अर्घाखाचीमा बस दुर्घटना, ७ जनाको मृत्यु

  

काठमाण्डौ मंसिर ११ गते । रातो तारा डट कम,अर्घाखाँचीको सन्धिखर्कबाट बुटवलका लागि छुटेको बस दुर्घटना भएको छ । दुर्घटनामा परी ७ जनाको घटनास्थलमै मृत्यु भएको प्रहरीले जनाएको छ । आज दिउसो लु २ ख २१४८ नम्बरको बस सन्धिखर्कबाट बुटवल तर्फ जाँदै गर्दा सन्धिखर्क नगरपालिका वडा नम्बर ६ नरपानीमा दुर्घटनामा परेको हो । बस सडकबाट करिब तीन सय मिटर तल खसेकोले उद्धार कठिनाइ भइरहको प्रहरीले जनाएको छ । घुम्तीबाट खसेर बस दुर्घटना भएको प्रहरीले जनाएको छ । दुर्घटनाको कारण भने थाहा नभएको प्रहरीले बताएको छ ।