युवा उद्यमी सम्मेलन आयोजना हुने

 बिराटनगर जेठ  १४ गते |  नेपाली युवा उद्यमी मञ्च, विराटनगर च्याप्टरको आयोजनामा आगामी जेठ २५ गते आयोजित नेपाल(भारत युवा उद्यमी सम्मेलन आयोजना हुने भइसकेको छ। सम्मेलन प्यास होटल भित्र बिहान ११ बजे हुने छ।

उक्त सम्मेलनमा नेपाल र भारतका युवा उद्यमीहरूको संयुक्त सहकार्य रहनेछ। कार्यक्रमको मुख्य उद्देश्य दुई देशका युवा उद्यमशीलताबीच अनुभव र सीप आदानप्रदान, व्यावसायिक नेटवर्किङ, र दीर्घकालीन सहकार्यका सम्भावनालाई मूर्त रूप दिनु हो।

सम्मेलनमा नेटवर्किङ कार्यक्रम, विभिन्न कार्यशाला ९वर्कशप० तथा सीमापार उद्यमशीलता, नीति निर्माणमा युवाको आवाज, स्टार्टअप र नवप्रवर्तन विषयमा गहन छलफल हुनेछ।

नेपाली युवा उद्यमी मञ्च, विराटनगर च्याप्टर अध्यक्ष शुभम भट्टराई अनुसार, “यो सम्मेलनले सीमा क्षेत्रमा रहेका साझा क्षेत्रजस्तै कृषि, पर्यटन, सूचना प्रविधि, शिक्षा तथा सेवा क्षेत्रमा आधारित स्टार्टअप प्रवर्द्धन गर्न तथा प्रदेशस्तरीय आर्थिक विकासमा महत्वपूर्ण योगदान पुर्‍याउने विश्वास गरिएको छ।”

उक्त कार्यक्रममा नेपाल र भारतका युवा उद्यमी, लगानीकर्ता, नीति निर्माता, सरकारी तथा गैरसरकारी क्षेत्रका प्रतिनिधिहरूको उल्लेखनीय सहभागिता रहने र भविष्यका लागि सहकार्यको ढोका खोल्ने सेतुको भूमिका खेल्ने अपेक्षा गरिएको छ।

अन्ततः, यो सम्मेलनले नेपाल(भारतबीचको युवा उद्यमशीलता सम्बन्धलाई अझ सशक्त बनाउँदै, दिगो विकासका दिशामा एक नयाँ कदम अगाडि बढाउने विश्वास गरिएको छ।