आज ‘क्रिसमस’मनाइँदै

काठमाण्डौ पुस १० गते । रातो तारा डट कम, इसाई धर्माबलम्बीहरूको महान पर्व ‘क्रिसमस’ नेपालमा पनि मनाइदैछ । कोरोना महामारीका कारण यसवर्ष पनि अन्य वर्षहरूको तुलनामा क्रिसमस सामान्य रुपले मनाउन लागिएको हो । प्रभु येशुको जन्मोत्सवको उपलक्ष्यमा इसाईहरूले क्रिसमस मनाउने गर्छन् । ग्रेगोरियन पात्रो अनुसार प्रत्येक वर्षको २५ डिसेम्बरका दिन ख्रिष्टियन धर्मावलम्बीले मनाउने यो चाडमा पछिल्लो समय अन्य धर्मका युवायुवती पनि रमाउने गरेका छन् । आजभन्दा २ हजार २० वर्षअघि इजरायलको वेथलेहममा पिता स्वर्गदूत र माता मरियमको गर्भबाट येशुको जन्म भएको इतिहास छ । येशुको जन्मोत्सवको उपलक्ष्यमा क्रिश्चियन धर्मावलम्बीले प्रभु येशुले सबैमा कल्याण गरून् भन्ने कामनासहित चर्चमा प्रार्थना गरेर यो धर्म मनाउने गरेका छन ।