जेफालेमा साहित्यिक तथा सांस्कृतिक वनभोज

युवराज ठकुरी/सिंहदेवी मोरङ, माघ १७ गते । रातो तारा डट कम,उत्तरी मोरङको केराबारी-२,सिंहदेवी र धनकुटाको चौविसे-८वसन्तटारको सिमानामा रहेको पर्यटकीय स्थान जेफाले भ्यु टावरको आधार शिविरमा सहिद दिवसको अवसर पारेर सामाजिक विकास तथा नागरिक सचेतना केन्द्र
चौविसे गा.पा ,धनकुटाले साहित्यिक तथा सांस्कृतिक वनभोजको भव्यताका साथ सम्पन्न गरेको छ।

 
संस्थाका अध्यक्ष हृदय थेगिमको सभापतित्व र टेकवीर लिम्बूको संचालनमा भएको कार्यक्रममा प्रमुख अतिथि चौविसे गा.पा.इलाका प्रशासन अधिकृत बिदुर गौतम ,अतिथिहरु नासु अर्जुनप्रसाद आचार्य ,विरेन्द्र तामाङ ,युवराज ,साहित्यकार राज माङ्लाक,केजी सुब्बा,युवराज ठकुरी "अज्ञानी"राजेश लिम्बू,कविन्द्र तुम्बापो,भक्तमान तुम्वापो लगायत १००जनाको सहभागिता रहेको थियो।
 
कार्यक्रममा लिम्बू जातिको धाननाच भीम खजुम,धर्मध्वज लिम्बू टङ्क लिम्बू ,पुर्णमाया लिम्बू,मनमाया लिम्बू ,गीता लिम्बू लगायतले प्रस्तुत गर्नुका साथै स्थानीय मगर जातिको हुर्‍रा नाचले पनि मनोरञ्जन दिलाएको संस्थाका अध्यक्ष हृदय थेगिमले बताए।

साहित्य तर्फ बिरेन्द्र तामाङ ,युवराज ठकुरी अज्ञानी,कविन्द्र तुम्बापो,राजेश लिम्बू,हृदय थेगिम लगायतले आआफ्ना रचना वाचन गरेर चिसो मौसम तताएका थिए।