लुटपाटमा संलग्न २ जना पक्राउ

बिराटनगर | जिल्ला मोरङ विराटनगर मनपा वडा नं.१२ रानी बस्ने रवि कुमार साह सुडी मोरङको रानीबाट बिराटनगर तर्फ मोटरसाईकलमा आउने क्रममा ऐ.ऐ. ११ रोडसेस स्थितमा पुग्दा मोटरसाईकलमा पिछा गर्दै आएका तत्काल अपरिचित २ जना

मानिसले निज रवि कुमार साहले चलाई ल्याएको मोटरसाइकल रोकी हामी प्रहरी हौं भनि १ जना निजको मोटरसाईकलमा बसी विराटनगर २ स्थित हनुमान मन्दिर परिषरमा लगि धाकधम्की दिई निजले साथमा ल्याएको नगद समेत राखेको ब्याग लुटी फरार भएको भन्ने सुचनाको आधारमा जिल्ला प्रहरी कार्यालय मोरङबाट खटिएको टोलीले निजहरुको खोजतलाश गर्दा मिति २०८०/०६/२४ गते जिल्ला मोरङ विराटनगर महानगरपालिका वडा नं.१ पानी टंकी बस्ने बर्ष ३८ को दिपक तामाङ र मिति २०८०।०६।२५ गते जिल्ला मोरङ विराटनगर महानगरपालिका वडा नं.-४ खार्जीबस्ने बर्ष ३६ को सुनिल थापालाई विराटनगर महानगरपालिका वडा नं.-१ धनावतपुल नजिक बाटोबाट घटनामा प्रयोग भएको मोटरसाइकल सहित पक्राउ गरी निजहरूको घरकोठा तलासी गर्दा नगद सहित निम्न दशीका सामान वरामद भएको छ | 

बरामद दशीको विवरणः-

1. बिराटनगर १ स्थितबाट बा ६७ प २५०४ नं. को Royal Enfieldमोटरसाइकल थान १

2. दिपक तामाङको घरको दराज भित्र लुकाएर राखेको रु.५,६५,०००/-(पाँचलाख पैसठ्ठी हजार) नगद

3. कालो रंगको झोला थान १ सो झोला भित्र रविकुमार साहको नागरीकता थान १,रविकुमार साहको नामको बैंकको चेकबुक, एटिएम थान ३, मोवाइल थान १, मोटरसाइकलको ब्लुबुक थान १ ।

4. सुनिल थापाको घरबाट रू ३,००,०००।- (तीनलाख) बरामद भएको ।