आजबाट सार्वजनिक सवारीसाधनमा लगाइएको जोरबिजोर प्रणाली हटाइयो

काठमाण्डौ माघ १५ गते । रातो तारा डट कम, आजबाट सार्वजनिक सवारीसाधनमा लगाइएको जोरबिजोर प्रणाली, हिजोको जिल्ला प्रशासन कार्यालय काठमाण्डौको आदेशबाट आजै देखि हटेको छ ।

सार्वजनिक यातायातमा जोरबिजोर प्रणाली हटेपनि ट्याक्सी र निजी सवारी (दुई पाङ्ग्रेसहित) मा भने जोरबिजोर प्रणाली यथावत रादिएको सुचनामा उल्लेख गरिएकोछ । जोरबिजोर प्रणालीले सार्वजनिक सवारीमा भिड बढेकोले जनगुनासो व्यापक भए पछि, भिडले झनै सङ्क्रमणको जोखिम बढेको भन्दै सरकारको आलोचना हुन थाले पछि यो कदम चालिएको हो ।  

विद्यालयमा भौतिक उपस्थितिमा पठनपाठन बन्द गर्ने माघ मसान्तसम्म मिति तोकेर प्रशासनको आदेशमा गरेको छ । यद्यपि प्राविधिक तथा भाषा परीक्षाहरु भने स्वास्थ्य मापदण्ड पालना गरी सञ्चालन गर्न पाउने उल्लेख छ । पार्टी प्यालेस, डान्स बार, रेष्टुरेन्ट, जिम र फिल्म हलमा यसअघिकै निर्णय अनुसार प्रतिबन्ध लगाइएको जनाएको छ ।,