विपद् व्यवस्थापनको पूर्व तयारीमा जुट्यो सुन्दरहरैँचा

 

शिव भट्टराई भोजपुरे  मोरङ। रातो तारा डट कम,अविरल वर्षासंगै आउने बाढी र डुबानको समस्याबाट आइपर्ने विपद्का घटनालाई मध्यनजर गर्दै सुन्दरहरैँचा नगरपालिका विपद् व्यवस्थापनको पूर्व तयारीमा जुटेको छ । 

मंगलबार नगर कार्यपालिकाको आकस्मिक बैठक बसि विपद्मा जुट्न आवह्न गरेको हो । नगरप्रमुख केदारप्रसाद गुरागाईले बताएअनुसार जनप्रतिनिधि, सुरक्षा संयन्त्रहरुलाई उच्च सतर्कताका साथ राहत र विपद्मा खट्न आह्वान गरिएको छ । वडालाई समेत जिम्मेवार दिएर राहत र उद्धारमा तयारी रहन भनिएको छ । त्यस्तै उच्च जोखिम हुने स्थानका नागरिकहरुलाई सतर्क रहन समेत अनुरोध गरिएको छ भने आवश्यकतापरे पुर्नवासको लागि सुरक्षित स्थानमा स्तान्तरण गरिने समेत नगरप्रमुख गुरागाईले बताउनुभयो । यसैबीच बाढीसँगै आएको गछिया खोलाले बगाएर मृत्यु भएका रामबहादुर बिश्वकर्माको मृत्युप्रति नगरपालिकाले श्रद्धाञ्जली अपर्ण गरेको छ ।