मैत्रीपूर्ण फुटबलको उपाधि स्वतन्त्र भन्सार प्रतिनिधि संगठनले जित्यो

विराटनगर  माघ १० गते । ७१ औ अन्तराष्ट्रिय भन्सार दिवशको अवसर पारेर भएको मैत्रीपूर्ण फुटबल प्रतियोगितामा स्वतन्त्र भन्सार प्रतिनिधि संगठनले उपाधि जितेको छ ।

मंगलबार भएको फाइनल खेलमा स्वतन्त्र भन्सार प्रतिनिधि संगठनले ट्रान्स फ्रेट सर्विसेस प्रालीलाई १–० को गोल अन्तरले पारजित गदै उपाधि जितेको हो । खेलको एक मात्र निर्णायक गोल स्वतन्त्र भन्सार प्रतिनिधि संगठनका आशिष लामाले गरे ।

प्रतीयोगितामा विराटनगरका स्वतन्त्र भन्सार प्रतिनिधि संगठन, ट्रान्स फ्रेट सर्विसेस प्राली, विराटनगर भन्सार कार्यलय र विराटनगर भन्सार एजेन्ट संघ गरि ४ टिम रहेको स्वतन्त्र भन्सार प्रतिनिधि संगठनका सश–सचिव अरविन्द ठाकुरले जानकारी दिए । ठाकुरका अनुसार पुरस्कार तथा ट्रफि २६ तारिको दिन वितरण गरिने छ ।