विराट गोल्ड कप फुटवल प्रतियोगिता २०८१ को तयारी पुरा-भोली देखि खेल सुरू हुने |

बिराटनगर फागुन १८  गते | पत्रकार सम्मेलन - “विराटनगरको साथ फुटवलको विकास” भन्ने मूल नाराका साथ यही २०८१ फाल्गुण १९ गतेदेखि २८ गतेसम्म विराटनगरमा आयोजना गरिने “रमपम विराट गोल्डकप फुटबल प्रतियोगिता २०८१” को नवौं संस्करणकोे संघारमा पत्रकार सम्मेलनका लागि यहाँहरू सबैलाई हार्दिक स्वागत गर्दछौं ।

यस वर्ष हुन गई रहेको “रमपम विराट गोल्डकप फुटबल प्रतियोगिता २०८१” आयोजना संचालन गर्नका लागि सम्पूर्ण विराटनगर बासी फुटवल प्रेमीहरु, सरकारी निकायहरु, स्थानीय निकायहरु, सुरक्षा निकायहरु, राजनिती दलहरु, उद्योगीहरु, व्यापारीहरु, पत्रकारहरु र संघसंस्थाहरुको सहयोग, सल्लाह सुझावलाई आत्मसाथ गर्दै पूर्व तयारी भईसकेकोे जानकरी गराउँदछौं ।

प्रतियोगिता संचालनका लागि गरिएका अन्तिम तयारी कार्य प्रगती छोटकरीमा प्रस्तुत गर्न चाहान्छु ।

शहिद रंगशालाको मैदान मर्मत र सरसफाइ भई सकेकोे छ ।

प्रतियोगितामा भाग लिने १० वटा फुटवल टिम छनौट भइसकेको छ । जस्मा भारतवाट २ वटा टिम र नेपालवाट विभागिय टिमहरु सहित ८ टिमहरु निम्नअनुसार रहेको जानकरी गराउदछौं । खेल तालिका समेत प्रकाशित भई सकेको छ  । यस प्रतियोगिताको संरक्षक र प्राविधिक सहयोगमा कोशी प्रदेश सरकार, प्रदेश खेलकुद विकाश वोर्ड, विराटनगर महानगरपालिका, राष्ट्रिय खेलकुद परिषद र अखिल नेपाल फुटवल संघ, मोरङ उद्योग व्यापार संघ रहेका छन् ।

विराटनगर आसपासका क्षेत्रहरुमा सिटी रिक्साको माध्यमवाट प्रचार प्रसार तिव्र गतिमा भई रहेकोछ भने १८ स्थानमा एल गेट, ६ वटा होडिङ वोर्ड लगाउने कार्य सम्पन्न भईसकेको छ ।

डिजिटल माध्यमवाट गोल्डकपको पेज वनाई (फेस बुक, टिकटक, यूटुव) प्रचार प्रसारमा गरि रहेकोछ । गोल्डकपको प्रचार प्रसार र प्रवर्धन गर्न विराटनगरका १० वटा स्कुल कलेजहरुमा कार्यक्रमहरु गरिएको छ । रंगशाला बाहिर भित्र व्यानर तथा होडिङ बोर्ड निर्माण र जडान कार्य भई रहेको छ । शान्ती सुरक्षाका लागि सुरक्षा निकायहरुसंग छलफल गरिएको छ ।

 रहेकोछ ।

प्रायोजकहरुको टुंगो लागि सकेको छ । मेन स्पोन्सरमा रमपम रहेको छ भने गोल्ड स्पोन्सरमा ६ वटा, सिल्भर स्पोन्सरमा ११ वटा, पावर वाइ NCELL, बैकिङ पार्टनरमा ३ वटा, इन्स्योरेन्स पार्टनरमा १ वटा, पार्टनर्समा ६ र मेडिकल पार्टनर न्यूरो हस्पिटल रहेका छन् ।

 फ्रल्ड लाईटको चेक जाचँ गर्ने कार्य भई सकेकोे छ ।

प्रतियोगिता आयोजनाका लागि विभिन्न उप समिति गठन भई कार्य विभाजन अनुसार कार्य भईरहेको छ ।

 शहिद रंगशालाको मैदान वनाउने कार्यलाई निरन्तरता दिई रहेकोछ । 

“रमपम विराट गोल्डकप फुटबल प्रतियोगिता २०८१” संचालनका लागि कूल अनुमानित खर्च रु.१ करोड ३५ लाख रहेको जानकारी गराउन चाहान्छौं ।

यस प्रतियोगिताको विजेतालाई नगद रु. ११ लाख, उपविजेतालाई नगद रु. ५ लाख, उत्कृष्ट प्रशिक्षकलाई नगद रु.१५ हजार, उत्कृष्ट गोलरक्षकलाई नगद रु.१५ हजार, सर्वाधिक गोलकर्तालाई नगद रु. १५ हजार, दैनिक हुने खेलको उत्कृष्ट खेलाडीलाई नगद रु. ११ हजार र सर्वोकृष्ट खेलाडीलाई नगद रु.५१ हजार पुरस्कार दिने निर्णय भएको जानकरी गराउन चाहान्छौं ।

 

सबैं क्षेत्रमा आर्थिक मन्दीका कारण सहयोग जुटाउन कठिनाई भई रहेको हामी सबैमा सर्वविधितै छ । हामीले विराट गोल्डकपको पहिचानलाई जोगाई राख्न प्रतियोगिता संचालन गर्नै पर्ने अवस्थामा विभिन्न चुनौतीहरुलाई सामना गर्दै अगाडी वढ्ने कार्य जारी रहेकोछ ।

यस प्रतियोगितालाई सभ्य र भव्य बनाउदै दर्शकहरुको आकर्षण बढाउन थप कार्यक्रमहरु निम्न अनुसार रहेका छन् ।

 दैनिक प्रतियोगिता हुनु भन्दा अगाडीदेखि राष्ट्रिय स्तरका कलाकारवाट सास्कृतीक कार्यक्रम, दर्शकहरु मध्येवाट दैनिक Face of The  Birat Goldcup छनौट गरि ताज पहिरिने र गिप्mटको व्यवस्था

टिकटक बनाई फेसबुकमा अपलोड गर्ने उत्कृष्ठ टिकटकरलाई रु.१०,०००।०० नगद पुरस्कार रु.२००।०० को टिकट किन्दा रु.२,०००।०० भन्दा बढी छुटको मज्जा रहनेछ ।

प्रतियोगिताको उद्घाटन र समापनलाई  भव्य आकर्षित बनाइनेछ ।

यो प्रतियोगितालाई सभ्य र भव्यताका साथ सम्पन्न गर्न पत्रकार मित्रहरुलाई साथ र सहयोगका लागि निवेदन गर्दछु ।

“विराटनगरको साथ फुटवलको विकास” भन्ने मूल नाराका साथ यही २०८१ फाल्गुण १९ गतेदेखि २८ गतेसम्म विराटनगरमा आयोजना गरिने “रमपम विराट गोल्डकप फुटबल प्रतियोगिता २०८१”  लाई  सफलता पुर्वक सम्पन्न गर्न सबैं पक्षवाट सहयोग र सद्भावको अपेक्षा राख्न चाहान्छौं भन्दै सम्पूर्ण उपस्थित पत्रकार मित्रहरुलाई धन्यवाद व्यक्त गर्दछौं ।