RatoTara.com

इन्स्योर परियोजनाले प्राविधिक सहयोगमा सञ्चालित कार्यक्रममा कक्षा ९ र १० का विद्यार्थीलाई उद्योग, प्रविधि, सीप, रोजगारी तथा उद्यमशीलतासँग प्रत्यक्ष रूपमा जोड्ने उद्देश्यले विभिन्न गतिविधि सञ्चालन गरिएको उद्योग संगठन मोरङले जनाएको छ ।

कार्यक्रम अन्तर्गत मनमोहन पोलिटेक्निकले ‘इन्टरनेट अफ थिङ्स, ज्ञान अटोमेशनले ‘इन्डस्ट्रियल अटोमेशन’ तथा शीर्षक इन्टरप्राइजेजले ‘सिसिटिभि क्यामेरा सेटअप’ सम्बन्धी विषयमा ‘टेस्ट द ट्रेनिङ’ कार्यक्रम सञ्चालन गरेका थिए । यसका साथै विद्यार्थीका लागि करियर काउन्सेलिङ, सीप तथा उत्पादन प्रदर्शनी, लाइभ तालिम, सफल व्यक्तित्वहरूसँग अनुभव आदान प्रदान लगायतका कार्यक्रम सञ्चालन गरिएको थियो ।

यसपटक कार्यक्रमलाई थप प्रविधिमैत्री बनाउँदै विद्यार्थीका लागि भर्चुअल रियालिटी प्रविधि मार्फत भर्चुअल उद्योग भ्रमणको व्यवस्था समेत गरिएको थियो । विद्यार्थीले उद्योग तथा कार्यस्थलको वास्तविक वातावरण बारे प्रविधिको माध्यमबाट अनुभव गर्ने अवसर पाएका थिए । साथै, करियर काउन्सेलिङ पछि विद्यार्थीले आफ्नो नतिजा अनलाइन माध्यमबाट हेर्न सक्ने व्यवस्था समेत गरिएको संगठनले जनाएको छ ।

कार्यक्रममा गोग्राहा माध्यमिक विद्यालयका प्रधानाध्यापक वेदु खतिवडाले विद्यार्थीलाई आफ्नो रुचि, क्षमता र भविष्यको करियरबारे बुझ्ने तथा सिक्ने महत्वपूर्ण अवसर कार्यक्रमले प्रदान गरेको बताउनु    भयो ।

उद्योग संगठन मोरङले विद्यार्थीलाई केवल सैद्धान्तिक शिक्षामा सीमित नराखी उद्योगको वास्तविक कार्य वातावरण, प्रविधि, सीप, रोजगारी र उद्यमशीलतासँग जोड्दै भविष्यको करियर छनोटमा सहयोग पु¥याउन बिजनेस एट स्कुल कार्यक्रमलाई निरन्तरता दिने जनाएको छ ।

महानगरपालिकाले आफ्ना जनप्रतिनिधि, कर्मचारी तथा सामुदायिक विद्यालयका शिक्षक–कर्मचारीको पारिश्रमिकबाट रकम कटौतीसँगै विपद् व्यवस्थापन कोषबाट रकम व्यवस्थापन गरी बाढीपीडितका लागि उक्त सहयोग जुटाएको हो ।

महानगरका मेयर नागेश कोइरालाले प्रमुख प्रशासकीय अधिकृत विजयकुमार शर्मालाई काठमाडौं पठाएर सोमबार अर्थ मन्त्रालयमा अर्थमन्त्री डा. स्वर्णिम वाग्लेलाई एक करोड एक हजार रुपैयाँको चेक हस्तान्तरण गरिएको हो ।

महानगरपालिकाका अनुसार विपद् व्यवस्थापन कोषबाट ११ लाख रुपैयाँ उपलब्ध गराइएको छ । बाँकी रकम जनप्रतिनिधि, कर्मचारी तथा सामुदायिक विद्यालयका शिक्षक–कर्मचारीको सेवा–सुविधा तथा पारिश्रमिकबाट कटौती गरी संकलन गरिएको हो ।

राहत रकम जुटाउन मेयरले दुई महिनाको सेवा–सुविधा र उपमेयरले एक महिनाको सेवा–सुविधा दिएका छन् । त्यस्तै वडाध्यक्षको सात दिनको सेवासुविधारकम राहत कोषमा जम्मा गरिएको महानगरले जनाएको छ ।

कर्मचारीतर्फ सहसचिव र उपसचिव तहका कर्मचारीको १० दिन, अधिकृत तहका कर्मचारीको सात दिन तथा सहायक तहका कर्मचारीको तीन दिनको पारिश्रमिक कटौती गरिएको छ ।

सामुदायिक विद्यालयका शिक्षक–कर्मचारीबाट पनि तह र श्रेणीअनुसार पारिश्रमिक कटौती गरिएको छ । माध्यमिक तह प्रथम श्रेणीका शिक्षकको १० दिन, माध्यमिक द्वितीय र तृतीय, निम्न माध्यमिक प्रथम तथा प्राथमिक प्रथम श्रेणीका शिक्षकको सात दिन तथा निम्न माध्यमिक द्वितीय र तृतीय तथा प्राथमिक द्वितीय र तृतीय श्रेणीका शिक्षकको पाँच दिनको पारिश्रमिक राहतका लागि छुट्याइएको छ ।

विद्यालयका कर्मचारी तथा बालविकास सहजकर्ताको दुई दिनको पारिश्रमिकसमेत राहत कोषमा जम्मा गरिएको महानगरपालिकाले जनाएको छ ।

 महानगरले भोटेकोशी बाढीबाट ठूलो जनधनको क्षति भएको भन्दै प्रभावित परिवारको तत्काल उद्धार, राहत, उपचार र पुनःस्थापनाका लागि स्थानीय तहको तर्फबाट सहयोग गरेको जनाएको छ ।

मेयर कोइरालाले प्राकृतिक विपद्का कारण घर, सम्पत्ति र जीवनयापनको आधार गुमाएका नागरिकको पीडा साझा राष्ट्रिय पीडा भएको बताए ।

‘विपद्को पीडा कुनै भूगोल वा समुदायमा सीमित हुँदैन । यस्तो अवस्थामा राज्यदेखि स्थानीय तह, निजी क्षेत्र, संघसंस्था र आम नागरिकसम्म सबैले आफ्नो स्थानबाट सहयोग गर्नुपर्छ,’ उनले भने ।

महानगरले विपद्का बेला सहानुभूति व्यक्त गर्नु मात्रै पर्याप्त नहुने निष्कर्षसहित प्रभावित नागरिकलाई प्रत्यक्ष राहत पुग्ने गरी आर्थिक तथा मानवीय सहयोग गर्ने निर्णय गरेको जनाएको छ ।

महानगरपालिकाका अनुसार उपलब्ध रकम बाढी प्रभावित परिवारको तत्कालीन आवश्यकता पूरा गर्न तथा उनीहरूलाई सामान्य जीवनमा फर्काउन सहयोगी हुनेछ ।

भोटेकोशी बाढीपीडितको सहयोगका लागि महानगरले देश तथा विदेशमा रहेका नेपाली, उद्योगी–व्यवसायी, संघसंस्था, सामाजिक अभियन्ता, नागरिक समाज तथा आम नागरिकलाई समेत सहयोगमा जुट्न आह्वान गरेको छ ।

विपद् कहिले र कहाँ आउँछ भन्ने निश्चित नहुने भएकाले त्यसको सामना सामूहिक प्रयासबाट मात्रै सम्भव हुने महानगरको भनाइ छ । संकटमा परेका नागरिकलाई तत्काल राहत उपलब्ध गराउँदै पुनःस्थापनाको आधार तयार गर्न सबै पक्ष एकजुट हुनुपर्ने मेयर कोइरालाले बताए ।