उदयपुरको त्रियुगा नगरपालिकामा एमालेको बिरासत खोसेर चुनावबाट अधिकार कांग्रेसले लियो

गाईघाट–१६ जेष्ठ । रातो तारा डट कम,उदयपुरको त्रियुगा नगरपालिकामा २५ बर्ष पछि नेकपा (एमाले)को विरासत खोसीएको छ । २०४६ पछिको सबै स्थानिय तहको निर्वाचनमा एमालेले नै जित्दै आएकोमा यस पटक भने नेपाली काग्रेसले मेयर सहित अधिंकाक्ष वडा अध्यक्ष जितेको  छ । २०५४ मा नगरपालिका बनेको २५ बर्ष पछि कांग्रेसले पहिलो पटक नगरप्रमुखमा जित हासील छ । मुख्य निर्वाचन  कार्यालय बाट प्राप्त जनाकारी  अनुसार कागे्रस उम्मेदवार बसन्त बस्नेत एमालेका भागवन राउत लाई २ हजार ८६ मतान्तरले पछि पार्दै मेयरमा निर्वाचित भएकाछन्  । बस्नेतले १३हजार ९ सय५९ मत ल्याउदा राउतले ११ हजार ८ सय ७३ मत ल्याएकाछन् । तेस्रो स्थानमा नेकपा (एकीकृत समाजवादी ) का बलदेव  चौधरी भएकाछन् । निवर्तमान प्रमुख समेत रहेका चौधरीले ९ हजार १ सय ४६ मत ल्याएकाछन् । अघिल्लो निर्वाचनमा चौधरीले ७४ मतले बस्नेत लाई हराएका थिए । उप–मेयरमा नेकपा (एमालेकी ) महेश्वरी राई विजयी भएकीछिन् । कागे्रस उम्मेदवार सरीता राई लाई १ हजार ७सय २२ मतान्तरले पछि पार्दै निर्वाचित भएकी हुन् । राईले १३ हजार ७ सय ३ मत ल्याउदा कागे्रसकी राईले ११ हजार ९ सय ८१ मत ल्याइन् । त्रियुगामा १६ वटा वडा रहेकोमा वडा.न .१० को अध्यक्ष पदमा नेकपा (एमाले ) का किरण पाण्डे र कागे्रस उम्मेदवार प्रकाश खड्का विच बरावरी मत आएकोमा गोला प्रथा बाट पाण्डे अध्यक्षमा चुनीएकाछन् । पाण्डे र खड्काले वराबरी १ हजार ५३ मत ल्याए पछि गोला प्रथा गरीदा निर्वतमान वडा अध्यक्ष खड्का पराजीत हुन पुगे । कागे्रसले वडा न. १ ,३, ४, ५ ,८, ९,११,  १२, र १३ वडा गरी जम्मा ९ वटा वडामा विजयी हासील गर्दा एमालेले वडा.न.२,६, ७ र १० गरी ४ वटा र नेकपा .(माओवादी ) केन्द्रले वडा.न. १४, १५ र १६ वडा गरी ३ वडा मा विजयी हासील गरेको छ ।