काठमाण्डौ साउन २३ गते । रातो तारा डट कम,दार्चुलाको व्याँस घटनाको अनुसन्धानका लागि छानबिन गर्न गठित समिति पीडित पक्षसँग सोधपुछ घरेर फर्किएको छ । हेलिकप्टरमार्फत् बेपत्ता जयसिंह धामीको घर र नेपालतिरको घटनास्थल पुगेर टोली फर्किएको हो ।
विहीबार घटनास्थलको भारतपट्टि स्थलगत अवलोकन–अध्ययन गरेर सदरमुकाम खलङ्गा फर्किएको छानबिन समितिको टोली हिजो घटनास्थलको नेपाल तिर (राप्ला–माल) स्थलगत अध्ययनका लागि दिउँसो करिब साढे १२ बजे व्याँस प्रस्थान गरेको थियो । हेलिकप्टरमार्फत् गएको टोलीले नेपालतिरको घटनास्थल माल क्षेत्रको स्थलगत अध्ययन–अवलोकन गरी टोली फर्किएको छानबिन सदस्य तथा दार्चुलाका निमित्त प्रमुख जिल्ला अधिकारी ज्योत्सना भट्ट जोशीले बताउनुभयो ।
व्याँस गाउँपालिका वडा नम्बर २ स्थित बेपत्ता जयसिंह धामीको घरमा गृह मन्त्रालयको छानबिन टोलीपुगेको हो । छानबिन टोलीले पीडित परिवारलाई भेटेर घट्नाबारे जानकारी लिएको छ । स्थानीय, प्रत्यक्षदर्शी लगायतसँग सो घटनाबारे जानकारी लिएको निमित्त प्रमुख जिल्ला अधिकारी भट्टको भनाई छ । सेनाको हेलिकोप्टर मार्फत् ब्यास पुगेको टोली पीडित परिवारसँग भेटघाट र मालघाटको स्थलगत अवालेकन गरी हेलिकोप्टरबाटै फर्किएको हो । टोलीले घटनाका तीनै जना प्रत्यक्षदर्शीको बयान लिएको छ भने भारततिरको स्थलगत अवलोकन समेत गरिसकेको छ । नेपाली छानबीन समितिको टोलीले भारततिरको अध्ययन गर्दा एसएसबीका अधिकारीहरुको साथमै गरेकोछ । १० दिन भित्र प्रतिवेदन दिने गरी गठन गरिएको छानबीन समिति गठन गरिएको हो ।
साउन १९ गते जिल्ला पुगेको टोलीले प्रत्यक्षदर्शीहरुको बयान, राजनीकि दल, जनप्रतिनिधि, मानवअधिकारकर्मी तथा पत्रकारहरुसँग घटनाबारे जानकारी लिएको छ । साउन २० गते टोलीले जिल्लाका सरोकारवालाहरुसँग छुट्टा छुट्टै भेटघाट गरी घटनाबारे जानकारी लिएको हो । साउन १५ गते ब्याँस गाउँपालिका वडा नम्बर २ मालघाटमा तुइन तर्ने क्रममा भारतीय एसएसबीले तुइन काटिदिँदा धामी बेपत्ता भएको प्रत्यक्षदर्शीहरुले बताउँदै आएका छन् । तर, भारतीय पक्षले भने सो घटनामा एसएसबीको संलग्नता नभएको दावी गरेको छ । बेपत्ता धामी हालसम्म फेला परेका छैनन् । तर, उनका आफन्तहरुले भने कुशको पुतला बनाएर दाहासंस्कार गरिसकेका छन् ।
Post a Comment