आयाल निगमले लकडाउनका बेला सिलिण्डर बितरण गर्यो

काठमाण्डौ चैत १८ गते । रातो तारा डट कम,तीन दिनको अवधिमा काठमाडौँ उपत्यकामा मात्र ८७ हजारभन्दा धेरै सिलिण्डर ग्यास वितरण भएको छ । नेपाल आयाल निगमले लकडाउनको पछिल्लो तीन दिनको अवधिमा काठमाडौँ उपत्यकामा मात्र ८७ हजारभन्दा धेरै सिलिण्डर ग्यास वितरण भएको जनाएको हो । निगमले एक विज्ञप्ति जारी गर्दै, चैत १४, १५ र १६ गते गरी तीन दिनमा ८७ हजार ६ सय ३० सिलिण्डर वितरण भएको जनाएको हो । चैत १४ गते ३३ हजार ६ सय ५८, १५ गते १४ हजार १ सय ८ र १६ गते ३९ हजार ८ सय ६४ सिलिण्डर ग्यास वितरण भएको निगमका प्रवक्ता विनितमणि उपाध्यायद्धारा जारी विज्ञप्तिमा भनिएको छ । लकडाउनका बखत व्यवसायीहरूले ग्यास लुकाइ उपभोक्ताहरूलाई नदिएको भन्दै हिजोदेखि आधा सिलिण्डर ग्यास मात्र बिक्री वितरण गर्न ग्यास बिक्रेताहरुलाई सरकारले भनिसकेको छ ।