एमसीसी पुर्ण रुपले राष्ट्रघाती हुने र षड्यन्त्र गरेर पारित गर्नु नहुने - पुर्व मन्त्री सुब्बा

 

शिव भट्टराई, सुनसरी । रातो तारा डट कम,अमेरिकन सहयोग परियोजना मिलेनियम च्यालेञ्ज कर्पाेरेसन एमसिसी पुर्ण रुपले राष्ट्रघाती हुने भन्ने कुरा आई रहेको समयमा षड्यन्त्र गरेर पारित गर्नु नहुने पुर्व मन्त्री रामकुमार सुब्बाले वताएका छन ।

पूर्वाञ्चलबासी नेपाली जनताको नाममा एमसिसी सम्झौता राष्ट्रघाती हुने भन्दै खारेजीको माग गर्दै आयोजना गरिएको मोटरसाईकल तथा कार र्यालीका क्रममा पुर्व मन्त्री सुब्बाले हतारमा षडयन्त्र पुर्वक पारित गर्नु नहुने वताएका हुन ।

पुर्व मन्त्री सुब्बाले एमसिसी पारित भए राष्ट्रलाई नै आघात पर्ने विषय उठीरहेको सवै एकमत हुनु पर्नेमा जोड दिदै हतारमा सम्झौता गरी हाल्नु नहुने सुझाव दिए । 

पुर्व घोषित कार्यक्रम अनुसार इटहरीबाट एमसिसीको विरोध गर्दैै मोटरसाईकल तथा कार र्याली इटहरी बजार परिक्रमा गरी विराटनगर पुगेर कोणसभामा परिणत हुने अभियान्ता हिरा आचार्यले जनकारी दिए ।