टयाक्टर दुर्घटनामा एकको मृत्यु

मोहन कुमार राई, असोज २८ गते |  संखुवासभा, पाँचखपन नरपालिका वडा नं. ४ स्तिथ टिमुरे भञ्ज्याङ्गमा टयाक्टर दुघटना हुँदा एकको मृत्यु भएको छ ।

ट्याक्टरका सहचालक पाँचखपन नगरपालिका वडा नं. १ स्थायी ठेगाना भएका  १८ वर्षका सविन कुमार तामाङको मृत्यु भएको हो । को २ त ४३३० नम्बरको ट्याक्टर टिमुरे भञ्ज्याङ्गको कच्ची सडकमा दुर्घटना हुँदा गम्भिर घाइते भएका तामाङलाई प्रहरी टोलीले उद्धार गरी उपचारको लागि स्थानीय स्वास्थ्य चौकीमा पठाइएको थियो । 

उपचारको क्रममा उनको मृत्यु भएको जिल्ला प्रहरी कार्यालय संखुवासभाले जनाएको छ । टयाक्टर चालक पाँचखपन नगरपालिका वडा नं. ३ का वर्ष ३४ को विक्रम भनिने बीरबहादुर गिरीलाई प्रहरी द्वारा नियन्त्रणमा लिई थप अनुसन्धान भईरहेको जिल्ला प्रहरी कार्यालय संखुवासभाका मिडिया समन्वय अधिकृत प्रहरी निरीक्षक राम कुमार लामिछानेले जानकारी दिनुभयो ।