.gif)
दमक,माघ १० गते | झापाको दमक ४ स्थित अडियामहलमा रहेको विधोदय आधारभूत विधालयले स्वर्णमहोत्सवको तयारी पुरा भएको जनाएको छ ।
विधोदयले आफनो ५० औं वर्षगाँठको अवसरमा मनाउने स्वर्णमहोत्सवको तयारी पुरा भएको जनाएको हो । पत्रकार मञ्च दमकमा विधालयले आज पत्रकार सम्मेलन आयोजनाको आयोजना गरि गरेको माघ १२ गते सरस्वती पुजाकै दिन मनाउने स्वर्णमहोत्सवको विषयमा जानकारी दिएको छ ।
बिधालय ब्यवस्थापन समितिका पूर्व अध्यक्ष तथा स्वर्णमहोत्सव कार्यक्रम संयोजक केन्द्र प्रसाईले विधालयको ५० औ वर्ष गाँठ मनाउन आर्थिक,सञ्चार ,शिलालेख,स्वयसेवक र स्मारिका तयारी समितिले बनाएर काम गरिएको बताउनु भयो । स्वर्णमहोत्सव प्रदेश न. १ का मुख्यमन्त्री हिक्मत कार्कीको प्रमुख आतिथ्यतामा हुने विधालयले जनाएको छ ।
पत्रकारको जिज्ञासामा बिधालयको शैक्षिक सुधार,आर्थिक संकलन ,अक्षयकोष तयार र स्तरउन्नति लगायतका उपलब्धि हासिल गर्न सकिने कार्यक्रम संयोजक प्रसाईले बताउनु भयो । पत्रकार सम्मेलनमा बोल्दै दमक नगर पालिकाको कार्यपालिका सदस्य शारदा भटराईले शिक्षाको बिकास भए मात्र अन्य क्षेत्रको बिकास पुरा हुने हुदा विधोदयको शैक्षिक गुणस्तर बृद्धिमा आफुले पनि पहल कदमी गरी रहेको बताउनु भयो ।
विधालयले स्वर्णमहोत्सवमा जग्गादाता ,भवन निर्माण सहयोग गर्ने दाता भौतिक सामाग्री उपलब्ध गराउने सामाजिक ब्यक्तित्वहरुलाई अभिनन्दन गरिने बिधालय ब्यवस्थापन समिति अध्यक्ष भरत बहादुर खड्काले जानकारी दिनु भयो । बिधालयले कक्षा ८ देखि १० सम्म सञ्चालन लागि योजनाहरु अघि बढाइएको अध्यक्ष खड्काले बताउनु भयो ।
विधोदय विधालय २०२९ सालमा स्थापना भएको हो ।कक्षा १देखि ८ सम्म कक्षा सञ्चालनमा रहेको छ । अहिले २सय ५ जना विधार्थी अध्ययनरक्त रहेको बिधालयको प्रधानध्यापक जयन्ती पौडेलले जानकारी दिनु भयो । विधालयमा प्राय ःधिमाल ,दलित ,चिया मजदुरहरु छोरा छोरीपढने गरेको शिक्षक यमुना पोखरेलले बताउनु भयो ।
Post a Comment