RatoTara.com

विराटनगर, साउन २४ गते । मोरङ, सुनसरी र झापाबाट लागू औषध सहित १० जना पक्राउ परेका छन् ।

साउन २३ गते जिल्ला सुनसरी, बराहक्षेत्र नगरपालिका(१, गुप्तबराहस्थित इलाका प्रहरी कार्यालय महेन्द्रनगरबाट खटिएको प्रहरी टोलीले बराहक्षेत्रबाट चतरातर्फ आउँदै गरेको प्र।१-०२-००२ च ४८५१ नम्बरको कार र को ११ प ५६०१ नम्बरको मोटरसाइकललाई चेकजाँच गर्दा उक्त कारभित्र २२ वटा प्लाष्टिकका पोकामा लुकाई राखेको ४१८ किलो गाँजा फेला पारी कार चालक जिल्ला सुनसरी, धरान उपमहानगरपालिका(१३ का ३४ वर्षीय थमन राई, सोही कारमा सवार जिल्ला ओखलढुङ्गा, मानेभञ्ज्याङ गाउँपालिका-५ का २२ वर्षीया जिवनी राई, मोटरसाइकल चालक जिल्ला मोरङ, कटहरी गाउँपालिका(३ का २६ वर्षीय अमर कामत र मोटरसाइकलमा पछाडि सवार सोही स्थानका ३८ वर्षीय शंकर चौधरीलाई पक्राउ गरिएको छ भने जिल्ला सुनसरी, धरान उपमहानगरपालिका(११ स्थित रिटिङ टोलमा अस्थायी प्रहरी चौकी रेल्वेबाट खटिएको प्रहरी टोलीले धरान-११ का ३२ वर्षीय उमेश कार्की, ३३ वर्षीय रुद्र मगर र धरान(१६ का २४ वर्षीया स्वास्तिका गुरुङलाई ९३० मिलिग्राम ब्राउन सुगरसहित पक्राउ गरिएको छ ।

त्यसैगरी, जिल्ला मोरङ, विराटनगर महानगरपालिका-१५, मण्ठा पोखरीस्थितमा इलाका प्रहरी कार्यालय रानी र लागू औषध नियन्त्रण ब्युरो, विराटनगरबाट खटिएको प्रहरी टोलीले विराटनगर महानगरपालिका(१५ का ३१ वर्षीय मोहमद हुसेनलाई १०० ग्राम ६०० मिलिग्राम ब्राउन सुगर पक्राउ गरिएको छ ।

त्यसैगरी, जिल्ला झापा, मेचीनगर नगरपालिका(८, सरस्वती टोलस्थितमा इलाका प्रहरी कार्यालय काँकरभिट्टा र लागू औषध नियन्त्रण ब्युरो, काँकरभिट्टाबाट खटिएको प्रहरी टोलीले ईटाभट्टाबाट धुलाबारीतर्फ जाँदै गरेको प्र।१-०१-००२ ह ३५६९ नम्बरको सिटी सफारीलाई चेकजाँच गर्ने क्रममा चालक जिल्ला मोरङ, पथरी शनिश्चरे नगरपालिका(५ का २५ वर्षीय गणेश चौधरी र जिल्ला झापा, मेचीनगर नगरपालिका(११, धुलाबारीका २३ वर्षीय सोमनाथ राजवंशीलाई ५३ ग्राम ४४० मिलिग्राम ब्राउन सुगरसहित पक्राउ गरिएको छ ।

पक्राउ परेका सबैको सम्बन्धित प्रहरी कार्यालयबाट अनुसन्धान भइरहेको छ ।

 

काठमाडौँ साउन २४ गते । कप्तानगञ्ज घटनाबाट प्रभावित परिवारलाई विश्व हिन्दू परिषद् नेपालले राहत तथा आर्थिक सहयोग उपलब्ध गराएको छ। घटनामा ज्यान गुमाएका तथा घाइते भएका सनातनी परिवारप्रति ऐक्यबद्धता जनाउँदै परिषद्ले मानवीय सहयोगलाई निरन्तरता दिएको जनाएको छ।

घटनामा ज्यान गुमाएका ओम प्रकाश मेहता र जय प्रकाश मेहताका परिवारलाई परिषद्ले आज जनही रु। एक लाखका दरले राहत रकम हस्तान्तरण गरेको हो। राहत रकम हस्तान्तरणसँगै परिषद्का तर्फबाट दुवै परिवारलाई समवेदना पत्रसमेत प्रदान गरिएको थियो।

मृतकप्रति सम्मान व्यक्त गर्न परिषद्का प्रतिनिधिहरूले दुवै वीरको चितामा पुष्पगुच्छा अर्पण गरी श्रद्धाञ्जलीसमेत व्यक्त गरेका थिए। शोकसन्तप्त परिवारलाई भेटेर परिषद्का प्रतिनिधिहरूले दुःखको यस घडीमा परिवारसँग आफूहरू रहेको सन्देश दिएका थिए।

यसअघि घटनामा घाइते भई अस्पतालमा उपचाररत दुई जनालाई जनही रु। ११ हजारका दरले आर्थिक सहयोग उपलब्ध गराइएको थियो। उपचाररत घाइतेको स्वास्थ्य अवस्था तथा उपचारमा सहयोग पुर्‍याउने उद्देश्यले उक्त रकम हस्तान्तरण गरिएको परिषद्ले जनाएको छ।

घाइतेलाई सहयोग रकम हस्तान्तरण गर्दै विश्व हिन्दू परिषद् नेपालका राष्ट्रिय संगठन सचिव प्रह्लाद रेग्मीले घटनाबाट प्रभावित परिवारप्रति सहानुभूति व्यक्त गर्नुभयो। उहाँले पीडित परिवारले भोगिरहेको दुःख र कठिन परिस्थितिमा परिषद् उनीहरूको साथमा रहेको बताउँदै आवश्यक सहयोग र सहकार्यका लागि परिषद् प्रतिबद्ध रहेको उल्लेख गर्नुभयो।

परिषद्का अनुसार कप्तानगञ्ज घटनाबाट प्रभावित परिवारलाई सहयोग गर्ने उद्देश्यले मृत्यु भएका प्रत्येक व्यक्तिका परिवारलाई रु। एक लाख तथा घाइते प्रत्येक परिवारलाई रु। ११ हजारका दरले आर्थिक सहयोग गर्ने निर्णय गरिएको थियो। सोही निर्णयअनुसार मृतक परिवारलाई राहत रकम र घाइतेलाई आर्थिक सहयोग उपलब्ध गराइएको हो।

मृतक परिवारलाई राहत रकम हस्तान्तरण गर्ने कार्यक्रममा विश्व हिन्दू परिषद् नेपालका राष्ट्रिय अध्यक्ष पुरुषोत्तम भण्डारीको समेत उपस्थिति रहेको थियो। कार्यक्रममा परिषद्का पदाधिकारी तथा कार्यकर्ताले पीडित परिवारसँग भेट गरी घटनाप्रति दुःख व्यक्त गर्दै दिवंगतप्रति श्रद्धाञ्जली अर्पण गरेका थिए।

परिषद्ले राहत रकम हस्तान्तरणलाई आर्थिक सहयोगमा मात्र सीमित नराखी पीडित परिवारप्रतिको सामाजिक तथा मानवीय उत्तरदायित्वका रूपमा लिएको जनाएको छ। दुःख र संकटको अवस्थामा पीडित परिवारलाई आवश्यक सहयोग, सहकार्य तथा सेवाका गतिविधिलाई निरन्तरता दिने परिषद्को भनाइ छ।

विश्व हिन्दू परिषद् नेपालले पीडित परिवारलाई आवश्यकताअनुसार सहयोग तथा समन्वयका कार्य अघि बढाउने जनाएको छ। परिषद्ले सामाजिक तथा मानवीय सेवाका माध्यमबाट संकटमा परेका परिवारलाई साथ दिने आफ्नो प्रतिबद्धता दोहोर्‍याएको छ।

विश्व हिन्दू परिषद् नेपालले ‘सेवा, संस्कार र समाजको हित’लाई आफ्नो कार्यको आधारका रूपमा अघि बढाउँदै आएको जनाएको छ।

बिराटनगर २०८३ श्रावण २२ गते शुक्रबार,। नेपाल राष्ट्र बैंकद्वारा विराटनगरमा आयोजित अन्तरक्रिया कार्यक्रममा गभर्नर प्रा. डा. विश्वनाथ पौडेल समक्ष मोरङ उद्योग व्यापार संघका अध्यक्ष अनुपम राठीले उद्योग–व्यवसाय क्षेत्रको संरक्षण एवं पुनरुत्थानार्थ संघको सुझाव पत्र पेश गर्नु भएको छ ।

 कार्यक्रममा अध्यक्ष राठीले आर्थिक वर्ष २०८३÷०८४ को मौद्रिक नीतिले समेटेको लचिलो मौद्रिक कार्यदिशा तथा निजी क्षेत्रमैत्री सुविधाहरुको स्वागत गर्नु भई ती व्यवस्थाहरु तत्कालै कार्यान्वयनमा ल्याउन जोड दिनु भएको थियो । साथै, सरकारको ७.५ प्रतिशतको आर्थिक वृद्धिदरको लक्ष्य हासिल गर्न तथा आन्तरिक उत्पादन र लगानीको वातावरण श्रृजना गर्न अध्यक्ष राठीले उद्योगी–व्यवसायीहरुको हकमा संघको तर्फबाट विभिन्न सुझावहरु प्रस्तुत गर्नु भएको थियो ।

 गर्भनर समक्ष अध्यक्ष राठीले चालू पूँजी कर्जा सम्बन्धी कडा प्रावधानहरुलाई व्यावहारिक र लचिलो बनाउनु पर्ने, उद्योगको नगद प्रवाह र प्रकृतिका आधारमा कुल कारोबारको ६० प्रतिशतसम्म चालू पूँजी कर्जा सहजै पाउने व्यवस्था गरिनु पर्ने, साना तथा मझौला उद्योग÷व्यवसायका लागि स्प्रेड दर न्यून गरिनु पर्ने, निर्यातमुखी उद्योगहरुलाई सहुलियतपूर्ण डलर सटहीदर सहित सस्तो ब्याजदरको कर्जा सुविधा उपलब्ध गराइनु पर्ने लगायतका सुझावहरु पेश गर्नु भएको थियो ।

 साथै, अध्यक्ष राठीले विद्यमान शिथिल आर्थिक अवस्थामा उद्योग–व्यवसाय क्षेत्रको संरक्षणार्थ मन्दीबाट प्रभावित उद्योग÷व्यवसायलाई विना कुनै हर्जाना÷जरिवाना कम्तीमा १ वर्षका लागि कर्जा पुनर्संरचना तथा पुनरतालिकीकरणको सुविधा दिन, रियल स्टेट क्षेत्रको कर्जा सीमा, जोखिम भार र धितो मूल्यांकनमा पुनरावलोकन गर्न तथा उद्योग÷व्यवसायको ऋण प्रोभिजनिङ गर्दा बूक लसको सट्टा ‘क्यास लस’लाई मान्यता दिन आग्रह गर्नु भएको थियो ।

 त्यसैगरी, सरकारको पुँजीगत खर्च वृद्धि गर्न राष्ट्र बैंकले वित्तीय सहजीकरण गरिदिनु पर्ने, सार्वजनिक विदाका दिनहरुमा व्यावसायिक कारोबारहरु प्रभावित हुन नदिन बैंकहरुमा पनि वार्षिक १३ दिन मात्र विदा दिइनु पर्ने, ‘असारे विकास’ तथा विद्यमान आर्थिक मसान्तका वित्तीय चापहरु अन्त्य गर्न वैशाख देखि चैत्रको अवधिलाई आर्थिक वर्ष कायम गर्नु पर्ने आदि सुझावहरु अध्यक्ष राठीले दिनु भएको थियो ।

 सो क्रममा अध्यक्ष राठी सहित संघका वरिष्ठ उपाध्यक्ष अनिल कुमार साहले राष्ट्र बैंकले नीतिगत सुधारका कार्यहरु द्रुत रुपमा कार्यान्वयनमा ल्याउनु पर्ने धारणा राख्दै संघको तर्फबाट तयार पारिएको सुझाव पत्र गर्भनर पौडेललाई हस्तान्तरण गर्नु भएको थियो ।