.gif)
श्याम राई÷उदयपुर गाईघाट, ८ मंसिर। रातो तारा डट कम, सवारी चालक अनुमती पत्र वितरण गर्ने अनुममती पाएपछि यातायात सेवा कार्यालय गाईघाटले पहिलो पटक प्रयोगात्मक परिक्ष लिएको छ ।
प्रदेश नम्बर १ का भौतिक यातायात विकास मंत्री हिमाल कार्कीले बुधबार सिठी फुकेर उद्धघाटन गरेसँगै चालक अनुमती पत्र वितरणको प्रकृया शुरु भएको हो । मंत्री कार्कीले पहिलो प्रयोगात्मक परिक्षा तथा ट्रयल सेन्टरको समेत अनुगमन गरेका थिए । उनले सो अवसरमा सेवाग्राहीलाई छिटो, छरितो रुपमा सेवा उपलब्ध गराउन निर्देशन दिएका थिए । प्रदेशको विकास, निर्माण र जनताको समृद्धिको लागि सरकारले हरहमेसा काम गरिरहेको उल्लेल गर्दै मंत्री खड्काले उदयपुरबाट लाईसेन्स वितरण शुरु हुनुले पनि विकासको गती अघि बढिरहेको छ भन्ने प्रष्ट भएको बताए ।
‘ स्रोत साधनले भ्याए सम्म सरकारले विकासको कामलाई अघि बढाई रहेको छ ।’ उनले बताए । यातायात सेवा कार्यालय उदयपुरले कार्तिक २८ गतेदेखि सवारी अनुमती पत्र जारी प्रकृया शुरु गरेका थियो । प्रयोगात्मक परिक्षा ( ट्रायल ) को पहिलो दिन २५० जना परिक्षार्थीहरु सहभागी रहेको सेवा कार्यालयका कर्मचारी गणेश उप्रेतीले बताए ।
Post a Comment