RatoTara.com

काठमाण्डौ साउन १५ गते । रातो तारा डट कम,झापामा मास्क नलगाउने ब्यक्तिले अब एक सय रुपैंया जरिवाना तिर्नु पर्ने भएको छ । कोभिड १९ सङ्क्रमण नियन्त्रण जिल्ला स्तरिय समितिले गरेको निर्णय अनुसार झापामा मास्क नलगाइ हिड्ने जो कोही ब्यक्तिलाई प्रहरीले तत्कालै एक सय रुपैया जरिवाना गराउने निर्णय भएको झापाका सहायक प्रमुख जिल्ला अधिकारी राजकुमार राईले जानकारी दिनु भयो ।

कोरोना भाइरस कोभिड १९ को सङ्क्रमण समुदायमा फैलिएको आशंका गरिए पछि झापामा स्वास्थ्य सुरक्षाका बिषयमा थप कडाइ गर्नु पर्ने अवस्था आएको भन्दै मास्क नलगाउनेलाई एक सय रुपैया जरिवाना लिने निर्णय गरिएको सहायक प्रमुख जिल्ला अधिकारी राईले बताउनु भयो । 

जरिवाना लिने जिम्मा नेपाल प्रहरीलाई दिइएको र मास्क नलगाउनेबाट प्रहरीले अशुल गरेको जरिवानाको रसिद दिने र उक्त रकम सरकारी राजश्व खातामा जम्मा गर्ने निर्णय भएको राईले बताउनु भयो ।

काठमाण्डौ साउन १५ गते । रातो तारा डट कम,पहिरोका कारण विनायक बजार जोखिममा रहेको छ । सोमबारबाट परेको अविरल बर्षाका कारण पञ्चदेवल विनायक नगरपालिकाको केन्द्रबिन्दु विनायक बजार नै उच्च जोखिममा रहेको हो ।

न्यु रोड स्थित वडा नम्वर ३ विनायकका हृदय राज अधिकारीको घरको पछाडीबाट पहिरो बग्न थालेपछि अन्य पसल तथा घरहरु उच्च जोखिममा रहेका हुन । बजारका अन्य ठाउँमा पनि निरन्तरको बर्षाले जोखिम निम्त्याएको छ । बजारबाट मध्यपहाडी राजमार्गसम्म जोडिएको सडक खण्डमा ठुलो पहिरोका कारण आवत जावतमा समेत सास्ती हुने गरेको स्थानीयले बताएका छन् । 

यस्तै पञ्चदेवल विनायक नगरपालिकाको कार्यालय अगाडीबाटनै ठुलो पहिरो जाँदा नगरपालिकाको कार्यालय,इलाका बन कार्यालय र आसपासका घर तथा पसलहरु उच्च जोखिममा छन् । नगरपालिकाको मुख्य गेटबाटनै पहिरो गएको महिना दिन बितिसक्दा समेत समन्धित निकायको ध्यान पुग्न सकेको छैन । 

विनायक बजारका ठाउँ ठाउँमा गएको पहिरोले स्थानीयबासी तथा बजारबासीहरु त्रसित भएरका छन् । सोमबारबाट निरन्तर परिरहेको अविरल बर्षाले अन्य ग्रामिण सडकहरु समेत अवरुद्ध भएका छन् । असारे बजेको चटारोमा हतार, हतार निर्माण तथा मर्मत भएका अन्य बिकासे योजनाहरु बेकाम्मे भएका छन् ।

गीतकार उपाध्यायले यसपटक आफ्ना यो गीतको भिडियोमा निकै मेहनत गराएका छन् । गीत लेखेर नै गिनिज अफ वल्र्ड सहित विश्वका १५ वटा विश्व रेकर्ड बनाएका उपाध्ययको बिगतको गीतको भिडियो भन्दा यो भिडियो केही पृथक बनेको छ ।

गीतको भिडियोमा कार्टुन क्रुका जोडी सरोज अधिकारी र आश्मा विश्वकर्माको आकर्षक नृत्य छ । डान्सिङ जनराको यो गीतमा यी दुई जोडीले विभिन्न नृत्य कलाकारका साथ उर्जायुक्त डान्स प्रस्तुत गरेका छन् । ठेट नेपाली शब्दहरुको प्रयोग गरिएको गीत रोमाञ्चक बनेको छ ।

यो भिडियोलाई माईकल स्टेप अप एन्ड आर्टस् एकेडेमीका सञ्चालक कोरियोग्राफर माईकल चन्दले निर्देशन गरेका छन् । उनले गीतमा सरोज र आस्मालाई नृत्यको फरक फरक स्टेपमा प्रस्तुत गरेका छन् ।

उत्सब दाहालले खिचेको यो भिडियोमा सिलन लम्सालको सम्पादन छ । यो गीतको भिडियोलाई डिआर म्युजिक एन्ड क्रियसनको युट्युव च्यानलबाट रिलिज गरिएको छ ।