मिलन श्रेष्ठ बने लाटीझोडा साझेदारी वन व्यवस्थापन समूहको अध्यक्ष

शिव भट्टराई, मोरङ | मोरङको सुन्दरहरैंचा वार्ड नं ६ स्थित लाटिझोडा साझेदारी वन व्यवस्थापन समुहको ८ औं वार्षिक साधारण सभा आईतबार सम्पन्न भएको छ। 

आईतबार बुढी गंगा गाउँपालिकाका अध्यक्ष जित नारायण थापा मगरको प्रमुख आतिथ्यतामा र लाटीझोडा साझेदारी वन व्यवस्थापन समूहका अध्यक्ष रुद्र प्रसाद पोख्रेलको अध्यक्ष्यतामा सम्पन्न भएको चुनावी साधारण सभामा अध्यक्षमा यसोन श्रेष्ठ (मिलन) आगामी कार्यकालका लागि अध्यक्ष पदमा निर्वाचित भएका छन् । सो वन व्यवस्थापन समूहको आठौँ वार्षिक साधारण सभाबाट उनी निर्वाचित भएका हुन्। गोला प्रथाबाट उपाध्यक्षमा टुनाकुमारी बिक चयन भएकी छिन्।

नवगठित कार्यसमितिको सदस्यमा सन्तोष नेपाल, लालबहादुर बस्नेत, राजेन्द्र धमला, बिष्णुकुमारी चौधरी, बैजु बिश्वास, रमेशकुमार खनाल, अजयकुमार सरदार थारु, लक्ष्मी भट्टराई मिश्र, सुष्मा चौधरी, नारायणी घिमिरे भण्डारी, अमोदकुमार साह, भूषण राई, मीनादेवी विश्वास र सकुन दियाली निर्वाचित भएका छन् ।

लेखा समितिमा छिबमाया संग्रौला, मनोज दाहाल तथा अम्बिका दाहाल निर्वाचित भएका छन् ।साझेदारी वन व्यवस्थानभित्रका साबिक सुन्दरपुर, दुलारी, डंग्राहा, सिसबनी बडहरा, टंकी सिनुवारी, हात्तीमुडा तथा केराबारी गाविसका वडा नम्बर ६ र ७ तथा याङ्गशिला गाविसको वडा नम्बर ९ सो वन व्यवस्थापन समूहको कार्यक्षेत्रभित्र पर्दछ ।