हत्या काण्डको अनुसन्धान सुरु

गाईघाट १२ फागुन | मानसिक संतुलन विग्रीएको एक व्यक्तीले विहिवार धारिलो हतियार प्रयोग गरी श्रीमतीको हत्या गरेका छन् । उदयपुरको वेलका नगपालिका १ भचुवा का २६ वर्षिय विनोद खत्रीले २३ वर्षिया श्रीमती युनिका पौडेलको खुकुरी प्रहार गरी हत्या गरेको प्रहरीले जनाएको छ । दिउसो संगै घास काट्न गएका खत्रीले वेलका नपा . ६ स्थीत वावुङला सामुदायिक वनमा श्रीमती लाई हत्या गरी साझ पख आफै इलाका प्रहरी कार्यालय रामपुर पुगेर आत्मसमर्पण गरेको जिल्ला प्रहरी कार्यालय उदयपुरका सुचना अधिकारी डिएसपि राकेश कुमार पोदारले वताए । हत्या के कारण ले गरे भन्ने वारे केही खुल्ननसकेको उनलेवताए । वेलका वडा नं. ९ का वडा अध्यक्ष पदम वहादुर खड्काले खत्रीको  मानसिक संतुलन विग्रीएको वताए । “हत्या गर्नु पर्ने कुनै कारण देखिएको छैन , केही समय देखि उनको मानसिक संतुलन विग्रीएकोले सोही कारण वाट श्रीमती को हत्या गरेको हुनपर्छ । ”उनले भने । उनले उनिहरु सधै जसो संगै  घास काट्न जंगल जाने गरेको वताए । उनीहरुको २ वर्षे एक छोरा समेत रहेकाछन् । प्रहरीले हत्या काण्डको अनुसन्धान सुरु गरेको जनाएको छ ।