कुमोद अधिकारी विराटनगर-मंसिर २६ गते ।राष्ट्रिय जनतापार्टी अध्यक्ष मण्डलका संयोजक राजेन्द्र महतोले आफनो पार्टि सरकारमा सहभागी हुने कुनै संभावना नरहेको वताउनु भएको छ ।
विराटनगरमा आज संचारकर्मीसग कुरागर्दै उहाले संविधान संशोधन र रेशम चौधरी लगायत मधेश आन्दोलनमा पक्राउ परेका वन्दीहरुको रिहाई नभएसम्म राजपा सरकारमा सहभागी नहुने प्रष्ट पार्नुभयो । उहाले मधेशको मागलाई थाती राखेर सरकारमा जानुको अर्थ नरहेको वताउनुभयो ।
राजपाले गुण र दोषको आधारमा सरकारलाई समर्थन गरेको भन्दै सरकारको राम्रो कामलाई समर्थन गर्नै र नराम्रा कामलाई विरोध गर्ने उहाको भनाई थियो ।
संयोजक महतोले सरकारलाई दिएको सर्मथनको वारेमा अव वस्ने पार्टीको वैठकमा गंभिर छलफल हुने वताउनुभयो ।
उहाले सरकार गठन भएको एक वर्ष पुग्न लाग्दापनि आफुहरुको माग प्रती सरकार गंभिर नभएकाले सरकारलाई दिएको सर्मथन र्फिता लिने वा नलिने विषयमा आगामी वठकले निर्णय गर्ने वताउनुभयो ।
संयोजक महतोले लोकतान्त्रीक मुल्य अनुसार सरकार चल्न नसकेको वताउनुभयो । उहाले मुलुकमा हत्या , हिंसा, वलत्कारका घटना चौतर्फी रुपमा वढदै गएपनि सरकारले त्यसलाई नियन्त्रणगर्न नसकेको आरोप लगाउनुभयो । उहाले दुई तिहाईको वलियो सरकार भएकाले जनताले अनुभुतिगर्ने गरी काम गर्नुपर्ने वताउनुभयो ।
एक प्रश्नमा उहाले संघिय समाजवादी फोरम र राजपा विच एकताको संभावना नरहेको वताउनुभयो । उहाले एकताका लागी निति र नियत ठिक हुनुपर्नेमा जोड दिनुभयो ।
Post a Comment