इटहरीको कवाडी सामान संकलन केन्द्रमा भीषण आगलागी हुदै

 

सुनसरी  । रातो तारा डट कम,  इटहरी उपमहानगरपालिका ६ स्थित पूर्वभूमिसुधार मन्त्री तथा राष्ट्रिय प्रजातन्त्र पार्टीका केन्द्रीय नेता रामकुमार सुब्बाको घरछेउमा सञ्चालनमा रहेको कवाडी सामान संकलन केन्द्रमा भीषण आगलागी भएको छ ।

आगलागी नियन्त्रणका लागि इटहरी, दुहबीलगायतका स्थानबाट आएका दमकल तथा प्रहरी र स्थानीयवासीले प्रयास जारी राखेका छन् । हालसम्म नियन्त्रणमा आउन नसकेको आगलागीबाट भएको क्षति यकिन हुन सकेको छैन । आगलागीको कारणसमेत अज्ञात रहेको इलाका प्रहरी कार्यालय इटहरीका प्रमुख प्रहरी उपरीक्षक (डीएसपी) अर्जुन केसीले जानकारी दिए । उनका अनुसार आगलागीबाट छेउछाउका अन्य पसलहरुमा समेत क्षति पुगेको छ ।