कोभिड १९ को बारेमा अफवाह फैलाउने ब्यक्तीको खोजी कार्य सुरु

काठमाण्डौ चैत १५ गते । रातो तारा डट कम,कोरोना भाइरसको औषधी घरको मुल ढोकामा खन्दा भेटिने भनेर अफवाह फैलाउने व्यक्तिको प्रहरीले खोजी सुरु गरेको छ । सुदूरपश्चिम प्रदेशमा सबैको घरको मूख्य दैलोको दाँयाँपट्टी कालो कोईला जस्तो बस्तु भेटिने बस्तुलाई तिलकको रुपमा निधारमा लगाएपछि कोरोना भाइरस ठीक हुने भनेर गरिएको हल्ला एकाएक सुदूरपश्चिम प्रदेशभरि फैलिएको थियो । हल्ला पत्याएर अधिकांशले दैलोको दाँयाँपट्टी खनेका थिए । कारोनाको संन्त्रास भएको बेला यस्तो गलत प्रचार गर्ने ब्यक्तीको खोजीकार्य भैरहेको जिल्ला प्रहरी कार्यालय डोटीका प्रहरी उपरिक्षक दिलिपसिं देउवाले बताउनुभयो ।