.gif)
बिराटनगर बैशाख ३० गते । जेष्ठ सदस्य भक्त बहादुर भन्डारीको अध्यक्षता केन्द्रिय उपाध्यक्ष एवं बाग्मती र मधेश प्रदेश इन्चार्ज र सङ्गठन बिभाग प्रमुखको प्रमुख आतिथ्यतामा रघुवंशी कौशिक गोत्रीय भण्डारीहरूको भेला गोठको धुप मोरङको होक्लाबारीमा बैशाख २९ गते सम्पन्न भएको छ |
कार्यक्रममा अतिथिहरु केन्द्रिय सदस्य देवी बहादुर भण्डारी र भक्तपुर जिल्ला अध्यक्ष परीन्द्र भण्डारी र समाजका बुद्धिजीवी सुर्य बहादुर भण्डारी समेतको उपस्थिति रहेको थियो। कार्यक्रमको सन्चालन रबिन भण्डारीले गर्नु भएको थियो |
सो भेलाले देबेन्द्र भण्डारीको अध्यक्षतामा१३ सदस्यीय कार्यसमिती समेत चयन गरेको छ र टेक बहादुर भण्डारीको संयोजकत्वमा ९ सदस्यीय सल्लाहकार समिती समेत गठन भएको छ।
कार्यक्रमलाई सम्बोधन गर्दै प्रमुख अतिथी एवं सङ्गठन बिभाग प्रमुख केन्द्रिय उपाध्यक्ष कुमार भण्डारीले यो सबै स्वदेश तथा बिदेशमा रहनु भएका सबै रघुवंशी कौशिक गोत्रीय दाजुभाइहरुको साझा सस्था हो।यस्को स्थापना २०६५ असोज ३ गते भएको समेत जानकारी दिदै २०६५ साल देखि अहिले सम्म यो भण्डारी सेवा समाज नेपाल (रघुवंशी कौशिक गोत्रीय ) ले देसको ५६ जिल्लाका दाजुभाइहरुलाइ समेटिसकेको जानकारी दिनु भयो |
पहिलो बङ्शावली समेत निकालि सकिएको र अब सबै छुटेका दाजुभाइ रघुवंशी कौशिक गोत्रीय,हरुलाइ समेटेर दोश्रो बङ्शावली समेत निकाल्न लागेको हुदा देशैभरी सङ्गठन मार्फत जोडेर एक घर एक जना पनि नछुटने गरि बङ्शावली समेत निकाल्ने अभियानमा लागेको समेत जानकारी दिनु भयो।
यो सस्थाले दाजुभाइको स्वास्थ्य शिक्षाको क्षेत्रलाइ पहिलो प्राथमिकता दिएर काम गरिरहेको,हालसम्म ५ वटा अस्पतालमा सम्झौता गरिसकेको र विभिन्न शिर्षकमा ५०% देखि१५% सम्म उपचारमा छुटको समेत ब्यबस्था गरेको जानकारी दिनु भयो।
हामिले हाम्रो धर्म, सस्कृती , परम्परालाइ कायम राख्दै दाजुभाइ बिच भाइचारा सम्बन्ध स्थापना गर्दै अगाडी बढन समेत आग्रह गर्नु भयो ।यसैगरी सो कार्यक्रमलाई सम्बोधन गर्दै केन्द्रिय सदस्य देवी बहादुर भण्डारीले हामी सबै दाजुभाइ एक भएर अगाडी बढनका लागि आवाहन समेत गर्नु भएको थियो।
अन्त्यमा मोरङ्ग जिल्लाबाट नव निर्वाचित सबै दाजुभाइलाइ प्रमुख अतिथी केन्द्रिय उपाध्यक्ष एवं सङ्गठन बिभाग प्रमुख कुमार भण्डारीले सफल कार्यकालको हार्दिक शुभकामना दिदै कार्यक्रम समापन गरिएको थियो।
Post a Comment