विराटनगरकी उपमेयर कार्कीद्वारा छठको पूजाआजा

विराटनगर ÷ विराटनगर महानगरपालिकाकी उपमेयर शिल्पा निराला कार्कीले छठको पूजा गर्नुभएको छ ।

विराटनगर–११ पिचरास्थित नहरमा पुगेर उहाँले अस्ताउँदो सूर्यलाई अर्घ दिनुभएको छ । उहाँ हरेक वर्ष छठको ब्रत बस्दै आउनुभएको छ । पारिवारिक सुख र विराटनगरवासीको कल्याणको कामना गर्दै छठको ब्रत बसेको उपमेयर कार्कीले बताउनुभयो । उहाँले परिवारको सुख, शान्ति, सुस्वास्थ्य, दीर्घजीवनसँग समग्र विराटनगरवासीको समृद्धिको कामना गरेको प्रतिक्रिया दिनुभयो ।