नेपालमा पनि आज धान दिवस मनाइदै,

काठमाण्डौ असार १५ गते । रातो तारा डट कम, १९ औँ राष्ट्रिय धान दिवस, नेपालमा विभिन्न कार्यक्रमगरि भए पनि सरकारको किसानलाइ हेर्ने दृष्टिकोण गलत भएकाले आत्मा निर्भर भन्दा इडिया मुखि हुनु परेको छ । नाराका साथ मनाउन लागिएको धान दिवसको अवसरमा प्रधानमन्त्री शेरबहादुर देउवाले शुभकामना दिँदै नेपाली समाजमा आर्थिक, सामाजिक र सांस्कृतिक महत्वसँग धान खेतीको सम्बन्ध रहेको बताउनुभएको छ । सिँचाइ सुविधा विस्तार, धान बालीको अनुसन्धान र विकास, सहुलियत दरमा गुणस्तरीय बीउ र नेपालमै उत्पादन उधोगको मलखाद व्यवस्था, प्रविधि विस्तार, न्यूनतम मूल्यको कार्यान्वयन, बाली बीमा प्रवद्धनलगायतका विषयमा सरकारले काम गर्दै आएको प्रधानमन्त्री देउवाले बताउनुभयो । असार १५ अर्थात आजका दिनलाई नेपाली समाजमा दहीचिउरा खाने पर्वको रूपमा पनि मनाइन्छ । कामको चटारोले किसान थकित भएका बेलामा दहीचिउरा खाए शक्ति प्राप्त हुने विश्वास छ । २०६१ मंसीर २९ गते मन्त्रीस्तरीय निर्णय गरी नेपालमा २०६२ साल असार १५ गतेदेखि राष्ट्रिय धान दिवस मनाउदै आएको छ ।