शिव भट्टराई,मोरङ। रातो तारा डट कम,लायन्स क्लव अफ बाँसबारी सुन्दरहरैंचाले पदस्थापन कार्यक्रम सम्पन्न गरेको छ।क्लवले पदस्थापन कार्यक्रमको अवसरमा सञ्चार क्षेत्रमा पुर्याएको योगदानको कदर गर्दै रातोतारा डटकमका पत्रकार शिव भट्टराई भोजपुरे र मकालु टेलिभिजनका पत्रकार रेवती निरौलालाई सम्मान गरेको हो।
कार्यक्रममा लायन्स ३२५ एवान डिष्ट्रिक गभर्नर लायन रेवतबहादुर कार्की, लायन्स क्लव अफ बाँसबारीका इमिडेट पास्ट प्रेसिडेन्ट तथा जोन चियर पर्सन मनिता दंगाल र वर्ष ०२२/०२३ का प्रेसिडेन्ट प्रकाश सिग्देलले दुवै जनालाई नगद र प्रशंशापत्र सहित सम्मान गरेको छ ।
कार्यक्रममा स्थानीय सावित्रा अधिकारी सिग्देलललाई पनि सम्मान गरिएको छ । सोही कार्यक्रममा लायन्स क्लव अफ बाँसबारीले यसै वर्ष स्थापना गरेका लायन्स क्लवअफ इटहरी बुद्ध, लायन्स क्लव अफ सलकपुर, लायन्स क्लव अफ मोरङ र लियो क्लव अफ बाँसबारीलाई चार्टर सर्टिफिकेट हस्तान्तरण तथा सदस्यहरुलाई पिन प्रदान गरिएको थियो।
नयाँ स्थापित भएका क्लवका सदस्यहरु र लायन्स क्लव अफ बाँसबारीका तीन वटा लायन्स क्लव र एउटा लियो क्लबबाट गरि जम्मा ८६ जनालाई पीन हस्तान्तरण गरि सदस्यता प्रदान गरिएको लायन्स क्लवअफबाँसबारीका सचिव प्रदीप विष्टले जानकारी दिए ।
सुन्दरहरैंचा नगरपालिका प्रमुख शिव प्रसाद ढकालको प्रमुख आतिथ्यमा भएको कार्यक्रममा सुन्दरहरैंचा नगरपालिकाकी उप प्रमुख धनमाया तामाङ, सुन्दरहरैंचा वडा नम्बर ४ का वडाध्यक्ष शैलेन्द्र श्रेष्ठ, लायन्स क्लवका सेकेण्ड भाईस डिष्ट्रिक गर्भनर नरनाथ सापकोटा,लायन लोकेन्द्र ढकाल लगायतको उपस्थिति रहेको थियो।
Post a Comment