ताप्ली गाउँपलिका–१ पिपल भन्ज्याङ्गमा आज साँझ आगलागी हुदा एक घर जलेर नष्ट भयो

 

श्याम राई÷उदयपुर  गाईघाट, १२ बैशाख । रातो तारा डट कम, हुरी बताससँगै परेको चट्याङले आँगलागी हुँदा उदयपुरको ताप्ली गाउँपलिका–१ पिपल भन्ज्याङ्गमा मंगलबार साँझ एक घर जलेर नष्ट भएको छ ।

साँझ ५ बजे तिर स्थानीय टेक वहादुर हमालको काठे घरमा चट्याङ परी आँगलागी भएको ताप्ली गाउँपालिकाका अगुवा कृषक तोप वहादुर हमालले बताए । चट्याङ परेको बेला हमाल घरमै भएकोले उनी सामान्य घाईते भएकाछन् । घरमा रहेको खाद्धान्न, लत्ताकपडा, धनमाल सबै जलेर नष्ट हुदा झण्डै ५ लाख बराबरको क्षती भएको उनले बताए ।

त्यसैगरि चट्याङ लागि कटारी नगरपाकिला–१० का अर्जुन सुनुवारको ३ वटा गाई र गोरु मरेको हमालले बताए । 

घर पछाडीको बारीमा चट्याङ पर्दा बाधेर राखेको गाई, गोरु मरेको उनले बताए ।