नेपाली जहाज आज कोरोना खोप लिन बेइजिङ जाने

काठमाण्डौ जेठ  १७ गते । रातो तारा डट कम,चिनिया राष्ट्रपति सी जिन फिङले घोषणा गरेको सहयोगको खोप लिन नेपाल वायु सेवा निगमको जहाज आज बेइजिङ जानेभ एको छ । निगमका महाप्रबन्धक डिमप्रकाश पौडेलले चीनले दिन लागेको खोप लिन विमान आज बेइजिङ जान लागेको सीआईएनसँग बताउनुभयो । तौल बढी नभएको अवस्थामा ८ लाख डोज खोप ल्याउने तयारी भइरहेको उहाँको भनाइ छ । आज राति ११ बजे बेइजिङको लागि उड्ने जहाज भोलि दिउँसो साढे २ बजे खोप लिएर फर्किने छ । गत बुधबार राष्ट्रपति विद्यादेवी भण्डारीसँगको टेलिफोन कुराकानीमा चिनियाँ राष्ट्रपति सीले नेपाललाई १० लाख डोज खोप अनुदानमा दिने घोषणा गर्नुभएको थियो ।