दुधकोशीमा बेपत्ता ३ वालवालिका मध्य एकको शब आज फेला प र्यो

श्याम राई, उदयपुर गाईघाट, १३ चैत्र | दुधकोशीमा बेपत्ता ३ वालवालिका मध्य एकको शब मंगलबार दिउँसो फेला परेको छ ।

स्थानीय बासिन्दा, प्रहरी र त्रियुगा नगरपालिकाका मेयर बशन्त बस्नेत सहितको खोजी टोलीले धाप्लाङंघाट भन्दा करिब १ किलोमिटर तल त्रियुगा साउने १४ का ९ बर्षिय रिदम मगरको शब फेला पारेको हो ।

आईतबार दिउँसो होली खेलेर दुधकोशीमा नुहाउन गएका ८ जना वालवालिका मध्य ३ जना बेपत्ता भएका थिए भने ५ जनालाई सकुशल उद्धार गरिएको थियो । बेपत्ताको खोजी सशस्त्रको गोताखोर टोली समेत परिचालन गरिएको थियो । उनीहरुले बेपत्ता वालवालिका नभेटेपछि टोली आजै फिर्ता भएको थियो ।

कोशीमा बेपत्ता हुने १२ वर्षिया रेखा मगर र वर्ष १२ का लोक वहादुर मगर अझै फेला नपरेको प्रहरीले जनाएको छ । साउने गाउँका उनीहरु होली खेलेर कोशी दिउँसो नुहाउन गएका थिए । शबलाई अहिले त्रियुगा नपाको शबबाहनबाट जिल्ला अस्पतालमा पोष्टमार्टमको लागि ल्याईएको छ ।