म कोरामा भए पनि मतदाताका बिचैमाछु - बिनोद ढकाल

 विराटनगर, ३ फाल्गुन । नेकपा ९एमाले० का नेता एवम् मोरङ क्षेत्र नं। ६ का प्रतिनिधिसभा सदस्य उमेद्वार विनोद ढकालले कोराबाटै आफु मतदातासँगै रहेको बताउनुभएको छ ।

निर्वाचनको प्रचारप्रसारकै क्रममा ढकालका बुवाको निधन भएपछि ढकालले एक भिडियो सन्देश जारी गर्दै आफु मतदाताकै बीचमा रहेको र मतदातासँग आउन नपाए पनि एमालेका कार्यकर्ताहरु घरदैलोमा आइपुग्ने बताउनुभएको हो ।

म मतदाता बीचमै छु, र मन मतदातासँगै छ,’ उहाँले भन्नुभयो, ‘अहिलेको परिस्थितिपछि म तपाईंहरू बीचमा आएर सुझावहरु लिने छु ।’ नेता ढकालले आफुले ६ नम्बर क्षेत्रका समस्याहरू बुझेको र ती सबै समस्यालाई समाधान गर्ने तर्फ क्रियाशील रहने बताउनुभयो ।

मोरङ क्षेत्र नम्बर ६ मा एमालेबाट ढकालसँगै नेपाली कांग्रेसबाट नेता शेखर कोईराला, राष्ट्रिय स्वतन्त्र पार्टीबाट रुबिना आचार्य, नेपाली कम्युनिष्ट पार्टीबाट ओपेन्द्र राय र राष्ट्रिय प्रजातन्त्र पार्टीबाट सविन निरौलालगायत उमेद्वार छन् । उनीहरु सबैलाई पराजित गर्ने गरी आफु मैदानमा उत्रिएको ढकालको दाबी छ ।

नेकपा एमालेभित्र आफ्ना आवाजहरुलाई बुलन्द पार्ने नेताको रुपमा चिनिनुभएका ढकाल स्थानीय कार्यकर्ता र जनताबीच लोकप्रीय नेताका रुपमा परिचित हुनुहुन्छ । हाम्रो पेजबाट