूहमा आबद्ध महिलाहरुले व्यवसायिक बाख्रा पालन गरेर स्वरोजगार भएका छन् ।

महानगरले ८ दिने उद्यमशीलता र ७ दिने सीपमूलक तथा बाख्रा पालनसम्बन्धी तालिम दिएको थियो । तालिमपछि यसअघि सिलाई मेसिनसहित विभिन्न सामग्रीसमेत वितरण गरेको थियो । समावेशी समूहमा १९ जना महिला आबद्ध रहेको सचिव श्रेष्ठले बताउनुभयो । १९ जनाले नै ५ देखि ३० वटासम्म बाख्रा पालेका छन् ।