चिनियाँ रक्षामन्त्री वेईलेनेपाल भ्रमणमा आज आनुहुदै,

काठमाण्डौ मंसिर १४ गते । रातो तारा डट कम,चिनियाँ राज्य परिषद्का सदस्य तथा रक्षामन्त्री वेइ फेङ आज नेपाल भ्रमणमा आउँदै हुनुहुन्छ । परराष्ट्र मन्त्रालयले हिजो एक विज्ञप्ति जारी गर्दै चिनियाँ रक्षामन्त्री आज एक दिने भ्रमणका लागि काठमाडौं आउन लाग्नु भएको बताएको हो । गत वर्ष असोजमा चिनियाँ राष्ट्रपति सी चिनफिङले नेपाल भ्रमण गरेपछि चिनियाँ उच्च अधिकारीले गर्न लागेको यो पहिलो नेपाल भ्रमण हो । चिनियाँ रक्षामन्त्री वेईलेनेपाल भ्रमणको क्रममा प्रधानमन्त्री केपी शर्मा ओली र राष्ट्रपति विद्यादेवी भण्डारीसँग शिष्टाचार भेट गर्नुहुनेछ । यस्तै उहाँले आजै प्रधानसेनापति पूर्णचन्द्र थापासँग पनि भेट गर्ने कार्यक्रम रहेकोछ । चीन र भारतबीच लद्दाखमा सीमा विवादलाई लिएर तनाव बढिरहेका बेला दुवै देशका उच्चअधिकारीले एकपछि अर्को गर्दै नेपाल भ्रमण गर्नुलाई अर्थपूर्ण रूपमा हेरिएको छ । यसअघि भारतीय विदेश सचिव हर्षवद्र्धन श्रृंगला २ दिने भ्रमणका लागि नेपाल आउनुभएको थियो ।