दुहबीको सहकारीमा आगलागी हुदा १ करोड बढीको क्षति

बिराटनगर असोज १० गते । रातो तारा डट कम,
सुनसरीको दुहवी ५ स्थित श्री जनकल्याण बचत तथा ऋण सहकारी संस्था लि.मा गए राती अचाकन आगलागी हुँदा एक करोड बराबरको क्षति भएकोछ।

मंगलबार राती साढे ११ बजे बिद्युत शर्ट भइ आगलागि भएको हुन सक्ने प्रहरी अनुमान गरेको छ ।

आगलागीका कारण करिब एक करोड बढीको क्षति भएको प्रारम्भिक अनुमान गरिएको संस्थाका अध्यक्ष मिलिराम चौधरीले जानकारी दिए ।

आगलागिबाट संस्थाको कागजपत्र, कम्प्यूटर, फर्निचर लगायत सामानहरु जलेर नष्ट भएको चौधरीले बताए ।

आगलागी नियन्त्रणको लागी बिराटनगरबाट २, इटहरीबाट १ इनरुवाबाट १ र दुहवीबाट १ गरि ५ ओटा दमकलले ४ घण्टापछि आगो नियन्त्रणमा लिएको एक नम्बर प्रदेश प्रहरी कार्यलयले बिराटनगरले  जनाएको छ ।