RatoTara.com

 

श्याम राई÷उदयपुर गाईघाट, १७ चैत्र। रातो तारा डट कम, उदयपुरकी एक दलित महिलाले विहीबार जिल्ला अस्पतालमा तिम्ल्याह बच्चा जन्माएकी छिन् ।

त्रियुगा नगरपालिका–१ जोगिदहकी २२ बर्षिया संगिता सदाले सामान्य प्रसुती सेवाबाट दुई छोरा र एक छोरी जन्माएको अस्पतालले जनाएको छ ।

अस्पतालमा जन्मिएको तिनै जना शिसुहरुको तौल भने तुलनात्मक रुपले कम रहेको छ । ति बच्चाहरु मध्ये १ जनाको तौल १ किलो ४ सय ग्राम र दई जनाको १ केजी १ सय ग्राम रहेको अस्पतालका मेडिकल सुपरीटेण्डेण्ट मुकेश झाले बताए । आमाको स्वास्थ्य अवस्था भने सामान्य रहेको अस्पतालले जनाएको छ ।

तोकिएको समय भन्दा अगाडी नै शिसुहरुको जन्म भएकोले उनीहरुको स्वास्थ्यमा समस्या आउन सक्ने भन्दै अस्पतालले उनीहरुलाई निगरानीमा राखेको छ । ‘ कुनै पनि बेला स्वास्थ्यमा समस्या आउन सक्छ । त्यसैे सुविधा सम्पन्न अस्पतालमा रेफर गर्ने तयारी गरेका छौ ।’ प्रमुख झाले भने । बच्चाहरुलाई एन आईसियु ( साना बच्चको सघन उपचार कक्ष ) मा राखेर उपचार गर्नु पर्ने अवस्था भएपनि यो सेवा अस्पतालमा नरहेको उनले बताए ।

लामो समयदेखि सुत्केरी व्यथा लागेर घरमै बसिरहेकी संगितालाई विहान प्रसुतीको गृह अस्पताल भर्ना गरिएको थियो । उनको श्रीमान् वैदेशिक रोजगारीको लागि भारत गएकाछन् । गरिब दलित परिवारकी संगिता बच्चहरुको बाहिर लगेर उपचार गर्ने हैसियत नभएकोले परिवारमा चिन्ताले सताएको छ । ‘ विहान बेलुकी खानको लागि समस्या छ । अब बच्चाहरुको कसरी उपचार गर्नु ।’ संगिताका काका ससुरा सत्य नारायण सदाले भने ।